رواية تورط بها
الفصل السادس6
بقلم ايمان
عادت هادية من الشركة وكانت تشعر بعطش شديد فذهبت الى المطبخ لتشرب
مساء الخير يا سهيلة
مساء الخير يا هادية هانم
لا هانم ايه الله يكرمك هادية .هادية بس
حاضر . تأمرى بحاجة
ابدا انا دخله أشرب أيه ده أنتى عامله ملوخية وبامية الله انا بحب الاكل ده اوى بس مفيش بقه جنبهم قرنين فلفل
حامين كده يفتحو النفس
لا اصل الهوانم وأكرم بيه بالذات مش بيحبوا ابدا الاكل الحراق
اااه اكرم بيه مش بيحب الحراق أمال أنا شيفه شطه هناك اهو فمجموعة التوابل
ايوة اصل لما بيطلبوا منى اعملهم كشرى مصرى بحط فى الدقة بتعته شطة على خفيف هما بيحبوا كده
اااه قولتيلى طب بدام بقه حضرتى الاكل أنا حساعدك نحطه على السفرة
ايه لالا مايصحش ياهانم
هااا قولتلك ايه هادية وبعدين مفهاش حاجة يلا انتى طلعى الكام طبق دول وانا حجيب الباقى واجى وراكى هوا
جلس الجميع حول السفرة وما ان مد أكرم يده فى طبق البامية الذى أمامه حتى أخذ يسعل وبشدة
الام بفزع : مالك يا أكرم
فتناول على الفور كوب الماء الذى أمامه وأخذ يشرب بنهم ثم اعاده مكانه ليصيح : سهيلة يا سهيلة
فجاءته مسرعة : ايوة يا أكرم بيه
انتى مش عارفة انى مش بحب الاكل الحراق
ايوة طبعا يا فندم
طب اتفضلى حضرتك دوقى البامية دى
فأخذت شوكة من على السفرة وتناولت قليلا من البامية ليصبح وجهها مثل جمرة النار
هااا أيه رأيك
فأجابته بصعوبة : والله يا فندم انا محطتش فى الاكل اى شطة
فى هذة الاثناء غادرت هادية دون ان يشعر بها أحد المكان ركضا الى حجرتها وما ان اغلقت عليها الباب حتى استلقت على فراشها وهى تضحك عن أخرها فقد كان هذا انتقامها لما فعله معها فى الشركة
الام : فعلا يا أكرم الاكل مفيهوش حاجة حراقة ما أنا وأختك وهادية بناكل منه أهو
أكرم متذكرا : هادية هى فين مش كانت لسه قعدة هنا
عنان : يمكن شبعت فقامت
أكرم : شبعت ولا هربت
الام : تقصد ايه
أكرم : لاولا حاجة ثم أكمل فى سره أقسم بالله لاوريك
عامر أخيرا ظهرت
اه ياسيدى بعد لما جبتلك قرار الموضوع اللى كلفتنى بيه
هاقولى بقه يابطل وصلت لايه
بص ياسيدى البنت اللى اسمها هادية بنت وحيدة لاب وام متوفين الام ماتت بالكانسر والاب بعدها اتجوز جارتهم أنوار
وفعلا كانت اتقرت فاتحتها على ممدوح وبعد وفاة والدها سابها لان ابوها طلع ما يحتكمش على اى حاجة
أكرم : يعنى كل اللى قالته عنها كان مظبوط كمل وبعدين
المهندس ممدوح بقه عنده شركة او وجهه للنصب على بنات الناس ورجال الاعمال كمان بيحب يرتبط بالبنات المتريشين بس بشرط تكون يتيمه اب ام او الاتنين يكون أحسن وهو بقه يعمل الصدر الحنون اللى حيعوضها عن اللى مفتقداه لحد لما يقلبها فى قرشين محترمين ويخلع
أكرم بشرود : اه اه كمل
أما أنوار بقه دى ست مصيبة انت وقعت فيها هى وبنتها ازاى يابنى ملقتش غير دى
يعنى ايه ملقتش غيرها ؟؟؟
ايه يا حبيبى حتخبى عليا ما انا وانا بجمع معلوماتى عنهم عرفت انها هى وبنتها فردين شباكهم حوليك اليومين دول وان انت بتتقابل معاهم فى النادى وأماكن أخرى
فانفجر أكرم فى الضحك قائلا : حتى دى عرفتها لا كده تبقه جايب معلومات دقيقة جدا
لا بجد يا أكرم أيه حكايتك مع الناس دى
لا حكاية ولا رواية سيبك من الكلام ده دلوقت خلينا فى المهم
ايه بقه المهم
انا عوزك تدخل ممدوح معانا فمشروع ومشروع كبير أوى وتديله
صلحيات وامتيازات على قد ما تقدر انت بتقول ايه يا أكرم بقولك نصاب محترف تقولى ادخله فى مشروع لا واديله امتيازات كمان
ايوة بالظبط كده
اكرم انت بتتكلم جد
جد الجد كمان عوزك تطمعه على قد ما تقدر وفالوقت نفسه تحطله
شروط جزائية تنسفه
ااااه انا كده فهمت كده انت اكرم اللى اعرفه انت عاوز تطلع على جتته اللى عمله فى بنات الناس
هو كده
يبقه اطمن دا انا حوضبهولك حتت دين توضيبه مفيش كده
هو أيه حكايه الحفلة اللى اخوكى حيعملها يوم الخميس هنا دى
مش عارفة والله يا هادية ملهاش مناسبة وبيقول انها حفلة مهمه
يمكن حيخطب
لا مش ممكن
ليه يعنى مش راجل زى باقى الرجاله وبيخطب ويتحوز هو كشرى صحيح بس مز الحقيقة
انتى بتعكسى اخويا ادامى عينى عينك كده
لا صحيح هو ليه
متجوزش لحد دلوقتى يعنى راجل فى سنة ومركزة متجوزش ليه ولا اتجوز ومحصلش نصيب اقصد طفشها بتكشرته دى
فانفجرت عنان فى الضحك
هو انا كل لما اقولك حاجة تنزلى ضحك
اعملك ايه ما انتى اللى بتضحكينى
طب قوليلى ايه حكاية اخوكى ده
اكرم ماسبقلوش الجواز بس هو كان خاطب بنت عمى وكانوا بيحبوا بعض اوى
الله لما الحكاية كده متجوزهاش ليه
اصل بعد وفاة بابا حصلت ظروف كده خلت الجوازة ما تمش
أيه طلع الحاج مديون والمزة سابت أخوكى عشان محلتهوش حاجة زى ما الوا،،طى ممدوح عمل معايا
هه اه اه هو كده بالظبط هادية حببتى الله يخليكى ما تسأليش تانى فى الموضوع ده ولا تفتحيه مع اى حد هنا عشان أكرم ما يطربقش الدنيا على دماغنا ماشى
خلاص ماشى
بس ماقولتليش هو مين ممدوح ده
هه ممدوح انا جبت سيرة ممدوح
ايوة قولتى انها شكلها عملت زى ممدوح الوا،،طى ماعمل معايا
اه اه اصلى كنت اتخطبت لواحد وبعدين ظهرت ادامه وحده اغنى منى فسبنى وراح اتحوزها
ااااه
قوليلى هى الحفلات بتعتكم دى بتلبسوا فيها سوريهات وتلمعوا بقه وكده
فضحكت عنان عن أخرها ثم قالت : ايوة بنلبس سوريهات ونلمع ايه مالك قلبتى وشك ليه
اصل معنديش حاجات من دى
ولا انا
نعم
ايوة احنا من زمان معملناش حفلات فى الفيلا وعشان كده معنديش حاجة جديدة احضر بيها الحفلة
طب حنعمل ايه
ولا حاجة
ولا حاجة ازاى
بكرة حتلاقى أكرم باعت لينا مدام روز ومعاها مجموعة سوريهات نختار منها اللى يعجبنا
اه دا بالنسبة ليكى انتى ومامتك اما انا يعنى
انتى ايه
انا غريبة
اخص عليكى انا من اول يوم ليكى هنا وانا بعتبرك اختى وبعدين اياكى تقولى الكلام ده ادام اكرم انتى بدام هنا تبقى مسئولة منه ادينى حذرتك
بالفعل حضرت مدام روز ومعها مجموعة رائعة من الفساتين وتخيرت
عنان ووالدتها وهادية ما أعجبهن فيما أحضر أكرم طاقم خاص لتجهيز الفيلا للاحتفال