رواية المنتقبه وبيت المنشاوي الفضل الخامس عشر15 الاخير بقلم هويدا زغلول
هو فعلا بعديها على طول ادهم لبس لبس مقنع وداره وشه خالص وراح على فيله مروان ودخل من ناحيه المطبخ واستنى لما كل اللي في صاله الفيلا مش موجودين خالص وطلع على الاوضه لحد ما سمع صوت المنشاوي الصغير بيعيط ودخل على اوضته من غير ما حد يشوفه
واول ما دخل قال
ادهم
حلو قوي الكلام ده ايه الولد اهو اكيد ده المنشاوي الصغير انا هاخده وهمشي على طول لا من شاف ولا من دي وهو ده اللي هيخلي مروان يوقف الصفقه وترجع لي انا وكمال وابقى انا المليونير مش جاسر ومروان
لكن ادهم دخل اوضه سماح وخد صبري بدل ما ياخد المنشاوي
وبعديها ادهم حاول ان هو ياخد الطفل ويخرج بيه بره الاوضه وهو خارج قابلته سماح وقالت
سماح
ليلتك سوداء انت مين المقنع الاسود يا لهوي يا لهوي الحقوني يا ناس حرامي هو في ايه يا اولاد هو بنهب وداب بيخشوا الفيلا بتاعتنا ويسرقوا عيالنا ده انت امك داعيه عليك بنت يا سعديه هاتي المساحه وعصايه المقشه
ادهم
صلي عليا بس يا حاج بقول لك ايه انا هسيب الواد وهمشي بس سيبيني في حالي الله يخليك
سماح
اسيبك في حالك ده انت امك ضايع عليك دعوه جابت اجلك اه يا فار الغيطان اه يا مرسي ماشي على الحيطه اه يا عصايه غاليه في الارض مرميه ده انا هوديك في 60 داهيه الحقوني يا ولاد بنت يا سعديه هاتي مع عصايه المقشه والمساحه الجاروف الحديد عشان افتح دماغ امه
وفي الوقت ده جميله وسعيديه راحوا عند سماح وقالت
جميله
مين ده يا خالتي وماسكاه كده ليه يا نهار اسود حرامي دخلوا عندنا ثاني ولا ايه ويا ترى داخل تاخد مين المره دي ما احنا خلاص بقينا هفق
سماح
اسكت يا بنت يا جميله هم مين دول اللي هفا ده انا هعلقهم من كعب رجله دلوقتي قدام الفيلا وهخلي اللي ما يشتري يتفرج عليك اصبر عليا ده انت يومك نفس الفانله اللي انت لابسها
ادهم
يا نهار اسود ومنيل انا عارف ومتاكد ان النهارده يوم مش هيعدي على خير وامنا الغوله دي مش هتسيبني يادي النيل عليا يا ريتني ما فكرت فيك يا مروان ولا فكرت في الصفقه
جميله بصدمه
انت بتقول ايه مروان والصفقه يبقى انت اكيد ادهم ما تسيبهوش يا خالتي امسكيه لحد ما اكلم مروان يجيب الحكومه ويجي
سماح
بسرعه يا بنت يا جميله يا سلام يا سلام ياما نفسي من زمان امسك حرامي واخلي اللي ما يشتري يتفرج عليه وانده العيال يحد فيك بالطوب واربطك بالحبل يا سلام اه لو عملت كده فعلا هبقى عامله زي فاندام
سعديه
عصايه المقشه والجروف الحديد والمساحه يا ست سماح اجيب حاجه ثانيه
سماح
اه يا حبيبتي حضري الكرسي وحبله خير علشان علشان نربطه في الحبل لحد ما الحكومه تيجي
ادهم
ابوس ايدك سيبيني في حالي يا دي الليله السوداء طب بصي هتفق اتفاق هديكي فلوس كثير بس سيبيني امشي ايه رايك
سماح
حسب المبلغ اللي انت هتديهوني يا اخويا قول هتديني كام
ادهم
50 الف حلو
سماح
انت عبيط لا طبعا قليل قوي
ادهم
طب ايه رايك في 100 الف
سماح
لا لا برده يا اخويا الدنيا غاليه وال 100 الف ما يعملوش حاجه معايا ابدا هز المبلغ شويه يمكن ارضى
ادهم
طب بص يا ست الكل هديكي مليون جنيه بس ابوس ايدك سيبيني امشي من هنا العمر مش بعزقه وانا لي سمعتي
سماح
اه يا ابن الايه تصدق مبلغ ما يضرش طب والله حلو هفتح بيه مشروع جديد بدل المشروع بتاعي اللي ما مشيش يخرب بيتك هو انت فاكر نفسك هتضحك عليا بالمبلغ ده يلا يا واد انا اوزنك فلوس
وبعديها سماح مسكت ادهم وقعدته على الكرسي وربطته بالحبل وما كانش عارف يفك نفسه ابدا اما جميله راحت كلمت مروان وقالت له
جميله
الحقني يا مروان صاحبك الشرير اللي سرق منك الصفقه اللي اسمه ادهم عندنا في الفيلا وكان عاوز يخطف حد من العيال الله يخليك تعالى بسرعه
مروان بصدمه
انت بتقولي ايه ايه الكلام اللي انت بتقوليه ده انا في الشركه قاعد مع جاسر هاجي على طول مسافه السكه خلي بالكم من نفسكم يا جميله
وبعديها مروان قفل السكه وجاسر قال له
جاسر
في ايه يا مروان ايه اللي حصل مالك مخدود كده ليه
مروان
ادهم هناك في البيت وعايز يعمل مصيبه واكيد عايز يسرق حد من العيال علشان يساومني على الصفقه انا لازم ابلغ البوليس واروح على الفيلا على طول
جاسر
معاك طبعا يا صاحبي عمري ما هسيبك يلا بينا
وبعديها جاسر ومروان بلغوا البوليس وطلعوا على الفيلا واول ما راحوا هناك لقوا سماح رابطه ادهم في الجنينه وكانت بتقول له
سماح
قول ورايا اه ياني ياني ياني مش هعمل كده تاني قول يا واد
ادهم
اه ياني ياني ياني مش هعمل كده تاني ابوس ايدك سيبيني بقى
سماح
ابدا ابدا هتفضل كده لحد ما البوليس يجي قول ثاني اه ياني ياني ياني الست سماح ربطانى سمعني يا واد
ادهم
اه ياني ياني ياني الست سماح ربطاني
وفي الوقت ده البوليس جه واول ما شاف ادهم مروان قال
مروان
اهو يا حضر الظابط هو ده الحرام اللي تهجم على الفيلا بتاعتي اعترف يا ادهم
ادهم
انا معترف بكل حاجه يا حضره الظابط انا حرامي
وكنت ناوي اخطف الطفل وانا معترف بكل حاجه اقبض علي الله يخليك وارحمني من الست دي
الظابط
اقبضوا عليه ده مجرم واعترف بكل حاجه
مروان
كثر الف خيرك يا مدام سماح بجد انت بجد دايما بتنقذينا في كل حاجه
سماح
طبعا يا واد يا مروان ده انا سماح اللي اجمد من فاندام
جميله
فعلا يا مروان لولا خالتي كان زمان صبري هو اللي اتخطف بس انا متاكده ان ادهم كان داخل الفيلا علشان يخطف المنشاوي الصغير مش صبري
مروان
الحمد لله يا جميله المنشاوي الصغير وصبري الاثنين واحد وكويس ان احنا لحقنا قبل ما يطلع بره الفيلا بيه
وبعديها الظابط قبض على ادهم ودخل السجن وخد جزاته
اما جاسر اول ما شاف المنشاوي الصغير خدوا في حضن وقال
جاسر
ما شاء الله ابنك زي العسل يا مروان شبهك بالظبط ايه الجمال ده
جميله
شكرا جدا لذوقك يا استاذ جاسر عقبالك في بيتك يا رب
جاسر
متشكر جدا يا استاذه جميله ربنا يرزقني بزوجه مطيعه ومحترمه زي حضرتك كده بالضبط
مروان
لا يا صاحبي اعذرني مش هتعرف تلاقي زي جميله ابدا جميله مراتي هي نسخه واحده بس منها في العمر كله
جميله
يا سلام يا سلام على احلى كلام ربنا يخليك ليا يا مروان
سماح
صحيح ما قلتليش يا واد يا مروان مين الواد الامور ده
مروان
ما يصحش كده يا مدام سماح واد ايه ده جاسر وصاحب عمري
ودي يا جاسر تبقى مرات جدي
سماح
ايه يا مروان اللي انت بتقوله ده ما تصدقهوش اسمك ايه انا اه فعلا مردد بس تديني كده بتاع 25 سنه و 21 ما يضرش 19 ماشي لكن اوعى تفتكرني ان انا كبيره ابدا
جاسر بضحك
طبعا طبعا يا فندم حضرتك اقل من كده بكثير شكلك باين انت صغيره جدا
سماح
متشكره جدا يا واد ايوه كده احب المنافقين واللي بيجامله هههههههه
جميله
حضرتك مش هتمشي النهارده غير لما تتغدى معانا ودي ما فيهاش كلام اتفضل يا مروان خشي بصاحبك جوه
سماح
ايوه طبعا مش هيمشي ده انا اللي فاتحه النهارده يلا يا ولد عشان طبيخى واتحداك ان انت كل يوم هتيجي تاكل عندنا
جاسر
وده طبعا شرف لي يا مدام جميله حاضر يا مدام سماح مش همشي النهارده غير لما اتغدى عندكم
سماح
يخرب بيتك ده انت طلعت لزقه وتقيل قوي يا واد احنا بنعزم عزومه مراكبيه ههههههه اوعى تزعل مني انا بحب الهزار كده والضحك على طول زي ام مروان البومه
جميله
خلاص بقى يا خالتي الله يخليك يلا ندخل الفيلا واتفضل معانا يا استاذ جاسر
وبعديها عملوا الغداء والمنشاوي الكبير جه وكان يوم جميل جدا ومروان حب شعور العائله الجميل وقرر ان هو فعلا يفكر في الجواز عشان يكون عيله
ومروان وجاسر بقى شغلهم مع بعض كويس جدا بل بالعكس شركه جاسر اشتهرت قوي وبقت كبيره وكله بسبب مروان
وعدت الشهور بسرعه
اما عند مراد ورنا راحوا يزوروا مصطفى في بيته واول ما دخلوا عنده قال
مصطفى
الله الله ايه اليوم الجميل ده ربنا يخليكم ليا يا ولادي اتفضلوا ما شاء الله ده انت على اخرك يا رنا معقوله عدت الشهور دي بسرعه كده
مراد
كنت لسه فعلا بقول لها الكلام ده يا عمى الشهور الحمله عدت بسرعه جدا
رنا
مش قادره يا بابا ده انا على اخري والدكتور قال لي انت ممكن تولدي في اي وقت ومش قادره اخذ نفسي قلت اجي ابص عليك واشوفك يا حبيبي اصل انا
مراد
قلت لك بطلي الكلام ده دي هرمونات حمل حرام عليك بطلي تفولي على بشروا ولا تنفروا
مصطفى
ليه يا بنتي حاسه بايه يا حبيبتي
رنا
حاسه ان انا ممكن يحصل لي حاجه وانا بولد يا بابا وما الحقش اشوف عيالي وخايفه على مراد وعليك قوي وعلى جميله اختي
مصطفى
لا يا حبيبتي بعد الشر عليك ما تقوليش كده دي فعلا هرمونات حامله على راي مراد وما تخافيش من اي حاجه انا هقوم اعمل لكم كوبايتين عصير يطروا على قلبكم في الحر ده
رنا
لا يا حبيبي خليك انت انا هقوم اعمل عصير
وفي الوقت ده قامت رنا عشان تعمل عصير وجاء لها وجع الولاده وقعدت تصرخ وتقول
رنا
اعاااااا اعاااااا الحقني يا بابا الحقني يا مراد انا شكلي بولد ودوني للدكتور بسرعه وعشان خاطري كلم جميله اختي عايزاها تكون معايا يوم ولادتي
مراد
طب اهدي يا حبيبتي ما تخافيش يلا بينا يا عم نروح بيها على الدكتور بسرعه
وفعلا مراد ومصطفى راحوا لرنا على المستشفى وكلمه جميله وكل العيله كانت معاها هناك وفعلا رنا ولدت وجابت بنت وولد واول ما رنا فاقت الدكتور قال
الدكتور
حمد لله على السلامه يا مدام رنا انت كنت خايفه قوي وكنت خايفه على اولادك جدا والحمد لله قمتي بالسلامه وجبتي بنت وولد زي القمر قولي لي بقى هتسميهم ايه
رنا
الولد مصطفى والبنت جميله دي ما فيهاش كلام ولا ايه رايك يا مراد
مراد
طبعا يا حبيبتي ده اقل تقدير لجميله وعمي مصطفى ربنا يخليهم ليك يا رب
جميله
يا حبيبتي يا رنا دي احلى مفاجاه في حياتي ربنا يخليكي ليا هيبقى عندي بنت اخت دي هتبقى روح قلبي وكمان انت جبتي عروسه للمنشاوي الصغير
مراد
ده شرف لينا يا جميله
مروان
حمد لله على السلامه يا مراد ويتربى في عزك يا رب يا حبيبي
المنشاوي
والله وبقيت جد يا مصطفى العيال كبرونا مش عارفين هنروح فين تاني هههههههههههه
مصطفى
الحمد لله يا منشاوي بيه اهم حاجه ان هم يكونوا بصحه كويسه احنا بنشيل همهم وهم صغيرين وهم كبار كمان
سماح
ايوه كده يلا يا بنت يا رنا قومي وفوقي ولا اعمل لك احلى واجمل سبوع في الدنيا
وعلى فكره ده نقطه مني
رنا
ربنا يخليك يا مدام سماح شكرا جدا
وفعلا رنا قامت بالسلامه وراحت شقتها وعملوا اجمل سبوع وسماح يوم السبوع قالت
سماح
بنت يا سمر تعالي قدامي يلا يا بت يا رنا خطي الاوله بسمله والثانيه بسمله
سمر
ممكن اعرف ايه التقاليد الغريبه اللي انتم بتعملوها دي يعني لو هي ما عملتش كده ايه اللي هيحصل
سماح
يادي النيله السوده ده انا قلت اتجوزت وعقلتي لسه عبيطه زي ما انت بقول لك ايه هي دي التقاليد بتاعتنا قولي ورايا وانت ساكته
سمر
حاضر حاضر مش هتكلم الاولى بسم الله هو الثانيه بسم الله
جميله
الف مبروك يا رنا يا حبيبتي مبروك عليك يا مصطفى وجميله يتربوا في عزك يا رب
رنا
ربنا يخليكي ليا يا اختي يا اجمل اخت في الدنيا واجمل صاحبه واجمل سند حبيبتي يا جميله
جميله
انت اللي طيبه وتستاهلي كل خير بكره مصطفى وجميله ومش هيخلوني اعرف اشوفك ابدا ومش هتعرفي تخرجي من البيت وهيخلوك تشدي في شعرك
رنا
هههههههه ما تخوفنيش يا جميله اكتر ما انا خايفه الله يخليك
سمر
بقول لك ايه يا مدام سماح انا جايبه هديه بسيطه قوي لرنا اديها لها دلوقتي ولا امتى اصل انا مكسوفه قوي
سماح
برافو عليك يا بنت يا سمر تعالي هنا عرفيني جبت لها ايه
سمر قاعده تتكلم كلام بالانجليزي وسماح ما فهمتهاش وقالت لها
سماح
النبي عربي يا اختي كلميني عربي الله يخليك انا خلقي ضيق بطلي عوجه اللسان دي علي
سمر
يا حبيبتي صدقيني هو اسم اللوشن كده جايبه لها لوشن وبادي سبلاش حاجات علشان نفسيتها ما تتعبش من الولاده وتربيه الاطفال
سماح
قومي من جنبي يا بنت عشان ما افتحش دماغك بتاعتك كتك نيله وانا اللي قلت هتكرمشي في ايديها 2000 جنيه ولا هتجيبي لها حته حلق ولا حته خاتم ذهب للواد ولا للبنت قال لوشن وبادي سبلاش قال
سمر
يوه بقى هو انا دايما كده مش عاجباك يا مدام سماح اعمل ايه ثاني عشان اعجبك
وبعد ما تسيبوها خلص وكله روح بيته سماح كانت حرانه ومش طايقه نفسها وقالت
سماح
بنت يا سعديه اديني ورقه وقلم وتعالي جنبي قولي لي حبايبنا وحبايب حبايبنا اسم اسم
سعديه فرحه
يا حلاوه يا حلاوه هتعملي جمعيه يا مدام سماح ولا ايه الله يخليك قبضتيني الاول اصل نفسي اجيب فستانين حلوين وعليهم القيمه البسهم
سماح
لا يا اختي مش هعمل جمعيه وبطلي كلام كثير ويلا قولي لي الحبايب اسم اسم وفكريني بعد ما نخلص اديكي قرشين تروحي تجيبي فستانين يا موكوسه ما بتقوليش ليه يا بنت فاكره نفسك غريبه ولا ايه ما هو خير ربنا كثير هنوديه فين يعني
سعديه
ربنا يخليكي ليا يا مدام سماح يا اطيب قلب في الدنيا بس عرفيني انت عاوزه اسم الحبايب اسم اسم ليه هتعملي ايه
سماح
هنطلع مصيف يا بت الجو حر وصراحه انا نفسي اروح البحر وابلبط ابلبط ابلبط
سعديه
يا حلاوه يا حلاوه اكتبيني انا اول اسم الله يخليك
انا كمان نفسي اشوف البحر واروح وابلبط زيك
سماح
ماشي يا رشقو ما انت رشقه في كل حته ادي اول اسم سعديه ام فستانين
سعديه
ان شاء الله يخليكي ليا يا مدام سماح والله يخليك لازم تطلعي معاكي جيرانك ام حزامبل والست كتكوته فوزيه القرعه دول مصيف من غيرهم هيكون ملهوش لازمه
سماح
ايوه طبعا يا بنت امال ايه وعرفيني ايه ثاني المنشاوي جوزي والواد صبري والواد المنشاوي الصغير وجميله ومروان وكلنا واكيد مش هنزل حربوقه هي وجوزها
سعديه
مين الحربوقه وجوزها دول يا مدام سماح
سماح
ودول يتنسوا يا بت يا سعديه سمر وجوزها طبعا هو قال مصيف من غيرهم ما يبقاش ليه طعم لكن هي برده حربوقه
وفعلا سماح كتبت اسم الحبايب اسم اسم واول ما جه المنشاوي وجميله ومروان قالت
سماح
خذ يا شوشو الورقه دي فيها اسامي كل الحبايب وبكره هنروح مصيف علشان نبلبط في البحر قلت ايه الله يخليك بقى ما تزعلنيش منك وبلاش ترفض
جميله
يا نهار ابيض دي فكره جميله جدا يا خالتي يا ريت دي حاطه رنا نفسها تروح المصيف علشان تشم نفسها شويه انا موافقه عشان خاطري يا مروان وافق
مروان
انا ما عنديش اي مانع ايه رايك يا جدي فعلا نغير جو
المنشاوي
حلوه قوي الكلام ده وانا ما عنديش مانع بس انت ناويه تروحي فين يا سماح
سماح
اي مصيف قريب يا اخويا وهات لنا شقه كده اوضتين وصاله نقعد فيها كده كلنا كم يوم وخلاص
مروان بضحك
هههههههه ايه اللي انت بتقوليه ده هي مدام سماح انت بتهزري صح طبعا لا احنا لو رحنا هنقعد في فندق محترم وكل واحد فينا له اوضه بتاعته
سماح
يا خبر ابيض يعني معقوله هتدي لام وحزمبل والست كتكوته فوزيه القرعه كل واحده اوضه في الفندق يا حلاوه يا حلاوه دول هيفرحوا قوي دول ممكن يفقدوا الذاكره من الفرحه
المنشاوي
اه طبعا دي حبيبتي وعلى فكره احنا موافقين انا مش هزعلك قومي يلا حضري الشنط وكلم مامتك يا مروان وكلمي كل حبايبك يا ستي ويلا بينا بكره الصبح هنتحرك ونروح المصيف
مروان
حاضر يا جدي وانا هروح اكلم الفندق دلوقتي عشان احجز كل الاوض اللي فيه يا دوبك على قد حبايب مدام سماح هههههههه
جميله
حلوه قوي الكلام ده وانا هروح احضر شنطتي انا والمنشاوي الصغير ومروان حبيبي ده هيكون مصيف جميل
سماح
وانا هروح بقى اكلم جيراني واحضر العاب الرمل اصل انا بحب الجردل والنجمه والجروف بتاع الرمل احبهم زي عيني بيرجعوني كده للزمن الجميل ويخلوني صغيره على الحب
وفعلا كلهم راحوا حضروا حاجتهم وثاني يوم جيران سماح جوم الفيلا وكانوا فرحانين وعاملين يزغرطوا عشان طالعين مصيف
واول ما سماح شافتهم قالت
سماح
ايوه كده زغرطوا سمعوني الفرحه وصوت الفرحه ده كل واحده فيك وهتقعد في اوضه في الفندق وهيكون لها حمام لوحدها ومش بس كده خذوا الكبيره بقى الحمام في بانيو
ام حزامبل
يا حلاوه يا حلاوه ايه الجمال ده ايه العسل ده زغرتي يا اللي ما انتش غرمانه حاجه
كتكوته
لولولولولى
فوزيه
والله يا ست سماح ما عارفين نقول لك ايه انت اصيله من يومك ربنا يخليكي لنا يا رب في عز فرحك ما نسيتناش
سماح
وانا اقدر انساكم يا حبايبي ده احنا اكلنا مع بعض عيش وملح ويلا بينا نركب العربيه ونغني مع بعضينا انا عايزه ابلبط اه ودوني البحر
فوزيه
ده هيكون مصيف ايه كله ضحك واخر حلاوه
وفي الوقت ده دخلت سمر وعزمي وقالت
سمر
يا نهار ابيض ده احلى مفاجاه في حياتي يا مدام سماح معقوله هنطلع المصيف مع بعض ده هيكون اجمل مصيف في الدنيا
سماح
طبعا طبعا هيكون اجمل مصيف في الدنيا ما عشان انا اللي مطلعاه يا بت وبقول لكم ايه عامله لكم كل الاكل اللي انتم بتحبوه وما نسيتش الصواني البشاميل وعلى الصواني الجلاش يلا يا بنت يا سعديه هاتي الاكل وحصليني على العربيه
وبعديها كل العيله ركبت العربيه وراحوا الفندق واول ما دخلت سماح وجيرانها قالت
سماح
ايه يا شوشو اللي انت جبتنا فيه ده بنقول لك يا اخويا عاوزين نروح فندق مش المتحف
المنشاوي
ما هو ده الفندق يا سماح وطي صوتك هو فندق غالي جدا ومحترم وبصراحه كده ما ينفعش نعلي صوتنا ابدا
سماح
ليه يا اخويا ما نعليش صوتنا ليه قاعدين ببلاش ولا ببلاش زغرتي يا اللي ما انتش غرمانه حاجه
كتكوته
لولولولولى
مروان
اهدي يا مدام سماح ايه الكلام ده ما ينفعش هنا ابوس ايدك احنا هنا مشهورين جدا وما ينفعش تفضحينا
سماح
يعني ايه يا اخويا مش هينفع اخد معايا الصواني البشاميل ونقعد على الشاطئ وناكل براحتنا لا لا الكلام ده ما ينفعنيش
سمر
شاطئ ايه هي مدام سماح ده اسمه بلاج ولازم يكون ليه ستايل واسلوب معين
يعني ما ينفعش ناخد اكل معانا ونقعد كده على البلاج
سماح
بقول لك ايه بلاج ايه وبتاع ايه اسمه شاطئ ولازم اروح عند الرمله واكتب عليها المنشاوي والموجه تيجي وتاكل اسم حبيبي واقول لها اخص عليك يا موجه يا بنت الايه
المنشاوي
يا حبيبتي يا سماح ربنا يخليكي ليا اعملي اللي انت عاوزاه يا ست الكل
جميله
خلاص بقى يا مروان ما تكبرش الموضوع سيب خالتي براحتها صدقني هيكون مصيف جميل لما نبقى على طبيعتنا
وهو فعلا غيروا هدومهم ونزلوا البحر وسماح وجيرانها كانوا مسخره وكان دمهم خفيف جدا والبلاج كله بقى يتفرج عليهم وهم عمالين يجروا ورا بعض وسماح لعبه الاستغمايه معاهم وغطت عينيها بقى شرب وبقت عماله تجري وراهم علشان تمسك المنشاوي وتقول
سماح
همسكك يا منشاوي مهما حصل هو انت فاكرني مش هعرف انت فين ولا ايه تعالى هنا مسكتك اهو
المنشاوي
يا نهار ابيض طب عرفت تمسكيني ازاي ده انت مغميه عينيك
سماح
طبعا يا حبيبي ده انا اعرفك وسط 1000 وسط مليون ده انت الغالي ده انت راجلي ده انت سندي ده انت اللي عرفتني يعني ايه حب ويعني ايه حياه ربنا يخليك ليا يا تاج راسي
المنشاوي
الله على الكلام الجميل ده ربنا يخليكي ليا يا ست الكل
وطبعا العيله بقت جميله ولطيفه مع بعض وبقت كلها هداوه وكل الشر بعد عنهم ومروان بقى مستقر جدا في حياته وكلهم عاشوا في سعاده وهنا
تمت بحمد الله