رواية لقائنا كان فراق
الفصل السادس6
بقلم ضحي ربيع
*هو ومراته ازاي
-يعني هو ومراته ازاي
اخلصي اخلصي عشان الحق اوضب الاوضة عشان طيرتهم هتوصل الصبح
كنت بلم حاجاتي وعيوني بتشتكي ربنا
اول مرة احس اني مليش مكان في البيت ده الحقيقة الفترة دي انا بقيت بحس بحجات لأول مرة احسها
لميت حجاتي في كراتين حتي هدومي حطيتها في شنطة كبيرة
خليت كتبي بس لأنها كانت فترة مراجعة
وكانت اخر ليلة ليا في اوضتي ههه
قصدي اوضتهم
صحيت تاني يوم طبعا مرات خالي كانت شغالة تنضيف وطبخ وقالبة البيت
نزلت علي حصصي ماشية بفكر ياتري شكله بقي عامل ازاي بعد الأربع سنين
ياتري لسه فاكرني او هيعاملني زي زمان ولا مراته.....
-حااااسبي يا انسة
*ااااااه ايدي اه
الناس كلها اتلمت في الشارع عليا
-انا اسف والله بس انتِ الي كنتِ سرحانة
*ااااه الحمد لله لعله خير محصلش حاجة
-طي اركبي معايا اوديكي مستشفي لحسن يكون كسر لا قدر الله
*لا لا مفيش داعي انا كويسة
-يا انسة بطلي عند مينفعش
'اه يابنتي اركبي معاه يوديكي مستشفي
ركبت معاه وايدي كانت وجعاني اوي
-عذرا يعني بس معتقدش ان في حاجة اهم من انك تاخدي بالك وانتِ بتعدي الشارع
*الحمد لله جات سليمة
وصلنا المستشفي دخلنا الطوارئ ودكتور طلب اشاعة
عملناها وطلع كسر في المفصل
مكنتش مهتمة اوي هلي الاقل ده في يوم هيخف غير كسور تانية عمرها ما هتشفي
الدكتور جبسلي ايدي وطلب اني محركهاش واروحله بعد شهر اطمن عليها
-والله العظيم مش عارف اعتذر ازاي و..
*مفيش داعي للاعتذار انا الي مكنتش مركزة شكرا ليك عن اذنك
-طب اوصلك ل..
*لا متشكرة انا هاخد تاكس
اي ده تلفوني فين
-امم ممكن يكون وقع مكان مخبطك
*طب ممكن لو سمحت ترن عليه ممكن يكون حد لقيه
-حاضر خدي اكتبي رقمك
كتبت الرقم وفضلت اتصل كان بيدي جرس بس محدش بيرد فضلنا نرن لغاية ما وصلنا لعربيته
-ثانية غالبا تلفونك جوا العربية
فتح العربية وفعلا كان موجود فيها
-طب بما انك قدام العربية فخليني اوصلك واعتريه اعتذار يا ستي
وافقت لأني كنت متأخرة علي الحصة وانا بكره التأخير
-انتِ بتدرسي؟
*احم اه طالبة ثانوية عامة
-مشاء الله ونفسك تطلعي اي
*اخلص بس امتحانات وبعدين ربنا يسهلها
-علي فكرة انا اسمي عي
*بس نزلني هنا شكراً
نزلني ودخلت السنتر
*السلام عليكم
"وعليك...شهد في اي مال دراعك
*مفيش حاجة يامستر حمزة حادثة بسيطة بس
-حادثة ازاي طب تعالي اوديكي المستشفي
*مستر حمزة لو سمحت انت مش ولي امري ولا
مسؤل مني بلاش لو سمحت الاسلوب ده
كنت عارفة ان كلامي جارح وانه اتحرج قدام الطلبة
خصوصا اني عارفه مشاعره ناحيتي بس والله القلب مش مستحمل
مشيت حتي مأختش الحصص
قعدت شوية فؤ الشارع لغاية العصر وبعدين روحت
خبطت فتحوا الباب ولقيته واقف قصادي
عيوني كانت مليانة حنية وشوق الاربع سنين كنت
هجري احضنه وابكي زي زمان كنت هصرخ فيه واقوله لي مشي كنت هجري عليه
بس لاقيت واحدة مسكت دراعه وبصتلي.....