رواية النصيب الجميل
بقلم فاطمه سعيد
الفصل السادس عشر
...فاسرعت هي ف مشيتها والخوف ماليها وفجأه وهي بتعدي الطريق جااات عربيه وكانت هتخبطها علي اخر لحظه فجأه نزل منها ...
_انتي ايه اللي موقفك ف الوقت ده ومين ده قالها بزعيق
فاطمه بصت علي للي بيكلمها فجأه جريت تستخبي وراه هي وبتترعش
بقولك : مين ده
فاطمه : والله العظيم مااعرفه ي غيث
الشاب : ايه ياأبا انت مين الحلوة تلزمني
غيث بهدوء قاتل : تمام.. وفجأه انهال عليه بالضرب المبرح
وقام وجه كلامه لفاطمة : اركبي قالها بزعيق
فاطمه : ح حاضر
__وركب غيث العربيه واتحرك
فاطمه ساكته وهتموت من الخوف وغيث متعصب وشغال يضرب ف دريكسيون العربيه
غيث بزعيق : بدال مافيش زفت مواصلات مااتصلتيش بيا ولا بسيف ليه
فاطمه بخوف : ووالله خوفت اعطلكم عن شغلكم
غيث : بس خلاص ولا كلمه
فاطمه : بالله ي دكتور ماتقولش لسيف
غيث بسخريه : ايه خايفه بس انا مش هقلو مش عشانك انتي واحده مابتفهميش علشان سيف متهور ومش بيفكر
فاطمه : ششششكرا
غيث بنفاذ صبر : يلا انزلي وصلنا
فاطمه فتحت الباب ونزلت علطول
_____فاطمه فتحت باب المنزل ودخلت بدون كلام
لبني : بسم الله الرحمن الرحيم مالك ي بنتي
فاطمه : مافيش ي ماما تعبانه شويه من المدرسه والدروس طول اليوم انا هطلع انام تصبحي على خير
لبني : طيب اعملك حاجه تشربيها
فاطمه : لا
لبني : طيب ي حبيبتي وانتي من اهل الخير
____وفجأه دخل غيث
لبني : مالك انت كمان قالب وشك جرالكم ايه ي ولاد النهارده
غيث : مافيش ي ماما مرهق شويه ... سيف فين
لبني : قال انه هيبات ف الشركه النهارده معاه شغل كتير
غيث : تمام هطلع انام انا .. تصبحي على خير
لبني : وانت من اهل الخير ربنا يريحك ي بني
*****************
____في صباح اليوم التاني بمنزل الاستاذ جمال
عهد : ي وعد اصحي ياربي كل يوم نفس الحوار ي بنتي قومي الساعه ٩ دلوقتي
وعد : طيب ولما هي لسه ٩ بتصحيني ليه ي شيخه
عهد : يابنتي ده انتي نايمه ١٠ بالليل كفاياكي نوم ويلا علشان نشتري شويه طلبات من بره وكمان عايزة اشتري خمارات اصل قررت اختمر
وعد بفوقان : واوووو بجد ده هيبقي يوم دمااار
عهد بضحك : طيب يلا ي مجنونه علشان نفطر وننزل
وعد : فوريره
_______علي مائده الإفطار____
وعد : وسمعني احلي صباح لااحلي بابا ف الدنيا
جمال : وسمعني احلي تحيه للبنت ديه
وعد وهي تسحب الكرسي : ايوة ي حج ي كايدهم كلهم
جمال : ي بنتي ااعقلي ده احنا هنجوزك
وعد لباباها بمرح : لو مش عاجبك طلقني ها
عهد : لا ي حبيبتي الكلام ده تقوليه لسي حمزة بتاعك
...وعد قلبت طماطم😂
عهد بمرح وتسقيف : شوف ي بابا قلبت طماطمايه ازاي
جمال بضحك :خلاص ي عهد ماتكسفهاش ...ها قلولي رايحين فين بئا
عهد هتتكلم...
وعد بمقاطعه : سبيلي الطلعه دي سيلفو بلاااااي مزمازيل
عهد بضحك : المسرح ليكي والمايك ف ايديكي
جمال بتمثيل : حتي انتي ي عاقله..عوض الصابرين يارب .. ها اطربيني
وعد بجديه مزيفه : شوف يابابا بنتك اللي بتقول عليها العاقله المحترمه عايزة تعمل ايه
جمال بضحك داخلي وفاهم وعد : وياتري عايزة تعمل ايه ي وعد هانم
وعد بضحك : خلاص ي حج شكلك كشفتني المهم بنتنا العاقله كبرت وبقيت تاخد قرارات من دماغها بس إنما ايه قرارات فله اختنا الانسه المصون عهد جمال عايزة تختمر
جمال : بفرحه بجد ي عهد
عهد باابتسامه : ايوة يابابا ده بعد اذن حضرتك طبعا
جمال : طبعا موافق ودي بعدها كلام وقااام بااحتضاانها مكملا ... انا فخور بيكي اووي .. ووجه كلامه لوعد طيب ايه
وعد بجديه : طبعا ي بابا الخمار حاجه جميله وستر وربنا سبحانه وتعالى أمرنا بيه بس حابه قبل مااخد الخطوة دي اكون واثقه من قراري علشان الحاجه دي بالذات لا تراجع ولا استسلام
جمال بفخر : لا عاجبتني دماغك والله وبتقولي حكم ي وعد
وعد بغرور وهي تعدل لياقتها الوهميه : من يومي ده انا أعجبك أوي ي جيمي
جمال بضحك : ي سيدي ي سيدي
ثم بص لعهد : خدي الفلوس دي خليها معاكي
عهد : لا يابابا الفلوس اللي ادتهالنا لسه موجوده
جمال : خليها معاكم يمكن تحتاجوها
عهد ووعد : يباركلنا فيك ي بابا
جمال : وفيكم ي حبايب بابا .. طيب اوصلكم ف طريقي
وعد : لا يابابا اتفضل انت ف حفظ الله احنا لسه هنلبس ومطولين
جمال وهو يبقل راس كلا منهما : طيب ي حبايبي خلوا بالكم من نفسكم
عهد ووعد : حاضر ي بابا
وذهب .
عهد لوعد : يلا بسرعه ندخل نلبس علشان نلحق
وعد تمام
...بعد ساعه كامله
___علي السلم
عهد لوعد : صحيح ي وعد قولتي لحمزة انك خارجه
وعد وهي تضرب راسها بأيدها : اوبس نسيت ثم اكملت :
أنا هسبقك انزلي انتي استنيني تحت هروح اقوله يارب الحقه بس
.......
حمزة : طيب ي ماما انا همشي بقا عايزه حاجة
جميله : عايزاك بخير...ف حفظ الله ي حبيبي
____ترن ترن ترن
جميله : شوف مين ي حمزة انت وخارج
حمزة فتح الباب : ايه ده القمر عندنا
...بصتله وعد باابتسامه
جميله من الداخل : مين ي حمزة
حمزة : القمر اقصد وعد
وعد : صباح الخير ي ماما
جميله بترحاب : صباح الجمال علي عروستنا
وعد باابتسامه : تسلميلي يارب ي ماما
جميله : ادخلي ي وعد واقفه علي الباب ليه
وعد بااستعجال : معلش ي طنط لما نرجع اصل خارجين انا وعهد
جميله : طيب ي حبيبتي خلوا بالكم من نفسكم
حمزة باانفعال مسك ايدها جامد : رايحه فين من غير مااعرف
وعد باافلات : حمزة سيب ايد بتوجعني
....حمزه خرج بيها وقفل الباب
حمزة بزعيق خفيف : انتي ازاي خارجه وماتقوليش
وعد بهدوء : اظن انت شايف انا دلوقتي واقفه فين
حمزة بغباء : قدام شقتنا
وعد بضحك : يبقا ي فكيك قدام شقتكم ليه علشان اقولك
حمزة : طيب ماقولتليش من بدري ليه
وعد : علشان مااعرفش غير لما عهد صحتني وقالتلي خارجين عشان نشتري شويه حاجات
حمزة بتفهم : تمام ي وعد وهتشتروا ايه
وعد بضحك وهي تترك ايده وتذهب من أمامه : سربرايز..سربرايز.
حمز بضحك : طيب استني ي مجنونه هوصلكم
وعد وهي تغادر : لا اصل المحلات اللي عايزاها عهد قريبه سلاام
حمزة باابتسامه : سلام ي وعد
********
في منزل سيف....
...صباح الخير ي جماعه وذهبت ل لبني لتقبل يدها
لبني : صباح ال خير ي نور عيني تعالي افطري
فاطمه هي وبتسحب الكرسي
غيث وقف وقبل رأس والدته بدون ادني اهتمام لوجود فاطمه : عايزة حاجه ي امي انا مضطر امشي
لبني بااستغراب لانه قبل نزول فاطمه قايلها ان مافيش شغل كتير النهارده : لبني عايزة سلامتك ي حبيبي
فاطمه وقفت ومسكت شنطتها موجهه كلامها لغيث : خليك ي دكتور مش مضطر تمشي علشاني انا اللي ماشيه( ملحوظه ... فاطمه سمعت كلام غيث انه مش معاه شغل هي
وعلي السلم )عن اذنك ي ماما علشان اتأخرت جدا علي المدرسه
لبني : اتفضلي ي حبيبتي خلي بالك من نفسك
لبني بعد ذهاب فاطمه مخاطبه غيث بعتاب : ليه كده ي بني تزعلها منك ولو علي اللي حصل امبارح هي لسه صغيره ماتعرفش حاجه
غيث : ماتخلنيش اندم ي امي اني قولتلك وعلشان تتعود بعد كده لما تكون في مشكله تلجألنا .. قال خافت يكون معانا شغل مايغور الشغل انا طالع اوضتي
لبني بضحك : ربنا يهديك ي ابن بطني طول عمري بفهك مش ابني
***********
----------ف السوق
عهد : حرام عليكي ي شيخه انا تعبت اومال لو مش انا اللي جايباكي معايا
وعد : ي ستي انتي هتعايرينا دي المرة العشروميت الف تقولهالي وبعدين ايه مش بختار علي زوقي
عهد : طيب ياريت ننجز انا رجلي ورمت ده انا اشتريت الخمارات ف ربع ساعه وانتي ليكي ٣ ساعات ولا لون عاجبك
وعد : الحقي ي عهد.......؟
تعليقات
إرسال تعليق