رواية عشق المراد
الفصل الرابع والعشرين
بقلم نورا رمضان
عند عشق ومراد صحيوا
عشق : صباح الخير يا مرادي
مراد بتعب بسيط:صباح الخير يا حبيبتي
عشق: انت تعبان اجبلك الدكتور
مراد :لا لا ده تعب بسيط
عشق قامت :هروح انده للدكتور
مراد بتعب:ماشي
عشق راحت قالت للدكتور يجي
عشق رجعت عند مراد والدكتور دخل وكشف علي مراد
الدكتور :هديك دلوقتي مسكن يهدي الوجع شويه
واداله المسكن ومشي
عشق:احسن دلوقتي
مراد براحه :اه الحمدلله الوجع هدي
عشق:طيب انا هروح اجيب هدوم ليك من الفندق وهجبلك اكل
مراد: اصبري لما احمد ييجي ويوديكي هناك عشان مش هتعرفي تروح لوحدك
عشق:لا متخافش هعرف اروح
مراد :ماشي بس ازاي بتعرفي تتكلمي فرنسي
عشق:كنت بذاكر كتير وبحب اني اتعلم اللغات بعرف اتكلم انجليزي وفرنسي وتركي
مراد بانبهار: ماشي يحبيبي انا محضرلك مفاجاء بس لما نرجع مصر
عشق: مفاجأة اي
مراد:ما انا لو قولتلك هيا اي مش هتبقي مفاجأة
عشق:طيب هنرجع مصر أمتي
مراد : بعد اسبوع أن شاءالله
عشق :تمام هات مفتاح الجناح
مراد :مش معايا روح الفندق وهما عارفينك وهيدهولك
عشق:ماشي سلام يحبيبي
مراد : سلام يعشقي متتاخريش وخلي بالك من نفسك
عشق:حاضر
خرجت عشق وراحت الفندق جابت لبس لمراد واخدت دش ولبست ونزلت ركبت تاكسي
عند اسد صحي وحضر هدومه وراح ركب عربيته عشان يرجع القاهره واتصل علي ملك
ملك ردت بنوم :الو
اسد:هو اي اللي مين انا اسد
ملك بنوم :وانا زرافه
اسد :شكلك نايمه فوقي يماما هو اي اللي انا زرافه
انتي هبله ولا عندك خال اهبل
ملك بدأت تفوق:متقولش علي خالو اهبل لو سمعك هيموتك ياض
اسد :يابت اتلمي انتي لسانك متبري منك دايما
ملك :خلص ياض وقول عايز اي
اسد :ياض علي العموم انا راجع القاهرة ولما مراد يرجع ويبقي كويس هاجي اتقدملك
ملك بكسوف:ترجع بالسلامه
اسد:عامله نفسك مكسوفه ده انتي جعفر
ملك قفلت في وشه
اسد بضحك :مجنونه والله
عند ملك لبست وفطرت ونزلت الجامعه
عند محمد ابو ملك
محمد :مالها ملك يوفاء
وفاء:هقولك وحكتله عن اسد واللي ملك حكتهولها لما كانت بتحلم أن اسد مات
محمد :ماشي بس خلي بالك منها ومتتكلمش معاه وهما لسه مفيش بينهم حاجه رسمي
وفاء:حاضر يمحمد
ونزل محمد علي الشغل وقامت وفاء تعمل الغدا
عند سليمان وزينب اتصلوا علي مراد واطمنوا عليه
سليمان :اومال فين عشق
مراد :راحت تجيبلي هدوم من الفندق وجايه
سليمان :خلي بالك منها ولو زعلتها منك علي اللي هعملوا فيك
مراد :علفكره انا اللي حفيدك مش هيا
سليمان :دي حفيدتي زيك
مراد :حاضر يجدو هخلي بالي منها دي فقلبي
زينب :انت بتحبها يمراد ولا عايز تطلقها
مراد قلبه وجعه لما قالت تطلقها هو يستحيل يقدر يعيش من غيرها :لا مش هطلقها ولا هبعد عنها غير لما اموت دي مراتي وبنتي وحبيبتي وكل حياتي هي الشمس اللي نورتلي حياتي
زينب :ايوه ايوه واخيرا مراد بقي بيحب
مراد :انا بعشقها
سليمان:ربنا يسعدكوا يابني ويبعد عنكوا العين
مراد:يارب يجدي
سليمان :سلام يمراد هكلمك بليل هسيبك دلوقتي ترتاح
مراد :سلام وقفل
دخلت عشق
مراد : اتاخرتي ليه
عشق :كده اتاخرت ده هما ساعه
مراد :كأنها سنين مش ساعه
عشق :يلا جبتلك هدوم يلا غير هدومك وانا هروح اجيبلك اكل
مراد وهو بيمثل التعب :مش قادر اغير غيريلي انتي
عشق بخجل :لا مش هينفع عيب
مراد : عيب اي انا جوزك خلاص يستي هحاول البس وعمل أنه مش قادر
عشق :خلاص هلبسك
وراحت تغيرله تحت خجلها وهي بتحاول مبتصش عليه
خلصت
عشق :هروح اجيبلك اكل وجايه
مراد :ماشي خلي بالك علي نفسك
عشق :ماشي يحبيبي
وراحت تجيب اكل لمراد
عند ملك رجعت من الجامعه وفاء قالتلها أنها قالت لمحمد علي اسد وقال متتكلمش معاه
ملك :هو اتصل بيا انهارده وقالي أنه راجع ولما مراد وعشق يرجعوا ومراد يتحسن هيجي يتقدم
وفاء:ماله مراد
ملك حكتلها أنه عامل حادثه
وفاء:ربنا يبعد عنهم العين ويسعدهم ويحفظ عشق دي طيبه وغلبانه
ملك :يارب يماما
وفاء:ربنا يتمملك على خير بس متتكلميش معاه عشان ابوكي يرضي يوافق
ملك :حاضر يماما
وفاء:يحضرلك الخير يحبيبتي يلا عشان تتعشي وتنامي
ملك خرجت اتعشت وراحت تذاكر وبعدها نامت
عشق رجعت بس اتصدمت لما لقت بنت قاعده مع مراد ومراد بيتكلم معاها وبيضحكوا
عشق بصدمه : مراد