رواية احببت مجهولا الفصل الاول و الثاني
بقلم منال عباس
انا أهو انا أهو انا أهو قمر 14 أهو (رنه الهاتف ) 😄😄😄
تقوم ماهى بكسل تغلق الهاتف .وتعود للنوم مرة أخرى .بعد مرور نص ساعه يرن هاتفها
ماهى تغلق دون أن ترد
ليعاود المتصل الاتصال مرة أخرى
مع تكرار الجرس ترد ماهى ايوا مين فكان المتصل رقم غير مسجل لديها .
المتصل : كفايه نوم وقومى اتأخرتى على الجامعه .
مايا : مين حضرتك
المتصل : بعدين تعرفي
المهم قومى بسرعه احسن هتتأخرى كدا
وبعدين الدكتور مش هيدخلك واغلق الخط
تفكر ماهى من ذلك المتصل ..
ماهى تبلغ من العمر 20عام جميله جدا عيون زرقاء بلون البحر . شعر اسود طويل متوسطه الطول محبوبه من الجميع دلوعه باباها ومامتها..
خرجت ماهى من حجرتها
صباح الخير يا حوس
حسام والد ماهى يبلغ من العمر 50 عاما دكتور بمركز البحوث الزراعيه
حسام : يا بت اعقلى بقا وقولى يا بابا
ماهى : لا حوس احلى
فين الست روبي
رحاب والدة ماهى تبلغ من العمر 46 وتعمل أيضا دكتور بمركز البحوث الزراعيه وتزوجت حسام عن قصه حب
رحاب: انا هنا فى المطبخ يا قدرى
ماهى :ربنا يخليكوا ليا
وتذهب لتأخذ شاور سريع وترتدى بنطالون جينز وشميز بينك وترتدى نظارتها السوداء .
رحاب : استنى خدى الساندوتشات دى معاكى
ماهى : يا ست الكل انا مش فى كى جى وان
رحاب : مفيش خروج غير لما تاخديها
ماهى : هاتى هو انا أقدر اكسر كلامك كمان انا متأخرة
وتذهب بسرعه
تستأجر أوبر لتصل إلى الجامعه فهى طالبه بكليه آداب انجليزى بالفرقه الثالثه..
تصل إلى الجامعه وتذهب بسرعه إلى المدرج لتجد جميع الطلبه بالخارج منهم من يبكى ومنهم يبدو عليه الحزن .
ماهى بتساؤل : فى ايه
تجيب إحدى الطالبات
دكتور مازن عمل حادثه وبيقولوا حالته خطره
شعرت ماهى بالحزن تجاه دكتورها المفضل
وخرجت من الجامعه لتذهب الى النيل وتجلس لتتذكر اول لقاء بها لدكتور مازن .
فلاش باااك
مازن : الانسه اللى قاعده ورا ونايمه على نفسها
اتفضلى ترجمى الجمله دى
ليتفاجئ الجميع بها أنها ترجمتها بدقه
مازن باستغراب : مع انك نايمه بس بجد شابو ليكى وابتسم ابتسامته الرائعه التى جعلتها تشعر
بالسعاده .
انتهت المحاضره وعند عودتها . وجدت دكتور مازن يقف بسيارته ليدعوها للركوب معه
مازن : اتفضلى يا آنسه اوصلك فى طريقي
ماهى : لا طبعا اسفه مش بركب مع حد غريب
مازن بس الدنيا زحمه ومش هتلاقي حاجه توصلك
ماهى : لا شكرا خلاص بابا جاى اهو بالعربيه استاذنك وتركته وغادرت بسرعه
ظلت تمشي لمسافه طويله ولم تجد اى وسيله تنقلها.
حاولت أن تطلب أوبر ولكن لسوء حظها باقه النت خلصانه
ماهى متحدثه لنفسها بصوت عالى انا اللى استاهل ما كنت ركبت وخلاص رجليا وجعتنى وكمان الواد مز ودكتور كمان
للتفاجئ بدكتور مازن يقف ورائها ويضحك
ماهى بخضه :انت قصدى حضرتك هنا من امتى
مازن بضحك : من وقت رجليا وجعتنى.
ماهى باحراج : انا اصل ..انا انا .كنت ..انا
مازن : خلاص يا بنتى
تعالى نقعد على الكورنيش واعزمك على آيس كريم
ماهى بسرعه : آيس كريم واووو إذا كان كدا ماشي
ذهبت مع دكتور مازن وتناولوا الآيس كريم
مازن : الحقيقه انا حبيت اعتذر ليكى علشان قولت عليكى نائمه واتفاجئت انك مركزة وترجمتى الجمله بتفوق..
ابتسمت ماهى :دا أقل حاجه عندى
مازن : نقول دا غرور
ماهى : نووو نقول دا ثقه
وشكرته وطلبت منه أن تغادر حتى لا تتأخر
وافق مازن
واوصلها إلى منزلها ثم ودعها وغادر.
عوده من الفلاش
ماهى مش عارفه ليه قلبي حزين عليك مع انك عمرك ما فكرت تحبنى زى ما حبيتك ..ونزلت دموعها .. وعادت لمنزلها ولكن يبدو عليها الحزن
حسام : حبيبه بابا مكشرة ليه
ماهى : ابدا مرهقه شويه
رحاب : مش عوايدك اول مرة ترجعى وما تسأليش عن الغدا
ماهى قبلت والدتها هنام شويه ولما اصحى هبقي آكل..
دخلت غرفتها واستبدلت ملابسها وراحت فى نوم عميق لم تشعر بالوقت واستيقظت على رنين هاتفها
ندى صديقتها المقربة
ماهى : أيوة يا ندى ازيك
ندى : انا ماروحتش الجامعه النهارده وعرفت من أصحابنا أن دكتور مازن عمل حادثه
ماهى : أيوة عرفت وبجد حزينه عليه
ندى : طيب ما دى فرصتك يا غبيه
نروح بكرة نزوره فى المستشفى
ماهى : بس بس ..
ندى : مابسش ولا حاجه ثانيا انتى مش هتكونى
لوحدك .
الشله كلها هتروح
ماهى : إذا كان كدا ماشي
وأغلقت الهاتف .
وذهبت تنادى رووبي
بنتك جعانه جهزى الاكل بسرعه
رحاب : يعوضنى عوض الصابرين
روحى صلى على ما اجهز الاكل
ذهبت ماهى وتوضأت وصلت فرضها
وعادت لتتناول الطعام مع والديها ..
رن هاتف والدها مكالمه فيديو..
أنه احمد ابن عمها مسافر امريكا يبلغ من العمر 27
ويعيش هو وأسرته بأمريكا منذ 20 عام لعمل والده هناك يأتون كل سنتين مرة للزياره
احمد : ازيك يا عموووو وحشتنى
حسام : وانت كمان يا ابنى مش هنشوفكم بقا
احمد : أن شاء الله انا جاى انا وماما علشان نزوركم وماما تطمن وتزور أسرتها .
حسام : طب وعمر اخويا مش ناوى ينزل
احمد : معلش يا عمو انت عارف بابا ديما
مشغول
حسام : بس لازم يجى ونشوفه
ماهى : ازيك يا احمد وازى عمووو وطنط
احمد : الحمد لله كلهم بخير
المهم جهزى نفسك هشغلك مرشده سياحيه ليا لمدة أسبوع
ماهى : من عنيه بس تعالوا بقا
احمد : ازيك يا طنط رحاب
واضح أن حماتى بتحبنى شكل الاكل على السفرة يفتح النفس
رحاب : اتفضل يا حبيبي
تعالوا بس وانا اعملك كل الاكل اللى بتحبه .
سلم احمد على الجميع واغلق الهاتف
رحاب بحب : الواد احمد دا فيه الخير
ربنا يجعله من نصيبك يا ماهى
ماهى : حيلك حيلك احمد دا اخويا مش اكتر وشيلى الفكرة دى من دماغك .
ثم ذهبت لحجرتها لتراجع بعض المحاضرات
حسام : بقولك ايه يا رحاب مفيش داعى تفتحى الكلام عن احمد مع ماهى تانى
بلاش تحرجيها وكمان احمد ما اتكلمش ولا حتى لمح بحاجه
رحاب : هو انت كدا انت وبنتك ماكنتش كلمه
قولتها
حسام : هى روبي هتقلب عليا ولا ايه
رحاب : بضحك ايوا ايوا كل بعقلي حلاوة
حسام : دا انت الحته اللى فى الشمال
قومى بقا اعملى كوبايتين شاى من ايديكى الحلوين .
عند ماهى
عند الانتهاء من تدوين محاضراتها ومراجعتها
تقوم بتجهيز الملابس التى ستذهب بها غدا لتزور دكتور مازن .
اختارت بدله سوداء وقميص أبيض وتوكه شعر بيضاء وشوز اسود وشنطه سوداء كانت ملابس فورمال ولكنها تبدو فى غايه الجمال والاناقه
حاولت أن تنام لم تستطع من كثرة التفكير
ليرن هاتفها استغربت الاتصال أنه نفس الرقم الذى اتصل بها فى الصباح
رفضت أن ترد فالوقت متأخر ولا تعرف من المتصل
رن الهاتف مرارا وتكرارا
ولكنها لم ترد
لتجد رساله على هاتفها
مين اللى شاغل بالك ومسهرك للوقت دا
نامى يلا وتصبحى على خير
انتفضت من الذى يراها
وفتحت البلكونه ولم تجد أحد بالشارع
خافت وأغلقت الشيش بسرعه
وامسكت الهاتف لتجد رساله أخرى
مفيش داعى تفتحى شيش البلكونه فى وقت زى دا
اتصلت هى على الرقم
ماهى : مين حضرتك
المجهول : انا اقرب ما يكون ليكى
انا ........
الفصل الثاني
ماهى باستغراب من هذا وكيف يراها فتحت شيش البلكونه لتنظر للاسفل لم تجد أحد بالشارع فالوقت متأخر إعاقته بسرعه لتسمع صوت رساله .
مفيش داعى تخرجى البلكونه فى وقت زى دا وكمان بشعرك اتمنى يجى اليوم اللى تلبسي فيه الحجاب..
اتصلت ماهى على الرقم
المجهول : الوووو
ماهى : مين حضرتك وشايفنى ازاى
المجهول : انا اقرب حد ليكى
ماهى : لو سمحت قول انت مين أو ما تتصلش تانى برقمى
المجهول : اوعدك هتعرفي فى الوقت المناسب
بس المهم لازم تتأكدى انى عمرى ما احب انى اضايقك خلى بالك من نفسك علشان نفسي.واغلق الخط
ماهى : مين دا وعايز منى ايه وشايفنى ازاى انا هتجنن
ظلت تفكر إلى أن نامت.
فى الصباح رن جرس المنبه .
قامت وأخذت شاور سريع وصلت فرضها.
وجدت والدتها ووالدها لازالوا نائمين
حضرت هى الافطار وذهبت لهم
طرقت الباب
حسام : ادخلى يا حبيبه بابا
فتحت الباب ودخلت
ماهى بغمزة اتأخرتوا ليه فى النوم مش هتبطلوا شقاوة
رحاب بضحك : بس يا قليله الادب
ماهى : الله هو انا قولت حاجه انا بس بطمن أن كان جاى ليا اخ فى الطريق ولا لأ😄😄😄
حسام بضحك : يا بت اسكتى هتجننينا كفايه علينا انتى
ماهى : هو انا قولت حاجه يا حوس
عموما يلا انت وروبي بسرعه الفطار جاهز من ايدين الشيف ماهى 😉😉
خرجوا لتناول وجبه الافطار
بعد الانتهاء ذهبت لترتدى ملابسها
وارتدت الملابس وكانت تبدو كالملاك ووضعت القليل من مساحيق التجميل .
رن هاتفها برقم المجهول
ماهى : نعم حضرتك عايز ايه
المجهول : صباح السعاده على اجمل بنت في الدنيا
ماهى بزهق : وبعدين معاك عايز ايه
المجهول : عايزك تاخدى بالك من نفسك وما تركبيش تاكسي لوحدك
الافضل تروحى انتى وصاحبتك واغلق الهاتف
ماهى كادت أن تجن كيف له أن يعلم هذا
لا احد يعلم ذلك سوا ندى صديقتها
اتصلت على ندى
ندى : أيوة يا مصيبه جهزتى ولا لسه
ماهى جاهزة وهنزل حالا
ندى طيب انزلى انا هفوت عليكى بابا هيوصلنا للمستشفى قبل ما يروح الشغل دقائق ونكون عندك
سلام يا حب
ماهى : سلام
خرجت من حجرتها
حسام (والدها ): ايه الشياكه دى كلها
ماهى : أقل حاجه عندى سيبك من روبي وانا ..
قاطعتها رحاب يسيبه من مين يا مفعوصه دا انا الأصل
حسام : هههههههه هتغيري ولا ايه يا روبي
رحاب : اغير لا طبعا
ماهى : اكيد يا روبي وااااثيييق من الفوز
وضحك الجميع .. قبلت والديها وذهبت
وجدت سيارة والد ندى ينتظرها..
عصام : اهلا يا ماهى اتفضلى يا بنتى
ماهى : اهلا بحضرتك يا عمو
ندى : وانا ايه هوا مفيش ازيك يا ندوش
ماهى : ازيك يا ندوووش
ندى : أيوة كدا اتعدلى
عصام بضحك ربنا يسعدكم حبايبي
ذهبوا إلى المستشفى
وغادرهم عصام للذهاب إلى عمله
سمعت ماهى صوت رساله الحمد لله انك روحتى مع صاحبتك كدا اطمنت عليكى
ندى : مالك يا ماهى سرحانه فى ايه
ماهى : لا ابدا
وصلوا للاستقبال وسألوا عن حجرة دكتور مازن
وصلوا وجدوا العديد من الطلبه الكل فى انتظار زيارته
حيث أمر الطبيب بعدم دخول أكثر من اثنين لمدة دقيقه حتى يتسنى للجميع رؤيته
انتظرت ماهى وندى حتى أتى دورهم
ماهى وقلبها ينتفض : مش قادرة ادخل اشوفه وهو تعبان
ندى : يالا يا بنتى دورنا كدا هنتأخر
دخلوا وجدوا فتاة رائعه الجمال جالسه بالقرب منه
ماهى وندى ألقوا التحيه
مازن : اهلا يا آنسه ماهى آهلا يا آنسه ندى
ماهى بحزن : سلامتك دكتور مازن
ندى : الف سلامه على حضرتك
الفتاة (شيرويت ) اعذرونا مازن مش هيقدر يتكلم اكتر من كدا
ماهى : اه طبعا احنا فاهمين
ومدت يدها لتسلم عليه كى تغادر
مازن بصوت منخفض جدا خلى بالك من نفسك
شعرت ماهى أن هذا الصوت ... ولكن كيف
ثم سلمت عليه ندى وخرجوا
ندى : مالك يا ماهى
ماهى : مش شايفه اللى كانت قعده معاه اكيد تبقي حبيبته
ندى : بس أنا شوفت نظرة عينيه ليكى
ماهى : كله اوهام من يوم ما عرفته عمره ما قال اى حاجة تحسسنى بحبه
انا اللى وهمت نفسي .
رن هاتف ماهى بصوت رساله
فتحتها لتجدها من المجهول
ليه الحزن دا كله وجعتى قلبي عليكى
ندى : ساكته ليه يا ماهى
ماهى شوفى واعطتها الموبايل لتقرأ الرساله
ندى باستغراب : مين دا
ماهى مش عارفه ونظرت حولها كى تبحث عنه ولكنها لم تجد أحد
ندى : تعالى نشوف الرقم على التروكولر
ماهى : صح فكرة
وكتبوا الرقم ليبحثوا عنه ليجدوا الرقم مسجل ب
الفصل الثالث من هنا
لقراة باقي الفصول اضغط هنا
