رواية صدف و اقدار
الفصل الثلاثون
بقلم هبه احمد
::::::::::::::::::::::
شهد / هاجى بدرى علشان احضر الغدا
منتصر / مين فيهم هتكون بسمتى
شهد / انا اللى هاكون بسمتك وامك واختك وامك وكل حياتك
منتصر / انتى كدة فعلا ربنا يقدرنى على اسعادك
شهد / هامشى انا
منتصر / لا ياقلبى انا هاوصلك لبيت ابوكى عمى فارق وحشنى بجد
شهد / تمام يلا
منتصر / هنفوت ناخد حاجة حلوة لاخواتك
شهد / لا ملهوش لازمة
منتصر / مينفعش دى حاجة بسيطة اخلصى ابت
شهد / يلا يا ابن اختى هههههه
منتصر / بلاش ام الضحكة دى قدامى يا قلبى
تمر الاحداث ببطء لا جدبد غير بدأ رجلين كريم تستجيب للعلاج وبدأ يمشى بعض خطوات على ماشية او بعكازين ثم بدأ يمشىى لوحده خطوات قليلة وسها معاه فى كل خطوة
صباح جديد
=========
كريم / سها عوزك فى كلمتين
سها / خير هو انت مش كنت عوز تروح الورشة النهاردة
كريم / نتكلم الاول ممكن
سها / هاجيب عصير بسرعة
كريم / بسرعة
سها / اتفضل اتكلم سمعاك
كريم / ثروت ابن خالتك خرج من السجن من يومبن
سها / يخرج ولا يولع انا مالى بية
كريم / هو مش انتى كنتى متفقة معايا اننا نفضل مع بعض لمدة سنة وبعد كدة كل واحد يروح لحال سبيله
سها / انت اللى قررت انت لسة فاكر انا الحمد لله سعيده بحياتى معاك وكمان عمرى ما كنت هاربط اسمى باسم الزفت ثروت
كريم / بس انا بحترم اتفاقنا علشان كده انا ممكن اطلقك ودلوقت
سها / افهم من كده انك خلاص مش عوزنى فى حياتك اوكية انا هاختفى من حياتك انت والزفت ثروت وابوية وكل اللى يعرفنى
كريم / افهم من كدة انك موافقة تتطلقى
سها / طول ماانت شارينى وانت فوق دماغى وطلما انك مش عوزنى فى حياتك يبقى اللى يريحك اعمله
كريم / طب وثروت هتعملى اية معاه
سها / بص يا كريم اظن انك عارف ومتأكد ان مفيش حد لمسنى قبلك بالنسبة لثروت انا هاقولك ليك اللى حصل مديحة اخت ثروت كلمتنى وكانت بتبكى جامد وقالت انها معاها مغص احتمال يكون عندها الزايدة فرحت لبيت خالتى على اساس انها تعبانة و يدوب وصلت و خبطت لقيته فقالى مديحة جوه دخلت لقيت الضابط جة هو واللى معاه وحضرتك وعمى عتمان تعرفوا الباقى
كريم / صفق هاعمل نفسى مصدق
سها / مع الاسف انا كنت معتقدة انى خلاص لقيت الامن والامان بس لقيتك زيك زى ابوية ومحمود اخوية ومرأت ابوية شكلى عمرى ما هانضف من الناس اللى شبهك اطمن انا هامشى اتحملنى يومين بس هامشى وهاختفى من حياتكم كلكم منكم لله ودخلت اوضة النوم وبكت كتير اما كريم فاتصل على مايكل اللى جة اخده بالعربية
سها / خلت كريم مشى ولبست واخدت شنطة هدومها وخرجت اخدت تاكسى واتصلت على صاحبتها التى تعرفها من اعدادى السلام عليكم يا عبير
عبير / وعليكم السلام يابنت الباشآ
سها / محتاجة مكان احتمى فية من غدر الناس
عبير / عيونى ليكى تعالى عندى اقعدى فى شقة ماما الله يرحمها هى عفشها قديم بس بحالته ونضيف
سها / هو انتى لسة ساكنة فى شارع الخواجة
عبير / ايوة انا هانتظرك فى البلكونة معلش مش هاقدر اسيب الولاد و انزل قابلك
سها / تمام انا جاية ممكن يااسطى تفوت على اى مكنة صرف الى
السائق / حاضر يابنتى اتفضلى
سها / بدموع ياريتنى كنت بنتك ربنا يكفيك شر الوحش
السائق / اكثرى من قول لاحوله ولا قوه الا بالله العلى العظيم ربنا يفك كربك
سها / الحمد لله هنا يا عمى اتفضل اجرتك
السائق / والله ما انا وأخد حاجة خلى بالك من نفسك ربنا يسترك ويحفظك
سها / امين بارب العالمين ونزلت وشالت شنطتها ونزلت بتبص لقت عبير بتشاور ليها
عبير / اطلعى ياقلبى اهلا بيكى
سها / طلعت لحد شقة عبير
عبير / مسكت شنطة سها وقالت تعالى الشقة اللى فوق معلش ملحقتش انضفها
سها / حلوة اوى انا مش عارفة اشكرك ازاى
عبير / انتى نورتينى د حتى جمال مسافر من سنة بيڜتغل فى الامارات وعايشة انا والقردين بتوعى
سها / هتاخدى ايجار كام
عبير / عيب تقولى كدة انا هانزل اجيب الفطار ونفطر مع بعض فطار على الاد مش اد مقام بنت الباشآ
سها / انا مش .................