CMP: AIE: رواية صدف واقدار الفصل الحادي والاربعون 41 بقلم هبه احمد
أخر الاخبار

رواية صدف واقدار الفصل الحادي والاربعون 41 بقلم هبه احمد


 
رواية صدف و اقدار 

الفصل الحادي والاربعون 

بقلم هبه احمد 
....................

سها / انا قمت وجاية انضف معاكم الشقة انا نمت كتير اوى 

شمس / تنضفى مع مين الشقة بقت زى الفل 

سها / ربنا يبارك فيكى يارب

شمس / تعالى فوزية طلعت هدوم من بتاعتك القديمة وحطيتها فى الغسالة 

سها / لا انا هانزل اجيب لبس جديد طويل وبكم وكذا طرحه لو تعرفى حد ياخد اللبس اللى فى الدولاب كله

فوزية/ انا هاخد منهم اللى يعجبنى ماشى

سها/ كل اللى يعجبك خدية

شمس / فى لبس حلو ممكن تلبسى منه وتحتة بدى.يلا انا جعانة هو انتى حامل في الشهر الكام

سها / بدأت الشهر التالت من يومين

فوزية / يلا ياكلبة انتى وهى انا جوعانه

سها / لسة لسانك طويل زى ماهو

فوزية / بنت الباشا والله هنرجع ايام زمان ونقول للماضى تعالى بالاحضان

شمس / لا ياماما انتى تأكلى وتخلعى على خفيف 

فوزية / لا انا هانام معاكم امى راحت فرح وهتاجى بكرة وابن الجزمة زوجها جة وانتى عارفة انى بخاف منه الا يضيع مستقبلى

سها / هو لسة عينة زيغة يخرببيتة

فوزية / تصدقى انا بخاف ادخل الحمام اخد دوش وهو موجود

سها /  وامك أية ظروفها

شمس / د كمان شويه تعمل له مقام زى سيدنا ابراهيم الدسوقى طول النهار ياسى عبده الحميد 

سها / اقعدى معايا الشقة واسعة 

شمس / طب بما انك هتقعدى هنا أية رأيك نفتح اوضة المرحوم جدك الحاج صادق ونشوف فيها أية الا دى مقفولة من قبل ما يموت بفترة طويلة

سها / لما افوق وارتب افكار

شمس / والله وبقى عندك افكار عوزة تترتب يا بنت الباشآ

فوزية/ يارب ارزقنى الزوج الصالح اللى يكون عوض منك يا رب العالمين

شمس / شطبنا ياقمر يلا مش اكلتى وشربتى زوقى عجلك عمو عبد الحميد زمانة منتظرك

ام ايمن / صوتكم عالى يابنات

فوزية /  انا فى عرضك يا خالتي خلى بنتك تبعد عني انا  وبكت كتير

ام ايمن / بتبكى ليه ابعدى عنها يابنت

فوزية / في مرة لما امى سافرت لخالتى انا  لاقيتة داخل عليه بالفانلة والبوكسر و بيقولى تعالى نتفرج على فيلم رومانسي

شمس /  واتفرجتى على الفيلم الرومانسي ههههه

فوزية /  قولت له هاعمل شاى و سندوتشات وجاية 

سها / و عملتى أية يخرببيتك امك 

فوزية / انا كنت عاملة حسابى حطيتلة برشامتين منوم فى الشاى وواحدة كسرتها وحطيتها فى السندوتشات

سها / وبعدين حصل أية 

فوزية/ دخلت نمت وهو لما امى جات بعد الضهر لاقيتة نايم في الصالة و سلط امى عليه فضربتنى علقة موت 

سها / ليه أن شاء الله 

فوزية / أصله قال عنى كلام وحش وأن انا دخلت عليه الاوضة وكنت عوزة اتحرش بيه 

شمس /  بقولك ايه   يا بنت فردوس امك عارفة كل حاجة بس مش بتحب تزعله

فوزية / عارفة يااختى امال لو كانت متزوجة منه رسمى مش عرفى كانت عملت ايه

سها / عرفى اللى اعرفه ان زواج مش حلال 

فوزية / مهى لو كتبت كتابها رسمى معاش أبوية هيطير وهو مش هيلاقى فلوس يصرف منها على الزفت 

سها / طب ازاي بس كدة حرام عليها. 

فوزية / ليش دعوة انا فصلت معاشى عن معاشها. و يوم ما بقبض ياجى اديهم لخالتى ام ايمن وهى بتجيب جهازى وعاملة جمعية كبير بقبضى من شغلي

سها / هنا كل واحد وراه حكايه

فوزية / إلا انتى هتفضلى هنا ولا جاية زيارة ولا هتبيعى الشقة دى

سها / لا انا عوز افضل هنا وهاشوف اى شغل

شمس / انا شغالة فى مصنع ملابس ما تاجى معايا البت فوزية معايا

فوزية / وناخد توكتوك من هنا بدل ما بنمشى لاول الطريق

سها / اجرب بس بعد اسبوع اكون رتبت اعصابى وفكرت فى هاعمل أية 

ام ايمن / الرز بلبن يا بنات ناموا علشان الشغل انا مفيش حيل للمناهده معاكم هو انتى مروحتيش ليه يا فوزية

فوزية / امى مش فى البيت وانا خايفة للزفت زوج امى يضيع مستقبلى

ام ايمن / هو مش بتهد يخرببيته رجل واطى ناموا

شمس /  انا عطيت لنفسى إجازة بكرة انا والكلبة دى وضربت فوزية على قفاها

فوزية / مقبولة منك ياقمر وبالرجل فى بطنها

سها / هادخل انام حاسه اني تعبانة اوى

شمس / بقولك هندخل التلفزيون الخربان دة جوة وننام مع بعض انا على الكنبة وانتم على السرير

سها / انا هانام على الكنبة وانتم مع نفسكم على السرير

صباح جديد 
``````````````

منير والد سها يتكلم في الفون 

الحاج عتمان / السلام عليكم عامل ايه

منير / بنتى فين يا حاج

الحاج عتمان / بنتك فى شقة جدها وسيبها فى حالها ملكش دعوه بيها

منير / اسف انى رميت بنتى على ابنك والصراحة هو ما قصرش معاها بس النصيب خليه يطلقها من سكات

الحاج عتمان/ اصبر مش يمكن ربنا يصلح حالهم ويكملوا حياتهم زى اى اتنين

منير / مش مع بنتى بنتى لما بتنجرح بتبيعد د مرة مرأتى زعقت ليها كانت عوزها تدخل المطبخ تتصور من سنتين ما اكلتش لقمة معانا فى البيت 

الحاج عتمان / سيبها تهدى أعصابها وانا هاتكلم معاها

منير/  بلاش خلاص هى باعت صدقنى كل شيء نصيب خلى كريم يبعت ورقة طلقها

فى الورشة
~~~~~

غريب / عملت ايه مع مرأتك 

كريم / مرأتى امبارح سابت البيت وخرجت وانا نزلت طلقتها عند المأذون وورقتها هتوصل ابوها

منتصر / الف مبروك عليك الخيبة يا صاحبي

مايكل / انت ايه يا اخى بقى ما افتكرتش وقفتها جنبك وانت تعبان  د يوم الحادثة كانت بتموت من القلق عليك كدة انت ظالم 

غريب / مرأتك لو كانت وحشة كنت اكتشفت كدة من يوم زواجكم

منتصر / انت بجد مفترى و ربنا مش هيسيب حق الغلبانة مرأتك

كريم / ما تحترم نفسك بقى انا ظالم ومفترى 

الحاج فاروق / السلام عليكم صوتكم عالى لية 

منتصر / وعليكم السلام يا أبوية الجماعة بخير

الحاج فاروق / والله يابنى الحاجة طول الليل تعبانة وانا حجزت ليها عند الدكتور

منتصر / الف سلامه عليها هاكلم شهد تروح معاها وتفضل عندكم لحد الحاجة ما تشد حيلها وتبقى كويسة

الحاج فاروق / مش ضرورى انا بعمل اللى اقدر عليه 

منتصر / وتعمل ليه ما شهد موجودة ولو حكمت اروح انا اشوف طلباتكم 

مايكل / و مارينا موجودة مستعد ابعتها تشوف طلباتكم

الحاج فاروق / ربنا يبارك فيكم 

منتصر / شهد نازلة اروح اجيب الاكل وهى تعمله قبل ما تروح مع ماماتها للدكتور

الحاج فاروق / انا هابعت طلبات البيت وأبقى تعالى اتغدا معانا 

منتصر / متشلش همى انا رايح اجيب قطع غيار وهاتغدا مع خالد صاحبى

الحاج فاروق / ماشي يابنى وسأبهم وراح يفتح الدكان بتاعة

مايكل / عمى فاروق ده راجل محترم وطيب ربنا يشفى مرأتة شوف شكله حزين عليها ازاى 

كريم / ساب الورشة وخرج 

غريب / خفوا شوية كريم فى حاله توهان د زى ما يكون شراب حاجة 

منتصر / ليه أن شاء الله الصراحة سها اتغيرت 360 درجة علشانه وفى الاخر يعمل فيها كده

مايكل / دى غلطة ابوها لما طلب من كريم بل اترجى عمى عتمان علشان كريم بكتب عليها

منتصر / علشان كده فاكر أنها رخيصة وبيتحكم فيها والله جدعة اللى سابت له البيت 

غريب / ربنا يهدى يلا روح انت هات الطلبات وانا ومايكل هنظبط الشغل 

مارينا / صباح الانوار على اغلى الناس 

منتصر/ صباح اللى يتغنى 

شهد / السلام عليكم . منتصر أكلك على البوتاجاز هامشي انا

منتصر / خل..........




تعليقات



حجم الخط
+
16
-
تباعد السطور
+
2
-