رواية نبضي
الفصل الثاني2
بقلم نور يوسف
اوضه سيف كان نايم رجله علي المخده ودماغو تحت
ماسه اول ما دخلت مقدرتش تمسك نفسها من الضحك
ماسه بضحك: عم الحاج كركر يا عم الحاج صبح صبح
اياد كان طالع من اوضتو سمعها فضل يضحك وراح ليهاا
ماسه: يا سيف حرام عليك قوم بقا
وسيف ولا هنا
ماسه شافت اياد واقف يضحك: اياد بالله تعاله صحيه
اياد بضحك: تدفعي كام
ماسه بصيتلو بنص عين: اهون عليك
اياد: صراحه لا اوعي كداا اما اشوفو... اياد اتكلم بحده. سيف انت يلا قوم اخلص
سيف قام مره واحده: نعم يا اياد في ايه
اياد كتم ضحكه: قوم عشان نفطر
ماسه بصت ليهم بغيظ وطلعت
بعد ما خلصو فطار كانو قاعدين كلهم مع بعض قدام شاشه التلفزيون
سيف بغيظ: طب انتي طفله وقولنا ماشي انما احنا اتنين شبه الشحوطه نسمع كرتون ازاي
ماسه بضحك: زي السكر في الشاي
اياد كان بيتفرج عليهم بصمت
سيف: يا بت هقوم اجيبك من قفاكي
ماسه طلعت لسانها
اياد: اسكتو بقا
ماسه: سيف تعاله يلا نحضر غدا
سيف: نعم يختي مستحيل ده يحصل
..
سيف: امسكي يا ماسه الطماطم اهي فرمتها
ماسه بضحك: تسلم يا سبع
سيف بصلها بغيظ وماسه ضحكت بصوت عالي
اياد من برا بغضب: صوتك يا هانم
ماسه سكتت وكملو طبخ
ماسه: سيف خلي بالك من البطاطس علي ما اجي
سيف: ماشي
ماسه طلعت ل اياد وهي باصه في الارض واياد ابتسم
ماسه: علي فكره ضحكت بصوت عالي غصب عني مكنتش اقصد انا اسفه
اياد حضنها: متزعليش منى بس اكيد الناس الي معانا فى العماره سمعوكي وانا مش عاوز حد يتكلم عليكي عشان لو دا حصل هرتكب جنايه
ماسه بسرعه: لا لا ياعم تف من بؤك
اياد بصلها بقرف: عيله فصيله بصحيح تك قرف
ماسه ضحكت بصوت عالي اياد حط ايده علي بقها بسرعه
ماسه بضحك: اخر مره خلاص
اياد بغيظ: أمشي يابت وابعتي سيف عشان ننزل نصلي
ماسه بتكتم ضحكها: حاضر
ماسه دخلت تنادي ل سيف لقت سيف بياكل في البطاطس المحمره
ماسه بشهقه: يا نهارك ملهوش ملامح
سيف ضحك ببلاهه: في ايه
ماسه: في انك طفس وخلصت البطاطس يا طفس
سيف ضحك باستفزاز وسابها وخرج
ماسه بغيظ: عااا مستفز
في اليل
اياد: ماسه عندك دروس بكره
ماسه ب انتباه: ايوه عندي درس الساعه 9 ودرس الساعه 3
اياد: اممم هتمشي معانا الصبح وهتطلعي من الدرس حوالي الساع 11 مثلا
هيبقا فاضل علي الدرس التاني 4 ساعات مترجعيش البيت