CMP: AIE: رواية غيرت حياتي الفصل التاسع9بقلم زينب محمد
أخر الاخبار

رواية غيرت حياتي الفصل التاسع9بقلم زينب محمد



 رواية غيرت حياتي

 الفصل التاسع9

بقلم زينب محمد

تامر حاطط ايده على كتف منار ومنار حضناه والجو جميل ورومانسي




 جدااا ... فجأه منار سمعت صوت حست انها سمعته قبل كده 

: منار.... انت هنا بتعملي اي 






منار: انتي تعرفيني

: انتي مش فكراني يا منار.. انا منه صحبتك 

تامر بسرعه: لاء لاء يا انسه اكيد تشابهه بس.. يلا بينا 

منار بصوت عالي: لاء استنى.. دي عارفه اسمي.. دي اكيد تعرفني 

منه:اه طبعا نعرف بعض  ... وبعدين مين ده اصلا 

تامر في الثانيه دي كان حاسس انه هيروح في داهيه، فأردف بعصبيه: ما قولتلك يا انسه تشابهه.. ايه مفيش فهم... ومسك منار من ايديها ورجعها ع الشاليه بتاعه 

-منه وقفت مصدومه من اللي شافته.. طلعت تلفونها ورنت على ندى بسرعه: الو... بقولك انااا شوفت منار 

ندى بخضه:بتقوليه ايه...منار،طب اتكلمتي معاها

منه بحزن:اه اتكلمت معاها..بسسس طلعت متعرفنيش...وكمان كان في واحد معاها خدها ومشي ومخلنيش اكمل كلامي معاها 

ندى:ده تامر..اللي قولتلك عليه قبل كده،طب كده هنعمل ايه،انا خايفه ليكون عامل فيها حاجه،تامر ده مش سهل 

منه:طيب اقفلي دلوقتي..وانا هحاول اعرف هي قاعده فين 

ندى:طيب ابقي طمنيني

®ندى قفلت مع منه وكانت قاعده ع السفره بتفطر مع عيلتها.. الام شافتها متوتره كده: مالك يا ندى يا حبيبتي... مالها منار صحبتك 

ندى: مش عارفه ياماما.. بس انا خايفه عليها اوي.. اصل منه شافتها في الغردقه مع تامر 

ياسر بشك: طيب مش تامر جوزها... فيها اي بقا 

ندى: المشكله ان منار معرفتهاش... بصوا انا هروح الشغل دلوقتي عشان متأخرش... ولما ارجع يبقا نتكلم في الموضوع ده 

احمد: ماشي ياحبيبتي... خلي بالك من نفسك 

ندى وهي تنهض: حاضر يابابا... يلا سلام

®ندى مشيت وراحت الشغل....وبعد حوالي ساعه وصلت الشركه واتنهدت ودخلت،راحت عند السكرتيه 

ندى بأبتسامه:اهلا...هدخل لأستاذ عمر ولا اي 

السكرتيه برسميه:لاء هو لسه موصلش.. عشان كان بايت هنا امبارح،ولسه مروح من حوال تلات ساعات كده 

ندى:تمام..طيب هستناه ولا هبدأ شغل 

 السكرتيه: لاء هتستنيه.. هو شويه وجاي 

ندى: طيب معلش انا اسفه.. هو انا هاخد مكانك هنا 

السكرتيه: على ما اعتقد اه.... بس لسه مش متأكده 

ندى: طيب هو انتي مش هتزعلي.. عشان ده شغلك وكده 

السكرتيه: لاء بالعكس خالص.. ده انا هرتاح 

ندى قعدت بس مفهمتش كلام السكرتيه بس قالت.. يمكن هترتاح من ضغط الشغل او حاجه 

®ندى فضلت مستنيه.. وزهقت من كتر القعده،فقالت (تأخد قيلوله) دخل عمر في الوقت ده، وشافها وهي فاتحه فمها، ونايمه.. تحس ان بقالها سنه ما نمتش، اول ما السكرتيه شافته سابت اللي في ايديها وطلعت تجري على ندى عشان تصحيها: انسه ندى.. انسه ندى... فوقي استاذ عمر جه 

ندى وهي تنهض بخضه: ايه جه...وشافني وانا بالمنظر ده 

اومأت السكرتيه بنعم 

ندى وهي تلوي فمها: يلهوي شكلي هترفض من اول يوم 

ضحكت السكرتيه عليها: هههه معلش.. ادخلي وربنا معاكي... استاذ عمر مبيهزرش 

ندى: لاء هو يوم باين من اوله...يلا استعنا ع الشقا بالله 

®خبطت ندى ودخلت..وهي منحيه الرأس 

عمر بحده:هو ممكن افهم ايه الللي شوفته ده...هو حضرتك منمتيش في بيتكوا،فجايه تكملي نومك هنا 

ندى بأسف:انا اسفه يا استاذ عمر والله،بس انا قاعده من بدري فغفلت وانا قاعده بس 

عمر بحده وصرامه اكثر:انا معنديش الكلام ده يا انسه...انا طول ما انتي في الشركه دي عينك متغمضش...مش ناقص شغل عيال هواا

-ندى اضايقت جدا من كلامه وحست بأهانه رهيبه...مع انها اتسأفت،بس هو زعقلها جامد،فقررت انها تمشي لأن كرامتها فوق كل شيء

ندى بجده:تمام يا فندم..اظن ان انا اعتذرت لحضرتك،وقولت انه كان غصب عني..بس تمام انا اقدر استأذن والشغل اللي هيجي على كرامتي انا مش عايزاه 

®قالت كلامها ومشيت..وقفلت الباب وهي متعصبه جدا 

عمر قعد وحط ايده على وشه:كان لازم يعني من اول يوم تمشيها...طيب اجيبها ازاي دلوقتي يااارب 

            ***************

في الشاليه عند منار وتامر ~

-تامر قاعد على الكرسي ببرود ولا كأن منار عماله تزعق من الصبح: انتَ اييييه ايه البرود اللي فيك ده.. بقالي ساعه بتكلم وانت ولا عايز ترد عليا  

تامر بنفس البرود: لو رديت عليكي هقولك كلام يزعلك على طريقتك دي... وبعدين قولتلك ان تشابهه 

منار بزعيق: تشابهه اي وزفت اي دي شافتني كأنها تعرفني.... انت كداب وانا حاسه ان وراك مصيبه 

-تامر قام بسرعه من مكانه وراح عنده ومسك شعرها واردف بغضب جحيمي اقسم بالله يا منااار لو  اتكلمتي في الموضوع ده تاني،ولا اتكلمتي بالطريقه دي تااااني معاااايا...مش هيكفيني فيكي موتك...انتي فاهمه

منار بدموع وشهقاتها تملئ المكان:فاهمه..فاهمه 

-ورماها على الارض ومشي وسابها... منار فضلت مرميا على الارض ومنهاره من الدموع فجأه 

:منار 

منار قامت ومسحت دموعها:انتي مين 

         *******************

عند سليم ~

سليم قاعد في الشركه بيشتغل بتركيز جدا، وفي نفس الوقت بيفكر في منه خايفه عليها وهو سايبها تسافر لوحدها... هو حبها ولا اي، قطع شردوه خبطت الباب فأردف بجديه: ادخل  

ريناد برسميه (سكرتيره سليم الشخصيه): استاذه نسرين بره 







سليم بفرحه وهو ينهض: بجد طيب دخليها بسرعه.. ومتخليش حد يدخل... انتي فاهمه 

ريناد وهي تقترب منه وتضع يديها على المكتب واردفت بصوت هادي جدا: اممم.. واضح ان المقابله شخصيه شويه.. عشان محدش يدخل يعني 

اقترب هو ايضا منها وتكلم بنفس نبرتها: اظن يا رينو ان ده شيء ميخصكيش.. ثم قبلها قبله خفيفه، واكمل وكأنه لم يفعل شيء.... بس هقولك عشان النار اللي جواكي دي تهدى.. اه دي مقابله شخصيه، الاستاذه اللي بره دي تبقا مراتي.. اتجوزتها من سنه وانا كنت في لبنان، ها يا قطتي ارتحتي 

صُدمت ريناد مما سمعت: يعني انت كل ده بتضحك عليا  

سليم قعد ع الكرسي بكبرياء: وانا كنت وعدتك بحاجه يابت.... ويلا اخرجي اندهيلها.. متسيبهاش كل ده قاعده 

ريناد عينيها اتملت دموع: حاضر يا استاذ سليم 

في الخارج ~

-ريناد خرجت لقت نسرين لسه واقفه... حاولت متبينش دموعها: اتفضلي يا استاذه نسرين، سليم باشا مستنيكي.. بس نسرين خدت بالها ان ريناد بدمع 

نسرين قربت منها: شو في... صارلك شي جوه 

ريناد مسحت دموعها: لاء لاء... محصلش حاجه، دي حاجه دخلت في عيني 

ابتسمت نسرين على سذاجتها: مو عليا.. هيدي الحركات بتاعت المصرين... انا بعرفها كتير منيح 

ريناد حاولت تكدب وتقول اي حاجه: لاء مفيش بس انا في ورق نسيت اجيبه لأستاذ سليم عشان يمضيه.. بس هو زعقلي وكان عايز يطردني 

اتأثرت نسرين بالي قالته ريناد: ليش يعمل هيك... كل هيدا مشان شويه ورق... خلص لا تخافي وانا رح رجعلك حقق







-ابتسمت ريناد برسميه على اسلوبها معاها.. وفي نفس الوقت هي متاغظه منها ونفسها تولع فيها

... نسرين دخلت عليه.. وهو قام من مكانه ولسه هيحضنها ويسلم عليها، بس هي وقفته واتكلمت بجديه: بدي اعرف.. شو يالي عملتُه مع هيدي البنوتهِ يالي بره 

-سليم حط ايده على دماغه بصده وقال في سره: شكلها باظت خاالص 

نسرين:.............. 

                ****************

منزل احمد الاسيوطي 

-ياسر: يلا يا ماما سلام 

الام : رايح فين يابني 

ياسر: رايح عند الواد ادهم اقعد معاه شويه 

الام ا: ماهو كان لسه عندنا امبارح 

ياسر: اه.. ما انا عايزه في موضوع كده

الام: طيب يا حبيبي.. ربنا يسترلك طريقك

-ياسر لسه بيفتح الباب عشان ينزل.. شاف ندى واقفه قدام الباب وبتعيط... ياسر اتخض عليها: ندى في اي مالك... بتعيطي كده ليه.. حصل في الشغل 

ندى وهي تدخل:لاء لاء محصلش حاجه 

الام بخضه:مالها ندى يا ياسر...دخلت الغرفه وراها..بس ندى قفلت الباب وفضلت قاعده بتعيط ومش راضيه تفتح لحد 

ياسر:طيب يا امي انا هنزل...ولما تهدى كده ابقي اتكلمي معاها وشوفي مالها...وابقي طمننيني عليها 

الام بقله حيله:حاضر يابني 

-ياسر خرج من البيت وهو هيتجنن ويعرف اخته مالها....ركب العربيه ومشي في طريقه الى ادهم 

..وصل 

عند ادهم في الداخل ~

-ادهم كان قاعد بيكلم واحده صحبته 

-مالك بس يا ناني 

=سحلانه منك يا وحش انت 

-والله كان نفسي اجي العيد ميلاد،بس بجد كنت تعبان اوي..بس اوعدك هديه هتيجي لغايه عندك وفوقيها بوسه كمان 

=لاء انا اجي اخدها بنفسي ههيههيه

-ناني..انا مش بتاع الكلام ده 

=ياواااد...انت هتقولي 

~ادهم لسه هيرد عليها الباب خبط 

-طب اقفلي انتي يا نونا دلوقتي،وهكلمك بعدين 

..ادهم فتح الباب ولاقه ياسر في وشه 

ادهم وهو يحضنه:ياسو حبيبي..اي ياض لحقت اوحشك 

-ياسر وهو يدخل بلا اهتمام لكلامه:كنت بتعمل ايه ياض.....في ريحه سجاير 

ادهم بصدمه:سجاير ايه الله يخربيتك...هتجبلي مصيبه 

ياسر بجديه:طيب اقعد عايز اتكلم معاك في موضوع كده 

ادهم:طيب استنى اقوم اجيب حاجه نشربها 

ياسر وهو يضربه:هو انا غريب يا بغل انت....ما انا لو عايز حاجه هقوم اعملها 

ادهم بوجع مصطنع:ااااه..ايدك تقيله يا طور انت 

ياسر بجديه:ادهم تعرف ايه عن تامر 

ادهم بأرتباك:هعرف ايه يعني عنه..عادي مجرد صحاب بس 

ياسر بشك:لاء انت تعرفه كويس..اتكلم انا شاكك في تامر ده....اصل منه صاحبه ندى كلمتها النهارده وقالتلها انها شافت منار وتامر في الغردقه،وتامر مكنش 






عايزها تتكلم مع منار عشان متفتكرش حاجه


ادهم اتفأجأه من كلامه جدا مكنش يعرف ان الموضوع وصل لكده:طيب بص انا هحكيلك اللي اعرفه عشان واضح كده ان في خطر كبير على منار 

ياسر بتركيز:قول انا سامعك 

اتنهد ادهم وبدأ الكلام: انا من حوالي شهرين كده، كنت رايح مستشفى اقدم على شغل... شوفت سليم قاعد وعليه كدمات كتير ومتجبس.. سألته مالك يا سليم وايه اللي حصل قالي انه عمل حادثه هو ومراته ده حتى ماقليش اسمها. المهم سألته هي عامله ايه دلوقتي قالي انها فقدت الذاكره  بس واطمنت عليه شويه ومشيت من ساعتها مشفتهوش تاني، اخر مره كلمني امبارح لما كنت عندكوا، وقالي انه مش عايزاه تفتكر اصلا، طبعا انا سألته ليه يعني.. حسيته ارتبك كده شويه 




وقالي ان كان فيه مشاكل بينهم ومش هايزاه تسيبه وقالي كمان بلاش ندى تعرف اني كلمتك.. طبعا انا شكيت في الموضوع ده، بعد ماروحت سألت صحابي عليه ودورت كتيره وراه لغايه ما اتأكدت انه... ادهم سكت وحط وشه في الارض بيأس 

ياسر بخضه: انه ايييه انطق 

نظر له ادهم: انه قتال قتله.... وبيشتغل في الاعمال المشبوهة في الشركه وكمان بيصدر حاجات مش معروفه وكل ده مخبيه ورا الصفقات اللي بيعملها 

ياسر: اكيد كده منار في خطر ولازم نلحقها 


♡منه وصلت لمنار، تفتكروا منار هتفتكر كل حاجه؟ 

♡وايه اللي هيحصل لما تامر يعرف انه انكشف؟ 

♡تفتكروا منه هتكمل مع سليم لو عرفت انه متجوز؟ 

♡مين ريناد دي وايه حكاياتها مع سليم؟ 

♡عمر هيوصل لندى ازاي تاني؟ 

تعليقات



حجم الخط
+
16
-
تباعد السطور
+
2
-