رواية صدف و اقدار
الفصل السابع والثلاثون
بقلم هبه احمد
؛؛؛؛؛؛؛؛؛؛؛؛؛؛؛؛؛؛؛؛؛؛؛
عبير / سامعينى تاني ياقمر و مسكت كبل المكوة
مارينا / يخرببيتك انتى بتتحولى بسرعة لية
سها / ههههه جعانة اوى عوزة اكل عيش و سمك مشوي وسلطة طحينة
عبير / دانتى عليه بخسارة سمك مشوي وسلطة طحينة على الصبح
مارينا / مع نفسكم اطير انا يدوب الحق افطر زوجى قبل ما ينزل
سها / ابقى تعالى اتغدى معانا
مارينا / انتى هتتغدى فى بيتك مع كريم يا قلبي
سها / بلاش يعرف انى حامل لما اشوفة شارينى لشخصى ولا علشان ابنه أو بنته
مارينا / حاضر تحت امرك وانتى يا ام مروان انا مش عوزة اسيبك والله انا حبيتك
عبير / انا عبير وبس ماشى ابقى تعالى تنورى في اى وقت
مارينا / تسلمي حبيبتي اشكرك
سها / مش عوزة اجاى على كرامتى فاهمة
مارينا / كرامتك على رأسى سلام عليكم
عبير / طب خدى كوبية اللبن دى ممكن
مارينا / هاتى ووضعتها فى البيبرونة بتاعة رضعت البيبى
كريم / هامشي انا
مايكل / افطر الاول معانا مارينا على وصول
منتصر/ بسمتى جعانة وهفتانة حد يتبرع ويشترى ليها ربع لانشون حلوانى
غريب / يخرببيتك على بيت بسمتك والله ما جايب ليها حاجة
كريم انا هاجيب نص لانشون حلوانى لبسمتك واخواتها
الحاج فاروق / السلام عليكم هو انتم لسة شغالين الله يقويكم ابعت اجيب ليكم فطار
مايكل / مارينا جاية بالقطار تشكر
الحاج فاروق / ربنا يقويكم منور يا كريم يابنى
منتصر / عمى فاروق شهد عوزة تجيب لبس البيبى لو حماتى فاضيه ممكن تروح معاها الا انا اليومين دول مضغوط جامد فى الورشه
الحاج فاروق / الحاجة فاضية بس هيفرق مع مرأتك كتير لما انت وهى تختاروا لبس البيبى هى محتاجه تفرحك معاها لما تختاروا مع بعض كل حاجة تخص طفلكم ولو مش فاضي اخلى الحاجة تروح معاها
منتصر / عندك حق والله هى فعلا قالت أنا عوزاك انت اللي تختار لبس البيبى متشكر ياعمى فاروق جيب لنا شاى
الحاج فاروق/ حاضر ياابنى حاجة تانية
منتصر / لما افتكر هاقولك
كريم / انت بئر غتاتة بجد
مايكل / هاخد سامى من مارينا
مارينا / صباح الورد عمى فاروق عامل ايه
كريم / صباح الخير تعبتى نفسك لية
مارينا / انا مش تعبانة د كل حاجة جاهزة يلا انا جعانة
منتصر / بقولك يا مرأت اخوية فكك منهم هات الاكل وتعالى ناكل انا وانتى وبسمتى
غريب / سحب كرسين وطرابيزة يلا ياجماعة انا بعد الضهر هاروح مع كنزى للدكتورة
كريم / مالها كنزى خير
غريب / هى كويسة بس الدكتورة طالبه شوية تحاليل
مارينا / أية يا اخوية مردتش على رسايل الواتس لية
كريم / اصلى مش متوقع أن سها هانم بنت منير باشآ هتقعد مع صاحبتها فى منطقة شعبية
غريب / على فكره ثروت ابن خالة سها تعبان جامد ومحجوز فى المستشفى محتاج نقل فص كبد من الهباب اللى كان بيشربه كبده تعبت
مارينا / مرأتك جوهرة غالية حافظ عليها
كريم / انا دخت عليها وهى ما صدقت وسابت البيت و ياعالم كانت فين ومع مين
منتصر / عيب تقول كدة على مرأتك الصراحه هى ست محترمة كفاية أنها اتحملت كلام و غتات الحاجة سنية ووقفت جنبك
كريم / بزمتك انت ولا هو لو كنت مكانى كان هيكون رد فعلك أية
مايكل / اروح اجيب مرأتى وأبوس دماغها دى بذرة طيبه
الحاج عتمان / السلام عليكم
الكل وعليكم السلام
منتصر / اهلا بالبرنس اللى رافع رأسنا
الحاج عتمان / انا رايح اجيب سها أرجعها بيتها وأبوس دماغها دى بنت حلال يلا معايا يابنى
كريم / انت عرفت منين
الحاج عتمان / انا كنت عارف مكانها من يوم ما خرجت من البيت وكنت منتظر لما أعلم امك الادب
كريم / بكدة مع نفسك انا خلاص اكتفيت من كل الناس هى ورقة طلقها هتوصلها على فيلا الباشا ابوها
الحاج عتمان / وهى عملت أية لكل دة مهى لو كان عندها أهل كانت راحت اتحامت فيهم بس علشان هى غلبانة المفروض ميكنش عندها كرامة وحضرتك تجرح فيها وتعمل اللى انت عوزه براحتك وهى مش مفروض تدافع عن كرامتها
كريم / انا كنت عملت ايه لكل دة انا كل الحكايه كنت عوازها تختار ياانا يا ثروت ابن خالتها
غريب / غلط انك تحط ثروت فى جملة مفيدة قدام مرأتك هى لو مكنتش إنسانة كويسة كانت سابيتك من يوم الحادثة بس هى علشان حبتك وخليتك كل العالم كنت مكان ابوها وأخوها وكل الناس د هى كانت زوجة وممرضة ليك وانت اول ما قدرت تقف على رجلك هنتها
كريم / دانا طلعت الشرير المفترى اللى فيكم
مارينا. / بص يااخوية مرأتك جوهرة غالية و كانت قاعدة مع صاحبتها اللى زوجها مسافر وهى عايشة لوحدها
الحاج عتمان / يلا قوم اغسل وشك وتعالى نجيب مرأتك وتعتذر ليها
منتصر / على فكرة سها لو مكنتش حبتك عمرها ما كانت غيرت من لبسها وكمان مكنتش مجبرة تخدمك انت أية معندكش دم اقولك طلقها والله هى خسارة فيك بنى ادم مستفز
مارينا / يلا نروح علشان تجيب مرأتك ربنا يهديك
الحاج عتمان / يلا ولد يامنتصر الغدا للكل عليك وهيكون فى شقة كريم أدى مفتاح الشقة لمنتصر وانت يا غريب اقفل الورشة وخد كنزى ومرأت منتصر روحوا جهزوا الغدا انا هاروح مع كريم ومارينا نجيب سها
منتصر / غدا أية هو يصالح مرأتة وانا ادبس فى الغدا يا خراب بيتك يا منتصر حرام عليك بلاش انا عندك مايكل هو وار٠٠٠٠٠٠٠٠