رواية جحيم عشقه
بقلم ملكة القلم
الفصل السابع
كيان لفت وادته ضهرها....كنت بكلم مين دي حاجه متخصكش نهائي
وبعدين انا حره اعمل اللي عايزاه وده من حقي
ليل اتصدم من طريقه كلامها واتعصب في نفس الوقت....لا انتي مش حره طول ما انتي مراتي انتي مش حره يا كيان لانك ملك ليا لحد ما ازهق منك تقدري تعملي اللي عايزاه
كيان لفت ليه واتكلمت بطريقه اول مرة تكلم بيها....مراتك لا بجد ضحكتني بس انا مش معتبراك زوج ليا يا ليل بيه ولا عمري هعتبرك انت مجرد واحد ملوش لازمه
ليل قرب منها وكلامها بيرن في ودانه....انا ماليش لازمه وكمان مش معتبراني زوج ليكي تمام يا كيان بس علشان تعرفي اللي جاي عمرك ما هتتوقعيه
كيان مثلت الملل....مش عايزه اتوقعه بس عايزه اتحرر من العلاقه دي
ليل بعصبيه....مش هحررك يا كيان اوعدك هتشوفي ايام كلها سوداء
كيان رفعت حاجبها واتكلمت....مش مهم علي الاقل عايشه في العز ده وفي قصر كبير اهو مستفاده منك
ليل ببرود....طلعتي زي ما كنت متوقعك يا كيان هانم واحده بتجري وراء الفلوس وشهو"تها وبس
كيان اتنفست بهدوء وجواها نار....انت اللي عملت كده وبعدين انا برضوا اللي بجري وراء شهو"تي
انا لو زي ما انت بتقول كنت اتجوزت مرة واتنين وتلاته وانت مش موجود وعلي حد علمي اني مكنتش اعرف اني مراتك يعني..
مكلمتش كلامها بسبب القلم اللي ضربهولها ليل
ليل وهو ماسك شعرها....لا بقولك اي الكلام ده مش هيحصل ولا عمره هيحصل يا كيان ولو فكرتي تلعبي بديلك كده او كده هوريكي ايام عمرك ما شوفتيها فااااااهمه
كيان حاطه ايدها علي وشها وباصه ليه زقته جامد بعيد عنها وعينيها حمراء زي الدم....لا هيحصل وهيحصل قريب كمان اول ما انت تتجوز وتشوف حياتك انا برضو هشوف حياتي يا ليل انا مش تحت امرك فاااهم انا اعيش زي ما انا عايزه مش هتتحكم فيا اوعك تفكرك نفسك مهم اوي بالنسبالي لا انت ولا حاجه فاهم ولا حاجه
ليل اتعصب وفضل ضاغط علي ايديه.....كيان متحاوليش تطلعي اوحش ما فيا
كيان بعصبيه.....لا انا مستنيه تطلع اوحش ما فيك يا ليل بس افتكر اني عمري ما هفضل معاك ابدا ولو حصل ايههههه
ليل بص ليها واتكلم بسخريه.....اي انتي لسه متغيرتيش والخاينه بتجري في دمك
كيان فاض بيها....اه يا ليل الخيانه بتجري في دمي انا خونتك يا ليل ابعدددد عني بقا يا اخي حرام عليك
ليل ضربها جامد بالقلم ولتاني مره بيكسرها
قرب منها ومسكها من شعرها بقوه وجرها وراه
كيان بصراخ....سيبني يا ليل اوعي ايدك
ليل بغضب....هششش مش عايز اسمع صوتك فاهمه
كيان بصوت عالي.....انت بتعمل اي سيبني بقولك
ليل كان ماشي في الطرقه وهو ساحبها وراه زهره سمعت الصوت خرجت بسرعه من الاوضه
زهره بفزع اول ما شافت ليل ماسك اختها بالطريقه دى قربت منه وبتبعده عنها
زهره بخوف.....ليل سيبها ليل الله يخليك هتموت في ايدك اوعي بقا
ليل بص ليها واتكلم....لو مبعدتيش هتشوفي مني حاجه مش هتعجبك
زهره....سيب اختتي الاول ونتفاهم يا ليل والنبي سيبها
الخدم كلهم اتجمعوا ورئيسه الخدم اتكلمت بخوف....يا لهوي البنت هتموت في ايديه هتكون عملتله اي عصبيته كده يا رب استرها
كيان بعند....سيبيه يا زهره هو مش فالح غير انه يمد ايده
زهره بترجي.....ليل سيبها وانتي اسكتي
ليل بص لكيان....وكمان ليكي عين تتكلمي اوعي يا زهره من وشي بقولك والا مش هتشوفي اختك تاني
زهره هزت راسها بالنفي وليل اتعصب
زهره.....الا اختي يا ليل انا ماليش غيرها حرام عليك سيبها
كيان....زهره متدخليش بينا ومتترجيش واحد زي ده
زهره بخوف علي اختها....كيان وحياتي عندك اسكتي بقا
ليل ببرود....يعني مش هتمشي من وشي
زهره هزت راسها بالنفي ليل سحب كيان ونازل علي السلم زهره حاولت تسحب كيان منه
ليل زقها من قدامه...
كيان بفززززع وخوف....زهره