رواية صدف و اقدار
الفصل الحادي والخمسون
بقلم هبه احمد
٠٠٠٠٠٠٠٠٠٠٠٠٠٠٠٠
منتصر/ انا مستعد اخلى كريم يتأسف ليكى ويرجعك والعيل يتربى بينكم بدل ما انتى هتبهدلى وانتى عارفة نظرة الناس للمطلقة أو الارملة هتكونى مطمع من الكل
سها / تشكر متخفش عليه انا أقدر احمى نفسى وكمان صاحبك اصلا مش معترف أنه ابنه يبقى ازاي هيربى عيل هو شاكك فى نسبه الحمد لله سبوانى فى حالى انا شبعت زل من أبويه ومرأتة واخوية
منتصر / ثروت اللى كان سبب المشكلة مات من 4 ايام
سها / ثروت عمره ما كان يعنيلى اي شيئ والله شهادة حق ثروت كان طول عمره انسان محترم انا مش عارفه هو أية اللى حصل اليوم دة حاسة أن الحكاية كلها كانت مترتبة مين اللى له مصلحة في اللى حصل الله اعلم
منتصر / انا مصدقك
سها / كل شيئ مقدر ومكتوب ربنا أعلم الخير فين
شمس / شايك برد
سها / يلا ياجماعة مارينا ابقى ودينى انا محتاجة تكونى اختى وانتى كمان ياشهد ابقوا سلموا على كنزى
شمس / ممكن اخد قطة من دول د ماشآء الله شكلهم حلو
سها / لو هتموتى مش هاتاخدى منهم حاجة يلا
منتصر / لما بسمتى تولد هابعت ليكى واحدة ارجوكى فكرى فى كلامى انتى محتاجة لراجل يكون جنبك
سها / انا محتاج فعلا لراجل مش لإنسان مريض نفسي شكاك انا مقدرش أأمان على نفسى معاه ربنا يصلح حاله
ام ايمن / يلا يا بنتى دانتى جبل انتى شبعتى قهر من مرأت ابوكى
شهد / هاتى رقمك علشان اكلمك على طول
مارينا / رقمها معايا هابقى ابعته ليكى واتساب يلا هتعرفى تسوقى شكلك تعبان اخلى مايكل يسوق بدل منك
سها / انا كويسة تعالى اوصلك في طريقى
مارينا / لا انا هاشتغل فى الورشه شوية منتصر كتر خيره وكريم مش مركز فى الشغل
سها / ماشى ياقلبى على فون
مارينا / لما توصلى رنى طمنيني عليكى
سها / البنات عوزين شوية طلبات هاروح معاهم يلا سلام
مارينا / بالسلامه
سها / خرجت ركبت العربية وشافت كريم بيبص عليها وشكله منكسر جامد
فى المساء
..............
كريم جالس على السرير ودموعه نازله مغرقة وشة
هنية / خبطت ودخلت مالك يا بنى ما تردها طلما انك بتحبها
كريم / معدش ينفع خلاص اللى بينا انكسر انا جرحتها جامد
هنية / روح راضي مرأتك دى جوهرة
كريم / مينفعش هى كانت حلم وخلص
محمود ومنير راحوا لبيت ام فوزية لطلب أيدها رغم رفض زوج أمها إلا أن امها وافقت وبركت ليهم وقالت فوزية عند ام ايمن هى قاعدة عندهم على طول روح يابنى اقعد معاها واتفقوا هتعملوا أية
منير / حاضر يا ام فوزية
محمود / انا هاعمل فرحنا اخر الشهر وهنلبس الدبل فى محل الدهب
ام فوزية / موافقة انا متأكدة أن بنتى هتكون مع راجل بمعنى الكلمة هيصون بنتى
محمود / متشكر على الثقة يلا يا بابا نروح نسهر مع سها وتشوف فوزية بالمرة
منير / حاضر رغم انى مكسوف من سها
محمود / صدقنى هى طيبة اوى وراثة الطيبة من جدى الله يرحمه
فى منزل الحاج عتمان
سنية / هى الغندورة لسة عيارها مفلوت وعايشة لوحدها
الحاج عتمان / انا حظرتك اكتر من مرة شكلك عوزة ترجعى لبيت اخوكى ومعاكى ورقة طلاقك
سنية / هو اللى بيقول الحق يطلع من البلد
كنزى / حرام عليكي دغلبانة و محترمة دانا لو كان غريب قالى الكلام اللى كريم قالوا ليها كنت ولعت فيه وخليت أبوية ياخدلى حقى ويطلقنى منه
الحاج عتمان / عقلى امك انا وصلت انى يا أطلقها يا هاقتلها
كنزى / طول بالك يا بابا هى هتسكت
سنية / ما انتى بنت ابوكى لازم تدافعى عنه
كنزى / انا حماتى ست جاهلة مش خريجة جامعة زيك بس عارف ازاى تريح زوجها ردها بصوت واطي و نعم وحاضر وبتعاملنى بحب و احترام مش انتى اللى كرهتى الناس فيكى من كلامك اللى زى الدبش بابا عوزة اروح بيتى
الحاج عتمان / مينفعش يابنتى زوجك جاى بكرة ياخدك
كنزى / حاضر هادخل انام
الحاج عتمان / انتى مفيش فايدة فيكى
تمر الايام ومع مرورها تكبر بطن سها وشهد تولد بنت جميلة منتصر كتبها بسمله وكنزى انجبت ولد غريب كتبة تحت اسم فارس أما فوزية تزوجت محمود وعايشين فى منتهى السعادة فى شقة ابوه القديمة وزادت فرحتهم لما فوزية حملت فى شهرها الثانى اما شمس فتزوجت طارق ابن خالتها وبروضة حامل فى شهر ونص
فى شقة سها
سها / بقولك يامحمود بدل ما انت مهدود فى الورشة ماتاجى نفتح المحل اللى تحت ونعمل فية مشروع
محمود/ انا مرتاح كدة ثم إن اقل المشروع عوز رأس مال عشرين ألف على الأقل
سها / انا محتاجة لاخوية يكون جنبى استند عليه
فوزية / انا معايا 15 الف فلوس الجمعية لان سها كملت جهازى خدهم وأبدأ مشروع مع اختك هى محتاجة تتونس بيك بالله عليك وافق
شمس / معاكم انا هادفع التلت وسها التلت وانتم التلت وكل شهر نطلع ايجار المحل سها تاخده دة حقها
سها / انا موافقة على اى حاجة المهم محمود يبقى قريب منى
محمود / خلاص هابيع العربية
سها / لا الفلوس موجود
طارق / ما ناخد المحل بتاع خالتك سلميه هو مقفول من زمان ونفتحهم على بعض
شمس / دى فكرة لوز ونعمل سوبر ماركت كبير
فوزية / فكرة حلوة
سها / عوزة اروح اشوف مديحة بنت خالتى
شمس / ما انتى كنتى عندها من شهر
سها / هى محتاجة زوجها محبوس وهى معاها تلات ولاد ومعندهاش دخل غير المبلغ اللى من ريع الوديعة اللى ثروت حاطة باسمى ليها
محمود / ابقى خدى فوزية معاكى
شمس / وانا كمان وهاخد معايا خزين لبيتها
اما فى الورشة
كل شيئ حزين رغم أنهم اتوسعوا فى شغلهم وبقوا بيبيعوا قطع غيار السيارات إلا أنهم زى ما يكونوا كبرو عشرات السنين
بعد شهر
سها / طنط ام ايمن الحقينى انا بولد
ام ايمن / هانادى على محمود و طارق و البنات
سها / طنط الحقينى شكلى ولدت
شمس / شطورة على وضعك لحد ما اص......