Ads by Google X

القائمة الرئيسية

الصفحات

رواية حب مستحيل الفصل الثالث عشر 13بقلم سارة اللومي

 


رواية حب مستحيل 

بقلم سارة اللومي 

الفصل الثالث عشر 


سكتنا احنا الإثنين شوية ..بعدين ابتدا يتكلم عن نفسه، و عن بيتهم و عن شغله مرات يسألني و بعدها يقطع لي الكلام و يكمل هو ، يبتدي موضوع بعدين ينسى كان بيقول ايه و يفتح موضوع ثاني ،  كان شكله بيضحك اوي ، وانا كنت بسمع و بس و بصراحة كنت مبسوطة من وجودي معاه و لو اني مش مبينة له ..كان زي طفل  بيحكي بلهفة و فرحة مرة يقعد  قصادي مرة يقف مرة يجي جنبي ، مستمتعة بكل كلمة كان بيقولها و لو أنه في اغلب الحالات ماكنش عارف هو بيقول ايه ، اهو اي كلام المهم ما يسيبنيش اطلع 🤣 

فضلنا على كدة يجي 3 ساعات ما حسيتش فيهم بقيمة الوقت كان بالنسبالي عمر بحاله ، ما طلعنيش من اللحظة الحلوة اللي انا كنت عايشاها غير صوت ماماته!

لقيتها بتفتح الباب و هي مستغربة! محمد انت هنا من امتى؟ ما روحتش الشغل النهاردة!!

- لا أنا وصيت صاحبي يمسك بدالي قلتله تعبان شوية 

- طيب براحتك




سابتنا و مشيت من غير ما تتكلم معاي بس انا بقيت في نص هدومي من الخجل! 

- مالك شكلك بقيتي زي الطمطماية؟ 

-  يا فضيحتي مامتك شافتنا قاعدين لوحدنا  هتقول عني ايه؟ ابعد  سيبني اروح !

مسكني تاني من ايدي بعدين شال ايده بسرعة  لما شافني ببص لايده بغضب

-  آسف ...اسف بس و حياتك ما انتي مروحة  ! و إن كان على امي انا هكلمها ما تخافيش منها هي طيبة  مش هتقول حاجة، و بعدين كنت طول الوقت أنا بتكلم انتي ما اتكلمتيش خالص مش عايزة انتي مثلا تتعرفي علينا! قصدي على عيلتنا   طبعا.

قلت له بإبتسامة ماكرة : لا ما أنا عارفة عنكم كل حاجة مش محتاجة اعرف حاجة ، مش انا كنت بزوركم من لما كنت في الاعدادي ! 

-  ااااه ، للأسف عرفت ده امبارح ، 

- اه   من حق نسيت اسألك! هو انت مش اتجوزت؟مروة مش كدة؟ 

فجأة لقيت وشه جاب الوان  و الفرحة اللي كانت في عيونه اختفت: من فضلك بلاش نفتح السيرة دي ،مش عايز اتكلم عنها " 

بصيت له  من تحت لقيته تقريبا عايز يعيط ، قلتله بخوف -طيب انا طالعة دلوقت البنات يصحو و ما يلاقونيش , عن إذنك" 

- مستعجلة على ايه ما لحقناش نتكلم براحتنا ايه اللي قالقك؟

- بقولك مامتك شافتنا سوى مش متعودة على الفضايح دي " 

- طب استناك بعد الغدا هنا .




- مش جاية هنام بعد الظهر مع البنات .

- لا هتيجي و لو ما جتيش و الله لكون انا جاي و قاعد وسطكم و اما نشوف هتنامي ازاي " قالها وهو بيضحك باستهزاء  .

وصلت الباب قلتله من غير ما ابص: اما نشوف"  

روحت  لقيت البنات لسة ما صحيوش ، صحيتهم و بدأت ارتب فالاوضة على ما يفطروا ، لقيت نفسي بفكر فيه و في كل كلمة قالها لي و كل نظرة و كل همسة وكل لمسة ، اتمددت على سريري و غمضت عيوني و انا بحلم بعيونه اللي كانت شايلة اعجاب و لهفة رهيبة ! اااااااه يا محمد لو تعرف قد ايه انا بعشق عيونك دي ! افتكرت وعدي لحياة ، انا صحيح وعدتها ما اخليهش يحس بحبي بس ما وعدتهاش ما احلمش بيه ، ذكرياتي دي الحاجة الوحيدة اللي ما اسمحش لحد ياخذها مني ،هو كدة كدة هيتجوز، مش هيفضل لي معاه غير ذكريات ، خايفة بس ما اقدرش اقاوم عيونه!

فتحت عيوني لقيت حياة واقفة فوق دماغي  " اللي واخذ عقلك يا عينيا !!

- اخصه عليك يا حياة حد يخض حد كدة عالصبح! 

- حقك عليا كنت بشوف اذا نايمة عشان اقفل الاوضة و اسيبك ترتاحي"

- أنام ايه يا مجنونة الساعة 10 الصبح عايزاني أنام زي الرجالة ؟  مامتك تقول عني ايه ؟

- و لا تقول و لا تعيد بعدين انا عارفة انك ما نمتيش طول الليل كنتي بتتقلبي كأنك نايمة فوق الشوك

- لا نمت بس مكنتش مرتاحة في النومة

- يا حبيتي قلتلك الف مرة  انا بالعاكي و هضماكي ،هيجيلك نوم ازاي و المحروس قاعد طول الليل تحت الشباك بيشرب سجاير ، الظاهر هو كمان ما جالوش  نوم  ! ربنا يستر بس.





- نفسي اعرف انتي بتعرفي الحاجات دي كلها ازاي !! 

- جرى ايه  يا بت انا اكبر منك و كل اللي عايشاه عشته قبل منك و اكثر كمان ، انتي نسيتي كنت بحكيلك ايه زمان! اه ماهو طبيعي تنسي ما انتي مش بتفتكري غير الحاجات اللي تخص محمد .

- لا يا ستي انتي غلطانة ، انا مش ناسية حرف من اللي قلتيه و ذاكرتي قوية حتى بالامارة اسمه سليم و كنتو بتلتقو انتي و هو قدام منبع عالطريق كل يوم اثنين و انتي رايحة السوق و بيديكي جواب تقعدي تقري فيه بالساعات ، هاه اكمل ولا بيكفيكي  ده! 

بصيت لقيتها بتبكي 

- آسفة يا حياة قلبت عليك المواجع ، الا هو لسة ما بينلوش أثر ؟ 

- لا و لا حد من عيلته حتى يعرف عنه حاجة من يوم ما سافر ، بقى له 4 سنين غايب محدش يعرفله عنوان.

- معليش يا حبيبي كل شيء قسمة و نصيب  يالا نقوم نكمل تنظيف -اه من حق انا نسيت اقولك! انا اتكلمت مع اخوكي النهاردة الصبح"

- و الله !!؟ و انا بقوووووول ماله متمدد تحت الشجر و بيحلم من الصبح !!! 😅 هاه و  اتكلمتو في ايه  بقى يا منيلة !

- ولا حاجة اتكلمنا عن عيلتنا و عن الجامعة و حاجات عادية 




- بس كدة ؟ 

- اه يا حياة بس كدة وبطلي زن بقى ما حصلش حاجة ! و بعدين كان  بيتكلم عادي مكانش وحش زي ما كنتي بتوصفيه  

-   بقى كدة يا ست بسمة ! بقى هو طلع كويس و انا طلعت العذول !  ماشي يا كلبة انا هطلع من وسطكم اما نشوف اخرتها معاكم ! 

- اخرتها خير يا حبيبتي ما تشغليش بالك انتي ، اااه بالحق هو قال كمان انه مستنيني بعد الغدا هعمل ايه دلوقت امك شافتنا مع بعض الصبح بصراحة بقيت في نص هدومي من الكسوف

- انا هتصرف ما تطلعيش و أعلى ما في خيله يركبه هيعمل ايه يعني !! 

- بيقول لو ما رحتش انا هيجي يقعد وسطينا 😂

- بصراحة يعملها الاهبل 😅 طيب انا طالعة اكلمه .

كملنا شغل و اتغدينا ، طلعت حياة حطت له صينية الاكل في الجنينة  و رمت عليه مية.

- انت ايه اللي انت هببته مع البت !



                        الفصل الرابع عشر من هنا  


لقراة باقي الفصول اضغط هنا

تعليقات