رواية لقائنا كان فراق
الفصل التاسع9
بقلم ضحي ربيع
"النهاردة الجلسة الرابعة بس مش حاسس انك بتتحسني
*لأني حكيت كل حاجة الا سبب تدمير نفسيتي
"طب يلا نكمل
*يلا
Flashback
*جاسر في اي طيب فهمني
مكنش بيرد عليا كان مستعجل وباين عليه انه خايف اوي
وصلنا البيت وكانت حالته مش طبيعية دخل اتكلم مع خالي ومرات خالي
في الوضة ولما خرجوا لقيتهم بيبصولي وشهم اصفر
تعبيرات الخوف متملكاهم محدش اتكلم معايا بكلمة حتي
عدي حوالي اسبوع مشوفتش فيهم جاسر غير مرتين
تلاتة وكان المرة دي متعمد يبعد البيت كان وضعه غريب
مراته مكنتش بتفوت فرصة تستفزني بس كنت بطنشها كتير
كنت بلبس عشان حصة المراجعة
لقيت رقم غريب بيرن
*....
-السلام عليكم
*وعليك السلام مين
-انا عيسى
*عيسى مين
-عيسى حادثة العربية ودراعك الي اتكسر
*اه اه اتفضل
-امم المفروض النهاردة عدي شهر ومعادك مع الدكتور وانا منتظر حضرتك تحت عشان اوصلك
وقفل قبل ما اتكلم
خلصت لبس ونزلت عشان الحق الحصة
لقيته واقف عند بابا السنتر
-اتأخرتي بس مش مشكلة انا كلمت الدكتور واستأذنته اننا هنتأخر
*معلش ممكن افهم بس اي الي حضرتك بتعمله ده لو سمحت اتفضل امشي
-لو سمحتي اتفضلي انتِ معايا خلينا نلحق الدكتور وياستي مش هتشوفيني تاني بس اتأكد ان الكسر خف
'شهد انتِ جيتي اصل مستر حمزة لغي الحصة
*لغاها؟؟طب شكرا يانور
-ها وادي كمان حصتك اتلغت اتفضلي بقي
ركبت عشان اخلص من الالحاح لأني بكره الزن وعشان المستشفي بعيدة اصلا
-هو انتِ بتمتحني ازاي وايدك مكسورة
*اصلي شولة بكتب بالشمال يعني
لقيته بصلي بدهشة
-سبحان الله
تعرفي ان الحكاية دي غالباً وراثيية
*اه سبحان الله
حسيته بدأ يستعبط ويجر كلام ف مردتش عليه
لغاية ماوصلنا للمستشفي
-طيب يا انسة شهد احنا بس محتاجين اشاعة نتأكد ان الكسر بيلتئم
روحنا مركز الاشعة وعملت اشاعة
وانا خارجة اتطلب مني أملي استمارة
اخدها هو يكتبها
-اسمك شهد اي
*شهد محمد عبد اللطيف
لقيته سكت وهو باصص للورقة
-الاسم رباعي
*شهد محمد عبد اللطيف صديق
تنح شوية وبعدين كتب الاسم
والغريب انه كان بيكتب بالشمال برضه
-عاال خالص الكسر التأم وان شاء الله تقدري تفكي الجبس كمان ١٥ يوم
"تمم شكرا لحضرتك
انا وجاية اخد الروشته والاشعة كان في دبوس كسر ضوفري
*اااه
-اسم الله عليكي مالك
*ضفري اتكسر
مسك ايدي وشال بقيت الضفر
عدي اليوم واصر يوصلني للبيت
*بس نزلني هنا
-عايز اعتذر لو كنت مصدر ازعاج او حسيتي اني بضايقك انا مكنش قصدي كده ولكن بحب اصلح اي غلط اعمله وياستي ان شاء الله مش هتشوفيني تاني غير بس لما تفكي الجبس ممكن؟
*مفيش داعي والله لتعبك
-لو سمحتي ده اخر طلب
*خلاص تمم ان شاء الله بعد اذنك.
نزلت من العربية
كان الباب مفتوح وانا داخلة سمعت سيلين بتقول لجاسر تعالي شوف
قريبتك نزلة من عربية مين
فجأة لقيت جاسر بقي قدامي وعيونه حمرة
^انتِ ركبتي مع حد عربيات يا شهد
خوفت واتكلمت بتقطيع
*ااا اصل هو يعني بس وصلني المستشف...
مكملتش جملتي ولقيت نفس القلم الي من ٤سنين نزل علي وشي
والله وعلي قلبي
^انتِ فاكرة عشان سبتك تكملي يبقي تصيعي علي حل شعرك لا ده اقسم بالله اقتلك واقتله زي مقتلناها فااااهمة
كلامه قتلناها وهقتلك اي ده في اي
لسه هسأله واقوله قتلت مين لقيت امه بتصرخ جري من قدامي وانا مصدومة لقيت مراته وقفت قدامي
واتكلمت بسخرية
-هيقتلك زي ما ابوه قتل امك وابوكي يا حلوة........♡♡