قلب قاسي
الفصل الثالث
بقلم هويدا زغلول
يحيي
اخص عليكي يا نجوي اقصدك اي انا كداب يعني
والله زعلتني
نجوي
طيب ليه انت مش عايزني اقولها
يحيي
خايف عليكي منها والله لو عرفت انك عارفه
حاجه
نجوي
انا بقيت اكرها ومش عارفه اعيش معاها من يوم ما قولت ليا الحقيقه
يحيي
انا خوفت ابلغ علشان انتو تتربوا والله وكانت
غلطه عمري أن عملت كده لان لازم اوديها
في داهيه
نجوي
عمي انت بتعيط ارجوك لا دموعك غاليه عندي
اوي والله
يحيي
مش أغلي منك يابنتي انتي الوحيده اللي عمري
ما حسيت انها بنت اخوبا
نجوي
حبيبي يا عمي وانت بالنسبه ليا اب والله وبحبك اوي
وبعدها روحت نجوي علي البيت
الام
خير اي اللي جابك تاني
نجوي
ده بيت ابويا ولا انتي مش وخدا بالك من الموضوع ده
الام
هو فيه اي يا نجوي عايز اعرف انتي ليه بتتعملي
معايا بالطريقه دي
نجوي
عمي اللي انتي بتكرهي قالي مينفعش تسيبي
امك لوحدها وغصب عليا ان اجي هنا تاني
الام
لا والله فيه الخير يشكر علي الواجب اللي عمله
ده
نجوي
اه ياريت بقي تشكري وتبطلي هكرهك ليه
الام
انتي مش عارفه حاجه خليني ساكته
نجوي
انا داخله أنام مش ناقصه وجع دماغ ودخلت الأوضه وفضلت الام تعيط
الام
منك لله يا يحيي علي اللي بتعمله فيا كرهت
بنتي فيا وبعدها دخلت نامت وفي شقه سوسن
سوسن
اي ده مالك فيه اي قاعد كده ليه
سامح
امك دي انانيه مش بتفكر الا في نفسها وبس
مش كلكم ليكم في الورث المفروض تبيع
وتدي كل وحده حقها
سوسن
مالك يا سامح فيك اي من أمتي وانت بتتكلم
معايا بالطريقه دي
سامح
لما اكون خالص جبت اخري وتعبت انا زهقت
من الشغل عند الناس وعايز اعمل مشروع
سوسن
ما تعمل حد قالك لا شوف فلوس من ابوك
واعمل اللي انت عايزو
سامح
اخرتها بتقولي كده يا مراتي يا حبيبتي بدل
ما تقولي اقف جمب جوزي حبيبي واعمل
ليه اللي هو عايزو
سوسن
وهو انا معملتش جبتلك شغل عند عمي وانا
بكره عمي وقولت يا بت معلش بيتك محتاج
اول لما بابا مات كل وحده فينا خدت مبلغ
وانا اديتك الفلوس
سامح
بقولك اي يا سوسن يا انا يا البيت عندكم
عمك عارض عليا مبلغ حلو اوي لو هو خد البيت
سوسن
يبقى امي ومش هبيع امي اكتر من كده سلام
سامح
رايحه فين يا مجنونه دلوقتي
سوسن
هسمع كلامك وامشي وفعلا راحت بيت امها
نجوي
اي ده فيه اي اي اللي جابك دلوقتي
سوسن
اوعي كده من وشي أنا مش نقصاكي
نجوي
اي مالها دي ودخلت عند امها وهي عامله
تعيط وقالت ليها
الام
والله يا بناتي انا مش ظلماكم بس انا مقدرش
امشي من هنا ده انا اموت
سوسن
واحنا يا امي عمرنا ما نرضي أن احنا نزعلك والله
الام
ادخلي نامي يا حبيبتي وريحي جسمك شويه
سوسن
حاضر يا امي ودخلت فعلا الاوضه واتصلت
نجوي بعمها
يحيي
بنت حلال كنت لسه هكلمك
نجوي
سوسن هنا وحصل مشكله بينها وبين زوجها
يحيي
كويس علشان الضغط يكون عليها اكبر
نجوي
مانا كده مش هقدر اعمل حاجه في الاكل او
العصير اكيد هيتشك فيا يا عمي
يحيي
اسمعي مني يا حبيبه عمك هقولك ايه
وتاني يوم راح سامح
سامح
مساء الخير يا نجوي
نجوي
مين سامح تعالي ادخل
سامح
سوسن رجعت من الشغل. ولا لسه
نجوي
اه وقاعده مع ماما جوا ادخل ليهم ودخل
سوسن
انت اي اللي جابك هنا يا سامح
سامح
مساء الخير يا ماما ازيك عامله اي
الام
عيب كده يا سوسن ده جوزك تعالي يا حبيبي .
سوسن
حبيبك بعد اللي عمله
سامح
والله انا عارف ان انا غلط بس كانت ساعه شيطان وانا ندمت بس والله لما غصب عني يا امي زهقت من شغلي ومش لاقي مكان تاني اروحه
الام
وأنا عارفه انك كويس يا حبيبي وانتي قومي ارجعي مع جوزك يلا قومي جهزي الاكل الاول
هنتغدا سوا
سامح
ربنا يخليكي ليا يا ماما وما اتحرم من كرمك أبدا عليا
الام
عايزك يا سامح استني وخرجت سوسن وطلعت الام من الدولاب مبلغ
سامح
اي الفلوس دي يا ماما
الام
انا عارفه انك كويس خد الفلوس وشوف هتعمل
مشروع اي بس دي فلوس جواز نجوي يعني لازم يكون المشروع اللي انت هتعمله تكون واثق فيه
سامح
معقول يا ماما تعملي معايا انا كدم
الام
والله دائما حساك ابني مش جوز بنتي وربنا يعلم
غلاوتك في قلبي يلا شيل الفلوس قبل
ما مراتك تيجي والموضوع ده سر بيني وبينك ياريت محدش يعرف بيه
ودخلت نجوي
نجوي
واللي انتي مديالو فلوسك دي اللي هي فلوسنا كلنا عارفه أن هو شغال مع عمي يحيي اللي انتي
بتكرهي
الام
اي معقول الكلام ده يا سامح