رواية ملاك الجاسر والفهد
الفصل الخامس5
بقلم رنا احمد
في شقه جاسر ...
ناديه بعصبية شديده /نعم ي اخويا ملاك ايه الي هتتجوزها دلوقتي احنا الي هنعيده نزيده ي جاسر مش قولتلك مفيش جواز من البت دي علي الاقل دلوقتي .
جاسر بضيق /ماما لو سمحتي انا هتجوز ملاك يعني هتجوزها انا مش عيل صغير علشان تتحكمي في قراراتي.
ناديه بعصبية/ي ريتك عيل صغير إنما انت راجل كبير والمفروض انك تفهم كلام امك كويس .
جاسر بحده ورفض لذلك الفكره/ايه هو الكلام ده أن ملاك شيفاني اخوها مش عارف حضرتك جايبه الثقه دي منين انا بحب ملاك وحبي ده كافي أنها تخليها تحبني بعدين حتي لو مش حاسه بكده دلوقتي .
ناديه بغضب /لا ي شيخ وبعدين بدل مانت شغالي نفسك بست ملاك شوف اختك والهم التقيل الي احنا فيه مصممه تخرب علي نفسها انت المفروض تكسر ضلوعها.
رحمه بوجع وعصبيه /ليه أن شاء الله انا عملت ايه لكل ده .
ناديه بغيظ /انتي ي بت مش عايزه اسمع صوتك خالص كفايه العوك الي سيقاه وانت س سبع البرمبه لما كنت معاهم مخليتهاش تخرج مع خطيبها ليه والم الموضوع .
جاسر بعصبية /والله انا قولت أسيبها براحتها مكنتش عايز اديها قلمين قدامه واقلل منها ..
رحمه بدموع وانهيار/جاسر انت اخويا المفروض تقف معايا انا .
جاسر بحده /تقف معاكي في الصح لكن الي حصل امبارح ومعلمتك ل ماهر الي بقت ممله ومش مفهومه منك انتي ليه بتعملي كده فهميني .
رحمه بدموع ووجع/وهو حد كان فهمني اصلا قبل كده .
ناديه بغضب/اسمعي ي بت بلا كلام فاضي احنا هنروح النهارده عند خالتك وتصالحي خطيبك ياما قسما بالله ي رحمه هتشوفي مني الويل وانت ي سي جاسر هتيجي معانا .
جاسر بضيق /ماما انا ماليش في الموضوع ده وبعدين انا عندي شغل لازم استلمه من بكره .
ناديه بحده /انا قولت هتيجي معانا يا جاسر وموضوع ست ملاك ده تنساه خالص قبل ماتصرف علي جوازك منها فكر في اختك الي عايزين نجهزها واخوك الي عايز مصاريف علام كل ده علي دماغنا ي سي جاسر .
جاسر بتحدي وعشق وهو يحدث ذاته/مهما حصل ملاك هتكون ليا ليا وبس .
في شقه ملاك ...
في غرفه والدها كانت تجلس في أحضانه بدموع وخوف .
ملاك بطفوله وبراءه/والله ي بابا معلمت حاجه طنط فتحيه هي الي قالتلي روحي .
حمدي برعب عليها /انا مش زعلان منك ي قلب ابوكي ومتخافيش ي حبيبتي طول مانا عايش محدش يقدر يقرب منك ي نور عيني.
ملاك بفرحه وسعاده طفله وهي تفتح علبه الحلويات /حبيبي ي بابا ربنا يخليك ليا اتفضل بقا البسبوسه جبتها من عندك عم احمد زي مابتحبها .
حمدي باستغراب /جبتيها ليه يروحي كنت قولتيلي وانا كنت بعت جبت بدل ماتعبتي نفسك .
ملاك بطفوله وبراءه/علشان جدو عامر وفهد جايين بليل عندنا .
حمدي بصدمه وخوف /بتقويلي ايه جاين هنا .
ملاك ببراءة وهي تأكل الحلوي /ايوه ي بابا .
حمدي برعب /ربنا يستر يارب احميني انا وبنتي يارب .
ملاك بطفوله/بابا هروح ادي جاسر بسبوسه علشان بيحبها .
حمدي بابتسامه تخفف مابداخله /مش كان بيزعق فيكي دلوقتي خساره فيه .
ملاك بطفوله وبراءه/لا جاسر اخويا سلام ي بابا .
في الخارج ....
كانت تجلس ببرود وهي تشاهد التلفاز ليقترب منها حمدي بغضب .
/عملتيها ي بنت الكلب كنتي عايزه تتضيعي البت مني مش قولتلك خالي جاسر هو الي يروح .
فتحيه بغيظ شديد/هتضيع تروح في أي داهيه ي اخويا انا قولت لو الواد جاسرر خاد الفلوس هيطمع فيها .
حمدي بغضب/لا وانتي الصادقه انتي الي كنتي طمعانه في الفلوس قسما بالله لو العيال لكن رميتك في الشارع رميه الكلاب بس ربنا يستر من الي جاي وميكونوش جايين الي ف بالي ..
من أمام شقه اكمل ...
كان يسير اكمل لللاسفل للمقابله فهد لتوقفه تقي .
تقي باستفزاز وغيظ وغيره /رايح فين ي اكمل طبعا لواحده من أياهم مش كده .
اكمل بجديه/ملكيش فيه .
تقي باستفزاز/ماشي بس مش انت اخويا كنت عايز اقولك اني جايلي عريس وبابا قال انك لازم تكون موجود ي ابن خالي .
اكمل بالامبالاه /وماله الف مبروك ي عروسه .
تقي بدمع يتلألأ في عيناها/ي عني مش فارق معاك مش غيران عليا ي اكمل .
اكمل وهو يرسم الجديه برغم مايشعر به/اغير عليكي ليه أن شاء الله بحبك مثلا .
تقي بدموع ووجع/انا وانت بنجري في دم بعض ي اكمل .
اكمل بوجع وكسره/كنا قبل ماتبعيني بمنتهاء السهوله وتسمعي كلام ابوكي سلام ي بنت خالي .
في أحدا المولات الفخمه ...
اكمل بغضب /انت عايز تحرق دمي صح .
فهد بغيظ /ي ساتر عليك ي اكمل فيه ايه غريب في الي بقوله هو انا بقولك هعذابها انا هتجوزها ي اخي .
اكمل بغيظ /هتتجوزها جواز مصلحه وبعدين ترميها شوف اي واحده غير البنت دي ي فهد دي ملاك حرام لما تتدمر علي ايدك .
فهد بحده /لا ي راجل هو انتي ليه بتتحسسني كاني شيطان وبعدين انت شايفها عايشه في الزمالك دي عايشه عيشه فقر مع مرات ابوها الي مرراره عيشتها هتعيش معانا معززه مكرمه وهتتطلع بقرشين حلوين.
اكمل بزفر وحده /طب وابنها ها هتحرمها منه مش كده .
فهد ببرود/لا ي سيدي لما جدي يكتبلي الفلوس يبقا تاخده وفوقيه بوسه وبعدين ده هيبقا حفيد الحديدي ي عني ملاك هتستفيد من كل الجوانب .
اكمل بتحزير /ماشي ي فهد بس خود بالك انا مش هسمحلك تاذيها .
فهدبغيظ /والنبي منقصاك ي اخويا كفايه جدي واقف معاها علي الاخر استنا لما اكلم ست داليا لازم تيجي .
اكمل بجديه /قولي صحيح طب وجاسر ده المفروض هيبقي ابن عم مراتك هيفضل برضه سواق مش وحشه شويه .
فهد بحده /لا ي راجل واحد معاه دبلوم عايزه اشغله ايه رئيس مجلس إدارة استنا اشوف داليا .
في امريكا ...
كانت تنام داليا بفوضويه نتيجه ذلك الحياه الفارهه.
داليا بزهق/اووف ده مين بيرن دلوقتي ي نهار اسود ابيه فهد اللو ازيك ي أبيه ايه اجي ليه طيب طيب حاضر أن شاء الله هحجز علي طياره بليل حاضر سلام ي أبيه ي ترا فيه ايه استر يارب .
فهد بزفر /يلا ي اخويا نشتري هدايا الست ملاك لحسن عامر بيه موصي اوي علي حاجاتها .
في الحاره ...
ملاك بابتسامتها البريئه /جاسر جاسر .
جاسر بابتسامه عشق/قلبه وروحه.
ملاك بطفوله وبراءه/اتفضل حته بسبوسه عارفه انك بتحبها .
جاسر بعشق /ي عني مش زعلانه مني .
ملاك بطفوله وبراءة /ملاك مبتزعلش من جاسر ابدا .
عمر اخو جاسر بتذمر/وانا فين بتاعتي ي ملاك .
ملاك بابتسامه /وانا اقدر انساك برضه ي حبيبي اتفضل .
ناديه بعصبية/مين جاي عندكم ي ملاك ماهي الحلويات دي مبتدخلش بيتكم غير لما يكون جايلكم ضيوف .
جاسر بحده /ماما.
ملاك بحزن ووجع/فعلا سغ مرات عمي جايلنا ضيوف .
رحمه وهي تحتضنها بحب/معلش ي ملاك هي ماما مبيفرقش معاها تجرح الناس .
ناديه بعصبية /اتلمي ي بت .
جاسر بابتسامه وهو يأكل الحلوي /مين الي جاي عند عمي النهارده ي ملاك .
ملاك بطفوله وبراءه/فهد بيه ووالده .
جاسر ولما يعلم لماذا شعر بنار تحرق قلبه/ليه .
ملاك ببراءة وهي ترفع كتفيها /معرفش والله .
ناديه بعصبية /يلا ي جاسر هنتاخر علي خالتك يلا .
جاسر وهو يحدث ذاته برعب /ي ترا دول جاين ليه اكيد جايين يسألوا علي عمي حمدي ايوه اكيد .
في شقه ماهر ....
سحر خاله رحمه بضيق /ايه ي بت ي رحمه سايقه العوج علي ابني ليه ي اختي .
ناديه بغيظ وهي تنظر إلي ابنتها /متقوليش كده ي اختي دي روحها في ماهر هي هتلاقي احسن منه .
ماهر بابتسامه/منورين الدنيا ي جماعه والله .
ناديه بابتسامه /ده نورك ي روح خالتك .
ماهر باستغراب /مالك ي جاسر سرحان فيه ايه.
جاسر بانتباه /ابدا مفيش في شغلي الجديد .
سحر بابتسامه /ربنا معاك ي ابني .
جاسر بابتسامه تحمل قلقا وخوفا يكفي العالم /تسلمي ي خالتي .
ناديه بابتسامه/قومي ي بت ي رحمه مع خطيبك وصافوا كده الي مبينكم .
ماهر بابتسامه/مفيش حاجه اصلا ي خالتي تعالي ي رحمه نقعد شويه في البلوكونه .
في فيلا فهد ....
كان ينزل من علي الدرج وهو في قمه وسامته .
عامر بجديه /ها جاهز .
فهد بزفر /جاهز ي جدي .
عامر بجديه/انا الي هتكلم هناك واتفق علي كل حاجه.
فهد بغيظ /ولما انت الي هتتفق وتتكلم في كل حاجه واخدني معاك ليه ماتروح تخلص كل حاجه واعملك توكيل تكتبلي عليها كمان وانا هستناها في اوضه النوم علشان اخلص من الهم ده .
عامر بغضب/اخرس ي وقح هو انا جيبلك واحده من الشارع علشان تقول كده اسمع البنت دي من اللحظه الي هتتدخل فيها البيت
وتكتب علي اسم عائله الحديدي هتكون بنتي وهتعاملها احسن معامله .
فهد بخبث ومكر/وماله ده انا هعاملها احسن معامله متقلقش .....