CMP: AIE: رواية انا لست ضعيفة الفصل التاسع والعاشر 9و10بقلم هبه احمد
أخر الاخبار

رواية انا لست ضعيفة الفصل التاسع والعاشر 9و10بقلم هبه احمد


رواية انا لست ضعيفة

 الفصل التاسع والعاشر 9و10

بقلم هبه احمد

جاسر / مهو يستاهل علشان معلمهاش ازاى تطيع زوجها


الاستاذ محمد/ طااااااااااااااخ  انت اصلا حيوان مش حاسس بالمصيبة اللى انت فيها يلا قدامى 


جاسر / انت بتضربينى يابابا


الاستاذ محمد/ ياريتنى كنت ضربتك من زمان وعلمتك الصح من الغلط كان زمانك رجل يعتمد علية مش انسان مهزوز مع الاسف راجل بالاسم فقط 


جاسر /لاحظ انك بتغلط فية 


الاستاذ محمد/اتلهى على عينك المفروض تتكسف من نفسك 


جاسر / والله يابابا انا هتجنن عليها مش قادر انسى منظرها وهى بتقولى انى اغتصبتها وكسرت فرحتها 


الاستاذ محمد/ قولى هتعمل اية دلوقت ياراجل 


جاسر / هاقدم بلاغ باختفائها 


الاستاذ محمد/ اطمن ابوها هيعمل بلاغ وهيدور عليها فى كل المستشفيات 


جاسر / طب والعمل يابابا بصراحة حاسس انها ضاعت منى 


الاستاذ محمد/ سابنى افكر وانت شوف رقم التاكسى وروح للاستاذ محمد رئيس الامن بالشركة وادهولة وهو هيجيب السواق ونسألة ونعرف هى راحت فين 


جاسر/ شهد ازكى من انها تركب تاكسى واحد 


الاستاذ محمد / يلا ادخل بلاش امك تعرف انت عارف دى بتعشق النكد 


جاسر / عارف حاضر 


الحاج حسين / ياترى انتى فين يابنتى انا السبب وروح  


فريدة / مالك ياراجل انت بتكلم نفسك 


الحاج حسين/ انتى السبب منك لله 


فريدة / انت هترمى بلاويك علية 


الحاج حسين / دخل وقفل على نفسة الاوضة 


بعد كذا  يوم 

نروووووح لشهد

======******** 


شهد مسكت الفون واتصلت بدكتور ناصر 


شهد /السلام عليكم 


الدكتور ناصر / وعليكم السلام انا قولت انى ود مز وعلشان كدة كل البنات معجبة بية 


شهد/ هههههه ضحكتنى يادكتور حضرتك كويس


الدكتور ناصر / بخير والله انتى اللى عاملة اية حصل نزيف تانى


شهد / لا بس حاسة دايما بصداع وعوزة انام على طول 


دكتور ناصر / والزفت زوجك عامل معاكى اية 


شهد / انا متصلة بحضرتك علشان اقولك انى سبتة و عايشة مع واحدة اعرفها هى وامها  المهم اكتبلى حاجة للصداع 


دكتور ناصر / حاضر هابعت ليكى اسمة على الوتس وابقى طمنينى عليكى ماشى


شهد/ حاضر يادكتور مع السلامة


الحاجة نبيلة  / خدى اشربى العصير دة ياشهد 


شهد / هى رحمة بتجى من الحضانة امتى ياتيتة 


الحاجة نبيلة على الساعة تلاتة ولا تلاتة ونص اصلها بتركب وصليتين رايح وزيهم جاى 


شهد/  ربنا يقويها 


الحاجة نبيلة / مش عوزة تحكى اية اللى حصل وبهدلك كدة 


شهد / هاقول ليكى ولو مش عوزانى اقعد عنكم عادى اشوف مكان تانى

 

الحاجة نبيلة / انتى ملياتى الدنيا علينا واوعى تقولى امشى تانى وقولى زى رحمة ياماما 


شهد / حكت ليها على اللى حصل وبكت كتير هى والحاجة نبيلة 


الحاجة نبيلة /بصى ياحبيبتى انا باخد معاشى انا ورحمة مكفينا وزيادة هنخلى رحمة تشوفلك شغلانة فى الحضانة معاها اية  رأيك

 

شهد / هى فكرة بس انا بفكر فى حاجة احسن


الحاجة نبيلة/اما رحمة تاجى شوفى هتعملوااية


نروووووح عند الحاج حسين 

***************************


الحاج حسين ونزل راح القسم سأل اذا كان فى جديد 


الحاج حسين / لامين الشرطة هو مفيش جديد يابنى


امين الشرطة / لا والله ياحاج لسة 


الحاج حسين / طيب لوظهر حاجة 


امين الشرطة بسرعة رقمك متسيف على فونى هاتصل بيك 


الحاج حسين / سلامو عليكم


امين الشرطة / بالسلامة 


فريدة / بت يامشيرة فوقى يااختى ورانا شغل


مشيرة / حاضر ياخالتى عوزانى اعمل اية 


فريدة/ على المطبخ اعملى الاكل والمواعيد واغسلى هدوم ياسر (ابن فريدة الصغير) 


مشيرة / حاضر ياخالتى


 فريدة / انا رايحة عند امى افك شوية ابقى غدى ابوكى 


مشيرة / حاضر ياخالتى  سلمى عليها


قعدت مشيرة تطبخ وتغسل خلصت ودخلت تكمل مذاكرة فونها رن 


مشيرة/  الوووو ازيك ياحبيبتى عاملة اية 


شهد / الحمد لله بخير هو حد معاكى 


مشيرة / لا خالتى راحت لاهلها هتجى اخر النهار


شهد / انا بطمن عليكى بس اوعى تقولى لحد انى كلمتك وكمان تمسحى المكالمة دى 


مشيرة / حاضر ابقى تعالى عوزة اشوفك 


شهد مش دلوقت لما ارتب نفسى انا سبت جاسر على فكرة 


مشيرة /طب لية افهم 


شهد /هاقفل دلوقت وهابقى اطمن عليكى امسحى المكالمة وماتقوليش لحد انى كلمتك ولا حتى بابا 


مشيرة / حاضر ياحبيبتى مع السلامة


رحمة / ازيك ياشهود وحشتينى ابت


شهد / الحمد لله انتى وحشتينى اكتر حمد الله على السلامة


رحمة / تسلمى ياقلبى هاطلع اغير وجاية 


شهد/  ماشى ياحبيبتى


الحاجة نبيلة / حمد الله على السلامة غيرى بسرعة الغدا جاهز 

رحمة / الله يسلمك ياماما حاضر  


شهد /هاجى احضر معاكى ياماما 


الحاجة نبيلة / لا ارتاحى انتى يابنتى انا خلصت كل شيئ 


رحمة /يلا ياشهود ناكل انا جعانة 


الحاجة نبيلة /نغدا ونشوف شهد هتعمل اية 


رحمة / هتعمل اية فى اية اوعك تفكرى تمشى ياشهود انا مصدقت لتقيتك 


شهد / اطمنى مليش مكان غير هنا 


الحاجة نبيلة /كلوا الاول ماشى 


شهد & رحمة  / ماشى ياماما


الحاجة نبيلة/ الشاى يابنات 


رحمة /شهد سيبى المواعين وتعالى اشربى الشاى انا هابقى اكمل

 

شهد/ خلصت يامزتى 


الحاجة نبيلة/ هتعملى اية ياشهد  مع زوجك نواية على اية


 رحمة / مالك ياماما هوانتى موش عوزاها تفضل معانا ولا اية 

الحاجة نبيلة/ لا والله انا عوزة اعرف هى هتعمل اية فى حياتها 


شهد / بصى ياماما انا اول حاجة عوزة اغير بطاقتى واحولها من انسة لمتزوجة 


رحمة / طب لية هو انتى عوزة ترجعى لزوجك


شهد/ لا طبعآ دى صفحة اتقفلت من حياتى


الحاجة نبيلة/ طب لية 


شهد / علشان احنا فى ارياف واى بنت لازم تتزوج ولما اكون متزوجة ونقول انة مسافر بكدة محدش يتعرض لية 


رحمة / الله عليكى ياشهووود ياجامدة انتى 


الحاجة نبيلة/ رحمة ودى الورق اللازم لابلة سميرة وهى هتخلصة ليها 


رحمة / حاضر ياماما وهوفين الورق ياشهوود

شهد / خدى ياستى بطاقتى والقسيمة وبطاقة جا

سر كمان 

رحمة / هاتى ياقمر اية دة دولد مز اخر حاجة بقى دة حد يسيبة انتى متخلفة


شهد / الشكل حلو بس اللى جو ربنا اعلم بية 


رحمة / بت جبتى بطاقتة منين اعترفى 


شهد / ابدا كانت معايا من ساعة كتب الكتاب ونسيت ارجعة لة 


رحمة/ احسن بروضة طلعنا منة بفايدة 


شهد / ههههههه انتى مشكلة


الحاجة نبيلة/ وهتشتغلى اية بقى 


شهد/عوزة اشتغل اى حاجة بس فى المنطقة هنا المهم مفهاش سفر 


الحاجة نبيلة/ نفتح محل بقالة فى الاوضة دى 


شهد / لا انا بفكر فى حاجة تانية وهتعجبكم 


رحمة / اللى هى انطقى بسرعة


شهد / نفتح حض..............


الفصل ( 10 )

***********


شهد / لا انا بفكر فى حاجة بس فى المنطقة هنا المهم ميكنش فيها سفر  وركوب عربيات


الحاجة نبيلة/ نفتح محل بقالة فى الاوضة دى


شهد / لا انا بفكر فى حاجة تانية وهتعجبكم


رحمة/ اللى هى اية انطقى بسرعة


شهد /نفتح حضانة اية رأيكم رحمة عندها خبرة فى التعامل مع الاطفال 


الحاجة نبيلة/ فكرة حلوة انا موافقة 


شهد / اية رأيك يارحمة

 

رحمة / فكرة جميلة بس المكان ممكن نعملها فى مصلى الستات اللى تابع  المسجد 


الحاجة نبيلة/ مانعملها هنا نفضى مكان الطيور والحوش اللى جنبة 


شهد/ بشرط نطلع مبلغ ليكى ياماما كأيجار  وعلشان دعاء  بنت حضرتك اللى مسافرة


رحمة / البيت ملكى انا وامى بس دعاء اخدت نصيبها من زمان 


شهد / يبقى لماما نبيلة ماشى


رحمة / ماشى. المهم نغير ليكى البطاقة الاول وبعدين ننزل نجيب لوزام الشغل 


شهد /نشوف نجار يظبط مكان جلوس الاولاد وكمان سريرين تالتة للاطفال والالعاب نجيبها من محل جملة 


رحمة /انا عارفة مكان سعرة كويس  


شهد/ طيب انا معايا 5 الاف جنية ومعايا دهب بزيهم


الحاجة نبيلة/ دهبك لا دة زكرى من الغالية 


شهد / الله يرحمها 


نروووووح عند الحاج حسين

****************************


راح عند خال شهد وخبط


رحاب شوفى مين بيخبط 


رحاب / حاضر ياماما  اتفضل ياعمى حسين ادخل بابا جوة 


الحاج حسين / انا عوزك فى حاجة يابنتى


رحاب / طب اتفضل ادخل بابا عمى حسين 


الحاج مسعد / اتفضل ياحاج دة بيتك 


الحاج حسين/ السلام عليكم 


الحاج مسعد / وعليكم السلام عامل اية 


الحاج حسين / تعبان ياحاج شهد سابت بيت زوجها ومش عارف ليها سكة وسابت لية الورقة دى


رحاب/ ممكن اشوفها ياعمى


الحاج حسين  / اتفضلى يابنتى وامانة عليكى لو تعرفى حاجة قوليلى


رحاب / قرأت الجواب وبعدين قعدت تعيط علشان كدة مكلمنيش من يوم الصبحية 


الحاج حسين / يعنى انتى متعرقيش عنها حاجة


رحاب / لا والله ياعمى معرف حاجة عنها هى كلمتنى تانى يوم فرحها واشتكت لية منة انة بيعاملها وحش


الحاج مسعد / اوعك تكونى بتكدبى يارحاب 


رحاب / والله معرف حاجة عنها


الحاج حسين/ امانة يابنتى لوعرفتى قوليلى وبلاش حد يعرف مش شوشرة وفضايح


رحاب / حاضر ياعمى 


الحاج مسعد / اقعد نتغدا مع بعض


 الحاج حسين/ مش هاقدر يدرب اروح انام 


مشيرة / حمدالله على السلامة يابابا


الحاج حسين / تسلمى ياحبيبتى امول الجماعة فين. 


مشيرة/ خالتى فريدة وياسر روحوا عند اهلها وسحر وياسمين راحو  عندها بعد العصر 


الحاج حسين/ اتغديتى ولا لسة


مشيرة / لسة منتظرة اتغدا معاك


الحاج حسين/ طيب حضرى الغدا بسرعة


مشيرة / حاضر 


الحاج حسين / هى شهد كلمتك 


مشيرة /ها ها لا 


الحاج حسين/ اختك سابت بيت زوجها محدش عارف هى فين 


مشيرة / بصراحة هى كلمتنى النهاردة وقالت انها كويسة بس مش عوزة حد يعرف انها كلمتنى


الحاج حسين / هى كويسة 


مشبرة / ايوة  كويسة


الحاج حسين / طب متقليش لحد انها بتكلمك او انها هربت من بيت زوجها مش عوزين فضايح 


مشيرة  /حاضر يا بابا تحت امرك يلا الغدا 


الحاج حسين / يلا ياحبيبتى بقولك لو شهد كلمتك ابقى قولى ليها تكلمنى عوز اطمن عليها


مشيرة /  حاضر يابابا


نطير عند شهد

*************


الحاجة نبيلة /خدو يابنات 5 الاف كمان علشان تجيبوا كل حاجة 


رحمة / طيب وانا مش هادفع حاجة 


شهد / لا ياماما خليهم معاكى 


الحاجة نبيلة / مهو انتى مش هتشيلى كل حاجة لوحدك 


رحمة / كلام ماما صح ياشهوووود


شهد / علشان لو المشروع فشل منخسرش كل الفلوس اللى معانا


رحمة / لا من الناحية دى اطمنى بأذن الله هيمشى كويس


 الحاجة نبيلة / وانا هاجيب شوية بسكويت وشيكولاتات وشيبسى 


رحمة / اهم حاجة تقول لعمى صابر مؤزن المسجد يقول بعد الصلاة للناس 


شهد /طيب بكرة نبدأ تنضيف المكان ونعمل تاندا فى الحوش علشان الشمس

 

الحاجة نبيلة / ربنا يوفقكم يابنات وفجاة فون شهد رن 


رحمة/ ردى ياشهوووود 


شهد / حاضر الووووو ابلة سناء وحشانى والله


سناء / عاملة اية  انتى وحشانى والمز زوجك كويس معاكى 


شهد / انا سبتلة البيت و عمرى ماهارجع لة تانى


سناء / والله عندك حق دمفترى وابن تييييييت


شهد / المهم انتى كويسة


سناء / الحمد لله وخلى بالك من ممتلكاتى اللى عندك  


شهد / هههههههههه دة مكنش كيس دم اللى هتزلينى بية 


سناء /مش عوزانى ازلك هاتية ههههههههههههه


شهد /  ولادك كويسين 


سناء / الحمد لله البت قاعدة عندى هى وولادها علشان على وش ولادة 


شهد / ربنا يقومها بالسلامة


سناء / فكرى ترجع تكملى حياتك خراب البيوت مش بالساهل يابنتى 


شهد/ لا دة موضوع اتقفل وخلص انا كنت بموت اكيد انت شفتى شكلى 


سناء/ خالص روقى  وانسى 


شهد / حاضر خلى بالك هاغير الشريحة وهابقى ابعتلك رقمى الجديد


سناء/ تمام يابطتى عوزة حاجة ابقى طمنينى عليكى 


شهد / حاضر يا حبيبتى تسلميلى 


رحمة / تعالى نكتب كل الطلبات ونشوف النظام 


شهد / تمام بس مش عوزين تكون المصاريف غالية على الناس الناس هنا شكلها غلابة وطيبة 


رحمة/ انا عارفة المصاريف فى الحضانة اللى كنت شغالة فيها وهنزل الربع ماشى 


الحاجة نبيلة / كويس كدة بس شوفوا حد يشتغل معاكم 


شهد. / كلامك صح ياماما


الحاجة نبيلة / ممكن اطلب منك طلب ياشهد 


شهد/ عيونى ياماما 


 الحاجة /كلمى ابوكى وطمنيةعليكى 


شهد / لا مهو اللى باعنى وقبض التمن وحطة لاولادة من فريدة ومعاطاش لاختى حاجة منة 


رحمة / معلش ياشهوووود علشان خاضرى زمانة حاسس بالذنب و قلقان عليكى


شهد/ مش دلوقت وعوزة اقول ليكم حاجة 


 رحمة / خير ياقلبى


شهد/ بالله عليكم لو حاسين انى حمل  عليكم قولولى انا مش هازعل منكم وهاشوف لية مكان 


الحاجة نبيلة/ عيب تقولى كدة دانتى ملياتى البيت علينا وبقيتى اخت لرحمة 


شهد/ تسلمى ياماما منحرمش منك


الحاجة نبيلة / انا لو جرى لية حاجة هابقى مطمنة انك مع رحمة 


شهد/ ربنا يطول عمرك ياماما


رحمة /بلاش كلامك دة  ياماما بالله عليكى 


نطيييييررررررر عند جاسر 

*************************


طق طق طق  عند بيت خالد

 

خالد/ حاضر ياللى برة 


جاسر / ادخل ولا امشى بكرامتى 


خالد / معاش اللى يهين كرامتك اتفضل ياصاحبى


جاسر اترمى فى حضن خالد وحشنى ياصاحبى


خالد اتفضل ادخل  ماما ياامى اعملى حساب جاسر فى الغدا


ام خالد / ازيك ياجاسر يابنى حاضر من عنية جاسر قعد على كنبة فى اوضة 


جاسر / محتاجك اوى ياصاحبى


خالد /انا تحت امرك مالك دقنك طويلة وشكلك تعبان احكيلى فيك اية 


جاسر / شهد سابتنى ومشت 


خالد / ازاى يعنى مش فاهم 


جاسر / خلتنى رحت الشركة وتركت كل حاجة شبكتها وهدومها والجواب دة ومش لاقيها خالص


خالد مسك الجواب و...............


                      الفصل الحادي عشر من هنا 

لقراة باقي الفصول اضغط هنا



تعليقات



حجم الخط
+
16
-
تباعد السطور
+
2
-