Ads by Google X

القائمة الرئيسية

الصفحات

رواية اصابك عشق الفصل السابع7 بقلم اسما السيد

       


  رواية اصابك عشق 
الفصل الاول 
بقلم اسما السيد 



بفيلا الرشيد..

ــــــــــــــــــ

لم يصرخ..لم يستطع..ابتلع صرخته بجوفه ولم يبوح به

لطالما كان متماسكا قويا..في الشدائد والمصائب...

بهدوء

حملها علي ذراعيه..ووضعها علي الفراش..

قلبه يؤلمه..عليها..طبيعته الهادئه لا تساعده ابدا..

الصدمه كانت شديده عليهاا، ولم تتحملها..

نيره..

نادي عليها برعشه بصوته..

لربما هو هادئ ظاهريا والجميع يخدع بهدوءه..لكن قلبه يغلي كالنار..

حصري لجروب ولنا في الخيال حياه

هو هكذا..هادئ متماسك..الي ان يفيض به

ويصبح جمره نار

مد يده يتفقد نبضها..جسمها بارد ووجهها شاحب..

خرج مسرعا ينادي علي والده..

بابا..

عمران بصدمه....مالك ياباسم،في حاجه ولا ايه؟

باسم بلهفه... بابا نيره مغمي عليها..

وهي اساسا عندها فقر دم تعالا بسرعه

عمران بصدمه.. طب بسرعه، قدامي اما نشوفها..

بعد نصف ساعه..

كان يجلس بجانبها بعدما اسعفها والده وعلق لها محلولا مغذيا..

تفتح عيونها وتغلق بتعب..

باسم بحنان..نيره افتحي عيونك انتي كويسه.؟

نيره بصوت يكاد يسمع..انا فين؟

مد يده يمسح جبينها..الف سلامه عليكي يانيره..

فوقي بس..والله كنت هقولك بس الظروف جت كدا..

فتحت عيونها وانتبهت اخيرا وتذكرت ما حدث..هي هنا..؟

اغمضت عيونها بخيبه امل، وتسللت دمعه من جانب عيونها..تذكرها بكم هي رخيصه

لقد باعوها..

اهذا ما يود اخبارها به.؟

جاء وقتها وباعوها كجميله وجوان..اي قدر بائس كتب عليهم..

لا عجب مما ستلقاه..يجب ان تتقبل مصيرها باحترام.

لا لوم ولا اعتراض..  لتؤجر

علي قدر البلاء نؤجر.. 

مادام اهلها باعوها..من تنتظر ان يشتريها..

هو؟

عائلته؟

تنهد ومد يده مسح دموعها بحزم..نيره انا؟

نيره بحزن..الله يخليك سيبني مش عاوزه اسمع حاجه..اهلي باعو وانت اشتريت..خلصت كدا..هتقولي ايه تاني؟

باسم بصدمه ابتلع ريقه..ونظر لها..قلبه يؤلمه 

عليها..

تنهد واستقام يخلع سترته..

ليتركها لتهدأ..

ودخل للمرحاض ليزيح عنه تعب الطريق..

تنهدت وفتحت عيونها تتأمل الغرفه..لم تري مثيلتها الا بالافلام والمسلسلات 

تهكمت ونزلت دموعها لطالما حلمت ان تمتلك واحده مثلها ويأتي فارسها علي حصانه، ليخطفها عالبساط 

والان هي هنا، ولكن لا طعم ولا لون ولا نفس لتفرح بها..

هكذا هي الحياه..

قد تعطيك ماتتمني بعدما تشيخ انت وتزهد بها..

لا عدت قادر علي الفرح ولا السرور ولا اخراج بسمه حزينه

 ايامك تشبه بعضها..

 شخت وشاخت امنياتك..وتبقت ابسط امنياتك هي ان تعود كما كنت.

حطت يدها علي راسها لتغلق عيونها..

لا تريد شئ الا النوم وليكون للابد لا يهم..

لم لا تهرب كجوان، وتبتعد عن هنا..لما ليست جريئه مثلها..

افاقت علي يديه التي امتدت لتسحب من يدها المحلول..

ابعدت يدها الحره عن عيونها..

ووقعت عينها عليه..ابتلعت ريقها وهي تراه امامها بتلك الهيئه عاري الصدر والمياه تتساقط من شعره..

يبدو انه اعتقد انها نائمه..ابتلعت ريقها وادارت وجهها للجهه الاخري ولم يشعر بها او هكذا خيل لها..

ابتعد عنها اخيرا...

فانقلبت للجهه الاخري...

بعد نصف ساعه من عدم الراحه وقله النوم اخيرا هدأت حركته بالغرفه..لا تدري ماذا يحدث؟

ولكنها فتحت عيونها وهو يهمس باسمها..

صدمت من قربه وابتلعت ريقها..

ـ نيره..

ابتلعت ريقها وصمتت ولم تجيبه..

ـ نيره عارف انك صاحيه..قومي غيري هدومك وخدي دش عشان تفوقي...

ـ بلا رد هزت راسها..بلا..

باسم بأمر..

لا قومي عشان تفوقي..لازم نتكلم..مع بعض..

مش عاوزك تنامي مهمومه كدا..

عشان خاطري قومي نتكلم..

تنهدت وسندت علي يديها وجلست..

احاطت وجهها بيديها تمنع شهقات بكاءها من الظهور امامه..

بحنان مد يده وازاح يدها..

ـ سامحيني يانيره بابا فجأني زيك بالظبط

بس مكنش هينفع امنع اذي الناس عنك الا بالطريقه دي..

انا عارف انتي بتفكري بإيه؟

بس ايا كان اللي حصل فانا السبب فيه..

نيره بغصه..عاوز تقول ايه؟

باسم بحنان..خليني احكيلك الاول اللي حصل..

ونتفق..

ـــــــــــــــــــــــــــــ

بالاسفل 

بمكتب بدر الدين..

يابدر بيه..قلبت الدنيا باسم جوان دا مش موجوده بسجلات الذهاب والاياب..

بندور علي ابره في كوم قش..

بدرالدين بحده..ازاي؟

اومال انا دافعلك اد كده ليه يا محمود..

يافرحتي محقق خاص..

ابحث عنها بصورتها يااخي..ولا هتزور صورتها كمان..

محمود بتنهيده..اهدي يابدر بس..الصوره اللي قدرنا نوصلها ماستدلناش علي اي معلومه عنها

للاسف اظاهر ان اللي خرجها واعي جدا..

او ممكن تكون اصلا، مخرجتش من البلد..

بدر بحده..ميخصنيش يامحمود البت دي عاوزها قدامي في اقرب وقت ولازم الاقيها..

محمود بزفره..هعمل اللي اقدر عليه موعدكش يابدر..

بدر بحده..لا تلاقيها مفيش حاجه اسمها احاول

 اغلق هاتفه..بحده..وهو يتوعد لها..

ماشي ياجوان ياانا يانتي..مسيري هلاقيكي هتروحي فين يعني؟

ــــــــــــــــــــــــــــــــــــ

بعد ساعه..

بعدما شرح لها كل شئ وماحدث؟

وما اتفقا عليه مع والده؟

ارتاحت ودخلت لتريح جسدها المنهك

خرجت علي استحياء ببجامتها الزهريه الرقيقه وشعرها المبلل  الذهبي علي ظهرها...

مدت يدها لتستند علي الحائط قدمها لا تسعفها للمشي 

لقد استمعت لما قاله..ووافقت عليه مؤقتا 

حتي تكمل تعليمها وترحل عنه..

هو من بيئه وهي من بيئه مختلفه

لن يجتمعا ابدا..

شجعت نفسها انه وضع وقتي ستمضيه بأي ثمن

لابد ان تقوي..حتي تبني نفسها..

مجرد ما ان تؤدي اختبارات اخر العام التي لم يتبقي عليها الا شهران..

سترحل..هربا سترحل..

غصبا سترحل..

لن تكون سلعه ابدا ولن تكون له حتي لو مزق عشقه يوما قلبها..

تنهدت ورفعت راسها بلا خجل..

وجدته ينظر لها بابتسامه..ونظره شارده بها 

ـ تعبانه لسه؟

بهدوء هزت راسها..

شويه بس..هبقي كويسه..

باسم بحنان..طب تعالي كلي انا عملت سندوتشات خفيفه

نيره بهدوء جلست ومدت يدها اخذت الطعام من يده

وبهدوء كعادتها بدأت بمضغه

مهما بلغ زروه جوعها..تاكل بشرود  وهدوء دوما..

هي ذو شهيه ضعيفه جدا..

باسم بصدمه..

نيره انتي كدا كلتي؟

بابتسامه نفضت يدها وهي تضع باقي الطعام

الحمدلله..

معلش انا اكلتي كدا..

شكرا ياباسم..

باسم بصدمه وهو يلتهم طعامه..

يابنتي دا انا لو جعان ممكن اكلك انتي شخصيا..ايه الرقه دي؟

ابتسمت بهدوء..واستقامت لتفترش الفراش بجسدها

ـ ممكن تطفي النور..عاوزه انام 

باعد الطعام..واستقام واغلق الاضاءه..

شهقت وهويقذف بنفسه علي الفراش

و يجذبها لاحضانه..

نيره بصدمه..انت بتعمل ايه؟ انت نسيت اتفاقك.

باسم بحده...شششش نامي يانيره 

نيره بصدمه ابتلعت ريقها وهي تحاول ان تبعد يديه التي تحاوطها عنها..بس

باسم بضحكه يكبتها بصعوبه..مبسش..وبعدين

احنا اتفقنا علي كله..ونسينا نتفق علي طريقه النوم..

الشهر الجاي بقي نبقي نتفق..

نيره بصدمه..الشهر الجاي.؟

باسم بضحك...ااه الشهر الجاي..احسن انا مبحبش اتفق غير اول الشهر..غير كدا لا..

نيره..نعم..ايه الجنان دا..اشمعنا اول الشهر

باسم بقهقه... بتفاءل بيه ياستي

وهو دا نظامي،عجبك ولا لا؟.

نيره بخجل...لا.. واوعي كدا لو سمحت

باسم ببرود..يبقي عجبك..انهدي يانيره بطلي عفرته..عاوز انام..الله

وبطلي رقه..عشان متندميش..

عاوزك راجل كدا خلي اليومين دول يعدو علي خير

نيره بصدمه..هااا..

باسم بمكر دفس راسه بعنقها ومثل النوم..

نيره بذهول..باسم..انت نمت

ـ باسم..

لا رد..

حصري لجروب وصفحه ولنا في الخيال حياه

حاولت دفعه عنها..ولم تستطع

مغلق يديه علي خصرها بقوه..

وقدميه حول قدمها..

بعد دقائق...تنهدت بقله حيله واغمضت عيونها

راحله بدنيا الاحلام..

رفع راسه من عنقها بعدما شعر بنعاسها اخيرا..

ابتسم وهو يتأمل وجهها وشعرها 

مد يده وتحسس وجهها..

قبل خدها..بهدوء..رفع وجهه عنها وأغرته شفتاها المضمومه كطفل صغير غاضب

لثمها بهدوء ورقه..واغمض عيونه ليستنشق رائحه الياسمين التي تغرق نفسها به منذ قابلها

أول مره..

باسم بضحك..

ال أسيبك ال..

بقي حد.يبقي معاه القمر ويبص للنجوم يانيره..

ابتسم وشدد علي خصرها اكتر وقربها منه..

رفع راسه وقبل شعرها بحنان وتنهد بتعب..

وهو يدعو الله..

يارب صبرني وصبرها علي اللي جاي..

استدارت من بين يديه واستلقت علي ظهرها

رفع راسه وعدل جسده، واحاط خصرها ووضع رأسه علي صدرها، وذهب بثبات عميق..


اصابك عشق✍️أسما السيد✍️

بفرنسا..

ــــــــــــــــــــــ

ايتها الغبيه،قلت لكي اجعليهم يصمتو لم اعد اتحمل حده صوتهم.

لينا بخوف..حاضر مدام..انا اعمل مابجهدي..

ـ اهدي يانازلي مش كدا،هتضيعي كل اللي بنعمله..لازم تبيني  ليه انك حباهم..

لينا بحده لوالدها..يابابي بليز بقي انت اللي جبرتني علي الفلاح دا..وانا خلاص كرهته ارجوك اتصرف بقي..

عصام بحده..اخرسي يانازلي..واوعي اسمعك بتقولي الكلام دا تاني..احنا لازم نمشي امورنا عشان لو وقعنا يشيل الليله..هو لوحده..

انتي ناسيه احنا ايه؟وهربانين من ايه؟

نازلي بزهق..لا مش ناسيه بس انا زهقت انا اساسا مردتش اخلف منه..عشان بكرهه..

يقوم يجبلي عياله ومفكرني هموت عالخلفه..

عصام بحده.ماانتي غبيه..حد قالك تقترحي عليه يتجوز عشان يخلف.

نازلي بغل..هو يعني كنت مفكره انه هيعمل كده بجد؟

انا كنت بقول كدا عشان يبطل يقولي نخلف..

قولت لما اقوله مبخلفش يهدي ويسكت

بس لا اهله الفلاحين طلعوها في دماغو لحد مااتجوز الفلاحه اللي شكله، وخلف منها..

عصام بانتباه..بمناسبه الفلاحه..متعرفيش ان كانت ماتت ولا لسه عايشه..؟

نازلي بغل..فص ملح وداب حتي حسام مش لاقيها..

عصام بشماته..يكش تكون ماتت ونخلص..نمشي بقي امورنا وننتبه لشغلنا..الناس هنا مش هترحمنا يانازلي..

انا همشي بقي وزي مافهمتك..

نازلي..ماشي يابابا مع السلامه..

ابتعدت لينا مسرعه.. بعدما استمعت لما يقولوله، بصدمه..

وضعت يدها علي فمها كتمت صدمتها..

وعلي يديها روان الجميله..

لينا بحزن وهمس وهي تغلق تسجيل هاتفها..

اقسم بالله لرجعك ليها لو هقلب عليها الدنيا

بس انتي متبكيش..

وكأن الطفله تعلم ماتقوله..ابتسمت لها واراحت راسها علي كتف لينا وراحت بثبات عميق..

ــــــــــــــــــــــــــــ

اصابك عشق✍️ اسما السيد✍️

ــــــــــــــــــــــــــــــــــ

ببيت معتصم

بالقاهره..

انتي اتجننتي ياماما..ازاي تعملي كدا اصلا من غير اذني؟

ومين اداكي الحق تتكلمي مع الناس قبل ماتقوليلي؟

ريهام والده معتصم بحده..وايه اللي مش عاجبك بنيرمين بقي؟

حسب ونسب وجمال..

انت قربت تنهي 35سنه ومش عاوز تتجوز..

وانا شايفه انك معجب بنيرمين..

معتصم بصدمه..وحتي لو في 1%اعجاب من ناحيتي ليها..

فدا ميدكيش الحق انك تتصرفي من غير اذني..

ياماما نيرمين متنفعنيش..اه منكرش انها حلوه

ويتمناها كتير..وانا فوجأت بيها كبرت كدا بس متنفعنيش نهائي..

ريهام بحده..ولد انت ناوي تكسفني مع الناس ولا ايه؟

انا خدت ميعاد مع ابوها انهارده وهما موافقين..

معتصم بصدمه..موافقين؟

دا انتي مرتبه بقي الموضوع علي كيفك..

وان قلت لا..

ريهام بصدمه..يبقي بتخسرني..انا زهقت من الوحده يا معتصم وانت علطول مشغول 

رجعت من برا..علي شرم..

ومش عاوز تريح قلبي..

حرام عليك يااخي..

معتصم بحزن...ارجوكي متضغطيش عليا ياامي..

متخسرنيش صاحبي..نيره دي مش هتنفع معايا..

ريهام بحده..اومال مين اللي هتنفع معاك بالظبط

انا غلبت معاك..

مدت يدها ومسكت قلبها بتمثيل..

اااه قلبي..الله يسامحك يامعتصم..

معتصم بخوف عليها فهي مريضه قلب..

ماما حبيبتي..

خلاص هعمل اللي انتي عاوزاه..

ريهام ببسمه..ربنا يريح قلبك ياقلب امك..

ايوا كدا..

معتصم بتنهيده..ربنا يستر..

ـــــــــــــــــــــــــــــــــــــ

بامريكا..

مالك ياكرم في ايه؟

كرم بتنهيده مد يده وجذبها من خصرها جلست علي قدميه..

مدت يدها تتحسس لحيته البيضاء..

وهمست..عجوز..

كرم ببسمه..لو بتغظيني ياسهر..فانا بعشق كلمه عجوز من بين شفايفك..

سهر بخبث..طب ياعجوز..

لثم فمها برقه..وابتعد عنها..

سهر بحيره..

ـ مالك ياكرم؟

كرم بحزن..نيره اتجوزت ابن الرشيد..

سهر بصدمه استقامت مفزوعه..ايه؟

مين فيهم.؟وليه؟

انا مش فاهمه حاجه...

كرم بهدوء..اقعدي وانا افهمك..واهدي

بهدوء قص لها مااخبره اياه الجاسوس الذي جندته سهر لحسابها..

من ارسله بدر ليبحث عن جوان..

سهر بصدمه..بس نيره ملهاش ذنب ياكرم..

البنت دي صعبانه عليا جدا..

عيله الرشيد..عيله مش سهله..واكيد ابنهم زيهم...

كرم بهدوء..انا سهل عندي اجيبها ياسهر..بس انا رأيي نسيبها تاخد فرصه معاه

مش يمكن يحبو بعض..

يمكن ترتاح معاه

وبعدين انا سألت عن بدر وباسم..

وسمعتهم لا غبار عليها.

مش زي فراس ابدا..

سهر بهدوء..انت شايف كدا؟

كرم بحب..ااه ياسهر...اطمني اول مااحس انها لازم تبعد انا عيني عليها..

هبعدها..

سهر بحب..انا بحبك اوي ياكرم..انت ازاي جميل كدا؟

ـ وانا بعشقك ياعيون كرم..

تذكرت جميله..ابتعدت عنه..

كرم..

ـ ممم..

ـ جميله مبتردش علينا..قلبي واكلني عليها اوي

كرم باستغراب..

ازاي؟

ـ سهر..معرفش بس من واحنا في القاهره وانا مش قادره اوصلها لا انا ولا جوان

وتليفونها مغلق دايما..

كرم بتفكير..غريبه...طب ماتكلمي سمر

 وتساليها عنها كأنك متعرفيش حاجه

سهر..تصدق عندك حق..هسألها...

كرم بخبث..بس مش دلوقتي..تعالي عاوز اقولك كلمه..

سهر بخبث..كلمه ايه؟

كرم..اصل البيت فاضي.وانتي عارفه الشيطان شاطر

سهر بقهقه...عاوز ايه ياراجل ياعجوز.؟

كرم بغمزه..هقولك ياقلب العجوز.

ـــــــــــــــــــــــــــــ

بالنادي..

كانت تجلس علي المقاعد تشاهد عرض الدلافين بانتباه وبجانبها ابناء خالتها وابنه عاليا ميار

وشقيقها عمار 

جوان بانبهار..عاوزه ابقي مدربه شكلها..

عمار بصدمه..بجد؟

جوان..ااه بجد جدا كمان..قولي ازاي اشترك في التدريب دا؟

يونس..وتشتركي ليه ياهبله اصلا..

بابا  ليه اسهم هنا في النادي..

وكمان جوز طنط عاليا اونكل سامي

يعني اللي انتي عاوزاه اعمليه..

جوان بصدمه..قول والله؟

عمار باعجاب..بجد عاوزه تتعلمي؟

جوان..ااه ياعمار..

عمار خلاص انا هعلمك..

جوان بصدمه..بجد..تعرف..

عمار بسرعه..جذب يدها..تعالي اوريكي..

جذبها معه لاسفل حيث حمام السباحه 

وعرض الدلافين الراقص.

ومن هنا بدأت اولي خطواتها..

صفقت علي يديها وهي تشاهد عرضه الراقص 

معهم..

واااو..برافوو ياعمار..

عمار في الثالث والعشرون من عمره مولع بالسباحه والغطس وكل ما يتعلق بهم..

جذبها بهدوء..لتخطو معه اولي خطوات تعليمها

وهي كانت اكتر من مرحبه..

ــــــــــــــــــــــــــ

بشرم..

بهدوء اغلقت مصحفها بعدما شعرت بعينين ثاقبتين تنظر لها..

رفعت عيونها وتقابلا معا بنظره طويله

خجلت وانزلت عيونها..

اقترب منها كالمغيب كل شئ معها.يعيشه لاول مره...

منذ اقامت صلاتها وهو يراقبها..

شيئا بقلبه منذ التقاها يخبره انه لم يعد كالسابق..

وخصوصا بعد ما حدث ليله امس..

flash back..

ابتعد عنها كالملسوع لم يستطع ان يتمادي معها..لم يرد ان يدنث براءتها بعهره وفساده..

خرج مسرعا من البيت بأكمله

ولاول مره منذ التقاها يرد علي هاتفه الذي يرن باسم عاهره ممن يعرفهم..

ذهب ليهرب من سلطانها وهالتها التي تقتحم عالمه

ـ مالك يافراس مش في المود يعني..؟

فراس بحده..مالي ماانا حلو اهو..

سيدرا بعهر..مدت يدها له بكأس..

اخذه منها بحده..وقربه من فمه..فعاد صوتها يردد باذنه بتلك الايه التي مازالت ترن باذنه..

مدت سيدرا يدها تتحسس صدره وتقبله وتخلع عنه قميصه..

اغمض عيناه فابصرها هي، بعيناها المصدومه..

وهي تخبره..

ـ انت زير نسا..

واللي بتعمله دا حرام..بلاش يافراس..

ـ حرام ليه..مش جواز..زي جوازك بالظبط..

بحزن اجابته..

ـ لا مش شكل جوازي يافراس

الجواز اساسه الاشهار..مش سر

وانا جوازي شرعا حلال..

اما انت اللي بتعمله، لو مش حرام كنت عملته في النور..

انهت كلامها وادارت وجهها عنه..

احس بحزنها..فمد يده واعاد وجهها له...

ـ طب خلاص متزعليش..مش قصدي افكرك.

بغصه اجابته..

انا منستش عشان تفكرني اصلا..وفكرك انا مبسوطه يعني بجوازي..

كانت صفقه بيع وشرا وانتهت..

فراس بحده..متقوليش علي نفسك كده..


افاق علي تلك التي اقتربت لتقبل فمه..

ازاحها عنه بصدمه..

وكأنه استفاق بعد غيبوبه طويله..

سيدرا بصدمه..مالك يافراس انت مش معايا  خالص؟..مش عادتك يعني..

لم يجيبها..لملم متعلقاته بسرعه وخرج كالملسوع..يردد اسمها

جميله..

وما عادت الدنيا ب لقياها كما مضت..

لا نفس تحلو لها الحياه الا بها

جميله..

back..

بلا مقدمات اخبرها بنبره متوسله بصوته..

جميله..اقريلي قراءن بصوتك..عاوز اسمعه منك..

جميله بصدمه..هااا

بعصبيه مد يده ومسح علي وجهه..

واكمل بصوت هادئ..صوتك حلو اوي ياجميله..

بابتسامه حزينه..اجابته..بعدما شعرت بتردده

وحيرته..

تنهدت وابتسمت..

حاضر... يافراس هقرأ

بس ايه رأيك نختمه مع بعض

ابتلع ريقه وسألها

ـ ازاي؟

جميله بهدوء..كل يوم اقرالك جزء وانت تسمعني..

فراس بصدمه..ينفع،مش هتتدايقي..؟

جميله ببسمه..اه ينفع.. ولا مش هدايق

لما بقرأ قرءان بنسي همي

ونار قلبي.. في بعدهم

فراس بحزن.. علي عيني ياجميله.. 

بس هانت اوعدك أعمل كل جهدي عشان الاقيهم.. 

بهدوء... طب، يالا هبدأ وانت تسمعني وحاول تتأمل...

اذا قرأ القرءان استمعو له وانصتو..

بهدوء كطفل صغير هز رأسه بالايجاب. 

ابتسمت وبدأت هي..

أعوذ بالله من الشيطان الرجيم

بسم الله الرحمن الرحيم

الحمدلله رب العالمين(١)الرحمن الرحيم (٢)مالك يوم الدين(٣) اياك نعبد واياك نستعين(٤) اهدنا الصراط المستقيم 

(٥) صراط الذين أنعمت عليهم غير المغضوب عليهم ولا الضالين(٦)

آمين..

ــــــــــــــــــــــــــ

انهت وردها واغلقت المصحف..واستدارت تنظر له

صعقت من منظره..

كان يغط بنوم عميق كطفل صغير..

ابتسمت وهمست باسمه..

فراس..

وما عادت الدنيا كما كانت بعد لقياك..

 قالو، فاسد انت وبلا اخلاق

ابتسمت وانا اتذكر اعترافك ياسيد الاخلاق

أي مصيبه أنت اقتلعتني من الاعماق

حين تبتسم ابتسم انا من الاعماق

وحين تخبرني انك منقذي..اثق بك

اجننت انا،وهل اثق بك ياعديم الاخلاق.؟

ما عدت أدري من أنا؟ وما المغزي من لقياك؟

ولكني اثق بك يا عديم الاخلاق..


جميله..

اصابك عشق

اسما السيد..



                                 الفصل الثامن من هنا


لقراة باقي الفصول اضغط هنا



تعليقات