Ads by Google X

القائمة الرئيسية

الصفحات

رواية الوجه الاخر الفصل السادس6 بقلم روبي


 رواية آلوجه آلآخر 

الفصل السادس 

بقلم روبي



فضلت امينه الكام ساعه دول في المستشفي وكل شويه تبص على الساعه لحد ما الدكتور ايثان قالها ان خلاص هيفك الشاش 


امينه بتوتر : يعني هتفك الشاش دلوقت يادكتور 


دكتور ايثان : اه خلاص وبداء يفك الشاش وقلب امينه بيدق جامد جدا وايديها بتترعش جدا وخايفه وبتعرق وايديها بقت تلج لما خلص الدكتور وقالها


 دكتور ايثان : جاهزه 


امينه بهز راسها  بمعني نعم وهي كل ده ومغمضه عنيها وفتحتهم براحه جدا واول ما شافت المنظر قالت 


امينه بصدمه في سرها : مستحييييلل لا مستتحيييل خالد حبيبي ااااه وفقدت الوعي امينه جاتلها صدمه لن مكنتش متوقعه انه العمليه هتكون بالشكل ده او الدكتور نفسه قدر انه يرسم نفس الملامح لدرجه انه صعب جداً التفريق بين خالد و الشاب ده الي يشوفهم يقول نسخه واحده محدش يقدر يفرق بينهم ولو خالد عايش كانوا هيبقوا كل الي يشوفهم يقول تؤام وامينه انصدمت من كميه الشبهه ده وللحظه حست انه خالد عايش مامتش 


امينه بهمس وهي فقده الوعي بعد ما نقالوها لاوضه : خالد حبيبي انت جيت خلاص مش هتسبني خلاص انا مش هسيبك تاني انت حبيبي انا مش هسيبك تاني يا حبيبي بعد ما رجعتلي.....  وبعدين بداءت تفوق امينه وافتكرت الي شافته من شويه ودموعها نزلت وبعدين قامت اتجهت لي الاوضه و اول مادخلت كل جسمها تقل عليها مع قلبها الي بيدق والنفس الي رايح لدرجه انها حست انها هتفقد الوعي تاني بس قاومت كل ده وراحت عنده كان لسه مافقش فا عرفت انه لسه في الغيبوبة  

فضلت تمشي ايدها علي خده مع دموعها الي بتنزل جزء منها علي ايده كمان امينه مش مصدقه نفسها وفضلت تتأمل فيه كتيررررر اووووي لدرجه انها متعرفش عده اد اي من الوقت وبعدين قعدت قدامه علي الكرسي وحطت راسها علي ايده وبتعيط وتقول 


امينه بعيط : عارف انا مش مصدقه نفسي انا معرفش انا انانيه ولا لا بس كل الي انا فيه دلوقتي بياكد ليا حاجه .انك رجعت تنور ليا حياتي من تاني يا حبيبي وسكتت شويه وقالت .... اقولك انا .. انا مش هسيبك متخافش عمري ما هضيعك من ايدي تاني انت ضعت من ايدي مره مش هضيعك تاني انت كل حاجة ليا وانا مش هتخلي عنك مهما حصل انت حبيبي وانت كمان مش هتسبني تاني و قطع كلامها الممرضه 


الممرضه : بعد ازنك يا استاذه بس مينفعش تفضلي اكتر من كده معاد الزيارة خلص ولازم المريض يرتاح اسفه 


امينه وعيونها منزلتش من عليه : ماشي بس لو سمحتي خالي بالك منه ولو فيه اي حاجه كلميني فورا 


الممرضه : حاضر يا استاذه متاخفيش احنا بنهتم بكل المرضه الي عندنا واكيد لو في حاجه هقولك 


قامت امينه وهي ماشيه بضهرها ومنزلش عنيها من عليه لحد ما خرجت وقلبها شاغل دق ومفيش نفس ونفسها لو كانت فضلت اكتر من كده بس في كل الحالات مش هينفع عشان رحاب وفي نفس الوقت المستشفي مش هتوافق انها تقعد معاه فا فضلت انها تمشي وتجي كل يوم تشوفه وتقعد معاه الشويه دول وخلاص بس اهم حاجه عندها انها تشوفه من تاني وتملي عنيها منه وقلبها 


عدي تلات شهور.... 


وامينه في نفس الحال بتروح كل يوم عشان تطمن عليه من غير ماتعرف رحاب حاجه امينه كانت بتنزل من الصبح وبترجع بليل عشان الدكتور سامح ليها انها تقعد معاه بعد ما امينه طلبت من الدكتور ده وعشان الدكتور كان عارف اد اي حالت الشاب الي بيقولوا عليه دلوقتي خالد صعبه وعشان مقدر ده فا سامح ليها انها تفضل معاه لحد بليل وتمشي وهي كنت كده لحد ما رحاب شكت في الموضوع ده واستغربت صحابتها رحاب في الاول مكانتش حطه في دماغها حاجه لما كانت بتشوف امينه راجعه مبسوطه وفرحانه والسعاده باينه علي وشها فا كانت بتقول ان يمكن حبت حد جديد بس رحاب ماكنتش بتفتح معاها الموضوع ده عشان ما دايقهاش واستنت لما امينه تحكي ليها بس رحاب شكت في امينه لما في يوم رحاب شافت امينه في المستشفي رحاب افتكرت امينه جايه تشوفها بس استغربت لما دخلت اوضه وفضلت فيها لحد ما بتروح كلعاده بليل رحاب فضلت وراها لحد ما روحت بس قبل ما رحاب تروح سالت حد من العمال 


رحاب : عصام متعرفش البنت الي دخلت اوضه الشاب الي عمل عميله في وشه ده تبقي مين؟ 


عصام  : تقصدي البنت الي بتجي الصبح وتقعد لحد بليل مع المريض وتمشي دي تبقي بنت خالته 


رحاب بصدمه : بنت خالت مين ياجاتك مصيبه دي امينه صحبتي تعالي ... تعالي متخافش 


عصام بخوف : عاوزه اي انتي كل مره تعملي فيا مقلب وانا اشربه كفايه بالله معدتش قادر خلاص 


رحاب بصرامه وزعيق : قولت تعالي هناهو يبقي تعالي هناهو 


عصام بخوف واتجه ليها 

رحاب : افتح بؤك يلا 


عصام بفزع : لااااااا لااااااا انا مش عاوز ابقي اخرس حرام عليكي انتي معندكيش اخوات ولا اي يا مفتريه منك الله يا بعيده 


رحاب بصرامه غضب : قولت افتح بؤك 

عصام بخووف اكبر فتح بؤه 

رحاب بشم : ايده انت مش شارب حاجه 


عصام براحه : اشرب اي انا مبشربش حاجه والله انا الكلام الي بقوله حقيقي واسالي الدكتور حتي وهو هيقولك 


رحاب : وجهه نظر برضه خلاص روح انت يا عصام 


عصام براحه وفرحه انه قدر يخرج من غير اي مقالب او اي حاجه زي دي : حاضر وجري علي برا بسرعه 


رحاب بداءت تشك في امينه وهي اديقت من ده وراحت سالت الدكتور وقالها انها تبقي فعلا بنت خالته وانها هي الي جابته يوم الحادثه وانها بتيحي كل يوم بلفعل وتقعد لحد بليل رحاب كانت خايفه لما افتكرت كلام امينه يوم ما رحاب طلبت من امينه تحكي ليها علي الي حصل  ليها في الفتره الي متواصلوش فيها مع بعض 


Flash Back


امينه بدموع : مكنتش قادره يا رحاب مكنتش قادره اتكلم حتي ..عارفه لما تكوني حسه انك ملكتي العالم كله وحسيتي ب الامان وروحك في شخص والشخص ده يروح ويخد روحك وكل حاجه حلوه عارفه احساس لما تكوني خلاص مستنيه يوم فرحك علي حبيبك وفجأه اليوم ده مايجيش عشان سابك وخد روحك مع انا بقي بقيت عايشه جسم من غير روح انا تعبانه اوي يا رحاب تعبانه اووي حتي معرفتش اشوفه ولا اودعه كان نفسي اشوفه وحشاني اووووي ليه سابني هو قالي انه مش هسيبك مهما حصل طب ليه سابني يا رحاب ها ليه عمل فيا كده انا بموت من غيره....  


وافتكرت جمله امينه بعد ما هديت) 


امينه بابتسامه : بس عارفه هو رجع ليا تاني هو هيرجع تاني وساعتها مش هسيبه يروح مني تاني خلاص هيرجعلي تاني يارحاب والله صدقيني 


Back 

رحاب شاكها زاد اوووي وقررت انها تروح تشوف المريض ده وخصوصا بعد ما الدكتور قال عليه انه اسمه خالد زي ما سمع امينه بتقوله كده ليه وراحت رحاب الاوضه الي فيها المريض وهي خايفه لاتكون صحبتها عاملت الي فكرت فيه رحاب ودخلت الاوضه واول ما دخلت انصدمت لما شافته وكانت للحظه افتكرته خالد عشان هي وخالد كانوا زي الاخوات كان كل مشكله تحصل بين امينه وخالد كانت رحاب هي الي بتصلحهم دايما وخالد كان بيعتبرها اخته تمام وهي كمان لن حست انها مش لوحده وليها سند غير ابوها وعشان هي مجربتش احساس ان يكونلها اخ يحميها ويخاف عليها وبقوا هو وامينه عليتها التانيه  هي عشان عارفه انه مات ماكانتش في نفس الحاله بتعت امينه قربت منه وفضلت بصه ليه جدا وعنيها دمعت بس اقنعت نفسها انه مش خالد الي باعتباره اخوها وسندها وطلعت جراي برا الاوضه وبرا المستشفى كلها وركبت عربيتها وهي متجها لي بيت امينه بكل غضب وعصبيه قالت وهي سايقه بسرعهه جدا


رحاب بغضب وزعيق : لييييه يا امينه ليه تعمل كده حرام عليكي لييييه عملتي فينا كده حرام عليكي حرررراااااااااااااااااام 

وفضلت رحاب في الحاله دي لحد ما وصلت بيت امينه و فتحت بالمفتح الاحتياطي الي معاها و اول ما دخالت قالت 


رخاب بزعيق : امييييييييييينه انتتتتتتتي فييين وفضلت تندها عليها وتلف في البيت زي المجنونه دورت في كل البيت ملقتهاش ودخالت تشوفها في الصالون لاقيتها حاطه الهاند فري ومش سامعه حاجه راحت رحاب بكل عصبيه وغضب شدها ومقومها قدامها وضربها بالقلم وقالت 


رحاب بزعيق وغضب : انتي ازززززززي تعملي كده هاااااا وضربتها بالقلم تاني ... ليييييه يااااااا امييييينه ليييييييه تعملييي كده حراااااااااااام علييكي يا شيييخه ووووصلت بيييكي ااااااانك تعملي ليه العميليييه ووو تخاليييه نفس شكل خاااااااالد وضربتها بالقلم وتهز فيها ومسكها من درعها بقوة وبتقول


رحاب بدموع و غضب : حررررررام علييييكي انتتتي فكرك ااااااانه كددده هييييرجع لييييكي تااااني فاكررره ااانه كدده رجعلك شاااايفه فييييه خاااالد بااااس من شاااااكله باااااااس هوووووو ده حببك ليييييه شااااااكله باااااس ومش همك اااانه راااجل غرريب وووومش هووو خالد افهممممي بقي خاااالد مااااات خااااالد ماااااات ومشش هيرجع تااااااااني حرااااااااام علييييكي زنبه اييه الشاب ده عشاااااااان تخاليييه شبهه واحد تاااااني زنبه اييييه اااانك لاقييته يوووم الحادثه وبدال ما تسعديه تعمليي فيه كده اديتلوااا هوووايه مش بتاعته وشكل مشش ليه حراااااااام ده حراااااااام 


كل ده امينه مصدومه وبتسمع كل كلمه قالتها رحاب وان ازي عرفت  رحاب ده لن كانت امينه مقرره انه هتحكي لي رحاب كل حاجه و رغم كده كل كلمه قالتها رحاب هي عارفه انها صح بس هي رفضها وهي بتعيط بهستيري وفي ودنها كلمه خالد مات مات فكرت ان خالد مات دي مش مستواعبها وفي نفس الوقت شايفه ان رحاب صح هي ادت هوايه لشخص مش هوايته وادته شكل مش شكله وضميرها بيأنب فيها وفضلت تعيط بهستري لحد ما رحاب قالت كلام قتالها 


رحاب بجديه وحسم : اسمعي يا امينه انتي طول عمرك اختي مش صحبتي بس الي بتعمليه ده غلط وانتي بتوقعي نفسك فيه لما تروحي تعملي عمليه لوحد عشان يبقي شبه حبيبك ده غلط واكبر غلط انك تحبيه علي انه خالد لمحرد انه بقي شكله كده ظلمتي نفسك وظلمتيه معاكي بس انا عمري ما هكون معاكي في الي بتعمليه حتي لو اضطريت اقطع علاقتي بيكي يا امينه لو منستيش الي في دماغك ده واترجعتي عنه فااهمه 


امينه بوجع وعيط : ليه تعملي فيا كده انا مقدرش اعيش من غيرك رحاب انا والله ما بكدب انا بس كانت بساعده انا معملتش حاجه غلط رحاب انا مقدرش ابعد عنك ولا عنه انا بحبه والله بحبه وحتي كنت هقولك لما ترجعي بس انتي الي اتكلمتي الاول ارجوكي يا رحاب بلاش تبعديني عنه انا مصدقت روحي رجعتلي حرام عليكي بلاش تحرميني منه انا حبيته والله حبيته ... وقعت علي الارض ومنهاره جدااا وبتعيط وبتصراخ رحاب شافتها قلبها وجعها اووووي ونفسها تاخدها في حضنها بس هي خايفه علي صحبتها اووووي من الي عاوزه تعمله عشان كده بتحميها من نفسها حتي لو هتجي عليها وتقسي عليها رحاب كانت ماشيه بس مقدرتش ورجعت جري عليها وخدتها في حضنها وفضلوا يعيطوا سوي 


امينه برجاءو عيط : ارجوكي بلاش تحرميني منه انا حبيته اووي انا ممكن اموت انا مش هستحمل والله المرادي ارجوكييي بلااااااش تبعديه عنييي قلبييي هيتوجع اووي المرادي أرجوكيي يا رحاااب ارجوكي 


رحاب بدموع و وجع علي الحاله الي وصلت ليها امينه بس هي عارفه كويس لو رفضت امينه هيجرا ليها حاجه فعلا المرادي فا قالت 


رحاب بدموع وحنان : خلاص يا امينه ارجوكي انتي كفايه هتتعبي كده اهدي خلاص انا مش هعمل حاجه صدقيني والله خلاص بس اهدي يا حببتي ارجوكي بلاش تعملي في نفسك كده 


امينه حضنت رحاب بامتنان وبتشكرها وبتقول


امينه بدموع : شكرراااا ياااا رحاب والله ما هقدر اعيش من غيره مره تانيه انا اسفه وقطع عليهم صوت فون امينه وكان الدكتور رحاب وامينه بصوا لبعض ورحاب شاورت ليها انها ترد 


امينه بخوف : الو ايوه يا دكتور طمني في حاجه حصلت ارجوك طمني في اي؟ 


الدكتور : اطمني يا انسه امينه اطمني المريض فااااق من الغيبوبة أخيرا.....وهنعرف بعدين 



                      الفصل السابع من هنا 

تعليقات