رواية زين القلوب
الفصل الرابع
بقلم ياسمين رضوان
زين وهو بيقرب من قلوب: قلوب تقبلى تتجوزينى
قلوب وهى بتبعد عن زين: انا اسفة يا زين انت شخص كويس وانا عارفة كده والف بنت تتمناك بس انا مش قادرة ادخل فى علاقة تانى دلوقتى انا جرح لسة ملمش
زين بحزن: انتى لسة بتحبى حازم يا قلوب
قلوب بحزن ودموع : لا يا زين انا حازم خرج من قلبي من زمان بس انا خايفة خايفة اتجرح تانى افهمنى يا زين
زين وهو بيمسك ايديها: فكرى يا قلوب انا عمرى ما هندمك انك اخترتينى صدقينى انا همشى دلوقتى وانتى فكرى وردى عليا
قال كلاموا وبعدين سبنى ومشى
الام بابتسامة: فكرى يا بنتى هو باين عليه بيحبك
قلوب بنتبه: عرفتى ازاى يا ماما
الام وهى بتحضن قلوب: باين فى عنيه يا حبيبتى وحاسة انوا كل كلمة بيقولها بتطلع من قلبوا وانتى باين عليكى قلبك مايل ليه
قلوب بتوتر: انا يا ماما لا مفيش الكلام ده خالص
الام وهى بتضربها بخفة على راسها: يا بت دانا امك يعنى تخبى على كل الناس الا انا انتى بتحبيه فصلى استخارة يا حبيبتى وردى عليه
قلوب بسرعة: يعنى حضرتك موافقة على زين
الام بابتسامة: اى ده وانتى مالك بتتكلمى كده ليه مش هو مكنش ينفع من شوية لا واضح انك مش واقعة خالص
قلوب بخجل: خلاص بقا يا ماما
الام بابتسامة وهى بتزيد من حضن قلوب: خلاص يا حبيبتى
وفضلوا يضحكوا من قلبهم (فعلا يا بخت البنت اللى فى حياتها ام تصحبها وتتفهم شعورها مش هتحتاج لصحاب احلا علاقة فى الدنيا بجد)
تانى يوم الصبح
قلوب صحيت من كانت مستريحة جداا ب ما صلت الاستخارة وكانت قايمة مبسوطة
الام بابتسامة: مالك يا حبيبتى قايمة من النوم مبسواطة يعنى
قلوب بضحك: فى اى يست الكل فيه حاجة اما اقوم مبسوطة يعنى
الام بحب: وانا اكره يبنتى انك تتبسطى ده انا نفسى ايامك كلها تبقا كده
قلوب وهى بتحضن الام : ربنا يديمك ليا يا ست الكل انا همشى بقا عشان متاخرش على الشغل
الام بسرعة: مقولتليش هتعملى اى فى مواضوع زين
قلوب بابتسامة: هقولك لما اجى يا حبيبتى
ونزلت تروح شغلها
الام بابتسامة وهى بتدعى: ربنا يريح قلبك يبنتى
نزلت وانا مبسوطة غير كل يوم واناحاسة براحة نفسية
كنت بفتكر ايامى مع زين زمان واد اى كنا صحاب جدا منكرش انى كنت حاسة ان زين بيحبنى بس قولت ممكن يكون اعجب كان حب حازم عامى عنيا مخلينى مش شايفة حاجة غيروا لسة فاكرة اليوم اللى حذرنى من حازم فيه وانا مسمعتش كلامواا
Flash back
زين بابتسامة: ها يستى كنتى عاوزة تقوليلى اى
قلوب بنفس الابتسامة: حازم عاوز يجى يتقدملى
الابتسامة اختفت من على وش زين: حازم مين
قلوب: حازم زميلى فى الجامعة يا زين
زين ببعض الغضب: بس انا حذرتك منوا هو مش كويس يا قلوب
قلوب بغضب: زين ديه حياتى انا وانا قولت اعرفك بس مش من حقك تقول عليه كده
زين وهو بيقوم: خلاص طالما هى حياتك جاية تقوليلى ليه انا حذرتك وانتى مسمعتيش الكلام عن اذنك يا قلوب ربنا معاكى
وسبها ومشى
قلوب وهى بتنده على زين: زين يا زين
وقاعدت تلوم نفسها ومن يومها وهى وزين علاقتهم مبقتش ذى الاول
back
وصلت الشركة واول ما دخلت لقيت كلوا بيبصلى استغربت جدا من نظراتهم ليا واول ما شوفت مها سالتها فى اى
مها بتوتر وهى بتدارى التليفون: م مفيش حاجة
قلوب بستغراب: ازاى مفيش حاجة اومال بيبصوا كده ليه وبتخبى التليفون ليه
اخد منها التليفوان وهى حاولت تمنعنى واتصدمت لما لقيت صور ليا انا وزين واحنا على الكافيه وهو حضنى وفى العربية وهو بيسلم عليا بس الصور متصورة بشكل غلط ولقيت السكرتايرة بتاعت زين جاية نحيتى وعلى وشها ابتسامة خبيثة: اهى شرفت اهى اللى عملالنا فيه الخضرة الشريفة وهى بتلف على المدير وبتلف مع
مكملتش كلامها بسبب قلم نزل على وشها من قلوب وهى بتبصلها بغضب
محستش بنفسى غير وانا بضربها بلقلم على وشها بسبب كلامها وبسبب نظرات المواظفين ليا
السكرتايرة بصدمة وغضب: انتى بتمدى ايدك علياا يا وس
وقفها صوت جيه من وراها وكلوا بص عليه بصدمة
زين بغضب: اوعى تفكرى تقوليها ديه اشرف منك ومن عينتك كلهاا
السكرتايرة بغضب: مانت لازم تدفاع عنها مانتوا ماشين مع بعض
زين بغضب وعينوا اتحولت للوان الاحمر:..........