Ads by Google X

القائمة الرئيسية

الصفحات

رواية الحب والخيانه الفصل العشرون 20بقلم الاء منيب


رواية الحب والخيانه 
بقلم الاء منيب 
الفصل العشرون 


 ........ : انتي مين 
حور : انتي اللي مين 
....... : انا خطيبت فهد
حور بصدمه : خطيبته
فهد بعصبيه : ابرار اي الكلام دا 
ابرار بخبث : اي يا فهد انا كنت بهزر ، مين القمر دي 
فهد بصرامه : دي حور خطبتي 
حور بصت لي بسرعه وكانت مصدمه زي كوثر و البنات 
ابرار بغضب : ازاي يعني 
فهد : زي الناس حور هي البنت اللي بحبها و هروح اخطبها 
ابرار بخبث : ماشي يا ابن عمي 
فهد : يالا يا حور عشان اوصلك ومش عاوز كلمه منك 
حور بسرحان : حاضر 
فهد : يالا ي اسماء تعالي 
مشيت حور جمب فهد و كانت في عالم تاني كانت حسه انه سندها اللي بجد اللي تطمن وهي معاه اللي هيقدر يحبها و يخاف عليها بجد 
________________________
عند والده حور 
حازم : قولتي اي ياماما 
والده حور بغضب: قولت اي في اي يابني عاوز تجوز بنتي حور ازاي 
حازم : لا انتي فهمتي غلطت 
والده حور : اومال اي الصح 
حازم : انا اه عاوز اتجوز بنتك بس مش حور انا عاوز اتجوز اسماء 
والده حور بارتياح : طيب ما تقول كدا يابني من الاول ، اكيد موافقه انا هلاقي احسن منك فين لاسماء 
حازم : خلاص علي خيرة الله ينفع  تيجي معايا انا و والدتي نطلب ايدها من عمها 
والده حور : اكيد يابني طبعا بس برضو نعرف خالتها 
حازم : ما انا هنزل هروح اقول ليها برضو 
والده حور : انت تعرف بيتها يا ابني 
حازم بتوتر : أيوة ، احم ما انا كل يوم بمشي وراها وهي راجعه من الدروس 
والده حور بحنان : ربنا يجعلها من نصيبك يا بني 
حازم : يارب ، استاذن انا بقي عن اذنك 
مشي حازم وراح لبيت فاطمه خالت اسماء 
وهو في طريقه للبيت قطع طريقه عربيه سودا بينزل منها شخصين 






حازم : انتم مين 
واحد منهم : احنا الحوراس الباشا الكبير 
حازم : وعاوزين اي 
الحارس : الباشا بيقولك ابعد عن طريقه احسن ليك يا شاطر 
حازم : ولو مبعدتش 
الحارس التاني :هتندم طول عمرك 
مشيوا الحوراس و فضل حازم 
حازم : انا لازم اخد الخطوة اللي كان لازم اخدها من زمان و اظهر الحقيقه وادخل الزفت دا السجن 
بس برضو لازم ابعد امي عن الموضوع دا 
مشي حازم و هو بيفكر ياخد أهم خطوة في حياته ولا لا كان لازم يفكر هيعمل اي ، وصل لحد بيت فاطمه خالت اسماء 
 كانت فاطمه خلصت صلاتها وقاعده تدعي لاسماء بصوت عالي و كان حازم سامعها وابتسم من ورا الباب قبل م يخبط وحمد ربنا أن رزق فاطمه بخاله حنينه تعوضها عن اللي فات 






"و العوض لا يعني بان يكون حبيباً أو زوجاً بل هو العوض في كل شئ و اي شئ بحنان الخاله بعد وفاة الأم بحنان العم بعد الاب و بونس الجارة ف الوحده و العوض في الدراسه فلا تحسباً العوض في الحبيب فقط " 
دق حازم الباب و فتحت له فاطمه 
حازم : السلام عليكم
فاطمه : وعليكم السلام ورحمه الله وبركاته ، مين حضرتك 
حازم : انا اسمي حازم عبد الرحمن الدمنهوري 
فاطمه : اتشرفت بيك يابني ، اتفضل 
حازم : كنت جاي عاوز اخد معاد من حضرتك اجي انا و   والدتي نخطب ايد الانسه اسماء 
فاطمه : أيوة بس انا معرفش عنك حاجه 
حازم : انا اسمي حازم مهنتي محامي والدي متوفي و ساكن مع والدتي في بيت مش هقول صغير و لا هقول كبير اقدر اجي اتقدم الانسه اسماء
فاطمه : والله يابني عيله الدمنهوري معرفه باسمها و ليها هيبتها في السوق لكن مقدرش اقول ليك علي معاد من غير ما اخد راي اسماء 
حازم : متفهم امرك خدي وقتك و دا رقمي وقت ما تفتحي انسه اسماء في الموضوع وتعرفي رأيها اتصلي قوليلي 
فاطمه : ماشي بس هسالك سؤال 
حازم : اتفضلي طبعا 
فاطمه : انت تعرف اسماء منين 
حازم بتوتر: احم انا انسه اسماء ليها فضل كبير عليا 
فاطمه باستغراب : ازاي يعني 
حازم : انا هحكيلك حكايتي و ازاي اتعرفت علي الانسه اسماء 
فاطمه : احكيلي 
حازم حكي لها كل حاجه من يوم ما قابل اسماء و حور و اتعلق بأسماء 





فاطمه : ربنا يحفظك يابني و يجعل ليكو نصيب مع بعض 
حازم : يارب ، استاذن انا و مستني موافقه انسه اسماء 

_____________________________________
عند ليل
ليل اول ما خرج من معمل التحاليل 
ليل: انا هطلع علي الشركه استحاله ابني المشروع علي الارض دي 
تلفون فهد رن وكانت نور هي المتصل 
نور  :السلام عليكم
ليل : وعليكم السلام 
نور : مال صوتك يا ليل 
ليل : فاكرة المقر بتاع المشروع اللي خدتك معايا في.
نور : أيوة طبعا فكراه
ليل : التربه اللي المفروض هيتبني عليها المشروع مليانا رصاص و غير صالحه للبنا 
نور : طيب هو مش المفروض أن بيجيب قرار الاول من الحكومه بأمر البنا 
ليل : أيوة والمفروض أن الحكومه بتكون عملا تحليل لتربه  الأرض برضو 
نور : طيب ازاي تكون غير قابله للبنا و هو معا قرار أن يبني 
ليل : مفيش الا حلين للكلام دا ياما اثبيت ان الورق بتاع الارض مازور ياما استغني عن المشروع و ارفع قضيه 
نور : اعمل اللي تشوفه صح ام حاجه متسكتش عن الحق 
ليل : ابويا علمني ان اواجه مسكتش 
نور : ربنا معاك 
ليل : يارب 
_____________________________________
فهد وصل حور البيت و اسماء روحت 
حور بخجل : ينفع تمشي انا وصلت البيت اهو 
فهد : انا عاوز اشوف مامتك 
حور بصدمه : ايه تشوفها لي 
فهد : بقولك اي انا لازم اخد موافقه مامتك 
حور : انا هقولها بس روح انت 
فهد : مش هروح يا حور غير لما اقول لمامتك 
حور : انا هقولها والله يا فهد بس روح انت 





فهد بسرحان : تعرفي أن اسمي حلو اوي منك 
حور بعصبيه خفيفه : فهد مش وقته محن روح  
فهد : ماشي يا حور مروح  اهو 
دخلت حور البيت و نادة علي مامتها وسلمت عليها وقاطع كلامهم جرس الباب 
راحت حور تفتح لقتو فهد 
حور بصدمه : انت مروحتش لي 
فهد : اي دا انا كنت مستني مامتك هي اللي تفتح الباب 
حور : فهد روح بقي 
والده حور من الداخل : مين يا حور علي الباب 
حور  بصوت عالي نسبياً : دا الزبال يا ماما 
فهد بصدمه : زبال ، زبال فعينك طيب والله لقول لامك ومش همشي من هنا 
حور بتوسل : فهد بالله روح 
فهد : والله ما هروح 
حور بتمثيل العياط : يا فهد روح ونبي 
فهد : ابدا والله لو عملتي اي 
والده حور : كويس أن الزبال جيه عشان اخد وصل الزباله منه 
حور بصدمه : اي 
والده حور : انتي متنحه كدا لي وسعي كدا ، انت مين يا ابني 
فهد : انا عاوز حضرتك يا امي في كلمتين 
والده حور : ايوه اتفضل بس هو فين الزبال 
فهد بابتسامه : لا ما بنت حضرتك قالت عليا الزبال عشان مكنتش عاوزة تعرفك عليا
حور بصدمه اكبر : اي اللي بتقولو دا 
والده حور : اتفضل يا ابني ادخل نتكلم 
فهد عدل لبسو و هو داخل طلع لحور لسانه 
حور بضحك : اللي بيطلع لسانه بيبقي اي 
فهد بغضب مزيف : قصدك اي 
والده حور : اتفضل يابني ،اي الموضوع 
فهد بتوتر : احم انا اسمي فهد حسني المنشاوي 
قارئ قران كريم و طالب في كليه علوم في الفرقه الرابعه وكنت جاي اعرف حضرتك بأني بحب بنتك وعاوز اتقدم ليها 
حور بخجل : طيب عن اذنكو اعمل شاي 
والده حور : أيوة يا ابني بس فين باباك و مامتك اي حد يجي معاك 
فهد : انا كنت لازم اعرفك بيا الاول و كان لازم اجي اقولك علي ارتبطنا انا و حور وبإذن الله في اقرب وقت هجيب والدي و والدتي واجي اخطب حور رسمي 
والده حور : باذن الله يابني 






فهد : انا كان لازم اجي واقعد مع حضرتك واعرفك اني هتكلم مع بنتك لاني بحب كل حاجه تبقي في النور و مخفش وانا بكلمها أو واقف معاها 
والده حور : المهم يابني تجيب أهلك عشان يبقي رسمي
فهد : اكيد طبعا 
استاذن فهد ومشي 
حور : مشي 
والده حور : تعالي يا حور اقعدي 
حور بقلق : نعم يا ماما 
والده حور :احكيلي عرفتي فهد دا ازاي وهو اللي خلاكي تتحجبي 
حور : لا والله يا ماما انا اتحجبت قبل ما اعرف فهد وهحكي ليكي كل حاجه 

في نفس الوقت في بيت فاطمه خالت اسماء 

فاطمه : اتاخرتي لي يا اسماء كدا 
اسماء : اسفه والله يا خالتو بس كنا عند واحده صحبتي انا و حور 
فاطمه : طيب يا حبيبتي كنت عاوز افتحك في موضوع
اسماء : اتفضلي يا خالتو
فاطمه : في واحد متقدم لك 
اسماء : مش موافقه 
فاطمه باستغراب : مش لما تعرفي مين الاول 
اسماء : لا مش عاوزة اعرف 
فاطمه : حتي لو قولتلك انه حازم عبد الرحمن الدمنهوري 
اسماء بصدمه و فرح : بجد يا خالتو 
فاطمه : من فرحتك افهم انك موافقه 
اسماء : أيوة طبعا 
فاطمه : بس انا مش موافقه ..........




تعليقات