رواية عشق المراد
الفصل الثاني والعشرين
بقلم نورا رمضان
عند عشق ورزو صحيوا وفطروا وراحوا عند مراد
دخلوا المستشفي وسألوا الدكتور علي مراد إذا كان فاق أو لا
الدكتور : للاسف لسه مفاقش ممكن يفوق بليل ولو مفاقش هيدخل في غيبوبه
عشق مشيت وهي حزينه ركبوا تاكسي عشان يروحوا الكافيه
موبايل عشق رن وكانت ملك
ملك :عامله اي ومراد فاق ولا لا
عشق :بحاول اكون كويسه ولا لسه مفاقش الدكتور قال لو مفاقش بليل هيدخل في غيبوبه
ملك :أن شاء الله هيفوق وهيرجعلك احسن من الاول
عشق :يارب ياملك
ملك :انتي قولتي لجده ولجدته
عشق :لا نسيت خالص بس هقولهم بعد ما يفوق أن شاء الله
ملك :ماشي انتي فين دلوقتي
عشق :رائحه الشغل
ملك باستغراب :رايحه شغل ليه ومن أمتي وانتي بتشتغلي
عشق :ده موضوع طويل هحكيهولك بعد مخلص شغل
ملك :ماشي خلي بالك علي نفسك ربنا معاكي
وقفلوا
وصلوا الكافيه ودخلوا
بنت ندهت علي روز
روز راحتلها
روز:اي
البنت :استاذ احمد عايز حضرتك
روز :تمام ريحاله
البنت مشيت
روز لعشق :روحي غيري وانا هشوف هو عايز اي وهجيلك
عشق :تمام
عشق راحت تغير هدومها
وروز راحت لاحمد صاحب الكافيه
روز بغضب :نعم حضرتك
احمد : انتي بتكلميني برسميه ليه وكنتي فين امبارح روحت عشان اصالحك ملقتكيش في البيت كنتي فين
روز :اولا بكلمك برسميه لاني موظفه عند حضرتك ثانيا ملكش حق انك تسال انا كنت فين وملكش اي حق عليا
احمد بغضب : موظفه عندي ومليش حق اسال كل ده عشان بنت كانت هتقع امبارح وراحت مسكت فيا هو انا اللي قولتلها تمسك فيا انا مالي
روز بغضب :ذنبك انك سبتها تمسك فيك انا مشوفتهاش كانت بتعمل اي كانت بتشم ريحتك وهي مستمتعه كنت زقيتها انا مش عارفه ازاي سيبتها ومشيت كان لازم اجيبها من شعرها بنت الك*لب دي
احمد وهو بيهديها :خلاص انا غلطان اسف يستي واي بنت هلاقيها ماشيه جنبي هبعد عنها عشان متقعش وتمسك فيا خالصين
روز بهدوء:خالصين
احمد طلع ورد وشكولاته من الدرج :خدي دول كنت جاي اديهملك امبارح وملقتكيش في البيت
روز خدتهم بفرحه :شكرا
احمد :مكنتيش في البيت امبارح ليه وروحتي فين
روز :هحكيلك وقالتله علي موضوع عشق ومراد
احمد :ربنا يشفيهم خليها متشتغلش كتير عشان متتعبش
روز :وانت مهتم بيها ليه ياض
احمد بصدمه :نعم دي صحبتك وبقت زي اختي اي النكد ده
روز :انا نكد يا احمد
احمد بسرعه :لالاا انا اللي نكد خلاص اتصالحنا
روز :اتصالحنا
احمد :انتوا هتروح عند مراد بعد الشغل
روز:اه هنخلص وهنروح
احمد:طيب هاجي اوصلكوا واطمن عليه
روز :تمام انا هروح اكمل شغل
احمد :ماشي ياروزي
روز ابتسمتله وخرجت
عشق شافتها
عشق بغمزه :الله علي الرومانسيه الله ورد وشكولاته
روز :جايبهملي عشان يصالحني بيهم ده مبيجيبش غير لما بنتخانق
عشق :ربنا يخليكوا لبعض
روز :يارب يلا عشان نخلص ونمشي احمد هيودينا المستشفي عشان يطمن علي مراد
عشق:ماشي
روز :وبيقولك متشتغليش كتير عشان متتعبيش انا حكتله عنك انتي ومراد
عشق :ماشي يحبيبتي
وحل اليل
عند اسد اول ما صحي من النوم اتصل علي ملك
ملك ردت بخوف:الو انت عامل اي كويس صح قبضت عليهم انت هترجع أمتي
اسد :اي حيلك حيلك اي كل الاسئله دي انا كويس الحمدلله وكسبت المهمة وقبضت عليهم وطلعت منها سليم اي سؤال تاني
ملك : الحمدلله انك بخير هترجع امتي
اسد :بكره الفجر
ملك :ترجع بالسلامه
اسد :بس شكلك بتخافي عليا
ملك :بس ياض انا خايفه علي الناس اللي كانو ممكن يتاذوا لو حصل انفجار*ر
اسد:هعمل نفسي عبيط
ملك :اسد انت اطمنت علي مراد
اسد بعدم فهم : ليه ماله مراد انا مكلمتهوش من ساعه مسافر
ملك :مراد عمل حادثه
اسد بخوف:حادثه اي وبقي عامل اي
ملك :لسه مفاقش وانا كلمت عشق امبارح وقالتلي
اسد بخوف علي صاحب عمره:طب ابعتيلي رقم عشق بسرعه يملك
ملك: حاضر هبعتهولك
ملك بعتتله الرقم
اسد اتصل علي عشق
عشق :مين
اسد :انا اسد يعشق مراد عامل اي دلوقتي
عشق :لسه هروحله المستشفي الدكتور قالي الصبح أنه هيصحي بليل وانا شويه وهروح
اسد :طيب اول متوصلي اتصلي عليا
عشق:ماشي ياسد بس متقولش لجدو سليمان عشان ميخافش
اسد :تمام
وقفلوا
احمد اخد روز وعشق ووصلوا المستشفي
عشق للدكتور :مراد فاق
الدكتور :ايوه فاق من شويه
عشق :ينفع ندخله
الدكتور :ينفع بس متطولوش جوه لانه خطر عليه
عشق براحه :حاضر
دخلوا اتعقموا ودخلوا لمراد
احمد بصدمه :مراد
مراد :احمد