Ads by Google X

القائمة الرئيسية

الصفحات

رواية تورط بها الفصل الثامن8بقلم ايمان


رواية تورط بها 
الفصل الثامن8
بقلم ايمان



أيه خلاص ماشية ياهادية
أيوة يا طنط خلاص حرجع بيتى واسفة انى خبيت عليكى الحقيقة بس ده كان بطلب من أكرم بيه
على فكرة أكرم حكى


 لى من اول يوم عل  كل حاجة هو عمره ما خبى عليا حاجة ابدا وانا اللى قولتله يخليكى فهمه انى معرفش حاجة عشان ما تتحرجيش 
عنان : يعنى انا بس اللى مكنتش اعرف
اكرم بحزم : خلاص بقه يا عنان وانتى يا هادية حتمشى دلوقت
ايوة خلاص حقى رجعلى والحمد لله متشكرة ليك بجد 
طب وشغلك
حفضل فيه لو معندكش مانع 
طبعا معنديش مانع
طيب اشوف وشكم بخير يا جماعة
استنى انا حوصلك يلا بينا
طب الشنطة
سيبى الزفته هما حيجبوها 
بس لو مكنتش حمقى كنت تبقه جميل
هه بتقولى حاجة 
أنا ابدا
فانفجرت الام وعنان فى الضحك

ياااااه كنت وحشنى اوى اوى يا بيتنا أخيرا رجعتلى ورجعتلك وان شاء الله حوضبك وامحى اى اثر لزفته دى وبنتها وارجعك زى ما كنت 
ثم انتبهت على رنين هاتفها
سندس : أوووف اخيرا ظهرتى ياست هادية
ايه مالك فى ايه




شهر شهر بحاله مختفية ومش عارفة اوصلك تلفونك مقفول وجتلك اسأل عليكى أنوار قالتى بكل برود معندناش حد بالاسم ده وكان فضلى شوية وابلغ البوليس باختفائك
فانفجرت هادية فى الضحك
بتضحكى يابرودك 
معلش معلش بقولك ايه ما تيجى احسن عشان نتكلم برحتنا لحسن الكلام فى التلفون مش حينفع
اجيلك اجيلك فين
فى بيت ابويا انا رجعت بيتنا تانى
هو ايه الحكاية بالظبط
حكاية طويلة يا بنتى مش حتتفع فى التلفون
خلاص حقفل واجيلك هوا
قشطة

سندس بصدمه : ايه بتقولى ايه أكرم الشهاوى كده مرة وحدة
يسلام قال يعنى البت تعرفه
هو صحيح معرفوش شخصيا بس بشوف اعلانات المجموعة بتعته عن الابراج والفيلال اللى تخبل اللى بيعملها دا غير الصور اللى بتتنشر ليه كرجل اعمال من الكبار يابنتى دا مز المزز
ماهو انتى لو اتعاملتى معاه مش حتقولى كده دا جد بطريقة خنيقة يابنتى وما يعرفش يعنى ايه هزار ولا حتى بيضحك زينا





يابنتى رجل اعمال وفالسن الصغيرة دى اكيد لازم يبقه جد اوى المهم محصلش بينكم اى انسجام غرام هيام
بص البت اقولها ايه تقولى ايه يابنتى انا وهو شخصيتين عكس بعض تماما تقومى تقولى انسجام وبتنجان انتى هبله
والله انتى اللى هبله بقه تقعدى فبيت أكرم الشهاوى اللى بنات وستات مصر كلها بتجرى وراه المده دى كلها وتطلعى ايدك فاضية 
طب بس بس بلاش هبل قوليلى الدراسة حتبتدى امتى
كمان أسبوعين
حلو اكون وضبت الشقة وارتحت شوية

هى هادية بتيجى الشركة يا أبيه
لا هى اتصلت بيا بعد ما روحت وقالت انها محتاجه اسبوع اجازة توضب فيه شقتها
دى وحشتنى اوى
هى لحقت دى مبقلهاش تلات ايام ماشية 
بس وحشتنى بجد كانت ماليه عليا البيت وبنرغى سوا اغلب الوقت
الام : كده يعنى انا مش ماليه عليكى البيت ياعنان
ابدا يا ماما مقصدش بس هادية من سنى وكمان دماغها شبه دماغى اوى وهى لذيذة وحبوبة اوى وطول الوقت كانت بتضحكنى





سهيلة وهى تكمل وضع الطعام : فعلا هادية كانت عاملة جو من السعادة والفرح فالبيت كبير جدا
أكرم : حتى انتى يا سهيلة 
ثم شرد بعيدا وتركهم يكملوا حديثهم عنها فيما كان يتذكر بعضا من مواقفها المزعجة معه عندما رأها أول مرة وفى اول يوم لها 




فى العمل وهى تلقى النكات على الموظفين وعندما وضعت له الشطة فى الطعام فلاحت ابتسامة كبيرة على وجهه الذى افتقد معنى الابتسام منذ زمن بعيد 
فمالت عنان على أذن والدتها قائلة : الحقى يا ماما اكرم بيبتسم





فنظرت له والدته لتجده غارق فى شروده : اكرم اكرم
ايوة يا ماما فى حاجة
سرحان فايه ومش بتاكل
لا ابدا مفيش . بقولك ايه يا عنان تحبى تزورى هادية
بجد يا ابيه طب يلا بينا
ايه على طول كده مش تشوفيها فالبيت ولا لا واذا كان ممكن تزوريها
حالا حالا حتصل بيها
الام : طب كملى اكلك الاول
لا لا شبعت واخذت تركض لحجرتها لتتصل بها ثم عادت سريعا تقول يلا بينا يا ابيه 




ايه موجوده فى البيت
ايوة وفرحت اوى انى حزورها يلا بقه




ايه حتروحلها بلبس البيت
يوووه طب انا حطلع اغير هوا



تعليقات