الفصل الاخير
بقلم الاء محمد
لقيت الباب بيرن قمنا نفتح الباب لقيت مالك ف وشي استغربت الصراحه ايه اللي جابه ده هنا وعايز ايه
=نعم يا مالك عايز ايه
_مش تقولي اذيك الاول ولا عامل ايه
=مفيش بنا كلام انا قولتلك اني مش عايزه اشوفك تاني جي ليه بقي
-عايز اتكلم معاكي شويه بص لمراد ولوحدينا
كنت هعترض لقيت مراد بيقولي اسمعي كلامه واقعدي معاه
سمعت كلام مراد وطلعت انا واللي اسمه مالك ده ف الجنينه
=عايز ايه بقي
ملامحه اتغيرت ولأول مره اشوف الحنيه ف عيون مالك وقال بدموع اول مره اشوفها _انا بحبك اوي يا مريم بحبك من واحنا صغيرين انا اللي قولت لعمي يسميكي مريم لاني بحب الاسم ده بحبك من ايام ماكنا أصحاب حبيتك من اول لحظه شوفتك فيها انتي اكتر واحده حبتها وعلشان كده كنت ببعدك عني لاني خايف ااذيكي انا من بعد موت بابا مكنتش عايز اتعلق بحد ولا حد يتعلق بيا علشان خاطري ارجعي معايا وانا اوعدك اني مش هدايقك خالص
=هههههه ضحكتني يا مالك والله
ملامحي اتغيرت وبقت كلها غل=انت اكتر واحد آذاني انت اكتر واحد بكاني انت سبب كل العقد اللي ف حياتي كنت
بديك حب واهتمام تقوم تردهولي إهانه وقله قيمه انا بكرهك يا مالك قد حبي ليك زمان انت اول واحد يدخل الكره ف قلبي زي ما دخلت الحب زمان فيه انت عملي الاسود اللي كان ملازمني ودلوقتي واخيرا خلصت منه أخرج من عايزه اشوف وشك تاني لاني كل ما ببص فيه بحس بقرف وبزعل من نفسي لاني ف يوم حبيت واحد زيك عديم القلب والرجوله اتفضل وياريت مشوفكش تاني لا انت ولا اي حد من اهلي
قام مالك من قدامي وخرج وهو ف حاله صدمه كان متوقع اكيد اني
همشي معاه بس انا خلاص مش هقدر ارجع اعيش الحياه دي تاني قعدت اعيط لاني مكنتش احب اتحط ف الموقف ده لقيت مراد داخل عليا واخدني ف حضنه ومطبطب عليا كميه حنان ودفا حسيت بيهم رهيب
مع مالك لما كان بيجي ياخد حاجه من العربيه جمبي مره وحده كنت بخاف وبتخض بحسب هيمد أيده عليا لكن مع مراد بلمسه منه بحس بأمان وراحه عمري محسيت بيهم
لقيته بيقولي _مريم انا بحبك
خرجت من حضنه وانا بقول بصدمه=ايه
_ايه ،ما انتي عارفه اني بحبك من وانتي قد كده وعمري ما شوفت حد زيك ولا هشوف وهتجوزك كده كده بقي
قعدت اضحك من الفرحه وإصراره علي اني توافق
قولت بهزار وانا بتنك كده=مش بفكر ف الموضوع ده دلوقتي اعظرني
_اتلمي يابت كتب الكتاب بكره وده اخر كلام
=بس انا لسه متمتش سن الرشد
_انتي مواليد كام يا متهوله
قولت ببلاهه=١٠/٢٤
_وبكره ايه يا آخره صبري
ببص ف الفون لقيت أن انهارده عيد ميلادي وانا مكنتش واخده بالي قولت بضحك=١٠/٢٤
انا تميت ال٢١
يعني تميت سن الرشد ايوه بقي
_هبله بحب هبله والله
=والهبله بتحبك
اتجوزنا انا ومراد معملناش فرح لأن انا وهو محدش فينا بيحب الدوشه نحب الهدوء فكتبنا الكتاب بس
حياتي انا ومراد هادئه فيها مشاكل اه بس بنتصالح ف أقل من ٥دقايق هو حبيب القلب اكتشفت اني مبحبش
مالك أو حبي لمراد اكبر وانقي من حبي لمالك مبقاش يخطر على بالي اصلا مراد مالي عليا الدنيا والله خلفت بعد سنه بالظبط يوم ١/٢٤
يوم عيد ميلادي
ويوم فرحي
ويوم ميلاد ضي بنوتي القمر
عيلتي الصغيره الجميله الهاديه بنحاول انا ومراد علي قد ما نقدر ندي حب ودفي لضي علشان متشحتهوش من بره وتلجأ لعلاقه توكسك زي كده زمان
ماما توفت بعد ٤شهور تقريبا من جوازي زعلت عليها ده اكيد بس نستها بسرعه لأنها مكانتش معلمه جوه قلبي
بحبها اخدت ورثي ونصيبي من الشركه بس مراد أصر أن دي فلاسي احطها ف البنك وانه هو الراجل هو اللي يتكفل بينا أنا وبنوته راجل
حمش جميل لطيف رقيق حنين فيه كل المواصفات الحلوه الولا مراد ده
اخر حاجه احب اقولها ليكم اوعي تكملوا ف علاقه سامه علاقه بتستنزف كل طاقتكم
اوعي تكملوا ف علاقه انتوا اللي بتبذلوا فيها مجهود لكن الطرف التاني ولا الهوا
اوعي تكملي ف علاقه بتتهاني فيها أو بتتمد أيده عليكي فيها كل يوم مع الشخص ده هتاخد حته من قلبك وروحك هتطفي
انا مش من الناس بتاعت حقوق المرأة وكده ولا مع الناس اللي بتقول الست احسن من الراجل لا ربنا خلقنا علشان نكمل بعض الراجل اقوي جسمانيآ من الست لكن الست اقوي من الراجل ف التحمل
الراجل احسن من الست ف الشغل لكن الست احسن من الراجل ف التربيه والمسؤليه
ربنا خلقنا علشان نساعد بعض ومحدش يجي علي التاني ولا يهينه
العلاقات التوكسيك بتدمر وتتلف الإنسان
كل واحد فينا راجل أو ست يستاهل عيشه سويه عيشه هاديه يستاهل
يحب ويتحب يستاهل كل الحب والراحه والسعاده اللي ف الدنيا
حبوا نفسكم الاول وبعدين دوروا علي اللي يحبكم ويحافظ عليكم ❤️
🌹 🌹🌹🌹🌹🌹🌹🌹🌹🌹🌹🌹
تمت