رواية قلب قاسي
بقلم هويدا زغلول
الفصل السادس
قلب قاسي
الفصل السادس
بقلم هويدا زغلول
احمد
لا انت قتلت اخوك علشان حاجات كتير اوي
كنت فاكر أننا في فيلم عربي بقي ومراته تيجي
تقولك اتجوزني علشان نربي العيال سوا
يحيي
بقولك اي البيت هيكون بتاعي انا مفهوم ولا لا
وعمري ما هسيب البيت ده وانا واحد مش بيهمه الا الفلوس وبس
احمد
قدامك اسبوع لو البيت ده مكنش معاه
انسي اي حاجه بيني وبينك وقفل السكه
وفي المستشفي
اسماء
عامله اي يا ماما دلوقتي
الام
الحمد لله احسن امال فين نجوي
رقيه
غارت في داهيه
الام
وصيتي اختكم اوعوا تسبوها مفهوم
سوسن
ماما انتي عارفه هي عملت اي دي كانت
عايزه تمضيكي عالبيت
الام
انا خالص قررت اسيب البيت لعمكم
اسماء
انتي بتقولي اي يا ماما معقول ازاي يعني
الام
انا شوفت ابوكم ايوه جالي وقالي أن اسيب
ليه البيت وهو هيرجع ليكي تاني بس خدي الفلوس من يحيي
اسماء
فلوس اي وهو عمي لو دفعلك تمن البيت
هيرجع ليكي البيت تاني
الام
ابوكي عمره ما ضحك عليا وانا واثقه من كلامه
رقيه
ماما ياريت متزعليش مني بس بابا ميت
الام
الكلام خلص وانا تعبانه مش قادره اتكلم تاني
اسماء
صحيح يا ماما نجوي قالت ابو اسالو ابوكم
مات ازاي هو انتي تعرفي حاجه عن موت بابا
الام
والله يابنتي كل حاجه كانت علي يدكم بس
والله ما فيه حاجه مخبيها عليكم
سامح
هو فين الدوا اللي كان هو بياخدو يا حماتي
الام
في اوضته يابني في وسط هدومه ليه بتسال
ليه
سامح
هقولك بعدين لان شاكك في حاجه كده
ودخلت نجوي
نجوي
ماما سامحني ارجوكي انا في مصيبه
اسماء
انتي اي اللي جابك هنا اخرجي برا يلا
الام
بس يا اسماء تعالي يا نجوي عمر ما كلام
ابوكي كان غلط عايش أو ميت تعالي
نجوي
والنبي يا اسماء تعالي عايزكي برا دقيقه واحده
رقيه دي لعبه جديده ولا اي
نجوي
ليكي حق تقولي كده بس والله العظيم انا
عايزكم كلكم تسموحني وخرجت من الاوضه
وقالت سوسن ل اسماء كل حاجه
اسماء
ينهارك اسود انتي بتقولي اي يعني اي
نجوي
والله العظيم انا ما كنت حاسه بحاجه وربنا
يعلم وهي عايزني دلوقتي اشتغل في الغلط
بوصي انا عملت مصائب بس والله العظيم
المره دي انا مظلومه
اسماء
طيب هنتصرف ازاي دلوقتي
نجوي
معرفش انا موبايلي بيسجل المكالمات
والمكالمه بيني وبينها متسجله بس انا
خايفه تشير الفديو
اسماء
اخرسي بقي وانا هتصرف وراحت ل زكريا
وقالت ليه علي كل حاجه
زكريا
طيب تعالي معايا
اسماء
ثواني وراحت ل نجوي وقالت ليها
اسماء
اياك ماما تعرف حاجه مفهوم ولا لا لحد ما نشوف هنعمل اي في المصيبه دي
زكريا
هي لازم تكون معانا علشان عارفه العنوان
نجوي
هو انت رايح عندنا طيب ليه
زكريا
تعالي بس وكان ليه صديق ليه اسمه محمود عقيد وراح
وقال ليه كل حاجه وسمعه المكامله
محمود
تمام يلا بينا وراح بيت نورا
نورا
نعم يا باشا فيه حاجه
محمود
مالك يابت اتعدلي وفضل يتكلم معاها وسمعها المكامله
نورا
وانا مالي يا باشا للي حصل ليها هي فعلا
كلمتني لما اهلها رموها وانا خدها في بيتي
انما اي حاجه تاني انا مليش فيها
نجوي
والله العظيم كدابه
زكريا
اسكتي انتي يا نجوي
نجوي
طيب اسالها علي يسري. وانا مستعده
للكشف الطبي عليا.والله
نورا
سافر اه سافر بعد ما طلعتي انتي بساعه وبعدين هو انت معاك إذن نيابه علشان
كل ده
محمود
لا بس راجع ليكي تاني
نجوي
والله العظيم ما هسيب حقي ولو حصلت موتك
هيكون علي ايدي
نورا
شايف حضرتك بتهددني قدامك وأنا مش
هسكت هروح واعمل محضر
اسماء
انتي عبيطه يا بنتي امشي قدامي والكل راح
البيت واتصلت نورا ب يسري
نورا
بقولك اي اياك تيجي ليا الفتره دي وياريت
تسافر البت البجحه راحت عملت محضر فينا
يسري
انا مالي وبعدين مش قولتي عمر ما هيجلها
الجراه تعمل كده
نورا
اهي عملت خالص خلصنا بقي اياك بس تظهر
الفتره دي لحد ما اسال الباشا الكبير
هنعمل ايه
يسري
اللي يخربيتك انتي والباشا الكبير
انا كان ذنبي اي وقفل السكه واتصلت ام اسماء
ب يحيي
يحيي
اهلا مين اللي بيتصل انا كنت ممكن اصدق
أن اخويا الله يرحمه يتصل انما انتي لا
أم اسماء
انا جاهزه علشان ابيع ليك البيت
يحيي
انتي بتهزري ازاي يعني بسهوله كده
أم اسماء
بس تعبد عن بناتي مفهوم
يحيي
دول عيالي والله وحاضر هعملك اللي انتي عايزه
هجيلك أمتي علشان نخلص كل حاجه
أم اسماء
بكره هتصل بيك وهقولك بس الفلوس
تيجي معاك مش شيكات
يحيي
حاضر وقفل السكه واتصل ب احمد
احمد
خير ومش قولت ليك اياك تتصل من رقمك تاني
يحيي
البيت خالص من بكره هيكون ملكي
احمد
بسهوله كده ازاي يعني
يحيي
مش بتعتك بقي المهم هنبدا حفر أمتي
احمد
مش دلوقتي خالص خد البيت بس وبعدين
نتكلم وقفل السكه
يحيي
كده خد فلوس اخويا والبيت بتاعه ناقص مراته
بس
وفي بيت ام اسماء الباب كان بيخبط
اسماء
ايوه يا حضرت الظابط خير
الظابط
فين نجوي مطلوبه في القسم
اسماء
ليه خير هي عملت اي
الظابط
متهمه في قتل المجني عليها نورا محمد السيد