رواية عشق احفاد الراوي
بقلم سلمي حجازي
الفصل الخامس عشر والسادس عشر
احمد / مالك يابني الحقني انا ف مص*يبه
مالك / مص*يبه اي يا عمي خير
احمد / انا ... انا مش عارف اقولك اي ... ارجوك يابني سامحني ع اللي حصل
مالك / في اي بس ؟
احمد / انا كنت سالف من واحد عندنا ف الحاره ٥٠ الف جنيه ... وكنت ماضي ع وصلات امانه ودلوقتي بيهددني ان مسددتش المبلغ هيحبسني.... ف انا ملقتش غيرك اروحله انت جوز بنتي وف مقام ابني واغلي والله ... ربنا يعلم معزتك عندي اوعي تزعل مني من اللي حصل دى كانت ساعه شيطان بس
مالك / طيب وانت عملت اي بال ٥٠ الف
احمد / انا مخدتهمش مره واحده انا خدتهم ع فترات
مالك / وبعدين ؟
احمد / لو .. لو بس تساعدني وتسددهملي ... وانا والله هشيلك الجميل ده فوق راسي طول عمري
مالك / وبالنسبه للشرب اللي بتشربه ؟
احمد بتوتر / م .. ماله ؟
مالك / هتبطله ولا لا
احمد / والله يابني غصب عني ... انا لا لاقي شغله ولا مشغله وبشرب من الغلب اللي انا فيه ... ساعدني وانا والله هبطل وهبقي انسان نضيف
مالك / هجيبلك شغل وتشتغل بس تبطل ... وهسددلك المبلغ بس الوصلات هتفضل معايا ولو لقيتك رجعت تشرب تاني ولا متغيرتش انا هحبسك بجد
احمد بسعاده / كتر خيرك يابني ... كتر خيرك والله ربنا يباركلك
اخذ مالك دفتر الوصلات وكتب وصل بالمبلغ الذي يريده احمد ثم مد يده اليه لكى يعطيه لاحمد ولكنه وجد يد ورد تأخذه منه
ورد / مستحيييل
احمد / ورد ؟!!
مالك / ورد ... انتي اي اللي جابك هنا ؟
ورد بعصبيه / مش مهم ... المهم انك مستحيل تديله فلوس
مالك / ورد وطي صوتك .... وهاتي الشيك ده
ورد ببكاء / لا ي مالك انت مش مجبر تساعده ... هو بيستغلك
احمد / ورد يا بنتي اسمعيني بس
ورد ببكاء / مش عاوزه اسمع حاجه ابعد عني وعن حياتي ملكش دعوه بيا
مالك / انا اسف ي عمي .... هكلمك نتقابل وقت تاني .... يلا ي ورد
سحب مالك ورد خلفه ثم خرج من المقهى و وضعها ف السياره ثم انطلق مسرعا نحو المنزل
بعد قليل وصل مالك الي المنزل ومعه ورد التي تبكي بشده فتعجب الجميع واتجه اليهم
تسنيم / في اي ... مالك ي ورد ي بنتي
سناء / في اي ي مالك ورد بتعيط لي يابني
مالك / عن اذنكم
اخذ مالك ورد ثم صعد الي غرفتهم فكانت تسنيم تريد الصعود خلفهم ولكن اوقفها صوت الراوي
الراوي / سيبيهم ي تسنيم .... لعلها الناهيه
تسنيم / يعني اي ؟
الراوي / لو محصلش اللي ف دماغي انا هتصرف ... يلا كل واحده فيكوا تشوف كانت بتعمل اي انتو ياما اتخانقتوا مع جوازتكم ومحدش اتدخل بينكم ... سيبوا الولاد ياخدوا فرصتهم ف الدنيا بحلوها ومرها
ف غرفه مالك
مالك / ممكن اعرف اي اللي جابك ورايا ؟
ورد / مش موضوعنا
مالك / لا موضوعنا
ورد / كنت حاسه ان في حاجه غلط وكان لازم اعرفها
مالك / انتي كنتي شاكه فيا صح ؟
ورد بتوتر / لا اصلا انا مالي بيك ... وبعدين متوهش ... مالك لو سمحت متديش لبابا حاجه
مالك / اظن ان دي حاجه متخصكيش اصلا
ورد بعصبيه / لا تخصنيي ... انت اصلا لي بتدخل ف حياتي اللي مش بيجيلك من وراها غير الهم والمشا*كل انت من ساعه ما عرفتني وكل المصا*يب حلت عليك انا نفسي مص*يبه ف حياتك ... دخلت حياتك وانت مجبور ع ده ساعدتني وساعدت كل اللي يخصوني وكل مش*كله انت بتحلها لييي ... لييي بتعمل كل دهه ... ما تسيبني وترتاح مني ومن قر*في ... انا واحده مش بيجي من وراها غير الهم والمشا*كل ... انا حياتي كلها غلط ف غلط وكل اختياراتي غلط وكل الناس اللي عرفتها بتأ*ذيني .... انت لي متمسك بيا ولي بتعمل كل ده .. لييي
مالك / عشان بحبك ي ورد
ورد بصدمه / ايه ؟!!
مالك / بحبك ... من اول مره شوفتك فيها وانا حياتي كلها اتغيرت ... كل مره كان القدر يجمعنا فيها كنت بحبك اكتر من المره اللي قبلها ... انا مكنتش مجبور ع اي حاجه عملتها زي ما انتي فاكره ... انا اتجوزتك بإرادتي .... انا بحمد ربنا كل يوم انك مراتي حتى لو كان ع الورق بس ... كل حاجه بعملها عشانك وعشان تبقي مبسوطه ... بعملها بحب وانا فرحان ... حياتك اللي انتي شايفاها غلط وبايظه انا حاببها وحابب اسيبلك اثر فيها تفتكريني بيه ... انا بحبك وبحب اللي منك وحياتك هي حياتي ... ورد انا مقدرش اعيش من غيرك متقوليليش ابعد عنك تاني عمرك ما تقولي الكلمه دي انا لو رجع بيا الزمن الف مره هعيد كل اللي حصل تاني عشان تبقي معايا
ورد بدموع / انا ... انا متحبش ... انت بس متعاطف معايا ... لكن انا متحبش ... مش فيا حاجه تتحب ... انا اصلا عمري ما حد حبني حتى ابويا محبنيش ... انا واحده متحبش ... ولا حياتي تتحب ... ابعد عني ي مالك ابعد عني عشان مش هيجيلك من ورايا غير المشا*كل ... طلقني ي مالك
مالك بعصبيه / قولتلكك متقولييش كدده انا مستحييل اخليكي تبعديي عنيي ... ولا انتي لسه بتحبيه ؟
ورد ببكاء / انت ازاي تفكر كده بعد اللي حصل .... انا عشان بحبك عاوزاك تبعد عني وعن حياتي اللي كلها هموم وبس ... انت الحاجه الوحيده الحلوه اللي فيها .... هظلمك معايا وانا مش عاوزه كده ... عشان خاطري ابعد ي مالك
قام مالك بضمها اليه بشده وهو لديه احساس امتلاك العالم بأكمله حتى بادلته ورد بنفس المشاعر
مالك / مكنتش عاوز اسمع منك اي حاجه غير انك بتحبيني وبس .... مش هسيبك ي ورد مهما حصل مش هسيبك ... كل حاجه هتتحل كل حاجه هتكون بخير واحنا سوا ... بوعدك ي وردتي
ف الشركه
كان رحيم قد انتهي من شرح العمل التى سوف تقوم به فريده ف الشركه
رحيم / بس كده يستي عندك اي اسأله
فريده وهي تنظر له / .....
رحيم / انتي بتبصيلي كده لي
فريده / عيونك حلوه
رحيم بتعجب / نعم !!
فريده / عيونك حلوه
رحيم / يعني انتي واعيه للي بتقوليه
فريده / ايوا
رحيم / ودا اعتبره اعجاب ؟
فريده بضحك / لا تح*رش
رحيم بضحك / انتي بجد فظيعه ملقتش شبهك ده انتي حتى مش مكسوفه
فريده / واتكسف لي ... انا اتعودت ان اللي جوايا اقوله ع طول وشوفت ان عينك حلوه لي مقولكش
رحيم / وانتي بقا اي حد بتشوفي ان عينه حلوه بتروحي تقوليله
فريده / اه ... بس ده قليل اصلا
رحيم / انتي غرببه اوي بجد
فريده / انا جعانه
رحيم بضحك / مش بقولك غريبه
فريده / تيجي نطلب اكل ؟
رحيم / مافيش اكل ف الشركه ي عسل ولاحظى انك بتكلمي مديرك هاا
فريده / الاه اشمعني لما قولتلك ان عيونك حلوه مقولتليش اني مديرك ولا هو الكلام كان ع مزاجك
رحيم / انا سامح لعملائي التغزل فيا عادي غير كده لا
فريده / هو في حد بيتغزل غيري ولا اي
رحيم / كتير
فريده / حقهم معذورين
رحيم بابتسامه / فظيعه
فريده / طب برضو مش هتاكلني
رحيم / مش فاضي بجد عندي شغل وكمان مينفعش بقولك اي انا ليا هيبه متضيعيهاش بقا
فريده / خلاص هطلب اكل وناكل ومحدش هياخد باله
رحيم / لا طبعااا مستحييل
كان حمزه يجلس ف غرفته يحاول الاتصال ب رنا اكثر من مره ولكنها لا تجاوب عليه
حاول حمزه الاتصال مره خرى فوجد رنا تحدثه ف الهاتف
حمزه / رنا .. رنا اقسم بالله انتي فاهمه غلط والله العظيم هي اللي ...
رنا / مش عاوزه مبررات ي حمزه ... انا عارفه ان الغلطه غلطتي من الاول انا اللي فرضت نفسي عليك واتغبيت ف كل خطوه خدتها ... وانت طبعا ما شاء الله عليك مبتقولش لبنت لا ف اكيد مش هتقولي لا واكيد هتقول انك بتحبني وتقضى معايا وقت زي اي واحده عرفتها ... بس لا ي حمزه انا مش كده ولا هسمحلك تعمل فيا كده ... روح لاشكالك ي حمزه انا ماليش مكان ف حياتك اصلا واسفه ع اللي عملته
حمزه / ي رنا عشان خاطري اسمعيني والله انا اتغيرت والله ... والله ي رنا عمري ما خو*نتك ولا كلمت بنت من وراكي ي رنا والله
رنا بدموع / كداب ي حمزه ... انا شايفاك بعيني
حمزه / والله هي اللي اترمت ف حضني اقسم بالله انا ...
رنا / مااا تبطللل كدببب بقاااا ... انا عمري ما هصدقك ي حمزه انت كداااب وخاا*ين وانا قر*فتت منكك يا ريت تبعد عني خالص خااالص ي حمزه
حمزه / حاضر ي رنا هبعد بس افتكري انى عمري ما خو*نتك
رنا / هه
ف الشركه
ف مكتب رحيم
رحيم / الله .. حلو الحواوشي ده اوي
فريده / ولا الفراخ المشويه بتغسلني كده من جوه
رحيم / ناوليني حته المخلل دي كده
فريده / خد بس متخلصهاش عشان مافيش خيار تاني سيبلي حته
رحيم / ماشي
كان مالك يمشي ف ممر الشركه متجها الي مكتبه فهو عاد الي الشركه بعد ان اطمأن ع ورد حى ذهبت الي نوم عميق ولكنه توقف حين شم رائحه مشويات تأتي من مكتب رحيم فأتجه نحوه وفتح الباب دون استأذان
فريده / هااااا بسم الله الرحمن الرحيم مش تخبط المكاتب ليها حرمتها برضو ي استاذ مالك
رحيم / اه صحيح مش تخبط يمكن قا*لعه راسها ولا حاجه
فريده / انا مش محجبه اصلا
رحيم / ايش عرفك انتي ما يمكن ربنا هداكي
فريده / اه صح
مالك / انتو اي اللي بتقولوه ده ... واي المهز*له اللي بتحصل دي اكل ف الشركه ؟؟
رحيم / والله قولتلها ي مالك بلاش بلاش مسمعتش الكلام
مالك / ابلع بس يخويا لتزور .... والله عيب لما الريحه تبقي قالبه الشركه وجايه من مكتبك
فريده / خد بس رغيف الحواوشي ده هينسيك اللي حصل
رحيم / اه والله جامد اوي
مالك / انتوو بتستعبطواا .... لم الاكل ده فورا وكل واحد يشوف شغله .... ابقي اكلها يخويا بره مش ف الشركه الكلام ده
رحيم / والله هي اللي اكلتني والله
مالك / اخر انذار ليكوا اما نشوف اخرتها
فريده / اخرتها خير ان شاء الله
تركهم مالك ثم ذهب الي مكتبه
فريده / هاااااا كلت حته الخياره المخلله كلها
ف قصر كبير ف لندن
كارمن / هنسافر برضو ي بابا
منير / لازم انزل اواجهم ي كارمن لازم وكمان عشان تشوفي اخواتك ... مالك و حمزه
عشق احفاد الراوي السادس عشر
منير / لازم انزل اواجهم ي كارمن لازم وكمان عشان تشوفي اخواتك ... مالك و حمزه
كارمن / طيب ي بابا انا هقوم احضر الشنط
منير / ماشي يروحي
ف المساء
كان مالك يجلس مع والد ورد ف المقهى يتحدثان
مالك / انا اسف ي عمى ع اللي حصل الصبح واللي ورد عملته
احمد بندم / حقها يابني تعمل كده واكتر .... انا ظلمتها كتير هو وامها الله يرحمها ... بس ... بس والله انا اتغيرت وعاوز ابدأ معاها صفحه يده وعمري والله ما هزعلها ... نفسي تديني فرصه واحده بس
مالك / انا لقيتلك شغل ف مكان كويس ومرتب كويس كمان ... وهاجى معاك دلوقتي للراجل اللي انت سالف منه الفلوس هسددهملك وهاخد الوصلات زى ما اتفقنا وشوف اذا كنت اتغيرت فعلا ولا لا
احمد / اتغيرت والله يابني اتغيرت ... المهم ورد ترضى عني
مالك / ورد اغلى حاجه ف حياتي يعني مش هخليك تقرب منها فعلا الا لما اتأكد بنفسي انك اتغيرت ولا لا ولو لقيتك فعلا اتغيرت انا هصلح بينك وبينها غير كده انت مش هتقرب منها ولا هسمحلك تأذيها
احمد / حقك يابني
مالك / يلا بينا نروح للراجل
احمد / يلا
انطلق مالك بالسياره الي العنوان الذى وصفه له احمد وهو عنوان الرجل الذي اخذ منه الاموال
وبالفعل بعد قليل وصل مالك الي عنوان الرجل ومعه احمد ف جلس مالك معه وسدد له المبلغ ثم اخذ منه وصولات الامانه وانهى كل شئ
ترك مالك احمد ورحل بعد ان اكد عليه كل شئ واخبره عنوان عمله الجديد وشرح له التفاصيل ثم عاد الي منزله
وصل مالك الي المنزل فوجد الجميع ينتظره ع طاوله الطعام لتناول العشاء بإستثناء ورد التي كانت تنظره ف غرفتها
القى مالك التحيه ع الجميع ثم اخبرهم بانه سيصعد الى الغرفه ليبدل ملابسه ويأتي ومعه ورد
صعد مالك الي الغرفه فوجد ورد تنتظره وهى تجلس ف الشرفه تقرأ كتابا فذهب اليها مالك ثم ضمها من الخلف وهى مازالت جالسه ولكنها انفزعت
ورد / هااااااا
مالك / اييي فيي اييي
ورد / خضتني يا ماالك
مالك / هو انا عملت حاجه يبنتي
ورد / اتنحنح كح اعمل اي حاجه
مالك / يعني اكح ومحضنش
ورد / كح وبعدين احضن عادي
مالك بغمزه/ طب وبعد الحضن
ورد / لا هو ده اخرك معايا يسكر
مالك / لييي بس كده
ورد / هو كده
مالك / هو انا كده كده كنت ناوي اعمل فرح ونتجوز زي اي اتنين طبيعين لان شغل الكروته ده مبحبوش
ورد بفرح / بجد ي مالك
مالك / بجد ي قلب مالك
ورد وهي تضمه / انا بحبك اوي اوي اوي
مالك / وانا كمان اوي اوي بس لازم ننزل حالا نتعشي بدل ما يطلعوا يضربونا
ورد بضحك / طيب يلا ونبقي نحضن بعدين
مالك بضحك / انا بقول كده برضو
هبط مالك ومعه ورد التي القت التحيه ع الجميع وهم ف غايه السعاده التي تعجب منها الجميع
سناء / اللي يشوفكم كده مشوفكوش الصبح
تسنيم / اه والله يسناء ياختي
الراوي / يبقى اللي ف بالي حصل
مالك بغمزه / حصل ي حاج .... انا عاوز اقولكم حاجه
الراوي / قول يحبيبي
مالك / انا عاوز اعمل فرح ليا انا و ورد
تسنيم / لولولولولولولوي
سناء / يا الف نهار ابيض لولولولولولولوي
رحيم / اخيرا يا اخى
حمزه / جاي تتجوز بعد ما بقينا سناجل هى دي الجدعنه برضو ؟
مالك / هو انت لحقت يابني ده انتو لسه متصالحين من يومين
قطع حديثم رنين جرس المنزل فذهبت ورد لكي تفتح الباب
منير / مش ده برضو بيت الراوي
ورد / ايوا مين حضرتكم
الراوي / مين ي ورد يا بنتي
ورد / واحد بيسأل علي حضرتك ي جدو
الراوي / خليه يتفضل
ورد / اتفضل حضرتك
دخل منير ومعه ابنته كارمن حتى رأه الجميع ثم انصدم بشده
الراوي بدموع وفرح / ااا ... ابنيي ... منير ابنيي
منير بدموع / بابا
ذهب منير اليه وضمه بشده وشوق كبير
تسنيم بصدمه / لالا .. مستحيل لالا
مالك / بابا ؟!!!
حمزه / بابا مين ؟ ... مش بابا ما*ت ... مين ده
رحيم / ازااي
ذهب منير الي مالك ثم ضمه اليه بشوق شديد وحمزه و رحيم ايضا ولكن لم يبادلوه بسبب الصدمه التي حلت عليهم
كان كل هذا يحدث امام ورد التي كانت لا تستطيع فهم شئ فأخبرتها تسنيم بأن والد مالك توفي منذ تسعه عشر عام
منير / عارف انكم دلوقتي مستغربين انا ازاي عايش وازاي مكتشفتوش ده الا دلوقتي ... بس خلاص جه الوقت اللي لازم تعرفوا فيه كل حاجه ... يوم الحاد*ثه اللي حصلتلي انا واخويا شريف كنا وقتها بنه*رب من الحكومه .. كنا عاملين صفقه مع شركه تانيه ومديرها طلب اننا نتقابل عنده فروحنا عشان نتفق فلقينا البوليس جه واكتشفنا انهم تجار سلا*ح وكنا هنتاخد ف الرجلين من غير ما نعمل اي حاجه ف قررنا نهر*ب وفعلا هر*بنا وكان شريف هو اللي سايق العربيه باقصى سرعته والحكومه كانت ورانا لحد ما خبطنا ف عربيه تانيه و وقعنا ف البحر ... مدريدش بأي حاجه بعد كده .. فوقت وانا ف بيت ناس معرفهمش ابنهم غطاس ف لقاني و وداني عندهم وعرفوا ان انا لسه عايش فضلت يومين ف مصر ... عرفت انهم لقوا جثه شريف اخويا وملقونيش ... ف مكنش ينفع ارجع هنا ولا اروح ف اي حته لان الحكومه مكنتش هتسيبني .. ف قررت اني اسافر بره وفعلا سافرت هج*ره غير شرعيه ... واتعرفت ع واحده اسمها مونيكا هى اللي وقفت جنبي وساعدتني و وقفت ع رجلي من جديد لحد ما بقيت غني واتجوزتها وخلفت اختكم .... كارمن
تسنيم ببكاء / انا مش مصدقه بجد ... مستحيل ... وهان عليك تتجوز بعدي ي منير ... وسيبتني وسافرت ... هونت عليك و ولادك هانوا عليك ... سيبت ولدين من صغرهم ملهمش اب وسافرت وعيشت حياتك كده عادي ... وجاي بعد اي بعد ما خلاص مباقيناش محتاجين لوجودك اصلا
منير بدموع / انا عارف اني غلطان ... انا اسف سامحوني بس مكنش بأيدي حاجه اعملها
راوي / تخيل كده ان انا مت ولا جرالي حاجه بعدك انت واخوك ... كانت مراتك و مرات اخوك بعيالهم يروحوا لمين ولا يعملوا اي ... لي كده يابني لي عذ*بتنا السنين اللي فاتت دي كلها ... ده انا شايل حمل فوق حملى
منير / انا اسف والله ي بابا سامحني والله غصب عني .... مالك يابني سامحني سامحني انت واخوك حمزه و رحيم سامحوني
مالك / اسامحك ع اي ولا اي .... ع انك سيبتنا ومشيت ولا حملت اي هم ولا هنعمل اي ... ولا عشان يتمتني انا واخويا وخليتنا من غير اب يسندنا ... ولا عشان خليتني اتحمل مسؤليه وانا عيل صغير ده انا كنت اب لحمزه عشان محسسهوش ف يوم انه مفتقد اب زي ما انا حسيت ... بجد انت متستحقش انك تكون اب
تركهم مالك ثم صعد الى غرفته حيث صعدت ورد خلفه بعد ان استأذنت من الجميع
منير / انا اسف سامحوني ارجوكم
تسنيم ببكاء / عن اذنكم
سناء / استني ي تسنيم
صعدت تسنيم ايضا ومعها سناء ولم يتبقي سوا منير وابنته كارمن و والده وابنه حمزه وابن اخيه رحيم
الراوي بابتسامه / تعالي ي بنتي واقفه بعيد لي مش تسلمي ع جدك
كارمن بابتسامه / ازيك ي جدو
الراوي / ما شاء الله بقى انا عندي حفيده عروسه كده ... عندك كام سنه
كارمن / ١٨
الراوي / ما شاء الله ما شاء الله ... وبتتكلمي عربي حلو اوي كمان
كارمن / ما بابا كان بيعلمني عشان هو حاكيلي عنكم من زمان وقالي انى هشوفكم
الراوي / طيب وفين ماما ي حبيبتي
كارمن / ماما اتوفت من تلت سنين
الراوي / يا حبيبتي ... ربنا يرحمها
كارمن / يا رب
ف غرفه مالك
ورد / مالك
مالك / ورد لو سمحت سيبيني دلوقتي
ورد / مينفعش اسيبك وانت ف الحاله دي .... انا عارفه انك تعبت ف حياتك وانك شيلت مسؤليه اكبر منك ... بس اعذره برضو هو غصب عنه ... لو كان رجع كان اتح*بس ظلم وكان مستقبله ومستقبلكم هيضيع ... ممكن يكون غلطان بس غلطه نجاكم من عواقب كتير واهو جاي يعوضكم عن السنين اللي فاتت اديله فرصه ده انت ابنه الكبير
مالك / مش قادر ي ورد ... مش قادر انا عانيت كتير اوي ف حياتي ومكنتش ببين لحد عشان محملش ماما فوق طاقتها هي استحملت كتير
ورد / انا عارفه بس برضو كلما بنغلط وكمان بابا كان غصب عنه هو اكيد مكنش مبسوط وهو بعيد عنكم ... اهدي كده وفكر انت قلبك طيب وجميل ... انزل كلمه واتكلموا كلكم سوا واسأله عن كل حاجه بتدور ف راسك ... وكمان تسلم ع اختك اكيد كان نفسك يبقي ليك اخت بنت
مالك بابتسامه / حاضر
ورد بابتسامه / يلا وانا هستناك هنا
مالك / ماشي
نزل مالك بالفعل فوجدهم يجتمعون فى مكتب الراوي فذهب اليهم
منير / مالك يابني سامحني .... انا اتكلمت مع جدك و اخوك وابن عمك وسامحوني ... عشان خاطري سامحني والله غصب عنك
مالك وهو يضمه/ وحشتني اوي ي بابا
منير / وانت كمان ي حبيبي والله
كارمن / خلاص بقا كفايه دراما
مالك بضحك / مين دي ؟
منير / اختك
كارمن / بس انا اخويا طلع مز اوي
رحيم / ااااه لو ورد مراته تسمعك
حمزه / وهو ان شاء الله اخوكي مبن فيهم اللي مز
كارمن / اكيد مالك مش انت يعني
حمزه بسخريه / اقيد مالق مش انط يعني .... معندكيش نظر
كارمن / بس يلا
الراوي / الله انتو هتتخا*نقوا وانا واقف ولا اي
حمزه / مش شايف ي جدو لسانها طويل ازاي
مالك / ماهي مقالتش حاجه غلط برضو
حمزه / الله انتو هتتفقوا عليا بق ماشي
رحيم بشموخ / طب وبالنسبه لابن عمك اي رأيك
كارمن / امممم مش بطال مش بطال
ضحك الجميع وقضوا وقتا لا يخلو من المرح
في صباح اليوم التالى
استيقظ مالك مبكرا ولكنه لم يجد ورد بجانبه ف بدأ يبحث عنها ف جميع اجذاء الغرفه ولكنه لم يجدها فظن انها هبطت لاسفل حتى وجد هاتفه يصدر صوت الرنين من رقم غير معروف ف اجاب عليه
مالك / الو
ورد ببكاء / مااالك الحقني انا مخطو*فه