CMP: AIE: رواية قيود العشق الفصل الخامس عشر 15بقلم دعاء احمد
أخر الاخبار

رواية قيود العشق الفصل الخامس عشر 15بقلم دعاء احمد




رواية قيود العشق

بقلم دعاء احمد 
الفصل الخامس 




يزن بشر:هو في شغل مشترك بينا غير عز الدين
هارون بابتسامة ماكره:ااامم و اي بقى الاتفاق
يزن بغضب جحيمي :عايز عز يخسر المناقصه اللي داخلها تبع شركه فرنسا
هارون برفعه حاجب 
:و انت فاكرني عبيط يا يزن بيه... و اني هصدق انك عايز اخوك و توءمك يخسر اكبر مناقصه ممكن يدخلها و كمان هتخسر عيله الراوي كتير اوي و يمكن توقعها من التصنيف العالمي

يزن بسخريه :
عيله الراوي مش هتخسر حاجه عز الدين هو اللي هيخسر كل فلوسه لانه داخل المناقصه دي لحسابه الشخصي و كل التكاليف هيكون هو المسئول عنها لكن المجموعه معلهاش اس مسئوليه قانونيه....
ام بالنسبه اننا اخوات فدى معتقدش عز عمره ما اعتبرني اخوه اخد كل حاجه حب امي وابويا و اخد قلب ميرا و المجموعه دايما بيفتخر بنفسه ان هو اللي كبرها لكن انا عايزه يعرف انه غبي وانه بطريقته دي هيخسر كل حاجه عايزه يبقى على الحديده

هارون:دا انت شايل منه اوي بس برضو انا مش فاهم انت هتساعدني ازاي يا يزن بيه

يزن:ورق المناقصه انا عارف انك قت"يل المناقصه دي هساعدك تكسبها

هارون:وانت هتستفد اي من انك توقع اخوك؟

يزن:دي حاجه تخصني إنما هستفاد اي... اداره المجموعه بابا هيتاكد ان عز مبقاش يستحق انه يدير مجموعه الراوي وهي شيله من الاداره فورا و ساعتها انا هاخد مكاني فيها.... و عز يعرف انه ولا حاجه

هارون:افكر و ارد عليك

يزن :مش هستنا كتير لان ممكن ارجع جينيف قريب
هارون:تمام هرد عليك قريب
يزن لابس نضرته و ركب عربيته و مشي

في قصر الراوي
مليكه :فريد يا حجه انتي ياوليه وحشتيني
فريده كبير الخدم:اهلا يا مدام مليكه الف مبروك

مليكه :الله يبارك فيكي بس اي مدام دي

فريده: حضرتك دلوقتي حرم عز باشا ومينف

مليكه بمقاطعه :لا بقولك اي فوكي كدا المهم
النهارده في اكل اي للغدا؟

فريده:ميرا هانم ادت المنيو للطباخ وهو بيجهز

مليكه بقرف:ميرا... هو الاكل اللي بتاكلوه دا اسمه اكل...

فريده:دا اكل فرنسي و اسباني

مليكه :بقولك اي انا ضغطي بيعلي الفرنسي والأسباني دا ياكلوه عندهم لكن هنا اكل مصري
الا ما شفتكم مره عاملين ملوخيه محشي باميه اي حاجه يا حجه انتي

فريده:هنا اختيار الاكل من اختصاص مدام سهر وانسه ميرا

مليكه :فكك من كل دا وقولي للطباخ يلغي الاكل دا... هو فين؟

فريده:كان في الجنينه من شويه اهوه

دخل الطباخ و راح لمليكه
:تومريني باي حاجه يا هانم

مليكه :اسمي مليكه مليكه على العموم كنت هقولك اي... تعالي ادامي نشوف هنتغدا اي النهارده

دخلت المطبخ و فتحت التلاجه اخدت فراخ و سمنه بلدي و لبن و طلعت الخضار

مليكه:بص بقى يا عم مغاوري انا هدس رز
و انت هتعمل الفراخ دي اسلقها و سيبها انا هعملها خلطه واحطها في الفرن و نعمل باميه 
في بطاطس؟ بص هنعمل رز مدسوس و بطاطس و فراخ و ملوخيه حلو اوي كدا بلاش افتري و سلطه و مخلل..... إنما الاكل الفرنسي دا لو اتعمل هسيبهالكم مخضره ياله

فضلت تتكلم مع السفراجي و الطباخ و هي بتضحك و حرفيا كانت بتبطخ بمهاراه

بعد مده
كان كل حاجه شبه جهزت مليكه بصت لنفسها و طلعت تاخد دش وتغير بدل ريحتها دي

كانت نازله لولا انها قبلت يزن
عد من جانبها ولا كأنه شايفها
مليكه:معدي على كنيسه دا السلام لله

يزن برفعه حاجب :بتكلميني انا؟

مليكه :اه يا دلعدي بكلمك انت.... بقولك استنى اتغدا معانا انا اللي عمله الاكل

يزن:انتي هبله.... هو انا اعرفك قبل كدا... وبعدين اي الأسلوب البيئه دي... عز الدين اسلوبه انحدر

مليكه بقرف:عيله معقده... على العموم الاكل تحت لو عايز تطفح....

قالتها وهي ماشيه

يزن بصلها و دخل اوضته

بعد شويه
عز الدين وصل القصر و لقاها بتحط الاكل على السفر ابتسم وطلع اوضته غير و لابس تيشرت نص كم و بنطلون جينز وقف أدام المرايه يظبط شعره
نزل كان الكل موجود
ميرا :ممكن افهم مين طلب منك تعملي اكل من دماغك

مليكه ببرود:امك....

ميرا:انتي واحده مش متربيه

مليكه :فعلا ملقتش بربع جنيه تربيه عشان كدا مبروحش كبا"ريهات و بشرب ز"فت زي ناس معليش نتعلم منك

ميرا بغيظ:انتي بارده

مليكه :من بعض ما عندكم

ميرا طلعت اوضتها و مليكه قامت من على السفره وهي متضايقه
لحد ما حست بايديه بتتلف حوالين خصرها :مالك؟

مليكه بسرحان:ولا حاجه ياله عشان تتغدا

عز بابتسامه :انا شامم ريحه جامده من ساعه ما دخلت

مليكه بابتسامه :ايوه يا سيدي ياله تعالي.....

كلهم اتغدا و مليكه سرحانه بعد شويه عز مشي و هي طلعت اوضتهم قفلت الباب كويس و دخلت فتحت دورج و اخدت منه موبيل و هي خايفه ومتوتره ان عز الدين يرجع او ان حد يشوف الموبيل معها

كلمت رقم مجهول
هارون :عرفتي مكان  الورق.؟

 مليكه بدموع:معرفش معرفش ما تحل عني بقى يا اخي ابوس أيدي انا تعبت معرفش هو فين معرفش دورت عليه في حته في اوضته مش موجوده

هارون:ادامك يومين يا مليكه لو معرفتش مكانه و حبتيه قولي على سمعتك يا رحمان يا رحيم
و لو عز عرف حاجه عن مكالمتي دي هتندمي
سلام يا قطه

مليكه قفلت الموبيل وقعدت على الأرض و هي منهاره بتفتكر قبل كتب كتابها على عز لما كانت في قنا

مليكه خرجت من المحطه و اول شي عملته اشترت موبيل و راحت حجزت اوضه في الاوتيل
كل يوم كانت بتحاول تكلم اخوها لكن معرفتش
في آخر يوم قبل ما تقابل عز الدين

جالها رساله على الموبيل بتفتح لكن وقتها اتصدمت من صورها لما سهر صورتها وهي فاقده الوعي
مليكه فضلت تعيط بانهيار و بتحاول تكلم اللي بعت الصور لكنه مردش
بليل في نفس اليوم
لقيت موبيلها بيرن
مليكه بلهفه :ايوه

هارون :اهلا لوكه
مليكه:انت مين؟
هارون:انا اللي بعتلك الصور يا كوكي بس الصراحه جامده
مليكه :انت واحد حيو"ان و قذ"ر والله لارفع عليك قضيه و هسجنك انت ازاي صورتني كدا يا ابن الك...

هارون بغ"ضب :هتطولي لسانك هنشر الصور دي في كل حته في مصر و فض"حتك هتبقى بجلاجل الا لو

مليكه :الا لو اي.

عارون:جبتيلي ورق معين من خزنه عز الدين

مليكه :عز الدين؟. انا

هارون:الموضوع بسيط و بعدين هتعرفي ازاي تجبيها اعتقد ان عز الدين بالكتير هيكون عندك الصبح باي باي هكلمك تاني بس اوعي عز يشوف الموبيل والا... سلام يا كوكي

بااااااااك
مليكه بانهيار:هعمل اي.... طب لو عملتله اللي هو عايزه عز لو عرف هيعمل اي..... لا يا مليكه بلاش تخو"ني ثقته.... انتي غبيه انتي ولا تفرقي معهم انقذي نفسك و اهربي بس المره دي بعيد عنه لانه لو جابك هقت"لك بس لازم القى الورق بسرعه... كفايه طول الوقت بمثل اني كويسه لازم تمشي من هنا

قامت و بتفتح الدولاب بتاع عز الدين و كان جواه خزنه
بتحاول تحط أرقام عشوائيه
بغضب :بتعملي اي عندك............

#دعاء_احمد
#قيود_العشق
ياترى الكل هيكون ضد عز الدين و مليكه لو خا"نته هيعمل اي و هيحس باي

لكل عشق قيود..... لكل عشق قوانين
و في قانون عز الراوي الخيا"نه مش في قاموس العشق و فورا تخرج من قلبه




                      الفصل السادس عشر من هنا

تعليقات



حجم الخط
+
16
-
تباعد السطور
+
2
-