رواية عشق احفاد الراوي
بقلم سلمي حجازي
الفصل التاسع والعاشر
فى صباح يوم جديد
استيقظ مالك مبكرا ثم اخذ حماما دافئا وارتدى ملابسه واستعد للهبوط لاسفل ولكن تذكر تلك الفتاه التى تزوجها بالامس فهي يجب عليها ان تهبط معه لاسفل لتناول وجبه الافطار
اقترب مالك من ورد التى تنام نوم عميق وبطريقه مضحكه للغايه فكانت رأسها ع حافه الفراش وقدمها ع الحافه الاخرى فضحك مالك عندما رأها بتلك الهيئه
مالك وهو يكتم ضحكاته / ورد .. ورد .. ورررردد
ورد بنعاس / يا فرييده بقاا سيبيني حرام عليكي
مالك بضحك / الصوت ده كله وفريده ... قومي يلا عشان تفطري
ورد بنعاس/ حرام عليكى بقاا ارحموني شويا مش هتبقى انتي ومدير الشركه اللي عاملى فيها سي السيد ده عليا .... امممم .... اللي مصبرني عليه حلاوته ... مغرور
مالك بضحك / طب مخصوملك يومين
ورد / حرااام عل..... هاااااا ... اييي دهه انا فييين اي اللي جاب الشركه هناا
ظل مالك يضحك بشده على ورد عندما استيقظت بفزع وهي تقف ع الفراش وتستند عليه بركبتيها عند استيعابها لصوته
نظرت ورد اليه بتأمل وهو يضحك بشده فهى لاول مره تراه يضحك بتلك الطريقه لانها دائما ترى منه المعامله الجديه ولكن ماذا حدث الان فهو تحول وكأنه شخص اخر لا تراه من قبل ف حقا هو وسيم وبشده وازدادت وسامته عندما ضحك وظهرت غمزاته ع خديه
مالك وهو يحاول كتم ضحكاته / قدامك عشر دقايق تستوعبي فيهم اللي حصل وتجهزي عشان ننزل للفطار
ورد / بس .. بس انا مش بفطر
مالك / ازاي يعني هو في حد مش بيفطر
ورد / ايوا انا مبفطرش
مالك / لا مافيش حاجه اسمها مبفطرش من هنا ورايح هتنزلي تفطري معانا عشان متتعبيش
ورد / بس انا...
مالك / مبسش يلا اجهزي
ورد / طب ... طب انا ههدومي مش هنا وانا باللبس ده من امبارح و...
مالك / استني ...
اتجه مالك الخزانه واخذ منها ثياب ثم عاد الي ورد مره اخرى
مالك / خدي
ورد / اي ده
مالك / تيشيرت
ورد / منا عارفه ... بس ده بتاعك
مالك / منا برضو عارف ... البسيه هيبقى اوفر سايز و حلو عليكي انتي كده كده ده استايلك ... شبابي يعني
ورد / هااا .... تقصد ان انا لبسي لبس ولاد
مالك / لماحه
ورد / ع فكره بق التيشيرت ده مش استايلي ده وحش جدا ... وكمان بتقرف البس مكان حد
مالك / انتي تطولي اصلا تلبسي مكاني احمدى ربنا اني اتنازلت اصلا واديتك لبسي ده انا عمري ما عملتها مع حد .. بس قولت اكسب فيكي ثواب
ورد / ولولا اني مضطره مكنتش فكرت حتى اني البسه .. هه
تركته ورد واتجهت نحو المرحاض ثم اخذت حماما دافئا وارتدت تيشيرت ذات اكمام قصيره باللون الاسود وهو بالفعل ملك لمالك ولكنه كان كبير عليها ع بنطلون ضيق باللون الاسود ايضا يصل الي بعد ركبتيها كانت ترتديه بالامس
خرجت ورد من المرحاض وهى تجفف شعرها الاسود الذى يصل الي منتصف ظهرها
نظر اليها مالك وكأنه لاول مره يراها فهى كانت جذابه للغايه فاللون الاسود كان عليها ولا اروع
قطع شروده صوت دقات ع باب الغرفه
مالك / ميين
حمزه / اي يا عم مالك بقالنا ساعه مستنينك تحت
مالك / طيب ي حمزه جاي اهو .... احم خلصتي ؟
كانت ورد بدأت ف تمشيط شعرها وانتهت بعد عده ثوان فنعومه شعرها تساعدها ع تلك السرعه
ورد / ايوا خلاص خلصت
مالك / طب يلا بينا ... ع فكره التيشيرت بتاعي حلو عليكي
ورد بغرور تمثيلي / هه انا اي حاجه حلوه عليا اصلا
مالك / عشان بس هو بتاعي مش اكتر
ورد / نينينيني
هبط مالك ومعه ورد الي اسفل حيث كان يجتمع الجميع ع طاوله واحده لتناول وجبه الافطار وقام مالك بالقاء التحيه ع الجميع تليه ورد ف اجاب الجميع عليهم
بدأ الجميع بتناول الطعام في صمت ماعدا ورد
سناء / اي ي بنتي ي حبيبتي مبتاكليش لي
تسنيم / سيبيها يمكن اكلنا مش عاجبها ولا حاجه
سناء / بس ي تسنيم اكيد لا تلاقيها مكسوفه ولا حاجه ... كلي ي حبيبتي
ورد / تسلم ايدكم والله .. بس انا مش متعوده افطر كش بيجيلي نفس الصبح
تسنيم / اتاريكي معصعصه ومافكيش حاجه
مالك / ماما ... مش كده
تسنيم / هييح .... الحمد لله شبعت
الراوي بحده / تسنيم اقعدي ... كل واحد ياكل فطاره كويس ومافيش كلام ع الاكل ... وانتي كمان ي ورد كلي
ورد / حاضر
بعد قليل انتهي الجميع من تناول الطعام
الراوي / مالك حصلنى ع المكتب عاوزك
مالك / حاضر
ذهب الراوي الي مكتبه يليه مالك
الراوي / اتجوزتها ازاي
مالك / عادي ي جدو انا ...
الراوي / ماالك ... متعودتش منك انك تكدب عليا انت اعقل واحد فيهم اي هتخيب ولا اي ... ولولا ان انا عارفك كويس كنت قولت انك غلطت معاها لكن دى استبعدتها خالص عشان انا اللي مربيك وعارفك ... قول الحقيقه ي مالك اي اللي حصل يابني
مالك / خلاص ي جدو هقولك بس ياريت ماما متعرفش
الراوي / احكي
مالك / امبارح حصل ......... بس كده ده كل اللي حصل اتمني ي جدي انك متزعلش مني بس والله ما كان في حل غير كده و ...
الراوي بابتسامه / بالعكس ... انا مبسوط منك جدا ... انت عملت الصح ي مالك ولو كنت عملت غير كده انا كنت زعلت منك فعلا
مالك / بجد يعني حضرتك مش زعلان مني
الراوي / لا خالص ي حبيبي
مالك / طب الحمد لله .... احنا اتفقنا كمان انه بعد فتره هطلقها وكل واحد يروح لحاله
الراوي بابتسامه / بس انت مش هتطلقها
مالك / لي بتقول كده ؟
الراوي / انا عارف انا بقول اي ... بكره الايام تثبتلك
قطع حديثم صوت يصدر من الخارج فاتجهوا نحو مصدر الصوت فوجدوا فتاتين بالخارج
ورد / هااا فريده اي اللي خرجك انتي لسه مفكتيش الجبس
فريده / هو انا يعني مش هعرف اتحرك وانا متجبسه منا سانده ع تلت عكازات اهو اتنين ف ايدي والبت رنا
رنا / خلاص انا بقيت عكاز خلاص
ورد / عرفتوا العنوان ازاي
فريده / روحنا سالنا ف الشركه وقالولنا
سناء / مين دول يبنتي مش تعرفينا
تسنيم / ليكونوا مراتات الشحطه التانيين
فريده / مين الوليه دي
تسنيم / هاااا ولييه ف عينك يقليله الادب
ورد / اسفه ي طنط والله متعرفكيش معلش ... يخر*بيتك ي فريده اسكتى
رحيم / اي صوت الدوشه ده ف اي ... اي ده هو انتي .. هو مافيش مكان يبقى فيه مش*كله الا لما الاقيكي
فريده / يسااتر ي رب ... بيجيلي ضيق تنفس لما بشوفك
رحيم /بس يا عارجه
سناء بابتسامه / اي ده ما شاء الله ... انتو تعرفوا بعض
رحيم / لايماما ي حبيبتي
فريده / لا اييي ... ده هو اللي كاسر*لي رجلي ي طنط ... حضرتك مخلفه حنو*تي ماشي يخب*ط الناس بعربيته
سناء / هااا اخص عليك ي رحيم انت فعلا عملت كده .... معلش ي حبيبتي حقك عليا تعالي ارتاحي
فريده / والله ي طنط انا حبيتك ازاي القمر ده مخلف ال .... ده
رحيم / ال اي انطقي .. انطقي عشان اكس*رلك رجلك التانيه
الراوي / ايي الصوت ده ف ايي
تسنيم / تعالي شوف يا حاج مين دول وداخلين بيتنا يعملوا اي
مالك / دول صحاب ورد ي جدو
الراوي / ايوا اهلا وسهلا نورتوا البيت .... اومال فين حمزه ي رحيم
رحيم / راح الكليه يا جدو
سمعت رنا اسم حمزه فتذكرت حمزه بالفعل وسالت نفسها هل هو حمزه حبيبها ام هو تشابه اسماء لا اكثر ولكنها اقنعت نفسها بانه تشابه اسماء
الراوي / طب ي ورد ي بنتي خدي صحابك واطلعوا ع اوضتك فوق وا راحتكم
ورد / حاضر .. شكرا
الراوي / العفو ي بنتي
صعدت الفتايات الي الدور العلوى بغرفه مالك
فريده / احكيلنا ي بت انتي اي اللي حصل وازاي ف يوم وليله اتجوزتيه
رنا / ايوااا احنا عاوزين نعرف دلوقتي ده احنا من امبارح منمناش
ورد / طب اهدوا طيب هحكيلكم ع كل حاجه .........
قصت ورد كل ما حدث بالامس لصديقاتها ثم انهارت في البكاء
فريده / بسس اهدي ي روحي والله العظيم لاجبلك حقك من ابن الور*مه اللي اسمه اكرم ده
رنا / الوا*طي ... طول عمري اقولك انا مش مرتحاله
فريده / اه والله اول مره البت رنا دي تطلع صح ف حاجه
رنا / يوه ..... خلاص بق ي ورد متعيطيش ده انتي وقعتي ع واحده ما شاء الله اي جامد
فريده / ايوا ياختي معرفش الخايبه دي بتعيط ع اي ده اتجوزت توم كروز
ورد ببكاء / جماعه انتو مش حاسين باللي انا بمر بيه
فريده / بتمري باي ي حبيبتي قولي متكتميش جواكي
ورد / دول فطروني النهارده بالعافيه ي فريده انتي متخيله
رنا بتمثيل/ تؤ تؤ تؤ يساتر ي رب ده الموضوع صعب خالث
فريده بتمثيل / ده احنا ف زمن مافيهوش رحمه الناس قلوبها ما*تت تخيلي حد يفطرك ... اي القسوه دي
ورد / انتو بتتريقوا ؟؟
فريده / اه طبعا بنتريق ... اه صحيح خدي هدومك اهى ... الا بتاع مين التيشيرت ده
ورد / بتاع مالك
رنا / اش اش اش ع الحلاوه ... طول عمري نفسي اتجوزعشان البس هدوم جوزي والله ي بنتي
فريده / ده حلم حياتك
رنا / ايوا .... صحيح نستوني ... ده انا واقعهف مشكله كبيره اووي
ورد / يخربيتك مشكله اي
رنا / حمزه
فريده / مالو
ورد / صحيح اخو مالك اسمه حمزه
رنا / ايوا منا سمعتهم بيتكلموا تحت
فريده / تذابه اسماء اكيد
رنا / ايوا ... المهم ... حمزه طلب يشوفني ومصر جدا اني اقابله النهارظه بالليل وانا مش عارفه اعمل اي
ورد / طبما تقابليه
فريده / يبنتي اكيد عاوز يقابل ريم مش رنا
رنا / بالظبط ... وانا مش عارفه اعمل اي
فريده / بصي من رأي روحي قابليه واتحملي النتيجه مهما كانت اي هي المهم انك تخلصي من الحوار ده
ورد / بصراحه وده رأيي انا كمان ... وقوليله انك كنتي بتهزري معاه وعادي يعني هتعدي ولا اي
فريده / الله اعلم بس اهم حاجه انها تخلص من الموضوع ده عشان كل ما يطول هيبوخ اكتر
رنا / خلاص انا هوافق اقابله واللي يحصل يحصل
جاء المساء واستعدت رنا للذهاب الي المكان الذى ستقابل فيه حمزه ع اتفاقهم وهيكانت ف غايه الخوف ولكن فريده كانت تشجعها
وبالفعل ذهبت رنا الي المقهي الذى عطاها حمزه عنوانه ولكنها وصلت الي المكان قبل وصول حمزه وجلست ع الطاوله المحجوزه اليهم ف انتظاره
كانت رنا تتفحص هاتفها وهي تمل من الانتظار ولكن قطع شرودها صوت حمزه
حمزه بصدمه / اييي دهه رنااااا؟؟؟!!!!!
رواية عشق احفاد الراوي
بقلم سلمي حجازي
الفصل العاشر
حمزه بصدمه/ اييي دهه رنااااا .... انتي اي اللي جابك هنا .... اكيد صدفه صح
رنا بدموع / حمزه اسمعني انا....
حمزه بعصبيه / اسمععع اييي وازفتت اييي
رنا / حمزه الناس بتتفرج علينا عشان خاطري اهدي
مسك حمزه يدها بقوه ثم ذهب للخارج مسرعا وهو يجرها خلفه بعيدا عن انظار الناس حتى وصل الي سيارته وفتح الباب الامامي لرنا وبعد جلوسها في السياره غلق الباب بقوه شديده ثم اتجه نحو الباب الاخر وجلس بجانبها وانطلق بالسياره
رنا بصوت مهتز/ حمزه
حمزه / .....
رنا بدموع / انا اسفه والله مكنش قصدى ... انا كان كل همي انك تديني فرصه وتقرب مني وتعرفني اكتر .... ريم هي رنا انا كنت بكلمك باسلوبي وطبعي مكدبتش عليك ف مشاعري اللي اعترفتلك بيها ع اساس اني ريم .... انا والله بحبك ... عارفه اني غلطت بس انا مكنش قدامي حل غير ده .... بس اللي انت حبيتها من غير ما تشوفها دى رنا مش ريم يا ريت تفهم ده .... انا اسفه
توقف حمزه بالسياره امام منزل رنا
حمزه / انزلي
رنا / حمزه
حمزه بعصبيه / انزلييييي
خرجت رنا من السياره وهي خائفه بشده وبعد نزولها بثوان انطلق حمزه بالسياره مسرعا
صعدت رنا لاعلى وهي تبكي بشده ثم دخلت الي غرفتها والقت بجسدها ع الفراش وهي تصرخ وتبكي دون ان تتحدث
فريده / رناا مالك ... اهدى بس متعيطيش
اخذتها فريده الي احضانها وتقوم باهدئتها
فريده / اكيد اتعصب وزعل منك ... بس ده طبيعي ي رنا ي حبيبتي
رنا ببكاء / لا مش طبيعي هو مقدرش حبي ليه وان انا عشان بحبه عملت كده
فريده / بس برضو انتي خدعتيه هو ظلوقتي شايف نفسه صغير اوي وانه اضحك عليه بسهوله جدا
رنا / اهو اللي حصل بق ... انا بكرهوو ومش عاوزه اشوف وشه تاني ... انا هخلص امتحانات وهسافر دبي لبابا وماما
فريده / وهتسيبيني ي رنا ... ده حتى التانيه اتجوزت قبلي
رنا / خلاص متزعليش هاخدك معايا
فريده بابتسامه / بس ي عبيطه ... اهدي يلا ونامي شويه وقومي ذاكري امتحاناتك كمان يومين ... يلا ولو احتاجتي حاجه ناديلي
في منزل الراوي
كانت ورد تتمدد ع الفراش و تحاول ان تنام ولكنها لا تستطيع وتتقلب يمينا ويسارا وبجانب الفراش كان مالك نائما ع الارض ويبدو انه ف اعماق النوم
ورد بهمس / وبعدين بق .... هووف .... يا بخته نايم ف سابع نومه
مالك / سامعك ع فكره
ورد بخضه / احم ... مقصدش
مالك / بطلى فرك ونامي
ورد / مش عارفه انام
مالك / غمضي عينك وهتنامي
ورد / يسلام ع المعلومه المفيده جامد دي
مالك / لسانك عاوز قطعه
ورد / اهو هنبدأ ف الغلط .... طب لما هو النوم سهل كده منمتش لي
مالك / اصلى نايم ع ريش نعام ف تلاقيني مرتاح ف نومتي اوي
ورد / انت بتتريق .... ع فكره محدش قالك تنام ع الارض و ...
مالك / صح عندك حق
قام مالك بالصعود الي الفراش بسرعه وتمدد بجانب ورد
ورد / هاااا ... انت اتجننت قوم من جنبي
مالك بخباثه / مش انتى قولتي محدش طلب منك تنام ع الارض
ورد / انا مقصدش كده انا قصدي ان انا يعنى طلبت منك اني هنامع الارض وانت مرضيتش
مالك / ماهو مينفعش انام انا ع السرير وانتي تنامي ع الارض
ورد / ومينفعش برضو انك تنام جنبي ... اتفضل قوم
مالك / مينفعش لي ان شاء الله انتي مش مراتي ولا اي .... ده مصر كلها عرفت النهارده بكتب كتابنا
ورد / ولو برضو قوم من جنبي
مالك / بطلي وش ونامي انا عندي شغل الصبح
ورد / طب منا كمان عندي شغل
مالك / لا انسي الشغل اليومين دول انتي امتحاناتك كمان اسبوع خلصي وبعدين نشوف موضوع الشغل ده
ورد / اي ده انت عرفت منين ؟
مالك / وهو فى واحد ميعرفش امتحانات مراته امتى
خجلت ورد من كلمته وهو ينظر لها حتى اصبح وجهها باللون الاحمر فقامت بغلق عينيها وهي تحاول النوم ولكنها لا تستطيع
وبعد عده دقائق كسر هذا الصمت صوتها وهي تقول
ورد / كنا مرتبطين من خمس سنين تقريبا بابا وماما كانوا عارفين ماما الله يرحمها مكنتش بتحبه ولا بترتاحله بس انا كنت هبله مصدقتهاش وبابا كان راضي جدا عشان اكرم كان دايما يديله فلوس ودي اهم حاجه عند بابا .... اغلب الوقت كان بيبقي اكرم مسافر معرفش بيسافر فين ومع مين معرفش عنه اي حاجه معرفش غير انه من بلدنا وعارفه باباه ومامته منفصلين ... كنت بحاول كتير ابعد عنه لانه دايما مكنش موجود معايا ولا يعرف عني حاجه حتى كان ممكن يعدي باليومين ميكلمنيش بس كنت برجع واقول لا ده انتو يعتبر متربيين سوا .... هو كان معايا ف المدرسه .... كنت فاكره نفسي عارفاه كويس وكنت واثقه فيه دايما ودي اغبي حاجه عملتها ف حياتي مكنتش اتوقع ان هو يكون بالقذاره دي .... هو انا ازاي هونت عليه ... انا مبقتش اثق ف حد خالص بقيت خايفه من كل الناس انا غبيه اووي ازاي كنت واثقه فيه ازايي
اكملت ورد حديثها وهي تبكي بشده انهت حديثها وانهارت ف البكاء حتى وجدت يد مالك تسحبها الي احضانه وبدأ يرتب ع رأسهاب حنان وهو يضمها اليه بقوه
مالك / ششش ... متقوليش ع نفسك كده انتي مش غبيه ... انتي طيبه وجميله هو اللي حيوان ... اهدي اهدي والله لاجبلك حقك وقريب اوي كمان اطمني ... اهم حاجه تنسي كل اللي حصل ومتخافيش انا جنبك وهحميكي من اي حاجه
ظلت ورد ف احضانه حتى ذهبت الي نوم عميق
ف صباح يوم جديد
استيقظت ورد من النوم فوجدت نفسها تنام بمفردها ع الفراش تذكرت انها كانت نائمه بين احضان مالك ولكن قطع تفكيرها خروج مالك من المرحاض وهو عاري الصدر ويرتدي بنطال من اللون الاسود ويقوم بتجفيف شعره وحين رأته ورد بتلك الهيئه شهقت بصوت عالى وهي تدفن وجها ف الفراش من شده الخجل
مالك بخضه / يا ساتر ي رب في اييي
ورد / انت ... انت ازاي ... ازاي تخرج كده هاا
مالك / كده اللي هو ازاي يعني ... ااه عشان مش لابس تيشيرت يعني طب واي المشكله
ورد / اي المشكله .... عيب كده ع فكره انت مش لوحدك ف الاوضه
مالك / يعني مبتتفرجيش ع مسلسلات تركيه والبطل طول المسلسل بيستعرض عضلاته وانتي تقولي واو وتتفرجي عادي
ورد بهمس / اي ده عرف منين
مالك / هه بلاش اوفر انا عارف حركات البنات دي كويس
ورد / ع فكره مبيحصلش
مالك / طب اتعودي بق ع كده انا متعود اخد راحتى ف الاوضه ولا مش عاجبك ؟
ورد / مش عاجبني طبعا
مالك / مش مهم .... يلا اجهزي عشان ننزل
تركها مالك وذهب الي غرفه الملابس ثم ارتدي ثياب العمل التي تتكون من بدله من اللون الكحلى وتحتها قميص من اللون الابيض
ورد بهمس / يخر*بيت حلاوتك وغرورك
استيقظ رحيم من النوم ثم قام لفتح شرفه غرفته ونظر لاسفل كالعاده ولكنه استغرب حين رأى حمزه ينام ع الارجوحه التى توضع ف جنينه المنزل فقام بالذهاب اليه مسرعا
رحيم / حمزه .. حمززه
حمزه بنعاس / اممم
رحيم / اي اللي منيمك هنا كده .... انت نايم هنا من امبارح ؟
حمزه / اه
رحيم / لي ... حصل اي
حمزه / مافيش ... انا طالع انام
رحيم / استني هنا ف ايي مالك كده مش ع بعضك
حمزه / البنت اللي كلمتك عنها اللي كنت بكلمها ع النت دي
رحيم / ايوا مالها
حمزه / طلعت رنا صاحبتي وكانت بتضحك عليا
رحيم / بتهزر يعني ؟
حمزه / لا
رحيم / اومال انا كش فاهم حاجه اهدى كده واحكيلي
حمزه / امبارح ..........
رحيم / الموضوع مش انها كدبت عليك ... في حاجه تانيه صح ؟
حمزه / هي غبيه .... بعد اللى عملته ده خلتني بدل ما كنت بحبها ومتاكد من حبي ليها اتشتت وافقد الثقه فيها وف نفسي
رحيم / يعني اي مش فاهم
حمزه / انا اصلا كنت بحب رنا من قبل ده كله ما يحصل وكنت ناوي اعترفلها بعد الامتحانات بس هى اللي اتغابت واتصرفت من دماغها انا اه بعرف بنات كتير وبكلمهم بخرج معاهم بس مبسمحش لواحده انها تتعدي حدودها معايا ولا انها توصل لمكانه ف قلبي اصلا قلبي كان ملك لرنا وبس ... لكن بعد اللي عملته وكلمتني من اكونت فيك خليتني احب الشخصيه الفيك دى كنت حاسس
برنا وانا بكلمها كان فيها من رنا كتير وبسبب اني مش قريب من رنا اوي ومش بكلمها الا ف الكليه بس ده عشان انا عاوزه اخد خطوه جد معاها ونبتدي صح مش اكتر ف مكنتش عارف اميز ريم من رنا كنت حاسس بروح رنا وانا بكلم ريم بس كنت برجع اقول لا مستحيل تكون هي حسيت اني اعرف ريم دي من زمان وقلبي اتفتحلها بسرعه اوي وحبيتها وبقيت ف تأنيب ضمير وجلد ذات ما بين ريم ورنا وازاي اسمح لواحده تانيه تاخد مكان رنا عندي بس كنت برجع اقول انه غصب عني مكنتش بنام بالليالي بسبب الموضوع ده وف الاخر تطلع ريم هي رناا .... الموضوع صعب عليا اوي اصعب من ما اي حد يتخيل ... ممكن يكون كلامي مش مترتب ومش مفهوم بس انا عارف انك هتفهم اللي جوايا
رحيم / فاهم وعارف اللي انت حاسس بيه كويس ... بس انت برضو غلطان ف انك كنت عارف انها بتحبك وبرضو معترفتلهاش .... عارف انك كنت عاوز تاخد خطوه جد وكل حاجه .... بس برضو كنت راعي مشاعرها ده انت حتى كنت قايلي انك بتعرفها ع البنات اللي بتكلمها يعني دي حاجه صعبه جدا عليها طالما هي بتحبك ... هي غلطانه برضو بس هي عملت كده عشان متخسركش ... انت غلطت من البدايه وهي كمان غلطت بس غلطك اللي اترتب عليه غلطها وكمان ريم هي رنا الاتنين شخص واحد وهى رنا انت دلوقتي خلصت من الحيره والمفروض انك تحب رنا اضعاف بعد حبك لريم ... سامحها هي بتحبك
حمزه / مش عارف ... مش عارف اسامحها هى عذبتني
رحيم / وانت عذبتها بقرب للبنات كلها وبعدك عنها
حمزه / انا حاسس اني مربوط مش عارف اتصرف ولا افكر ولا اي حاجه
رحيم / خد وقتك وركز ف امتحاناتك وبعدها خد قرار وانا معاك
حمزه بابتسامه باهته / ماشي
رحيم / يلا عشان مستنينا جوه ع الفطار
حمزه / يلا
كانت ورد تساعد تسنيم و سناء ف تحضير الطعام حتى انتهت وقامت باخذ الاطباق الى الطاوله
بدأ الجميع ف تناول الطعام ولكن قاطعهم رنين جرس المنزل ف قام حمزه بفتح الباب فوجدها رنا ومعها فتاه اخري
رنا بصدمه / هاااا ... انت اييي اللي جابكك هناا ؟؟
حمزه / انتي اي اللي جابك هنا ده بيتي ...