Ads by Google X

القائمة الرئيسية

الصفحات

رواية غيرت حياتي الفصل الرابع4بقلم زينب محمد


رواية غيرت حياتي 

الفصل الرابع

بقلم زينب محمد


وفي صباح اليوم التاني علي جميع ابطالنا 

في منزل احمدالاسيوطي 

كانت ندي تعد الفطار وهي تكلم صديقتها منار 

ندي: الو يا منار عامله ايه 

منار: الحمدلله 

ندي: بقولك يا مانو مكلمتيش البت منه تلفونها مقفول من امبارح 

منار: وانا كمان رنيت عليا كتير بس تلفونها مقفول..... انا خايفه عليها اوي 

ندي بتفكير: بقولك ايه احنا معندناش غير محاضره النهارده... تعالي نخلصها ونروحلها 

منار: اممممم.... ماشي اهو نتطمن عليها 

ندي: احكيلي بقا ايه الغيبه الطويله دي 

منار بضحك: لا لا شوفي الاكل اللي بتحرقيه ده... وبعدين ابقي أقولك  

ندي وهي ترفع حاجبيها: انا... انا بحرق اكل

منار ومازالت تضحك: هههه شامه ريحته من هنا 

ندي: طب اقفلي عشان اشوف الاكل اللي اتحرق ده.... بسببك علي فكره 

منار: ههه اه طبعا انتي هتقوليلي.... سلام 

  انتهت ندي من تحضير الفطار ووضعته علي السفره

جلست ندي بجانب والدها 

ندي:احم.....بابا انا كنت عايزه اروح عند منه صحبتي 

النهارده

احمد:ماشي يا حبيبتي بس متتأخرش

ياسر:تروحي فين يا بت انتي

ندي باستفزاز: وانت مالك مش بابا حبيب قلبي وافق

ياسر: انا اقصد يعني عشان اوصلك يا ندوشه 

ندي: لا والله.... لاء فيك الخير 

احمد: خلي اخوكي يوصلك يا بنتي 

ندي: انا رايحه مع منار صحبتي...... اصل منه تعبانه اوي 

ياسر بخبث: منار ومنه... طب ما الدنيا حلوه اهي... ماتخليني اروح معاكي... احم قصدي يعني اوصلكوا

ندي: ياشيخ اتلهي.... انا اخليك تروح معايا عشان تشقتهم قدام عيني 

احمد بضحك: لا لا اخوكي مش بتاع الحاجات دي هههههههه

ياسر ببراءه مصطنه:قولها يا بابا...اصلها ظالماني 

احمدبحده:ندي خليه يوصلك يأما مش هتروحي

ندي بغضب:يا بابا بسس.....،قاطعها والدها بحده اكثر:زي ما سمعتي...مش عايز كلمه تانيه مفهوم 

ندي:حاضر يا بابا 

ترك احمد ندي التي تشيط من الغضب،وياسر الذي يكتم ضحكاتيه

ندي بغيظ: ارتحت يا زفت 

ياسر ببسمه سخيفه: اه يا ندوشه ارتحت 

ندي بصراخ: ااااااه.... طب يلا عشان نروح الجامعه 

ياسر: لاء انا مش رايح النهارده 

ندي: احسن انا ماشيه..... تعالى الساعه واحده قدام الكليه عشان توصلنا 

ياسر بابتسامة خبيثه: بس كده عيوني 

ذهبت ندي في طريقها الي الجامعه 

       ***********************

استيقظت ياسمين من نومها ودخلت المرحاض وبدلت ملابسها، ونزلت وجددت عمر يفطر والغضب يملئه فأردفت بتوتر: صـ... صباح الخير يا عمر

عمر نظر لها بدون اهتمام ولم يرد عليها 

جلست ياسمين بجانبه فاردفت بقوه مصطنعه: عمر انا نفسي اعرف عملت ايه علشان تضربني وتعاملني المعامله دي.. ها عملت اييه 

نظر له عمر فاردف بسخريه: لاء ولا حاجه.. يدوبك روحت اتكلم خمس دقايق في التلفون رجعت لقيت واحد واقف مع اختي... لاء وكمان بتضحك معاه الهانم 

ياسمين بعيون مليئه بالدموع: طب سمعتني عرفت مين ده... عرفت ايه اللي حصل اصلا.. لاء انت ضربتني قدام الناس.. من غير ماتسمعني 

عمر ببرود: متبرريش.... اللي عملتيه 

ياسمين بدموع: انا مببررش...ده كان....سكتت ياسمين بسبب صرخه عمر بوجهها: مش عايز اسمع كلمه تاني في الموضوع ده.... انتتتتييي فاااهمه 

ياسمين بدموع: حـ... حاضر ياعمر 

نهض عمر من مكانه ولاكن قبل ان يتحرك اوقفه نداء ياسمين 

ياسمين: عمرر.... انا عايزه انزل الشغل ماهو انا مش متخرجه عشان اقعد في البيت 

عمر بغضب: لاء مفيش شغل ومفيش خروج من البيت خالص... غير لما تتربي كويس يا ياسمين 

غادر عمر الي شغله وتركها والدموع تملئها 

(ياسمين اصغرمن عمر ب4سنين لديها 23سنه متخرجه من كليه هندسه تعمل في اكبر شركات الهندسه) 

ياسمين امسكت هاتفاها واتصلت علي شخص ما 

(مين ياجماعه شخص ما اللي عماله تكلمه ده 😂)

-الو.... انا عايزه اشوفك 

=يارت والله وانا كمان.... اصلك وحشتيني اووي 

-وانت كمان.... بسس ازاي

=ياسمين مال صوتك انتي معيطه 

-اه عمر حابسني ومش مخليني اروح شغل ولازفت

=ليه كده 

-اصلللل 

=اصل ايه انطقي......عمر عرف حاجه ولا ايه 

-لاء متخفش.....معرفش حاجه

=اومال ايه قلقتيني 

-شاف مجدي واقف معايا

=يانهار اسود...ازاي ده حصل 

-مفيش كنا في المطعم خرج اتكلم في التلفون ورجع لقاه بيسلم عليا...اتجنن وضربني

=يانهار اسود....وانتي ازاي تسيبي يقف معاكي 

-اهو اللي حصل بقا 

=شكلها هتتطربق علي دماغنا كلنا 

-خلاص بقا... انا تعبت....سلام

قفلت ياسمين معاه ثم تنهدت في سرها: يارب استرها.... عمر لو عرف حاجه انا هروح فيها

         *****************

وعلي الناحيه الاخري في الجامعه 

منار: في ايه يا بنتي اهدي شويه 

ندي بنفاذ صبر: اهدي ايه بس مش شايفه الزفت اللي اسمه ياسر مبيردش عليااا ااااه ياارب

منار: خلاص بقا تلاقيه جاي.. او مسمعش التلفون

ندي: لاء ده بيعمل كده عشان ينرفزني... عشان عارف انه لو مجاش ولصلنا بابا مش هيرضي يخليني اروح عند منه 

منار وهي تنظر للسياره القادمه: اهدي بس.... ايه ده هي مش دي عربيته 

ندي: اه هي.... ماشي يا ياسر الزفت 

وقفت سياره ياسر امامهم مباشره ثم نزل منها 

واردف بأستفزاز: معلش اتأخرت عليكوا.....يلا ياندوشه انتي وصاحبتك......ثم انزل نظارته في مشهد درامي رائع وهو ينظر الي منار ثم اردف بثقه:منار صح 

منار بدون اهتمام: صح.......يلا يا ندي عشان منتأخرش 

ندي:اتأخرت ليه...ومبتردش ليه 

ياسر بتأفف:يووه ياندي هنقضي اليوم اسأله 

ندي بغيظ:ماشي يا ياسر....يلا وكلامنا في البيت

ركبوا جميعا السياره وذهبوا في طريقهم الي منزل منه 

ندي: ايوه هنا ياياسر 

ياسر: طيب انزلوا وانا هلف لفه كده وارجعلكوا 

ندي: تلف فين انت تقعد تستني هنا.... انت فاهم 

ياسر بتأفف: حاضر يا ست هانم..... سواق عندها انا 

ندي: متبرطمش كتير..... يلا يا منار 

منار وهي تنظر لياسر بغيظ: يلا يا ندوشه 

نزلوا سويا ودخلوا عماره منه، ركبوا الاسانسير الي الدور الخامس 

خبطت ندي علي الباب وفتحت لهم والدت منه 

ساميه: ندي ومنار..... اتفضوا يا حبايبي عاملين ايه 

منار وندي: الحمدلله يا طنط...... اومال فين منه 

ساميه بحزن: نايمه يا بنتي.... دخلت عليها امبارح لقيتها عماله تعيط لغايه ما نامت 

ندي: طب ممكن ندخل نشوفها 

ساميه: اه طبعا اتفضلوا......يمكن تعرفوا مالها 

دخلوا ندي ومنار الي غرفه منه، ووجدوها نائمه 

منار: ندي دي شكلها نايمه بجد... تعالي نسيبها 

ندي بخفوت: نسيبها ازاي... الساعه واحده....منه اصحي يامنه انا ندي 

منه بنعسان:ندي سيبيني انام...مش عايزه اصحي 

منار:لاء فوقي يا منه...هتفضلي نايمه لغايه امتي 

     وبعد معافره بين الثلاثه،اخيرا فاقت منه من غيبوبه النوم التي اصابتها 

منار:يلا يا منه فوقتي وغيرتي وفطرتي،ننزل بقا 

منه:لاء ننزل نروح فين...انا مش قادره اروح مكان 

ندي باندفاع: قومي ي بت وبطلي كسل....ياسر اخويا تحت ومعاه عربيه هيوصلنا المكان اللي يعجبنا 

منه:طيب...يلا 

نزلوا سويا الي سياره ياسر، عندما رأهم ياسر نزل من السياره وذهب اليهم 

ياسر:ايه ياندي كل ده.....ثواني والقي نظره علي منه ونظرت له ايضا فأردف باستغراب:انتي 

منه:انت....

             ********************

وفي مكان بعيد، مخزن من مخازن عمر الشرقاوي، كان مرميا علي الارض مجدي 

عمر وهو يضع رجله فوق الكرسي: ها قولي بقا يا استاذ مجدي تعرف اختي منين 

مجدي بخوف: مـ.... معرفش.... مين اختك دي

عمر بغضب وصراخ: متصتعبتش.... انطق ولأما هدفنك مكانك

مجدي: علي.... علي صاحبك.... لو عرف اني قولتلك حاجه هيموتني

 عمر بتنهد: علي... قول قول ومتخافش.... انا هحميك منهُ بس اننطق 

مجدي بتوتر: انا... انا مجدي سيد عرفاوي.. صاحب علي من زمان.. وووا الشاهد الاول في جوازته 

عمر بدأ يأخذ نفسه بصعوبه: جوازته.....ميييين 

انطططططق

مجدي: اخت حضرتك.... علي متجوز ياسمين بقاله سنه 

عمر وقد غلت الدماءُ في عروقه، وثواني وأمسك بلياقته فأردف بغضب وصراخ في وجه مجدي: انتاااا عارف لو الكلام اللي بتقوله ده غلط والله لأدفنك مكانك....... ثم شاور لأحد الحراص: اربطوا زي الكلب لغايه ما أجي.. ميشوفش النور... فااااااهمميين

    خرج عمر من المخزن مسرعاً الي سيارته وسار بأقصي سرعه في طريقه الي القصر، وثواني واوقف سيارته ووقف علي النيل يبكي: ليه ليه كده يا ياسمين ليه تعملي فيا كده.... حرمتك من ايه ليه ده انا كنت الاب والاخ والصاحب عوضتك عن كل اللي محتاجاه.... تقومي تكسرري ضهري كده.... لييييه 

ركب سيارته مجدداً وعاد الي طريقه بعدما افضي خزنه دموعه وغضبه في دموعه امام النيل 

وصل عمر القصر، جلس علي الاريكه ثم نادي بهدوء: يااسمين....داده راويه روحي اندهيلي ياسمين 

    وبعد قليل من الوقت نزلت ياسمين 

ياسمين وهي تنظر بعيداً عن انظار عمر: كنت عايزني في ايه 

نظر له عمر بقرف فأردف بسخريه: إلا قوليلي يا ياسمين... جوزك عامل ايه  

ابتلعت ياسمين ريقها ثم اردفت بتوتر: جـ.. جوزي ايه اللي انت بتقوله ده ياعمر

قام عمر من مكانه وجلس بجانبها: تؤ تؤ تؤ ازاي.... مش عارفه جوزك... علوى صاحبي... بس انا زعلان والله ازاي ما تعزمنيش 

ياسمين وهي تنظر له بتوتر اكثر: عـ عمر.. عشان خاطري افهمني 

عمر بغضب وصراخ: اااااه فهميني... ولا اقولك افهمك انا......... ثم سحبها عمر من شعرها وهي تصرخ ثم القاها ارضاً في غرفه مظلمه وقفل الباب 

عمر: انااا بقا هفهمك.... اترحمي علي جوزك 

ياسمين من الداخل بدموع: عمررر عشان خاطري اسمعني... عشان خاطري بلاش تعمل في علي حاجه 

عمر:طبعاااا حبيب القلب.....انا هقتلك انتي وهواااا

        **********************

أردفت ندي بصراخ:خلاااااص كفايه خناق.....ايه شغل العيال ده 

منه بتأفف:ماهو اللي بدأ 

ياسر:انا بردوا ولا انتي اللي انسانه مستفزه 

منه بغضب:انا مستفزه....والله انت أنسان بارد ومعندكش دم 

ندي بصراخ:بسسسس الله يخرب بيتكم...وجعتولي دماااغي.....ممكن نغور اي حته ونتكللم 

ياسر:اووف...يلا 

ركبوا سويا السياره وذهبوا الي كوفي شوب، وجلسوا في مكان هادئ 

منه: اهو.. قعدنا 

ندي: اهدي يامجنونه انتي 

ياسر وهو يقول لمنه: تشربي ايه 

منه بأستغراب: بتقولي انا.... هههه انت انسان معندكش كرامه انا لسه مهزاقاك 

ياسر بغضب: شايفه يا ندي... عشان تقولي انا اللي ببدأ... يعني انا بصالحها وهي بصي بتعمل ايه 

منار: بسس كفايه يا شويه اطفال 

   وقبل انت ترد عليها منه،رن هاتفها وكان (سليم)فأرتبكت قليلاً وأردفت بأبتسامه:صح يا منار عندك حق كفايه....اعتزارك مقبول يا استاذ ياسر...عن اذنكوا انا همشي 

ندي:تمشي ايه...احنا لسه قعدنا 

منه:معلش افتكرت ان عندي مشوار مهم 

ياسر:مشوار ايه 

منه بابتسامه سخيفه:وانت مالك.....ههه اخوكي خد عليا اوي يا ندي...يلا سلام 

خرجت منه من الكافيه 

    نظر ياسر الي منار ببسمه خبيثه:تشربي ايه يا منار

منار ببسمه سخيفه:هواا انت معرفتش تلف علي منه...هتلف عليا انا.....ياشيخ اتلهي 

خرجت منه من الكافيه واوقفت تاكسي وذهبت الي المنزل،رن هاتفهامجدداً 

-الو.....عايز ايه 

=في ايه يا منونه انتي نسيتي اتفاقنا ولا ايه 

-انا متفقتش معاك علي حاجه....انا عايزاك تسيبني في حالي

=طبعا هسيبك في حالك...بسس لما اشوفك

-حرام عليك انا تعبت...انت ايه مبتزهقش 

=خلاص الفيديو هيوصل للست الوالده اللي ربت احسن تربيه 

-اعلي ما في خيلك اركبوا

  قفلت في وجه الخط،مما اشعله ناراً،ولكنها ظنت انه يهددها فقط ولم يفعل شيئاً 

وعند سليم المنزلاوي 

اردف سليم بغضب وصراخ:كدااا كده يا منه الكلب بتتحديني والله لأوريكي 

ناصر المنزلاوي (والد سليم):في ايييه بتزعق كده لييه...انت سايق العبط اليومين دوول وساكتلك 

سليم ببرود:وانت مالك....من امتي وانت بتسأل انا بعمل اي ومبعملش ايه......ياريت تخليك في حالك احسنلك 

ناصر بغضب: طبعا ما انت لو انسان متربي مكنتش تكلم ابوك كده 

سليم بدون إهتمام:بطل رغي مش فايقلك....ماشي يامنه والله لأندمك ع اليوم اللي خلاكي فيه تتحدي سليم المنزلاوي

@@@@@@@

ندي:بقولكوا ايه انا داخله التوليت 

منار وهي تنهض: خديني معاكي 

ياسر باستظراف: ليه صغيره.... هتوه 

منار: دا انت عيل رخم 

  ذهبوا منار وندي، وجلس ياسر وحيداً ثواني ما اردف شخص ما من ورأه

=ياسر حبيب قلبي.... بتعمل ايه هنا 

-ابو الصحاب.. عامل ايه 

=الحمدلله تمام...... انا كنت معدي هنا بالصدفه فلاقتيك قاعد لوحدك 

-لاء والله ده انا جاي مع اختي وصحبتها 

=ههههههه طب وجاي مع صاحبتها ليه 

-الله يخرب بيت مخك..... يابني كنت بوصلهم مشوار 

=الله يساهلوا ههههه

قاطعهم حديثم منار وهي تردف بغضب: انت بتعمل ايه هنا ياحيوان 

ياسر: ايه ده انتوا تعرفوا بعض 


                        الفصل الخامس من هنا

لقرءاة باقي الفصول اضغط هنا

تعليقات