رواية قدري
الفصل الثاني2
بقلم الاء محمد
سمعت صوت زعيق ومسلم بيقول _انت اتجننت ولا ايه ماريا مين اللي عايز تتقدملها
دخلت جري علشان اسكت مسلم لاني متعوده على كده اي حد بيعوز يتقدملي بيبقي يومي ويومه زي الطين
جريت عليه شديته من علي الواد وقولتله =علشان خاطري يلا نمشي بالله عليك
بصلي بغضب وساب المدرج وطلع روحت قولت بصوت عالي شويه لكرولس اللي عايز
يتقدملي=معلش يا كرولس مسلم مش قاصده حاجه بس انا لسه صغيره ومش ناويه علي ارتباط بعد ازنك
خرجت ورا مسلم وركبت العربيه
=خلاص بقي مش حوار يعني
بزعيق _متعصبنيش يا ماري بالله عليكي انتي مش هتتجوزي طول ما انا عايش فاهمه ولا انا كمان
بضحك=هتترهبن معايا ولا ايه
_بطلي استفزاز بقي
=ماشي يا عم
وصلنا البيت روحت شقه مسلم لأن الغدا عندهم انهارده لأن الفطار كان عندنا احنا كده لازم كل يوم عند حد ودي احلي حاجه
روحت غيرت وروحت الشقه اتغدينا وطلعت انا ومسلم ف البلكونه
=متزعلش يا سلومه بقي حقك عليا
_متعتذريش الموضوع انتي ملكيش ذنب فيه معلشي اني زعقتلك الصبح كنت متدايق بس
=عادي يا سلوم مفيش بنا الكلام ده انت روحي يا جدع يلا نتصور علشان بقالنا كتير متصورناش
_كتير مين يما دا يادوب امبارح
بصتله جامد =كتير يا مسلم
بتمثيل الخوف_كتير يا قلب مسلم يلا نتصور
=استني ادور علي فلتر علشان يعدل السحنه دي
_انتي مش محتاجه اي فلتر انتي قمر فاهمه
=هنا سأسكت قليلا
ضحك بعلو صوته الولا مسلم ده خاطف قلبي وروحي بحبه اوي اوي بجد
فضلنا قاعدين شويه وبعدين روحت نمت صحيت الصبح كان يوم الجمعه
روحت صحيت مسلم كالعاده علشان يصلي وكمان علشان يوصلني الكنيسه علشان عندي قداس يوم الجمعه
=سلوم اصحي يلا علشان متاخره علي القداس
_حاضر قايم اهو
روحت الكنيسه وهو راح الجامع خلص وجه اخدني بجد هو خفيف
وجميل علي القلب كده كان نفسي يبقي مسيحي زي علشان البعد الديني اللي ما بينا ده يروح هو مش باين ليكوا
البعد ده بس انا ومسلم حسين بيه اكيد هو نفسه يصلي معايا ونقرا قران ونشارك بعد حياتنا الدينيه واكيد انا كمان نفسي يصلي معايا ونحضر قداس ونقرا انجيل سوا بس احنا مش مبينين أن الموضوع ده مقصر فينا الايام بتمر زي العادي بنروح الجامعه نرجع نتغدا نقعد مع بعض شويه ونروح ننام وهكذا
_يا ماماااااا فين القميص بتاعي الاسود
كنا بنفطر وهو كان بيلبس علشان نروح الجامعه
-معرفش اسال ماري هي اللي مظبطه الدولاب بتاعك
=هتلاقيه ف الرف التاني من الناحيه اللي علي اليمين
ضحك لما لقاه _مالك قلبتي امهاتي كده ليه
=علشانك ابقي كل حاجه والله
_روح قلبي وعمري انتي
=حبيب العمر يلا علشان متأخرين
عدت الايام وجه يوم عيد ميلاد مسلم ٢١
بينت أن انا مش فاكره عيد ميلاده وخليت ماما وخالتو هما كمان يعملوا كده مع أن انا وهما مظبطين البيت بتاعنا علشان يوميها كنا هنفطر عندهم والغدا عندنا البيت كله متزين بالبلونات وحاجه كده اخر قمر
وهو كمان كان متشيك اوي ولابس قميص ابيض اللي بموت فيه لأننا متعودين
اللي يوم عيد ميلاده بيلبس احلي لبس عنده طول اليوم وهو قالب وشه لاني مادتلوش اي رده فعل
اتجاه لبسه ومفتكرتش اليوم روحنا البيت لقيته بيقولي _انا مش عايز اتغدا انا هروح انام
=لا يلا علشان نتغدا مش هعرف اتغدي من غيرك
بحزن_ماشي يلا
اول ما دخل البيت ماما وخالتو فرقعوا بلونات عليه لقيت ملامحه فرحت وتغيرت كده قد ايه الولا مسلم ده قمر
بصلي_ وقالي بكل حب انتي اللي عملتي كل ده
=ومين غيري بيحبك اصلا
-ماما وخالتو ف صوت واحد -احنا طبعا
بصلنا كلنا بحب وقال_بحبكوا اوي ربنا يخليكوا ليا يا كل حياتي
-ويخليك لينا ياحبيب قلبنا
لقيته بيبصلي وبيقولي _بحبك يا ماريا
رديت بصدمه