CMP: AIE: رواية احببت مريضتي الفصل السابع عشر17 بقلم حنان عبد العزيز
أخر الاخبار

رواية احببت مريضتي الفصل السابع عشر17 بقلم حنان عبد العزيز


رواية احببت مريضتي
 الفصل السابع عشر17
بقلم حنان عبد العزيز




بعد مرور ٣ شهور 
كان يجلس مدحت وباسل وتقوم اميره بوضع الاكل على السفره لهم 
اميره بابتسامه: يلا يا بابا كل بقا علشان علاجك 
مدحت بحزن: وهيجيلى منين نفس اكل بعد إلى حصل لبنتى دا 
باسل بحزن: بابا وحياه ايمان عندك كل علشان تاخد دواك انا مش مستعد انى اخسرك او يحصلك حاجه خلاص انا مليش غيرك انت يا بركه 
مدحت بدموع: غصب عنى يا بنى اختك وحشتنى اوى فراقها كان صعب عليا 
باسل بدموع: فراقها صعب علينا كلنا يا بابا والله بس هى اكيد مش مبسوطه طالما شايفه حالتك كده اهدى كده ونفطر ونروح لقصى النهارده المستشفى 
مدحت بحزن: قصى ربنا معاه من ساعه إلى حصل وهو لا بياكل ولا بيشرب ولا اى حاجه خالص وعلى طول شايل الذنب وفى المستشفى دايما 
باسل: حاولت افهمه كتير والله يا بابا بس هو مقنع نفسه انه السبب فى إلى حصل لايمان ربنا معاه 
اميره بحزن: الحب مش سهل كده يا باسل حط نفسك مكانه ربنا يهديه ويصبره 
مدحت لاميره: اميره يا بنتى انا عارف انى مقصر معاكى انتى وباسل علشان ماجل فرحكم بس يا بنتى غصب عنى والله 
اميره بدموع: متقولش كده يا بابا ايمان كانت اختى برده وبعدين كفايه عليا اننا كتبنا الكتاب وخلاص علشان قعدتى معاكم براحتى وكمان وصيه ايمان  لكن الفرح والحاجات التانيه دى والله مش مهمه عندى قدكم انتوا اغلى  حاجه فى حياتى 
باسل بابتسامه : متقولش كده يا بابا وكفايه عليا ان اميره بقت مراتى حتى لو من غير فرح او دخله بس اسمها مراتى 
مدحت بابتسامه: ربنا يهديكم ويخليكم لبعض يا حبايبى يااارب 
اميره بمرح: يلا بقا يا بابا علشان الدواء لازم تاكل دى بص انا عامله فراخ بص ...انا مش هتكلم طوق بس كده 
باسل بمزاح: كل يا بابا دى مراتى عليها طبيخ بيويك المستشفى على طول والمصحف ههههههههه 
اميره بغيظ: ااااه انت هتقولى باماره الفرخه إلى اتشفطت جوه من شويه 
مدحت بابتسامه: بس يا ولا ملكش دعوه بميرو بنتى يلا من هنا 
باسل بمزاح : كده يا حاج مكنش العشم 
مدحت بابتسامه: ربنا يخليكم لبعض يلا بقا ناكل 
واخذوا يكملوا طعامهم ولكن بداخلهم حزنهم الكبير على ابنتهم ايمان الغائيبه 
..................
فى سياره عدى 
ندى : عدى انت واخدنى فين كده 
عدى بابتسامه: عايز افرح حبيبتى شويه ممكن 
ندى بحزن: انت عارف اوى سعادتى كانت مع مين يا عدى 
اوقف عدى السياره ونظر لها بحزن على دموعها: ممكن تهدى علشان خاطرى والى ربنا عايزه هيحصل يا حبيبتى انتى ادعيلها وخلاص 
ندى بدموع وبكاء : وحشتنى اوى يا عدى وحشنى كلامى معاها اوى وحشتنى دى اختى مش صاحبتى
اخذها عدى فى حضنه وأخذ يهديها: عياطك مش هيجيب فايده يا قلبى ادعيلها هى اكيد حاسه بيكى وبحزنك ادعيلها وحياتى عندك 
ندى بدموع: كل اما افتكر الجواب إلى كانت كاتباه بموت معاه لييه كتبت كده فكره اننا هننساها بالسهوله دى 
عدى وهو يخرجها من حضنه ويمسح دموعها بحب: هى كانت حاسه ان نهايتها قربت خلاص بقا وحياتى عندك اهدى كفايه دموع 
بدأت ندى ان تهدأ قليلا حتى اكمل عدى بمزاح: طيب ممكن نبطل عيوطه بقا ونشوف مفاجاتنا 
ندى بابتسامه: انا تعبتك اوى معايا يا عدى الفتره دى 
عدى بحب: يعنى لو متعبتنيش معاكى فى اصعب فتره فى حياتك هتتعبينى امتا 
ندى: يعنى انت مش زعلان انى مش راضيه اتجوز دلوقتى علشان ايم......
عدى بمقاطعه: هشششش متقوليش كده ايمان زى ما هى اختك هى اختى كمان وانا مش هسمح انى افرح وهى مش موجوده دا غير كمان حاله قصى 
ندى بحزن: اهووو إلى طلع مظلوم من الحكايه كلها قصى شايل نفسه الذنب كله والمستشفى مش بيخرج منها حياته باظت اوى بعد ايمان 
عدى بحزن أيضا على صديقه: ربنا يهديه ومعاه احساس صعب اوى انك تشوف الإنسان إلى بتحبه بيموت قدام عينك ربنا يهديه 
ندى بمزاح: جرااا اييه يا عدى فين هديتى ياعم 
عدى بحب وهو يحرك السياره: يلا يا قطتى على هديتك 
وصلوا بعد قليل إلى مطعم كبير وراقى مزين من الخارج بطريقه رومانسيه جدا 
ندى بصدمه: عدى احنا فين 
عدى بحب وهو يمسك يديها: تعالى معايا 
دخلت سويا إلى الطعم وكان جماله الداخلى جميل بطريقه رومانسبه جميله وبلالين من اللون الأحمر والأبيض وزينه جميله وموسيقه هادئيه جد 
ندى بفرحه: دا تحفه اوى يا عدى انا بحبك اوى 
نظرت إليه وجدته راكع على ركبه لها وهو يبتسم بعشق: انتى دخلتى حياتى قلبتيها بعيونك دول عايز اعيش معاكى على طول انا وانتى ونكون عيله لينا احنا عايز اقوم من النوم اول حاجه اشوفها عيونك عايز تجيب منك بنت تاخد عيونك بس انتى ندى الوحيده إلى فى حياتى عايز اخدك فى حضنى على طول من غير مانع ندى تقبلى تتجوزينى ونبنى حياه جديده مع بعض 
نظرت له بدموع وفرحه كبيره بكلامه المعسول حتى اومات بالموافقه لم تشعر بنفسها الا وهى باحضانها ويلف بها من فرحانه ثم اخرجها من حضنه 
عدى بحب: بحبك 
ندى: وانا بموت فيك 
...................
كانت تجلس على طاوله فى الكافيه تشرب عصيرها بشرود وحزن شديد فطوال تلك المده كان حسام يقف بجانبها دايما حتى تحسنت ولكنها اصرت على ان تعانده وفعلعت هكذا أخذت تعامله ببرود دون اهتمام به وهو بحاول وراها لارضائها كانت تعاند وتستفذه ايضا وتلعب على وتر الغيره لديه كثيرا ولكنه فجاه تعب من تلك المناهدان ولم تره منذ اسبوع و التى كان حوارهم ساخنا آخر مره من المشاجرات وانتهى بخروجه مبتعدا عنها تموت من بعده 
Flash Back 
منذ اسبوع 
كانت تجلس فى النادى وتضحك مع صديق لها بشده على نكته قالها لمحت حسام اتى من بعيد اخذت تذيد من ضحكتها حتى وقف امامها بوجهه شديد الغضب ويكاد يخرج نار من اذنيه 
حسام بغضب: قومى معايا يا فريده 
فريده ببرود: اااه ازيك يا ابيه اسفه مش فاضيه قاعده مع كريم صاحبى 
حسام بغضب: قومى يا فريده معايا دلوقتى 
كريم صديق فريده: خلاص يا باشا بتقولك مش عايزه 
حسام بغضب: وانت مالك انا يكلمها 
كريم بغضب: انا صاحبها 
حسام بغضب: صاحبها اااه وماله 
وقطاعه بلكمه قويه فى وجهه وأخذ يسدد له اللكمات بمهاره شديده وغضب وغيرته تعميه 
فريده بغضب: خلاص يا حسام سيبه بقا حررام عليك هيموت فى ايدك سيبه 
تركه حسام بغضب شديد ثم أمسك يديها بقوه وسحبها معه للخارج 
فريده بغضب: سيب ايدى يا حسام كفايه الفضحيه إلى انت عملتها جوه 
حسام بغضب: فضيحه كل دا إلى همك الفضيحه مش كده لا يا هانم الفضحيه هى انك تقعدى مع راجل غريب وتقولى صاحبى 
فريده ببرود: وانت مالك 
حسام بغضب: فريده انا بجد تعبت منك فهمتك انى كنت مغصوب على سفرى وبعدى عنك وقولتلك ننسى إلى فات ونبدا من جديد بس ازاى حضرتك تقضى الموضوع من غير نكد وبرودك معايا فريده انا تعبت مش هستحمل اكتر من كده 
فريده بخوف: قصدك اييه 
حسام : قصدى لما تعرفى انتى عايزانى ولا لا قوليلى غير كده انا اسف مش هستحمل عن اذنك 
تركها وخرج من امامها والدموع تنزل على وجهها بقهره 
Back 
فاقت على دمعه ساخنه نزلت على وجهها مسحتها بحزن وهى تقول بندم: انا اسفه اوى يا حسام انت وحشتنى اوى وحشتنى 
حسام من وراها: وانتى وحشتينى يا قلب حسام 
فريده بفرحه: حسام انت جيت 
حسام بحب: مقدرش اغيب عنك اكتر من كده كنت هموت 
فريده بدموع:: انا اسفه اسفه والله انا غبيه بس انا بحبك والله بحبك 
حسام وهو يمسك يديها بحب؛ خلاص مش هنتغابا تانى ولا هنبعد عن بعض بحبك 
فريده بحب:  وانا كمان 
حسام: تيجى نروح لقصى 
فريده بحزن: قصى هو فين قصى يا حسام انا وبابا مش بنشوفه خالص من ساعه إلى حصل مع ايمان 
حسام : معلش يا حبيبتى انتى عارفه إلى حصل مش شويه عليه 
فريده: معاك حق فعلا ايمان كانت كل حياته 
حسام: انا كلمت عدى وباسل ونروح كلنا المستشفى ايبه رايك 
فريده بابتسامه: تمام يلا 
.......
أما هو كان ينظر إليها شاردا لا يعلم الوقت لا يعلم كم المده التى بقى هو هنا كل ما يعرفه انه بحاجه الى الجلوس هنا والنظر اليها بتمعن دون اى اعتراض من العالم يتأمل هياتها الجالسه على السرير مرتديه ثياب المستشفى وشعرها الأسود حولها مما زادها جمال تنام بعمق لا تشعر به ولا بدموعه النازله على خديه بصمت: وحشتنى اوى يا ايمان وحشتنى عيونك دول فات ٣ شهور على غيبوبتك دول عندى ٣٠ سنه يا حبيبتى وحشتنى  اوى عارفه ان باسل واميره خليتهم يكتبوا كتابهم زى ما انتى كنتى عايزه بس هما مش راضيين يعملوا فرح علشانك انتى عايزينك معاهم كلنا مستنينك هنا بس انا غيرهم يا حبيبتى كمان حسام وفريده علاقتهم اتصلحت اااه والله وندى وعدى هخليهم يتجوزوا بس انتى قومى واللع وكل حاجه هتتعدل وحشتنى اوى 
( ههههههههههههه ايه رايكم فى المقلب بتاعى إلى عملته فيكم اصبروا انا هفهمكم نرجع بالزمن وراء كده ليوم عمليه ايمان ) 
 Flash Back  
عدى بحزن وهو يشد قصى ويخرجه من الغرفه: قصى بالله عليك اخرج من هنا خلاص كفايه هى ماتت 
قصى بغضب: لا متقولش كده شايف بس انا عايش يبقا هى كمان عايشه سيبنى يا عدى سيبنى 
أخذ قصى جهاز الكهرباء مره أخرى بدموع وانهيار: ايمان علشانى بس قومى علشان حبنا يعيش قومى 
وأخذ يضربها على صدرها بالجهاز حتى سمع جهاز القلب يشير لروجوعها إلى الحياه مره أخرى 
قصى بابتسامه: شوف قامت يا عدى قامت 
قم اكمل عمله وخرج عدى لاطئنان الجميع 
عدى : يا جماعه خلاص قلبها دق تانى 
مدحت بفرحه: الحمد لله يارب الحمد لله 
ندى بدموع: يعنى لسه عايشه يا عدى 
عدى بابتسامه: عايشه يا قلب عدى 
باسل بدموع: طيب هى حالتها اييه 
عدى : مستقره خلاص قصى بيكمل العمليه وخير ان شاء الله 
باسل : يارب 
بعد مرور ساعتين خرج قصى من العمليات بوجهه شاحب ومتعب للغايه 
ذهبت إليه الجميع 
مدحت: خير يا بنى طمنى 
قصى بابتسامه: اهدى يا عمى العمليه نجحت الحمد لله بس هتفوق كده ونشوف وياريت ميكونش تاثيرات عليها 
حمدوا ربهم جميعا وتمنوا الشفاء العاجل لها 
تانى يوم 
مدحت بصدمه: يعنى اييه 
قصى بحزن: دخلت فى غيبوبه يا عمى ومعرفش هتفوق امتا 
باسل : يعنى اييه مش عارف يعنى اختى هتفوق امتا 
قصى بحزن: الغيبوبه أنواع فى بتغيب يوم اتنين شهر سنه او طول العمر واحنا كدكاتره مش بتعرف نحددها 
ندى بدموع:اااااه يا ايمان يعنى اييه خلاص مش هتفوق 
عدى : اهدى يا ندى اهدى 
دخلت الممرضه إليهم 
الممرضه: دكتور قصى واحنا بنضف اوضه المريضه ايمان لقينا الجواب ومكتوب عليه إلى عيلتى 
قام قصى بسرعه وأخذ الجواب وأخذ يقرااه بصوت عالى على مسامع الجميع 
( أهلا بيكم بصوا بقا انا عايزاكم كلكم متجمعين وانتوا بتقروا الجواب دا نبدأ بمين نبدأ بمين اااه نبدأ ببابا حبيبى ونور عينى إلى من ساعه موت ماما وهو أوبويا وامى وكل حياتى انا عارفه انى ممكن ادخل العمليات مخرجش منها علشان كده لازم اطمن عليك اوعى يا بابا تزعل اوى عليا علشان متتعبش وصحتك تبوظ اشطا ودواك يا بابا وحياتى عندك اوعا تنسااه واااه ولو الولد باسل دا ضايقك انا هعرف وهطلع فى أحلامه واخوفه ماشى يا حبيبى 
ودلوقتى مين اااه باسل اخويا ونور عينى انت وبابا وجودكم مالى عليا حياتى كان نفسى اخف واتعالج بس دى اراده ربنا عايزه اطلب منك طلب يا باسل عايزاك تتجوز اميره ايوه  لو كنت فعلا اختك إلى انت بتحبها اتتجوزها ومتوقفش حياتك على موتى فااهم دى امنيتى الاخيره يا باسل هتزعل اختك بصى يا اميره اقنعى باسل لجوازكم انا كده هرتاح فى تربتى فاهمه ربنا يعلم انا حبيتك اول ما شوفتك يا احلى مرات أخ فى العالم  
تيجى بقا لبنت قلبى وبيستى  ندى اولا كده بلاش دموعك وغياطك علشان غاليين عليا اوى عايزاكى هتعيشى حياتك مع عدى حب حياتك انتى على طول بتتمنى واحد جدع فى حياتك يعوض إلى فاتت وعدى هيعوضك والله وانت يا دكتور عدى صاحبتى لو زعلتها بص هطلعلك عفريته والله انا معنديش اغلى منها انا قولتلك اهووو ولو مكنتش واثقه فيك مكنتش ادتهالك اصلا اتجوزوا تعيشوا حياتكم حلوه مع بعض  

الست فريده بقا بحبك والله وطيبتك خطفت قلبى كده خطف عيشى مع حسام مبسوطين وانسوا إلى فات بقا واتجوزوا واحكوا لولادكم عنى وقوللهم انى سبب جمعتكم دى وانت يا بس مهندس حسام انت خدت اختى فهد بالك منها اوى فااهم يلا اتهنوا مع بعض يا قلوبى 
قصى انت الحب إلى فضلت طول حياتى مستناياه بحبك اوى عارف انا كان نفسى اقضى معاك حياتى ونتجوز ونخلف بس ان شاء الله هيجمعنى بيك فى الجنه يا قلبى عايزاك تعرف انى لو مت متشيلش نفسك زنب وتعيش حياتك معلش يا حبيبى اتجوز صحيح هموت من الغيره بس لمجرد تفكير ان واحد غيرى فى حضنك وتبص بعينك دى غيرى بس اعمل اييه مش هكون انانيه ابدا علشان انت رجعت حببتينى فى الحياه وحليت آخر ايامى بحبك داااا بحبك وهفضل احبك 
وكلامى الأخير ليكم اياكم توقفوا حياتكم على موتى ساعتها هزعل اوى بحبكم وهتشوف بعض فى الجنه هستناكم سلام ....) 
كانت دموع الجميع تنزل على كلامها بشده أخذ قصى الجواب بدموعه وذهب إلى غرفتها وجلس بجانبها: عايزانى إنساكى طيب ازاى انا مليش غيرك اصلا عايزانى اتجوز وانا مش شايف ستات غيرك هتقومى وهستناكى لاخر العمر يا ايمان 
Back  
( هااااا اييه رايكم انى اسف😂😂) 
فاق قصى من دوامه ذكرياته ودموعه على مسكه ايد ايمان على يده بقوه نظر لها بصدمه : ايمان انتى سامعانى 
بدأت بفتح عيونها ببطء اتجاهه ونظرت له 
قصى بفرحه: ايمان انتى قومتى انتى فوقتى صح 
ايمان بابتسامه متعبه: وحشتنى 
قصى وهو يقبل مقدمه راسها بدموت: وحشتنى انتى اكتر 
ايمان وهى تمسح دموعه بضعف: لييه دموعك دى 
قصى : كنتى وحشانى اوى اوى يا ايمان مكنتش متخيل حياتى من غيرك 
ايمان بحب: وانت كمان تعرف انى كنت بحلم بيك على طول بس هو انا نايمه بقالى يومين ولا اييه 
قصى بضحك: هههههههه يومين ايبه يا حبيبتى انتى فى غيبوبه بقالك ٣ شهور 
ايمان بصدمه: يا نهار مشلوح ٣ شهور من عمرى تضعوا كده من غير ما اعمل حاجه 
قصى بحب: انا كنت هنا كل يوم وبحكيلك كل حاجه بتحصل وكمان بحكيلك عن إلى المسلسلات بتوعك سمعتهم وبحكيلك اييه إلى بيحصل 
ايمان بحب: كل دا يا قصى ومملتش 
قصى بحب: مقدرش أمل ابدا وانتى معايا 
ايمان : انا بعشقك 
قصى : وانا بموت فيكى 
قاطع لحظاتهم الرومانسبه  خبطات على الباب قام قصى بمجئ حجابها من جانبها غطى شعرها بسرعه استغربت ابمان وجود حجابها هنا ولكن قاطع استعراضها دخول الجميع إليهم صدموا من استيقاظ ايمان ذهب مدحت اليها فى حضنه: بنتى وحشتينى اوى 
ايمان : وانت كمان يا بابا 
باسل : وحشتنى يا بت 
ايمان: ايبه يا جماعه مكنتش ٣ شهور يعنى غيبت فيهم اخيرا حسيتوا بقيمتى هههههههه 
ندى  وفريده بصوت واحد وبدموع: وحشتنى يا جزمه 
ضحك الجميع عليهم وسلمت على الجميع 
عدى وهو يسلم عليها: حمد الله على سلامتك يا ايم.... 
قصى بصوت عالى : عددى قلت اييبه 
عدى : ااقصد حرم قصى باشا 
حسام بضحك:: هههههههه احسن تستاهل هههه 
قصى بغضب لحسام: بس يا زفت 
ضحك الجميع عليه 
حسام: طيب بما ان بقا ايمان قامت بالسلامه يبقا فرحى انا وفريده وعدى وندى وباسل واميره وقصى و و.... 
قصى بغضب: لا اسكت فرحى انا وايمان محدش لييه دخل كده لوحده 
حسام: ما علينا المهم الفرح الخميس الجاى 
فريده وندى واميره بصوت واحد: نعم اسبوع واحد لييبه 
ندى: هو شغل سلق بيض 
عدى: انا عن نفسى مفيش مشاكل 
باسل: وانا كمان 
فربده: بس بدرى اوى كده 
حسام: ولا بدرى ولا حاجه احنا كنا مستنين ايمان تقوم وكل حاجه جاهزه مفيش مشاكل 
قصى ببرود: خلصتوا يلا بره كده علشان ايمان ترتاح 
ايمان وهى تهمس لقصى: طيب سيبلى ندى وفريده واميره
قصى بهمس: هتتعبى 
ايمان بابتسامه: متخافش لو تعبت هطردهم ههه 
قصى : حاضر ...ثم نظر لهم بجديه يلا بره ما عدا ندى وفريده واميره 
لم يناقش أحد خرجوا جميعا وتركوا الفتيات 
ايمان: بصوا بقا كل إلى حصل فى ٣ شهور تحكوه اشطا 
ندى: اشطا نبدأ من اييه 
فريده: من عند اخويا والعاشق الولهان 
اميره بضحك: دا عدا العشق بمراحل 
ايمان بخجل: بس بقا وقولوا اييه إلى حصل 
اميره: أولا كده انا وباسل كتبنا الكتاب بس من غير فرح ولا حتى دخله 
ايمان: يا عينى عليك يا باسل ومستحمل ههههههه 
اميره بضحك: هههههههههه اااااه بس انا بخليه يتربى من اول وجديد 
ايمان بفخر مصطنع: مرات اخويا يا جدعان هههههه 
فريده: بصى بقا الاستاذ قصى اخويا كان ال٢٤ ساعه معاكى انتى ومكناش بنشوفه غير بالصدفه والله فى البيت وهو إلى اصر على باسل انه يكتب كتابه هو واميره وكان دايما عنده امل انك هتقومى وكان بيحكيلك كل حاجه بتحصل معانا كلنا ومانع اى شخص يدخلك غير ممرضه واحده بس والطرحه هنا جنبك على طول ومحدش يدخل الاوضه غير باذنه هو وبس 
ايمان بدموع: يا حبيبى يا قصى 
اميره: هو بيحبك اوى 
ندى: المهم اييه الجواب إلى انتى كنتى كتباه دا يا زباله انتى 
ايمان: كنت خايفه اموت وأسيبكم زعلانين عليا 
ندى بدموع: كنت مت وراكى اصلا 
ايمان بدموع: خلاص يا بستى 
ندى بابتسامه: خلاص يا بستى 
ثم فجاه سمعوا خبط على الباب دخلت وكانت الصدمه 
ايمان بصدمه: ماهى



                        الفصل الثامن عشر من هنا


تعليقات



حجم الخط
+
16
-
تباعد السطور
+
2
-