رواية مازلت انتظر
الفصل الثالث
بقلم نوره احمد
مسكت ايديها وهي بتحاول تبعد - بس يا ليلي دا انا اهدي في اييييه!!
صوتي العالي خضها اكتر بعدت وانكمشت في ركن سمعت صوت خالتو وامي جاين
- زين في ايه!!
= يجماعه سبوها دلوقتي هي كويسة بس امشوا عشان مش عايزه حد
مشيوا فعلا ورجعت بصتلها
- فيكي اية ! انا مشتهم لو مقلتليش مالك هخرج وخليهم يدخلوا
فضلت تعيط ومكنتش عارف اتصرف حاولت اقرب واهديها بس بتبعد!
- طب في اية خليني اقرب بس
كانت بتترعش
حاولت احط ايدي على ايديها تاني وقربت براحه فا سكتت وبدأت تهدي طبطبت على ضهرها لحد ما بقت طبيعيه نوعا ما
- حصل اية
مردتش عليا
- اوعدك محدش هيعرف بس احكيلي
......
- ليلي انتي قلقتيني والله العظيم طب فيكي اية حد عملك حاجه
عينيها دمعت وكأنها بتتكلم جسمي سخن واتخضيت!
- حد عملك حاجه .؟؟
هزت راسها وودموعها بتنزل
اعصابي سابت ومكنتش عارف اسيطر عليها
- طب اهدي براحه لازم تقوليلي حصل اية ومين دا الي خلاكي كدا
= كك...ك..ك
وشي اتقلب وقلبي فضل يدق بسرعه وكملت - كريم ؟!
هزت راسها
قومت من مكاني وانا خلاص جبت اخري - حاول يقرب منك ؟
وطت راسها وعيطت = ايوا ايوا
مسكتها بغضب وقومتها
- عمل كدا ازاى وليه بتقابليه لوحدك!
= كنا .. كنا فالعربية وحاول ي..
رجعت تعيط
- طب اهدي اهدي وقوليلي عملتي اية قربلك؟
بعياط = لاء ان...انا.. ضربته وجريت
خت نفسي بأرتياح وحضنتها براحه - طب اهدي ومتقوليش اي حاجه ليهم قعدتها على السرير
وجيت امشي مسكت ايدي - هتعمل اية!
= ولا حاجه هعلمه درس مش هينساه
وطت راسها فا رفعتها = راسك دي تفضل فوق طول مانا عايش فاهمه
- فاهمه
= انا هقولهم انك اتخانقتي مع دكتور فى الجامعه
- زين متسبنيش
= عمري ما هسيبك هرجعلك
خرجت وماما وخالتو قاعدين برا
خالتو - حصل اية طمني
ماما - جرالها اية يا زين مش عايزة تتكلم ليه !
- مفيش حاجه يجماعه هي شدت مع دكتور فالجامعه جامد شوية بس انا قولتبها هحاول اكلمه وهي دلوقتي كويسة
خالتو - يعني خلاص ادخلها
- هي كويسة بس سبوها ترتاح احسن
ماما - رايح فين
- مشوار مهم
نزلت وانا كل تفكيري اني احاول ما اموتوش بس كلمت واحد صحبي يعرفه وجبت عنوانه وروحلته
خبط..
- مين
=...
فتح الباب واول ما شافني اتكهرب
بلع ريقه بخوف - زز زين..!
= ازيك يا كيمو؟ اية مش هتدخلني
زقيته ودخلت ومكنش فيه حد فالشقه
فضل واقف عند الباب وخايف- خير ؟
= معقول هنتكلم واحنا واقفين اقفل الباب وتعالي
قفله بخوف وقرب ناحيتي - ان..انا..انا.
قومت ومسكت رقبته ولزقته فى الحيطه ومكنش عارف يتحرك = انت او..سخ بني ادم على الارض
بترجي - والله ما كان قصدي سبني وانا هصلح غلطتي
حاولت امسك نفسي ومقدرتش ضربته بالبوكس = تصلح اية؟؟
- اهههه طب براحه نتفاهم انا مستعد اعمل اي حاجه حتي اتجوزها انا بحبها والله صدقني
دمي فار ونزلت على وشه ضر ب لحد ما كان فيه د *م من كل حته
بعدت عنه وانا بنهج فا وقع على الارض
نزلت لمستواه = اوعي تكون فاكر اني هسلمها لواحد ****** زيك
انا جي عشان اعلمك درس متنسهوش عشان لو فكرت بس تبصلها مش تقرب منها ساعتها نفسك دا مش هيطلع
قومت ومشيت ناحيه الباب لاقيته قام وبيبصلي بغل
- صحيح يا كيمو عرفت ان عندك اخت زي القمر خاف عليها وغمزتله
مشيت وانا حاسس اني احسن ناري بردت نوعا ما ..
روحت البيت وخبطت عليها فا خالتو فتحتلي - نامت؟
= لاء دي قامت طلعت فوق زين انت متأكد انها مجرد خناقه ولا مخبي علي حاجه
اتنهدت - متخافيش طول مانا جمبنا
= ربنا يخليكوا لبعض ياحبيبي
طلعت السطح براحه وبصيت لقتها واقفه سرحانه
- بخ.
= هااااااه زين!!