ليلي /احسن خليها تتربي
الام /بس يوسف حبيب سته مقلش حاجه
كنت خايفه اوي والله
ليلي /لا يوسف ده حبيبنا واكيد هيسمع كلمنا
الام/اوعي بقي لما اقوم اهدي الدنيا علشان
اسلام يعرف أن مبحبش المشاكل
ليلي /بس مش اوي فهمتني يعني سيبها
تاخد علقه محترمه برضه
الام /كفايه عليها كده وفعلا قامت ودخلت
الاوضه ليها
اسلام /اخرجي برا دلوقتي يا امي
الام /كفايه يا حبيبي لتموت في ايدك وبعدين
هي عرفت غلطاتها
فاتن وهي بتعيط /غلط اي بس انا معملتش
حاجه وانتي عارفه كده كويس اوي انتي ليه
بتعملي كده علشان ابنك يفضل معاكي أنا
ماشيه وسيباه البيت خالص كده انتي فرحانه
اسلام /هو انتي ليكي عين تكلمي امي كده
فاتن /والله انا ما عملت حاجه وربنا يعلم
أن دخلت البيت ده بحب وبعامل كل اللي فيه
بحب هو انا مش فاهمه انا هنا ليه لا فاهمه
وقولت لا هوضح لمامتك أن مش وحشه
اه انا كنت متجوزه قبل كده وحصل مشاكل
بس والله العظيم ذنبي الوحيد أن امانت لوحدها
معرفهاش ودخلتها بيتي انا ماشيه وفعلا مشيت
وكان اسلام واقف سكات وبعدها قالت الام
الام /والله يابني إنا مكنتش عايزه اقولك علي
انها عملت كده في يوسف علشان ميحصلش
اللي حصل ده
اسلام /أنا عايز اقعد لوحدي شويه
الام حاضر يابني اللي تشوفه ودخلت اوضتها
ونامت ودخل يوسف
يوسف /تيته يا تيته أنا جعان
الجده /يوسف انا عايزه أنام مش قادره
يوسف/طيب انا جعان اعمل اي دلوقتي
قومي اعملي ليا اكل
الجده /خد كيس شيبسي لحد ما اصحي
وابقي اعملك اكل روح بقي وخرج يوسف
ودخل الاوضه عند باباه
يوسف /بابا هي ماما فاتن كده مشيت
الاب /ايوه يا حبيبي حقك عليا والله لو اعرف
انها ممكن تعمل فيك كده عمري ما كنت
هجبها ليكم خالص وراح يوسف وقفل
الباب وقرب من ابو اوي وقال ليه
يوسف /انا عايز اقولك حاجه بس اوعي تقول
لتيته لتضربي وانت مش هنا
اسلام /قول يا يوسف متخافش فيه اي
يوسف /انا ضربت اختي فعلا وبعدها ماما فاتن
شفتني قالتلي انت ممنوع من الحاجه الحلوه
طول اليوم فأنا زعلت راحت تيته زعقت وقالت
ليها ملكيش دعوه وبعدين قالت ليا هلسعك
حاجه بسيطه وتقول لبابا أن ماما فاتن اللي
عملت كده وانا هديك فلوس كتير والفلوس
اهي بس عايز ماما فاتن والله دي طيبه جدا
اسلام /وانت ازاي تعمل كده يا يوسف
يوسف /والله تيته لما بقولها لا بتضربني
وكمان عمتو ليلي وانا خوفت بس اللي كانت
بتحبني ماما فاتن والنبي رجعها
اسلام /اعمل اي بس أرجعها ازاي بعد اللي
عملتوا فيها
يوسف /طيب انا جعان وتيته بتقولي كل
شيبسي وانا مش عايز شيبسي
اسلام/طيب تعالي يا حبيبي ودخل المطبخ
وحط اكل لابنه وبعدين نزل
وفي شقه ابراهيم كانت بتخبط فاتن
فاتن /انا اسفه يا اميره حقك عليا أن جيت دلوقتي
اميره /اي ده فيه اي تعالي ينهار ابيض مين
اللي عمل فيكي كده
فاتن /اسلام ضربني يا اميره انا هموت
ابراهيم خرج من اوضه /نعم نعم ضربك يعني
اي مش فاهم يومه اسود
اميره /اصبر بس يا ابراهيم نفهم فيه اي
ابراهيم /قولي يا فاتن اي اللي حصل وحكت
فاتن علي كل حاجه
اميره /انتي غلطانه يا فاتن
فاتن/نعم غلط في اي بقي معلش
اميره /مكنش ينفع تسيبي شقتك وباين
اوي أن حماتك ناويه عالشر الطيبه الزياده
اللي انتي فيها دي مينفعش في الزمن
اللي احنا فيه لازم تتغيري مينفعش كده
ابراهيم /ادخلي نامي وبكره هيكون لينا كلام
تاني معاه اسلام
اميره /لا اوعي تتكلم معاه دلوقتي سيبه
لحد ما يجي ولو مجاش هيكون لينا كلام تاني
فاتن /والله انا مكسوفه اوي منك يا اميره والله
اميره /عيب كلامك ده ادخلي يا حبيبتي
ريحي في اوضتك شويه لحد ما احضر العشا
واصحيكي تكلي
فاتن /انا محتاجه أنام اوي والله وفعلا دخلت
نامت
اميره /صعبانه عليا اوي ملهاش حظ في الدنيا
دي معرفش ليه كده مع انها طيبه اوي
ابراهيم /والله الله يكون في عونها دي لسه
متجوزه بقالها يومين يحصل فيها كل ده
اميره /بلاش كلامك ده قدمها بقي هقوم
اعمل الاكل
واسلام راح ل جمال صاحبه
جمال /يابني هو انت ليه مش راضي تعترف
انك عريس جاي ليه يابني
اسلام /عايز اتكلم معاك شويه
جمال /اي ده مالك فيه اي
اسلام /انا ضربت فاتن ومشيتها
جمال /الله يخربيتك انت ازاي تعمل كده
وفي أول جوزكم حرام عليك يابني وحكا ليه
كل حاجه
جمال /انا مش فاهم مامتك دي ليه بتعمل
كده هي عجباه أنها شايله مسؤوليه العيال
اسلام/انا مش عارف اعمل اي د
جمال /تتكلم مع امك وتعرفها انك بتكون
عارف كل حاجه وبعدين تروح تبوس رأس فاتن
وترجعها بيتها مفهوم ولا لا
اسلام /مش عارف بس حاسس انها
لا يمكن تسامحني
جمال /انت غلط في حقها ولازم تصلح ده
هي راحت فين دلوقتي
اسلام /معرفش بس خايف تكون راحت لابراهيم
ابن عمها بجد انا مش هعرف ابص في وشه
جمال /لازم تروح وتتكلم ودلوقتي
اسلام /طيب تعالي معايا
جمال /مينفعش طبعا روح لوحدك يلا قوم
وفعلا قام راح ورن الجرس وفتح ابراهيم
اسلام /مساء الخير ازيك يا ابراهيم
ابراهيم /هو انت ليك عين تيجي هنا
اسلام /قول اللي انت عايزه بس ارجوك
سبني اتكلم معاه فاتن
ابراهيم/فاتن مش عايزه تتكلم معاك وارجوك
طلقها بدون مشاكل مش بنت عمي اللي حصل
فيها كده
فاتن /بعد اذنك يا ابراهيم دقيقه واحده
اسلام /حقك عليا يا فاتن
فاتن /علي اي ان الكلمه كلمه امك ولا
انك ملكش شخصيه قدمها ولا علي انك
بتمد ايدك من غير ما تفهم هي لو كانت
مامتك شافت أن عملت كده كانت هتصبر
لحد ما انت تيجي ولا كانت هتتصل تقولك
انت متعرفش تحكم عقلك لمده دقيقه و
موبيل ابراهيم كان عامل يرن وهو يكنسل
بعدين رد بعصيبه
ابراهيم /الو يا امي عايزه اي
الام /الحقني يا ابراهيم يوسف وقع
من البلاكونه