رواية الحب والخيانه
بقلم الاء منيب
الفصل الخامس والعشرون
فهد دخل يجيب مناديل من السوبر ماركت و فاجأه عربيه وقفت خدت حور و طلعت جري
طلع فهد جري من السوبر ماركت و رن علي ليل
فهد بعصبيه : الو تعالي بسرعه عند *******
ليل : في اي حصل حاجه
فهد بعصبيه اكتر : انجز يا ليل مش وقته حور اتخطبت
ليل بصدمه : جايلك حالا انا قريب منك اصلا
فهد : بسرعه
بعد دقيقتين كان فهد و ليل قاعدين في العربيه و فهد فاتح تلفونه و متابع موقع تلفون حور
____________
عند باسم ابن عم حور
باسم : جهزت المأذون يا بابا
عم حور : أيوة و كل حاجه جاهزة
باسم بخبث : كدا فاضل تكه و كل حاجه هتبقي معايا
عم حور : طالع لابوك فعلا
باسم بخبث: عيب عليك
باسم طلع تلفونه و رن علي شخص
باسم : ها جهزت كل حاجه
مجهول : الحاجه معايا
باسم : تمام ، ساعه كدا و هجيلك اشوفها
مجهول : قدمنا عشر دقائق و هوصل بيها المكان
باسم : خلصانه وانا ساعه و هكون عندك
__________________________
في العربيه اللي حور مخطوفه فيها
مجهول : بدأت تفوق و الباشا عاوزها نايمه
مجهول 2 : خد البنج اهو رشه عليها
مجهول : هات منديل كمان يا غبي
مجهول 2 : خد و بلاش تطول لسانك
مجهول : انت خدت منها التلفون
مجهول 2 : أيوة بس مش عارف اعمل بس حاجه
مجهول : لي يعني
مجهول 2 : تلفونها ايفون و انا اندرويد حقير
مجهول بضحك : حلو يلزمني بقي التلفون دا
مجهول : انا اللي خدتو ، ويالا يا اخويا وصلنا
و قفه قدام عماره و الرجاله نزلو يشوفو المكان
كانت عمارة لسه علي المحاره و المكان مكنش في حد ولسه بيتعمر طلعه حور شقه من الشقق المفتوحه و وقفه علي الباب دي تعليمات الريس بتاعهم
كانت عربيه فهد و ليل وراهم بس لسه موصلوش المكان
ليل : الموقع بعيد عن هنا ب قد اي
فهد بخوف علي حور : فاضل حوالي عشر دقائق
ليل : وريني كدا
فهد : اهو
ليل بصدمه : دا الموقع اللي بشرف عليه دا دا لسه بيتعمر و مفيش حد خالص في المكان
فهد بعصبيه : سوق بسرعه يا ليل لازم الحقها
بعد دقائق في عربيه سودا وصلت و نزل منها شخص و طلع فوق للرجاله و بعدين واحد نزل و التاني فضل ما الشخص اللي طلع
حور بدأت تفوق و تصدمت
____________________
عند اسماء
مكالمه هاتفيه
حازم : مالك طيب في اي
اسماء بقلق : حور قالتلي انها طلعت من البيت و بقالها ساعتين لسه مجتش
حازم : متقلقيش تلقيها مع فهد أو حاجه رني اطمني
اسماء : برن تلفونها مقفول ، خايفه عليها اوي يا حازم
حازم : خير انشاء الله ممكن يكون فصل شحن أو حاجه
اسماء : لا انا مش مطمنه انا هروح اشوفها عند مامتها
حازم : خلاص استني هاجي اخدك لمامتها و متتحركيش إلا لما اجي ماشي
اسماء : ماشي
______________________
عند الحج حسني
الحج حسني : تعالي يا ابرار عاوز اتكلم معاكي لوحدنا
ابرار : اتفضل يا عمي
الحج حسني : بصي يا بنتي أنتِ قبل ما تبقي بنت اخويا فانتِ بنتي برضو و أنتِ عارفه انا بحبك قد اي
ابرار : طبعا يا عمي عارفه و متاكده كمان
الحج حسني: طيب يا حبيبتي فهد خطب و احنا عارفين أنه كان شايفك أخته
ابرار : عارفه يا عمي
الحج حسني : طلعي فهد من قلبك يا بنتي هو في قلبه بنت تانيه
ابرار : صعب يا عمي بس هحاول
الحج حسني : ربنا يهديكي يا حبيبتي و يرزقك بزوج صالح
ابرار بابتسامه : يارب يا عمي ، عن اذنك
الحج حسني بابتسامه : اتفضلي يا بنتي
خرجت ابرار من عند عمها و طلعت اوضتها فوق
رنت علي شخص
ابرار بشر : نفذ عاوزهم يبعدو عن بعض للابد ، فهد دا بتاعي انا بس
_______________________________
عند فهد
فهد و هو بيفتح باب العربيه
ليل : استنا يا فهد
فهد بعصبيه : استني اي حور فوق وانت شايف المكان مهجور ازاي
ليل : وانت معاك حاجه تدافع بيها عن نفسك
فهد بعصبيه : هدافع بايدي يا ليل
ليل : طيب ، بس هنطلع براحه عشان نعرف مين اللي خاطفها
فهد : طيب بس يالا بسرعه عشان لو حصل لها حاجه ممكن اقتلك
ليل :راعي انِ اخوك الكبير
طلع فهد و ليل براحه و شافه واحد واقف عن الباب
ليل مسك طوبه و حدفها بعيد
الحارس راح عشان يشوف في اي
و فهد استغل اللحظه دي و دخل الشقه
ليل : خبط الحارس علي دماغه بحديدة و خد المسدس و الخزنه التانيه بتاعت المسدس و لقي تلفون حور خده هو كمان من الجيبه
وراح ورا فهد
___________________
عند حور
حور و هي بدأت تفوق : انت لي بتعمل كدا
.......... : عشان انتِ بتاعتِ انا بس
حور : بس انا بحب فهد
........ بعصبيه : وانا بحبك أنتِ
حور بخوف : حرام عليك ، سبني في حالي و خد اللي انت عاوزه
........ بخبث : انا عاوزك انتِ
في اللحظه دي فهد دخل بعصبيه
فهد : بقي انت يا بن ال...... اللي خطفها و ربنا ما هسيبك حي يا اسر