رواية تزوجت صعيدي الفصل الحادي عشر 11بقلم اميرة جمال
نور كانت صاحية لكن مغمضة عنيها وفجأة لقت حد شالها واتاجئت
انه سليم لسه هتشتمه شافته عنيه مركزة على حاجه على السرير وماسك نور بتملك فنظرت مكان ماهو بيبص
لاقت تعبان كبير على السرير وشكله مرعب شهقت برعب وهى بتتمسك بسليم اكتر
سليم بصوت عالى سمع القصر كله يا جااااااابر تعالى بسرعه
الكل اتحرك على فوق بفزع واتفاجئوا من التعبان وسليم اللى شايل نور
سارة بتبصلهم بغيظ وان خطتها فشلت واللى زودها سليم وتمسكه بنور
الجد بسرعه جابر شيله بسرعه
جابر اتحرك ناحية التعبان ومسكه وحطه جوه شوال ونزل على تحت
سليم كان هينزل نور على السرير صرخت بفزع
لالا ماتنزلنيش هنا
اكيد فيه سم نزلنى بعيد
سليم نزل نور على كنبه وهو بيضحك بصوت عالى
نور بغيظ بتضحك على ايه بقا
سليم بضحك سم ايه اللى على السرير ماخلاص شيلناه
نور بغيظ هو كده اكيد بخ سمه
سليم بخبث ماهو ممكن يكون بخ سم على الكنبه
نور بخوف قامت بسرعه من على الكنبه ووقفت جنب ملك وسليم وأدم ضحكوا
الجد بجدية سليم وأدم كفايه كده نور تعبانه وكفايه اللى بتشوفه
من ساعه ماوصلت هنا
سليم انتبه بكلام جده فعلا وانها بتتاذى من ساعة وصولها الصعي
سليم بجدية عايز افهم التعبان ده وصل هنا كيف
قدرية بتوضيح اكيد من الجنينة اللى تحت
الجد وهو ينظر لسارة يعنى ماظهرش غير دلوجيت وطلع أوضة نور بس وكمان وهى ملك مش معاها
سارة اتوترت وبدأت تبعد عن أنظار الجد
قدرية بهدوء نصيبها
عاد ممكن تغير الأوضة دى
نور بتأكيد فعلا عندك حق انا لازم اروح الفندق انا وملك
الجد بجدية مش هيحصل يابتى انتوا بنات وماينفعش تكونوا لحالكم واصل
نور ياجدى هنبقا نيجى هنا وكمان نبقا قريبين اكتر من المشروع
الجد معلش يابتى لو حصل حاجه تانية ابقى امشى بعدها ونهى الكلام وخرجوا كلهم بعد مااطمنوا على نور ماعدا سليم وملك وأدم
نور موجهة كلامها لسليم انت كنت فى اوضتى ليه
سليم موضحا موقفه كنت هكلمك فى المشروع جدى طلب ابدأ فيها وابلغك باللى بيحصل لحد ماتبقى كويسه وتقدرى
تتابعى المشروع
نور بتأكيد بكره باذن الله هننزل المشروع انا خلاص بقيت كويسة والدكتوره قالت هم كام يوم وخلاص عدوا
سليم بتفهم لو تعبانه خليكى يومين كده وبعدها نبدا
نور بتأكيد لا كويسه الحمد لله
سليم تمام اللى يريحك يلا ياادم وخرجوا وسابوا نور وملك
ملك بجدية لسه شايفة ان كل اللى بيحصل ده عادى
نور لا اكيد ده مش طبيعى بس مافيش دليل على حاجه
ملك انا متأكده انها البت سارة الحربؤة دى
نور بضحك ماتقولى حرباية وخلاص
ملك لا دى عقربة كمان
نور بضحك كفايه يابنتى قطعتى فروة البت
ملك هى عندها فروة دى بديل 😂
نور بضحك خلاص همووت من الضحك
ملك ان شاء الله هى ياروحى بقولك احنا كده خلاص هنبدأ بكرة
نور بتأكيد اه باذن الله وعايزين نثبت نفسنا كويس فى الشغل ده أول مشروع امسكه
ملك مطمئنة نور ماتقلقيش ان شاء الله هينجح
**
**********
قدرية وهى ماسكه سارة بعنف انتى اكيد اتجننتى
سارة بوجع وانا عملت ايه بس ياما سيبى ايدى
عايزة تموتى البت
ده الحل الوحيد علشان سليم يبقا من نصيبى
مش بالقتل جدك لو عرف واتاكد هيدفنك حية
امال اسيبهولها اياك
ماتستعجليش على رزقك انى هتاكد من حاجه لو طلعت حقيقة انا بنفسي اللى هموتها
ايه السر اللى مخبياه ياما عرفينى
كله فى وقته يابتى
ماشى ياما بس انى مش ههمل البت دى واصل
قدرية بحدة مافيش فايدة فيكى يابت بطنى يلا غورى من وشى وخرجت سارة لاوضتها
قدرية لنفسها وبعدين فى البندرية دى اللى هتشقلب حياتنا انا لازم اتأكد فى اسرع وقت خلينى ارتاح
ها ياحسنة عرفتى حاجه
ايوه ياست اللى عرفته انهم هينزلوا الشغل بكره
حلو جووى ده عارفه حسين
مش ده العامل اللى شغال عنديكم
ايوه هو عايزاكى تجيبلى رقم تليفونه بسرعه وانا عارفه هعمل ايه المره دى
هوا ياستى بس ماتنسيش حلاوتى
لما يتم المراد ياحسنة
حاضر ياستى وخرجت تجيبلها الرقم
سارة بشر المرة دى مش هتفلتى من يدى واصل