رواية ملاك اثر قلب الفهد
انا طيارتى بعد ساعتين يدوب الحق امشي ..
روقيه : تروح وترجع بالسلامة ..
فؤاد : ربنا يخليكى .. مع السلامة ..
روقيه : مع السلامة ..
بعد ما مشي .. ااااه يا ملاك روحتى وخدتى فرحة البيت معاكى ..
عند قصر الفهد ..
مازن : مالك يا فهد شكلك مضايق ..
فهد : فوق ما تتخيل ..
مازن : ليه يا صاحبى مالك ..
فهد : من شهر ملاك طلبت منى ..
مازن : استنى ملاك .. هى البنت ال عندك اسمها ملاك ..
فهد: اه ..
مازن : كمل ..
فهد : طلبت منى تشوف أهلها وفعلا انهاردة ووديتها تشوفهم من بعيد .. لما رجعت فضلت تعيط وتصرخ .. لغاية ما اغمى عليها .. جبتلها الدكتورة قالت عندها صدمة عصبية ..
مازن : افهم انت مخليها هنا ليه ..
فهد : مش هتصدقنى ..
مازن: لأ هصدقك قول بس ..
فهد : حبيتها ..
مازن بصدمة : ايه ..
فهد : مش قولتلك مش هتصدق ..
مازن: مش حكاية مش هصدق بس انت من يوم ما ..
فهد : عندك حق .. انا كنت فاكر بعد موتهم عمرى ما هحب .. لكن لقيت قلبى دقلها واتفتح من جديد ..
واكتشفت انى مكنتش بحب نهى .. انا متجوزتش نهى عن حب نهى كانت اختيار امى .. ووافقت لأنها كويسة لكن عمرى
ما حبتها اه يمكن بعد ما ماتوا هى و اختى سهيلة .. قفلت على قلبى وقولت مش هفتحه تانى ودة ال خلانى اعمل فى ملاك ال عملته .. لكن بتمنى انها تسامحنى وتحبنى زى ما بحبها ..
مازن : حط فى اعتبارك يا فهد أن ملاك صغيرة ..
فهد : عارف .. هو الفرق بينا مناسب لكن المشكلة انها صغيرة بس بردوا دة مش هينهى حبى ليها أو يبعدها عنى ..
مازن : طب ناوى تعمل ايه ..
فهد : لما تفوق بكرة هشوف ..
بعد ما مازن مشي ..
طلع فهد ل ملاك أوضتها ..
شافها وهى نايمة اد ايه ملامحها حزينة .. بس اد ايه بريئة ..
وندم على اى حاجة عملها فيها .. وقرر أنه يعوضها عن اى حاجة عملها وكمان يخليها تحبه زى ما هو بيحبها ..
روايه ملاك اثر قلب الفهد بقلم الاء الصياد
تانى يوم فى قصر الفهد ...
فهد طول الليل نايم على كرسي ادام سريرها خوف انها تصحى مخضوضة ...
ابتدت تفوق ملاك .. لقت فهد ادامها نايم على الكرسي ..
فضلت تتأمل فى ملامحه ..
وقالت : نفسي افهمك يا فهد ... بتعمل معايا كدة ليه ..
حاسة أن وراك سر كبير .. بس شكلى لازم اتعود على الحياة معاك .. بس ازاى اعيش معاك لوحدنا ..
ياااارب ارحمنى من ال انا فيه ..