رواية عشق احفاد الراوي
بقلم سلمي حجازي
الفصل السابع والثامن
حمزه / ايوا ده اكرم صاحبي
مالك / صاحبك صاحبك ؟
حمزه / ايوا يابني بس مش اوي هو سافر من سنه كده بره مصر ولسه راجع
مالك / تعرف عنه اي تاني
حمزه / هو تحقيق ولا اي
رحيم / هو عملك حاجه ي مالك ولا اي
مالك / قول بس الاول ي حمزه تعرف عنه اي
حمزه / مافيش يعم هو بس اللي كان بيعرفني ع بنات وكده ... اصله بتاع بنات
رحيم / شبهك يعني
حمزه / لا ي عم ده اكتر كمان ... بس هو في اي
مالك / الواد ده اللي جه الشركه النهارده لورد
حمزه / الله هي ورد طلعت منهم
مالك بعصبيه/ احترررم نفسسسك ياا حمززه وخلى باالك من كلاامك
رحيم / اهدي ي مالك هو ميقصدش
حمزه / هو انا قولت اي ماهو مبيمشيش الا مع بنات شمال
مالك / حمززززه
رحيم / خلاص يا حمزه اسكت شويه
حمزه / يا عم انا ماشي انا غلطان اصلا اني قولتلكم نخرج
رحيم / ايتني بس ي حمزه
رحل حمزه دون ان يجاوب ع رحيم
رحيم / في اي ي مالك مينفعش كده
مالك / منتش شايف بيتكلم عنها ازاي
رحيم /وهو يعرفها منين ... وبعدين انت اتعصبت كده لي هو في حاجه ؟
مالك / ل.. لا في اي يعني .. انا بس بأدبه عشان ميتكلمش ع بنت بالطريقه دي تاني
رحيم / متأكد ؟
مالك / ايوا يا رحيم في اي ... يلا بينا عشان نمشي
رحيم / طيب يا عم مالك
في صباح يوم جديد
اجتمع الجميع ف منزل الراوي لتناول وجبه الافطار كالعاده
الرواي / اعمل حسابك ي حمزه هتخلص امتحاناتك وتنزل شغل في الشركه مع مالك ورحيم
حمزه / انا امتحاناتي كمان اسبوع لسه
الرواي / وانت محسسني ان اسبوع ده سنه ... ولا تكونش ناوي تعيد
حمزه / والله ي جدو ع حسب
الراوي / نعممم .... اسمع يلا انت لو متخرجتش السنه دي من الكليه الهباب اللي انت فيها انت مش هتكمل تعليمك وكفايه عليك لحد كده
حمزه بتوتر / لالا يجدو .. ده انا بهزر معاك اكيد يعني خلاص دي اخر سنه
الراوي / اما نشوووف .... استناني ي مالك انت ورحيم انا جاي معاكم الشركه النهارده
مالك / لي ي جدو خير في حاجه
الراوي / بقالي كتير منزلتش هاجي اشوف الشغل وانكوا قد الثقه ولا لا
رحيم بهمس / ربناا يستررر
تسنيم / اعملك حسابك يا مالك النهارده الساعه ٧ هتروح تقابل رغد بنت طنط صفاء بنت عسوله وزي القمر
مالك / اقابل مين ي ماما واقابلها لي ؟
تسنيم / اسمع ي مالك المره دي مافيش اعتراض خلاص ي حبيبي انت داخل ع ٣٠ سنه ايي
مالك / لسه سنتين ي حبيبتي
تسنيم / متعصبنيش ي مالك انا خدت معاد معاهم وهنروح انا وانت نقابلهم ف النادي هي ومامتها
مالك / يماما....
الراوي / مالك مافيش نقاش ... روح قابل البنت يمكن تعجبك
مالك / حاضر ي جدو
سناء / اعمل حسابك ي رحيم رغد ليها اخت اصغر منها لو حصل نصيب ف مالك هناخدها ليك
رحيم / ان شاء الله يست الكل ... ده انا واخد خازوق مكرهني ف الصنف كله
ضحك مالك و حمزه بشده ع كلام رحيم
حمزه / طب عن اذنكم انا رايح الجامعه
مالك / حمزه استني عاوزك
اتجه مالك نحو حمزه ثم اخذه خارج المنزل
مالك / متزعلش مني ي حمزه انا بوخت معاك امبارح
حمزه / يا عم ولا يهمك هو الحب بيعمل اكتر من كده
مالك / ايه ؟!
حمزه / ولا حاجه يا ملوكه ي حبيبى
مالك / قولتلك ميت مره متقوليش ملوكه دى
حمزه بضحك / طب اقولك يا كوكي
مالك / امشي يلا من وشي
رحل حمزه وهو يضحك بشده ع اخيه ثم اتجه مالك لداخل المنزل واستعد هو ورحيم ومعهم جدهم للذاهب الي الشركه
كانت ورد تاخذ سياره اجره للذهاب الي الشركه وفي طريقها كانت تتحدث مع اكرم في الهاتف
ورد / اكرم مش المفروض انك هتكلم بابا عشان تتجوزني.. مش انت قولتلي كده قبل ما تسافر انك لما تيجي هتتقدملي ولا اي
اكرم / اه طبعا يا حبيبتي اكيد بس مش تشوفي الشقه اللى هنتجوز فيها الاول
ورد بفرحه / اي ده انت اشتريت الشقه
اكرم / ايوا ... هعدي عليكي النهارده الساعه ٧ تيجي تشوفيها هتعجبك اوي
ورد / ايوا بس ....
اكرم / مبسش ي ورد ... اي انتي مش واثقه فيا ولا خايفه مني
ورد / لالا ابدا ي اكرم ... خلاص ماشي هستناك
اكرم / ماشي يا حياتي
انهي اكرم المكالمه مع ورد ثم ابتسم ابتسامه خبيثه حتى جائه مكالمه اخري قطعت تفكيره
اكرم / اي يا ياسمين
ياسمين / وحشتني ي اكرومي ... اي رأيك اجيلك النهارده بالليل
اكرم / لا مش هينفع مش فاضي
ياسمين / لي يا اكرم مين جايلك
اكرم / ورد
ياسمين / بقا بتقولي لا عشان ديي
اكرم / اه يا ياسمين عشان دي وبعدين انتي خلاص قدمتي زهقت منك ف فكك مني بقا
ياسمين / والله ... طب ماشي يا اكرم ع راحتك
انهت ياسمين المكالمه ثم نظرت امامها بشر وقالت
ياسمين / بقا بتبعني عشانها طب وحيات امي لاوريك واوريها
كانت رنا تجلس مع فريده ف المنزل فهي لم تذهب الي الجامعه لكي لا تترك فريده بمفردها
فريده / يا بنتي انتي امتحاناتك كمان اسبوع قعدتي لي
رنا / عشان مسيبكيش لوحدك وبعدين انتي عارفه صاحبتك يعني هتجيب الامتياز ف شوال
فريده / تربيتشي
رنا / ههههه بقولك اي انا متضايقه
فريده / من اي
رنا / حمزه اهملني
فريده / اهمل مين فيكي بالظبط رنا ولا ريم
رنا / رنا يا ظريفه
فريده / ما عشان عنده ريم ي ناصحه طبيعي يأهملك
رنا / بس ماهو كان ف حياته بنات كتير وكان بيعرفني عليهم ومكنش مأهملني كده و.....
قطع حديثها صوت اشعار الرسائل من الهاتفها فأخذته لكي تري ما ارسل لها
رنا / فريدهه ... احيييييه
فريده / اي فيي ايي
رنا / حمزه بيقولي بحبك
فريده/ بيقووول لمييين
رنا / بيقول لريم يا فرييده
فريده / يادي المصيبه يادي المصيبه
رنا / هو ده وقت ندب قوليلي اعمل اي بسرعه
فريده / معرفش يا رنااا معرفشش
بدأت رنا في البكاء الشديد وهي تقول :
رنا / عرفتوا بقا انه مش بيحبني ... اهو حبني وخاني معايا
فريده / ايرور .... هو كده حاجه حلوه ولا وحشه انا مش عارفه احدد ؟
رنا / ولا انا
فريده / اعمليله بلوك ي رنا وانهي الموضوع ع كده
رنا / لا ... لا انا اتعلقت بيه اكتر من الاول .. لا انا مقدرش اعمل كده
فريده / خلاص قوليله انك رنا
رنا / لا مستحييل ي فريده
فريده / خلاص كملي معاه وكله ع دماغك ف الاخر
رنا / ياااربييي
ف شركه الراوي
كانت ورد قد وصلت الي الشركه قبل وصول مالك بدقائق فكانت تجلس تتابع عملها حتى قطعها وصول مالك ومعه رحيم و رجل كبير السن فهي لا تعلم من هو
الراوي / السلام عليكم
ورد / وعليكم السلام
الراوي / دى السكرتيره الجديده
مالك / ايوا يا جدو
الراوي / اهلا وسهلا ي بنتي انا الراوي ابقي جد مالك ورحيم
ورد / اهلا وسهلا بحضرتك يا فندم انا ورد
الراوي / الله اسمك حلو اوي ي بنتي ... شكلك بنت حلال انا ارتحتلك
رحيم بهمس / الحق جدك بيشقطها باين
مالك / اتفضل يا جدو كده حضرتك رجلك هتتعبك من الواقفه
الراوي / اخرس يا ولد رجلي اي اللي تتعبني ده انا فيا صحه عنك ... طب بزمتك يا ورد مش اللي يشوفني يقول عليا اخوه مش جده
ورد بضحك / ايوا طبعا
الراوي / اهو شوفت
مالك / ربنا يديك الصحه يا حاج
الراوي / استأذنك ي بنتي تعمليلي فنجان قهوه مظبوط من ايدك الحلوه دي
ورد / من عنيا حاضر
الراوي/ تسلم عينك ي قمر
مالك / احم ... اظن كفايه كده نشوف الشغل بقى اللي حضرتك تاعب نفسك وجاي تشوفه
الراوي / ماشي .. عن اذنك ي قمر
ورد بابتسامه / اتفضل
كان مالك ينظر لها بحده وكأنها فعلت شئ خاطئ ولا تعلم ما هو
جاء المساء وانتهى موعد عمل ورد في الشركه فقامت بالاتصال ب اكرم لكي يأخذها كما وعدها فكانت الساعه تقترب للسابعه
ورد / الو يا اكرم انت فين
اكرم / انا تحت الشركه بالظبط مستنيكي ي جميل
ورد بابتسامه / طيب انا نازلالك حالا
قبل نزول ورد وجد اكرم هاتفه يقوم باصدار صوت الرنين فقام بالرد عليه عندما وجده حمزه
اكرم / حبيبي اللي واحشني
حمزه / اي يا عم فينك وفين لياليك
اكرم / موجودين ي حبيب اخوك
حمزه / طب اي تيجي نسهر النهارده
اكرم / لا مش نافع عندي سهره حلوه ف البيت
حمزه / ااااه طب يا عم الله يسهلو .. حلوه ؟
اكرم / اخر حلاوه ... لا وكمان جديده حاجه كده مختلفه
حمزه بتفكير / مين هي .. اسمها اي ؟
اكرم / ورد ... اقفل بقا عشان جايه سلام سلام
حمزه / استنييي الووو الووو
لم يجيب عليه اكرم لانه انهي المكالمه بالفعل ولكن حمزه قام بالاتصال ب مالك اكثر من مره
نزلت ورد بالفعل الي اكرم وذهبت معه الي عنوان منزله الذي كان في منطقه خاليه من السكان
ورد / اي ده يا اكرم المكان بعيد ويخوف
اكرم / ما انا يا حبيبتي بحب الهدوء انتي عارفه
ورد / بس مش للدرجه دي
اكرم / تعالي بس الشقه فوق هتعجبك اوي
صعدت ورد معه وهي خائفه من تلك المنطقه التي ولا يوجد بها احد
كان مالك سائق السياره ومتجه نحو النادي لكي يقابل تلك الفتاه و والدتها كما اخبرته والدته .. اخذ هاتفه لكي ينظر الي الساعه فوجد حمزه يتصل به فهو لا يسمع صوت الهاتف بسبب وضعه صامتا فقام بالرد عليه
حمزه / اي يا مالك ده كله
مالك / الفون كان صامت اي في حاجه ولا اي
حمزه / الحق ورد بسرعه اكرم شكله عمل لعبه من الاعيبه عليها وهياخدها شقته
مالك / انتتت بتقوول ايي مين قالك الكلام ده
حمزه / هو بنفسه اللي قالي اجري الحقها هبعتلك العنوان انا عارفه
مالك / طييب بسسرعه
غير مالك اتجاهه بالسياره واتجه نحو العنوان الذي ارسله حمزه وهو يسير بسرعه رهيبه
اكرم / تعالي ي ورد ادخلي ... ها اي رأيك
ورد / حلوه اووي
دخل اكرم ومعه ورد وقد اغلق الباب خلفه
ورد / اكرم افتح الباب
اكرم / اي يا ورد الشغل ده انتي مش واثقه فيا ولا اي
ورد / ايوا بس
اكرم / ورد انا بحبك
ورد / وانا كمان يا اكرم
قام اكرم بضمها اليه وبدأ في فك عقده الفستان الذي ترتديه
ورد / ااكرم .. ابعد عنيي
اكرم / ورد انتي بتاعتي وملكي
ورد بصراخ / ابعدد عنييي يا زبااله بقوولكك
صفعها اكرم بشده وحاول الاعتداء عليها
وصل مالك الى العنوان الذى ارسله حمزه وقام بالصعود الي المنزل فوجد الباب مغلق ويوجد صوت صريخ ورد بالدخال فقام بتكسير الباب
مالك / وورردد
ذهب مالك الي اكرم وبدأ يلكمه بقوه حتى نزف من انفه و فمه ولكن وقع نظره على ورد فوجدها فقدت الوعي فذهب اليها مسرعا
قام اكرم باستغلال انشغال مالك بورد ورحل مسرعا من المنزل
مالك / ورد . .. ورد فوقي متخافيش انا جنبك
بدأ مالك بفعل اللازم لكى تعود ورد الي وعيها ونجح مالك في ذلك ف بعد عده دقائق فاقت ورد وعادت لوعيها وهي تبكي بشده فأخذها مالك في احضانه لكي يطمنها ولكنه وجد صوت رجلان امامه فكان والد ورد ومعه اخيه
احمد / يا سا*افله يا قليله الادب اللي جيبتلنا العا*ار
وليد / انت لسه هتتكلم يا اخويا انا هخلص عليهم الاتنين واغسل شرفنا اللي ضيعته ال **** دي
قام وليد برفع مسدس الطلق نحو مالك و ورد
رواية عشق احفاد الراوي
بقلم سلمي حجازي
الفصل الثامن
مالك / استنى بس يا حااج صلي ع النبي وارمي المس*دس ده من ايدك انتو فاهمين غلط
احمد / فاهمين اي غلط ده تحنا شايفينكم بعنينا
ورد بدموع / بابا ارجوك اسمعني انت فاهم غلط
احمد / فاهم اي غلط يا سا*فله ي **** مش ده اللي كنتي متصوره معاه وفض*حتيني ف البلد كلها انا لازم اخلص منك ومن فض*يحتك
وليد / انا هخلص عليها يا اخويا ده جابتلنا العا*ر
بدأ وليد بتوجيه الس*لاح نحو ورد مره اخرى وكان سيطلق النا*ر ولكن اوقفه صوت مالك
مالك / ورد تبقي خطيبتي وكنا هنكتب الكتاب قريب ف معنديش مشكله نكتبه دلوقتي
ورد / اييييه ؟!!
احمد / دي الحاجه الوحيده اللي ممكن تغفرلكوا وتنجتكوا من مو*تكم تحت ايدي
مالك / مالوش لزوم الكلام ده انا قولتلكم هكتب عليها دلوقتي والموضوع يكون خلص ... انا هتصل بأخويا يجيب المأذون ويجي
اخذ مالك هاتفه وقام بالاتصال ب حمزه
مالك / الو يا حمزه .. تعالي انت ورحيم ع العنوان اللي قولتهولي ومعاك مأذون بسرعه
حمزه / هو انا كده كده ف الطريق انا ورحيم بس مأذون لي
مالك / من غير اسأله يا حمزه نفذ اللي قولتلك عليه بسرعه وتعالي
حمزه / خلاص ماشي
ظلت ورد تبكي بشده ع ما حدث لها فهي تتمني ان يكون ما حدث مجرد حلم وستفوق منه بعد قليل ولكن كل ما يحدث يأكد لها انه ليس حلم فهو حقيقه بالتأكيد
بعد قليل وصل حمزه و رحيم ومعهم المأذون
ذهب رحيم وحمزه الي مالك بسرعه لكى يسألوه ع ما حدث ف اخذهم مالك ف مكان اخر بعد ان استأذن من الحاضرين
رحيم / مالك ف ايي ومين دول ومأذون لي انا مش فاهم حاجه
مالك / انا هتجوز ورد
حمزه / ليي هو فيين اكرم
مالك / اكرم هرب بس قسما بالله نا هسيبه ولهجيبه راكع تحت رجلي
رحيم / كده كده هنجيبه بس جوازك من ورد اي سببه
مالك / هبقي احكيلم بعدين بس المهم نخلص الموضوع اللي بره ده يلا
بدأ المأذون بعمل اللازم لاتمام الزواج
المأذون / اتفضلي يا انسه امضي هنا
توجهت ورد اليهم وهي تبكي بشده ثم اخذت القلم ببطئ شديد ونظرت الي مالك وهي تبكي ف هز مالك رأسه بمعني لا تقلقي سيكون كل شئ ع ما يرام
قامت ورد بالتوقيع ع الورق المطلوب وهي مازالت لا تستوعب ما حدث
انهي المأذون الاوراق ثم قال " بارك الله لكما وبارك عليكما وجمع بينكما في خير " قال تلك الجمله ثلاث مرات ف الجميع عندما يسمع تلك الجمله يفرح بشده وبالاخص العروسين ولكن هنا الوضع يختلف تماما فتلك الجمله وقعت ع ورد كالصاعقه فكانت تبكي بشده وتريد ان تنهي حياتها الان ولكن كيف فلا يوجد فرصه حتى لفعل ذلك
احمد / هتعلن جوازك ع ورد امتي ؟
مالك / هعلن!!
احمد / ايوا اومال انت مفكر اي لتكونش فاكر انك ضحكت عليا بالجوازه دي ... زي ما نزلت الصوره وفض*حتني ف البلد تنزل جوازك ع البت ... با فرحتي اتجوزها ف السر عشان يطلقها الصبح ويرميهالي
مالك / انت ازاي اصلا تتكلم ع بنتك بالطريقه دي
احمد / بنتي وانا حر اتكلم عنها زي ما انا عاوز مش انت اللي هتعلمني
مالك / اعلان جوازي ع ورد هينزل بكره فكل الجرايد والمجلات واظن كده انت ملكش
تتدخل ف اي حاجه تخصها تاني ... ورد بقت مراتي وانا المسؤل عنها ومسمحلكش تتكلم عنها بطريقه مش كويسه تاني
احمد / هه اشبع بيها ده انت ريحتني بلا قر*ف انا اصلا معتبرها مي*ته جتها القر*ف بتفكرني بامها الله يج*حمها
ورد بصراخ / بسسس بقااا منكك لله انا بكرههككك انت السبب ف كل اللي انا فييه حسبي الله ونعم الوكيل فييك متجيبش سيره ماما ع لسانك تاني انت اللي فضلت تشغلها لحد ما تعبت ولما تعبت استخسرت فيها العلاج لحد ما ما*تت وكل ده بسبب القر*ف اللي بتشربه وبعتني ومبقتش تصرف عليا برضو عشان الز*فت ... انا بكرهك بجد مش عاوزه اشوف وشك تاني ف حياتي ابعد عنيي
اتجه احمد نحوها وهو يرفع يده لصفعها ولكن مالك مسك يده قبل ان تلمس ورد
مالك بنبره حاده/ قولتلك مرره ورد بقت مراتي ومسؤله مني يعني مسمحلكش تمد ايدك عليها ولولا انك راجل كبير انا كان ليا تصرف تاني معاك ... اتفضل خد اخوك وامشوا من هنا
احمد بخوف / انا .. انا كنت بس بربيهالك اصلها ناقصه ربايه
مالك / وانا راضي ... اتفضل امشي
احمد / ماشي يلا ي وليد
رحل احمد من المنزل ومعه وليد ثم اتبعهم حمزه و ريحم كما امرهم مالك بالذهاب الي المنزل
انطلق مالك بسيارته ومعه ورد التي ظلت تبكي في صمت منذ ركوبها السياره حتى توقف مالك بالسياره بجانب الطريق لكي يتحدث معها
مالك / انا عارف انك مصدومه من اللي حصل بس مكنش في حل غير كده
ورد ببكاء / انا اسفه ... انت اتورطت بسببي ... انت .. انت لو مكنتش جيت انا كنت .. كنت ..
انهارت ورد من البكاء ف اخذها مالك الي احضانه وظل يرتب ع شعرها بحنان
مالك / بس اهدي ... اهدي والله لاخدلك حقك منه ... الحمد لله اني جيت ف الوقت المناسب
ورد / شكرا جدا ع اللي عملته معايا ... انت .. انت ممكن تطلقني بعد يومين وكل واحد فينا يروح لحاله ... انا سببتلك مشاكل كتيره انا اسفه بجد
مالك / متقوليش كده مافيش مشاكل ولا حاجه ... المهم دلوقتي هتيجي معايا البيت عشان مش هينفع اسيبك تروحي اكيد اكرم هيحاول يوصلك
ورد / ايوا بس...
مالك / متقلقيش انا عايش ف البيت مع عيتلتي جدى وماما ومرات عمي وحمزه ورحيم ... انا بس مش عارف اقولهم اي ف البيت بس هتصرف
ورد / طب انا تليفوني فاصل وصحابي ميعرفوش حاجه عني اكيد قلقنين
مالك / وانا كمان تليفوني فصل ... لما نروح هخليكي تكلميهم
ورد / ماشي
بعد قليل وصل مالك ومعه ورد الي منزله وعند دخوله وجد الجميع في انتظاره ولكنهم اندهشوا من وجود ورد
مالك / السلام عليكم
الجميع / وعليكم السلام
تسنيم / لامؤاخذه يبنتي بس انتي مين
الراوي / دى ورد السكرتيره بتاعت مالك ف الشركه ... بس مالك كده ي بنتي في حاجه ولا اي
مالك / ورد تبقي مراتي
تسنيم / اييييييه ؟!!
الراوي بعصبيه / اي الكلام اللي بتقوله ده يمالك
سناء / طب ومقةلتلناش لي يابني
مالك / مجتش فرصه
الراوي / يعنيي ايي مجتشش فرصهه انت هتستعبطط بتتجوز كن ورانا وتقولنا مجتش فرصه
مالك / انا متجوزتش من وراكم انا لسه جاي من عند المأذون حالا وقولتلكم اهو
تسنيم / ومقولتناش لي من قبلها يابني وكانت تمت زي اي جوازه طبيعيه خطوبه وفرح
مالك / ده قراري لوحدي وانا حر فيه
الرواي / يعنيي اييي حرر اكييد فيي مصيبه حصلت وانتوو كنتوو فين
وجه الراوي حديثه لحمزه و رحيم
رحيم / اهدي بس يجدي متقلقش والله مافيش حاجه المهم بس ارتاحوا دلوقتي وبكره الصبح نتكلم
الرواي / اكيد انتم عارفين منا معرفتش اربيكم كلكم ... فاكرين نفسكم كبرتم وهتمشوا ع مزاجكم
حمزه / العفو يا جدي بس انت عارف مالك اعقل واحد فينا يعني اكيد معملش حاجه غلط
الراوي / ماشي يا مالك اطلع انت ومراتك والصبح لينا كلام تاني
مالك / عن اذنكم
صعد مالك للطابق العلوي ومعه ورد التى لاتتوقف عن البكاء
تسنيم / يعنيي ايي يطلع هو ومراته هنسيبه كده
الراوي / اهدي يا تسنيم وادخلى نامي والصباح رباح
تسنيم / بسس
الراوي / انا قولت كلمه واحده كل واحد ع اوضته والصبح لينا كلام تاني
في غرفه مالك
مالك / خدي الشاحن اشحني فونك وكلمي صحابك طمنيهم عليكي
ورد / ماشي شكرا
بعد قليل قامت ورد بالاتصال ب فريده فاجابت عليها بسرعه وكأنها كانت تنتظر اتصالها
فريده / الو ي ورد انتي فين طمنيني انتي كويسه
ورد ببكاء / ايوا انا كويسه
فريده / في اي بتعيطي لي انتي فين اصلا لحد دلوقتي .. لو مخط*وفه اديني اشاره
ورد / فريده انا عند مالك ف البيت مش هعرف اجيلكوا
فريده / نعممم ؟ ... عند مالك بتعملي اي واي اللي وداكي هناك انتي عارفه الساعه كام ؟؟
ورد / فريده انا اتجوزت مالك
فريده / اييييييه ... اتجوزتيه ازاي وامتي وفين ... انتي اكيد بتهزري لا
ورد / لا مش بهزر ي فريده ... اقفلي دلوقتي عشان الفون هيفصل وهبقي اكلمك الصبح احكيلك كل حاجه متخافيش انا كويسه اطمني وطمني رنا
فريده / مخافش ازاي و... الوو الوو
انتهت المكالمه بسبب انقطاع شحن هاتف ورد
ورد / انا اسفه ... انا عملتلك مشاكل مع اهلك .. انا السبب ف كل حاجه .. يا رب اموت وارتاح
قد احس مالك بعد كلمتها الاخيره بأنقباض ف قلبه ولا يعلم السبب
مالك / بسس متقوليش كده ... اوعي تقولي كده تاني ... مشاكلي مع اهلى هتتحل متقلقيش وماخافيش اهلى كويسين وهيعاملوكي زي بنتهم هم بس مستغربين من اللي حصل
ورد / هم عندهم حق لو حد تاني كان عمل اكتر من كده وزياده
مالك / هو انا ممكن اسألك سؤال
ورد / اتفضل
مالك / هو انتي اي وداكي مع اكرم البيت
انهارت ورد ف البكاء عند سمعها لاسم هذا اللعين الذي تكره وبشده فكل ذلك الحب تحول لكره اكبر بعد هذا الحدث
مالك / خلاص انا اسف اهدي كأني مقولتش حاجه
ورد ببكاء / هحكيلك ع كل حاجه ... بس .. بس ممكن ارتاح دلوقتي وبكره الصبح نتكلم
مالك / طبعا ... نامي هنا ع السرير وانا هنام ع الارض
ورد / لا مش هينفع انا ...
مالك / لو سمحت اسمعي الكلام ... تصبحي ع خير
ورد / وانت من اهله