رواية من انا
الفصل الثامن والثلاثون38
بقلم الاء الرحمن
قيس :البيت بيتكم يا جماعة انا عندي مشوار صغير ومش هتأخر تمام
مبارك :استنى يا قيس انت ليك عندي امانة سبتها عندي
قيس باستغراب :امانة ايه
مبارك خرج من الشنطة الي معاه حاجة كده مغلفة واداها لقيس
قيس بأستغراب :ايه ده
مبارك :ما تفتحوش دلوقت افتحه وانت لوحدك
قيس بتفهم :اها ان شاء الله هشوفه اول ما افضى
وبص على سهير والدة الاء :انتي هنا صاحبة بيت يعني البيت بيتك
سهير بابتسامة :والله وحستني يا قيس
قيس ابتسملها وبص على والدته
امي ضيوفي بأمانتك
ايناس :ايه الي بتقوله يا ابني دول في عيونا
علاء ببرود:امي وعم مبارك هيروحوا شقتي هي بس كانت عايزة تتطمن على الاء وتشوف عروسة ابنها الي لسه ما نزلتش لدلوقت
قيس شد على ايده بغضب :انا هحترم الناس الي قاعدة دي ومش هرد عليك وطنط سهير وعم مبارك مش هيخرجوا من هنا
سهير:لا يا ابني انا اعذرني في حاجات كتير لسه هعملها لعلاء في بيته قبل ما يتجوز
الاء :ماما ارجوكي افضلي هنا انتي وحشاني جدا وانت يا عم مبارك
مبارك :انا عني قيس وحشني جدا والاء كمان فأنا افضل اني افضل هنا
قيس بابتسامة :تنوور يا عم مبارك ده بيتك
هنا نزلت مسك :السلام عليكم
سهير بابتسامة :اهلا اهلا بعروستنا ازيك يا حبيبتي
مسك بأدب :اهلا يا طنط عاملة ايه
سهير :انا كويسة
ما شاء الله تجنني يا بنتي سبحان الخالق
مسك :شكرا
علاء عينه كانت بتاكل مسك وايناس خدت بالها من ده
ايناس :ايه يا علاء ازيك
علاء رفع حاجبه :واحشاني تصدقي
ايناس ضحكت جاامد والكل مستغرب بتضحك ليه
احم اتسهل انت يا ابني
قيس :عن اذنكم ومش هكرر البيت بيتكم
ايناس قامت توصله على الباب
قيس قرب منها :ماما الزفت الي اسمه علاء ما يقربش على مسك ابدا
ايناس :ايه الي انت بتقوله ده دي بكره بس هتبقى مراته
قيس بغضب :لما تبقى مراته يبقى يعمل الي عايزه معاها
ايناس 😏:طيب روح لشغلك انت دلوقت وبعدين نتكلم
خرج قيس وايناس اتنهدت ورجعتلهم :والله نورتوا يا جماعة
وبصت على مسك
ايه يا مسك ما تاخدي علاء وتقعدوا لوحدكم
مسك برقت عينيها
علاء بنفسه :,ده انتي جيتي على حجري يا حماتي
ايناس :مسك سمعتيني قولتلك ايه
مسك :ماما انا
علاء فضل ساكت
ايناس بغضب مصطنع :مسك انا بكلمك
مسك بدموع متحجرة :حاضر
ومشيت قدامة وهو غمز ايناس ومشي
مسك دخلت الاوضة وهو حصلها على طول وقفل الباب
مسك بغضب :انت قفلت الباب ليه
علاء وهو بيقرب منها :وحشتيني
مسك بغضب :ابعد وما تقربش انا مش طايقاك وبكرهك وبكره اليوم الي أمنتلك وضيعت نفسي فيه
علاء :مسك اهدي كده وفهمي انا لما بعدت كان غصب عني والله غصب عني انتي ما تعرفيش انا عشقت ازاي
مسك :وانا كرهتك كرهتك بنفس القدر الي عشقتك فيه تخيل انا مفيش حد اذاني بالعالم قدك انت ضيعتنا يا علاء ضيعتنا
علاء بغضب :انا ما عملتش حاجة انا كنت متجوزك والورقة معاكي اختفت ازاي انا ما اعرفش وابننا مش انا الي اجهضته ولا اعرف ازاي وصلت الحبوب ليكي واخذتيها على انها فيتامين حتى لما دفنتوه انا ما عرفتش مكانه ولنا شفت قيس قلي كلمة وحده لو عايز مسك تعيش مش عايزك تقرب منها ولا هدفنها مع ابنها وبص في عنيها
انا لما بعدت بعدت بسببك انتي على شانك انتي وبس
مسك بدموع :انت سبتني في نار نار قيس الي ما بتنطفيش نار قيس الي كل انا بيشوفني بيلومني عملت كده ازاي فيه ازاي كسرتله ضهره كده انت رمتني وما سألتش فيا انت نسيت انا كنت ابقى مين بالنسبالك وسبتني
علاء مسك دراعها :كل حاجة حصلت كانت غصب عني
مسك نزعت ايدها منه :ابعد عني ومتلمسنيش
علاء مسك اعصابه :انتي بكره هتبقي مراتي فاهمة يعنني ايه
مسك :انا مجبورة عالجوازة دي فاهم يعني انت ولا حاجة بالنسبالي يعني ملكيش لا حقوق ولا واحبات عليا
علاء بصلها بنظرة غضب وبلحظة شدها من وسطها وقربها ليه
مسك بغضب :ابعد عني انت بتعمل ايه
علاء ثبتها :انا بحبك بعشقك وعمري ما بطلت احبك
مسك بقرف :وانا عمري ما كرهت حد قدك و
علاء ما سابهاس تكمل وقرب منها خد شفايفها بقبلة دامية
مسك حاولت تبعده ما قدرتش
علاء بعد عنها لما حس بفقدانهم للهواء
مسك بغضب :انت ازاي تعمل كده
علاء وهو خارج بكل برود :ده الرد على الي قولتيه وهتلاقي نفس الرد كل اما احس انك بتكرهيني
وسابها وخرج
ومسك بصتله بغيض وخبطت رجلها بالأرض بطفولة
علاء لوالدته :يالله يا امي
الاء :لسه بدري ارجوك سيب ماما شوية
علاء بص لالاء :كفايا كده عندي مليون حاجة لازم اجهزها
ايناس :امال مسك فين
مسك خرجت وباين عليها الغيظ :انا هنا
علاء بصلها وكتم ضحكته ومسك بصتله بغضب
علاء استأذن هو ووالدته
ومبارك طلب من الاء انه عايز يستريح
وخدته لاوضه فاضيه
هنا ضربتلها ضحى
الاء :الوو ازيك يا ضحى
ضحى باستغراب :كويسة لكن مصدومة
الاء :مصدومة من ايه مال صوتك عامل كده ليه
ضحى :عماد
الاء باستغراب :ماله عماد
ضحى :ضرب على بابا وقاله انه هيجيلنا النهاردة بالليل
الاء بفرحة :بجد طيب ومصدومة من ايه اكيد هيطلب ايدك ولا ايه الي هيخليه يجي لابوكي وفي الليل
ضحى بدموع :الاء ده قولتله اني بحبه ورفض حبي ده ده بيقولي انا لا عايز احب ولا اتحب وسابني مجروحه ومشي
الاء بتفهم :ضحى يمكن انا اخر وحده ممكن تنصحك وخاصه في موضوع عماد لكن صدقيني عماد راجل كويس جدا جدا واي حاجة حصلت منه هتكون لانه مش عايز يضلمك
ضحى بدموع :ادعيلي يا الاء ادعيلي
الاء :ربنا ييسرلك كل الخير يا صحى لكن
ضحى باستغراب :لكن ايه
الاء بدموع :احنا هنفضل صحاب مش كده
ضحى اتنهدت :الاء انا اكتر وحده اعرف انك ما بتحبيش عماد
الاء بابتسامة :بحبك يا بت
ضحى بابتسامة :وانا كمان قوليلي بقى حضرتي فستان الفرح
الاء خبطت على دماغها :يا لهوي ده قيس اكد عليا احضر كل حاجة
ضحى :هههههه يا مجنونة بكرة فرحك يالله تلحقي
الاء قفلت معاها ونزلت لمسك
..................................................
عند قيس وعماد
قيس كان بيبص حواليه كان مكان مخصص للقتال الرياضي في كل الاجهزة الممكنة الي ترجع لياقته البدنية
قيس :تحفة
عماد :كويس انه عجبك
قيس :حلو اوي كده انا لازم ابتدي من النهاردة لازم اجهز كويس اللاعب الايطالي قوي جدا ومفيش بطولة ما كسبهاش
عماد :املنا فيك يا بطل بقولك
قيس :ايه
عماد :انا هروح اطلب ايد ضحى النهاردة
قيس بصدمة. :بجد
عماد :ايووه ما تتصدمش يالله عندي كم حاجة هشوفها واكلمك
قيس :اوك
قيس افتكر الامانه الي ادهاله مبارك
وفتحها
كان دفتر مكتوب عليه مذكراتي