رواية دوار العمدة
بقلم انجي محمود
الفصل العاشر
جاسر.امسكي رني عليه وقولى إنك عايزه تقابليه
زهره ببكاء.حاضر الو الو يا حازم عايزه اقابلك ضروري لا مينفعش في التليفون خلاص ماشي هجيلك على نفس الكافيه سلام
جاسر.ها هتتقابلوا امتي
زهره.بكره الساعه ٨في كافيه......
جاسر.قسم بالله لو حصلها حاجه مش هيكفيني عمرك
عند مسعود وحازم
مسعود.هتفضل نايمه كتير كده فوقها يلا
حازم.ماتسيبها تنام يا بابا واحنا عايزينها تصحي بس ليه وكمان عندنا سفر بكره علشان ترتاح
مسعود بضيق.يا ياض ماتبقاش خرع بقي ما حبك ليها ده هو اللى خليها تهرب بس رجعتلى بنت منصور رجعتلى وهترجع كل حاجه ليا
فوقها يلا
حازم.حاضر حاضر ثم ذهب إليها وأخذ يمسح على وجهها
حازم.داليدا داليدا قومي يلا
مسعود.اوعا ياض انت ثم اخذ الماء وصبه عليها
داليدا.ها أنا بغرق الحقوني أنا فين
مسعود.ايه يا حبيبتي ده كله نوم انتي مابتنميش في بيت العمده ولا ايه
داليدا.عمي أنا جيت هنا إزاي سيبني امشي جاسر لو عرف هيقتلك يا عمي
مسعود بضحك.جاسر مين ده آه اللى عايزه تديه الورث كله واطلع من مولد بلا حمص لا انسي أنا هاخد حق كل جنينه صرفته عليكي وكمان هتتجوزي ابني علشان اعلمك الادب مره تانيه
داليدا.لا عمري ما هعمل كده أنا متجوزه وبحب جوزي وانت هتبقي اخرتك على ايده واللى انت صرفته عليه ده من فلوس أهلى انت ما دفعتش جنيه واحد ليا
مسعود.انتي بتردي عليا يا بنت ثم جاء ليضربها
حازم.بابا سيبها لو سمحت أنا هفهمها الموضوع ممكن تسيبنا وتخرج بس
مسعود.ماشي يا حليتها ثم خرج وتركهم
حازم.ايه يا داليدا مش راضيه تقفي في صفنا ليه انتي ناسيه إننا ولاد عم وفلوسنا واحده
داليدا بعصبيه.لا أنا ماليش أهل اهلى هما عيله المنشاوي وبس
حازم.بت أنا جايبها معاكي تراضي مش هتتعدلى هعدلك وكمان يا شاطره جوزك اللى هتموتي عليه ده هو اللي اتفق معانا على كده وكمان إدانا فلوس علشان نخلص منك
داليدا.لا انت كداب وعمر جاسر ما يعمل كده هو بيحبني
حازم.اهي الايام هتثبتلك اسيبك يا قطه تفكري سلام
داليدا.يارب انقذني منهم أنا ماليش غيرك انت فين بقي جاسر
مهران.عرفت داليدا فين وجايب دي معاك لي
جاسر.يعني عرفت مين اللى اخدها والعنوان هشوفه بكره جبت الهانم معايا علشان لو فكرت تلعب كده ولا كده اخلص عليها عالطول
جلال.ومين اللى عمل كده
جاسر.عمها وابنها
جلال.ابن ال.....مسعود خلاص خلص كل السماح اللى عندي ولو شوفته هقتله
جاسر.ماتقلقش يا بوي هيحصل
زينب.ماكنش العشم يا بنت أخوي منك لله على عملتيه
زهره لم ترد عليها
جاسر.مهران خدها احبسها فوق يلا لحد الصبح واطلع لمراتك يلا حد عرف غيركوا
جلال.لا يا ولدي خلصنا الفرح وجينا عالطول
داليدا.يا اللى هنا حد يجبلى اشرب هموت
دخل عليها رجل ضخم.مالك يا بت في ايه دوشتينا
داليدا بخوف.عطشانه ممكن تجبلى اشرب
الرجل.تشربي ايه انتي فاكره نفسك في الملاهي انتي مخطوفه
داليدا.ما أنا عارفه إني مخطوفه والله بس الملاهي بس اللى بيشربوا فيها ولا ايه تعرف أنا في شهر العسل بتاعي حصلى موقف اقعد وأنا احكيلك
بعد قليل
الرجل.يا خبر يا داليدا ده انتي مصيبه ايه كل المصايب اللى بتعمليها دي إلا قوليلى هو انتي متجوزه
داليدا.بقولك كنت في شهر العسل مع جوزي اومال يعني كنت مع طائر البطريق
الرجل.هو انتي ليه رغايه أنا دماغي كليتني منك ياريتني كنت جبتلك تشربي من الأول وخلاص
داليدا.بقي كده يا عوض أنا غلطانه إني بفرفش معاك بدل ما انت قاعد لوحدك بره
عوض.لا منا مش لوحدي معايا جيش بره بس مش عارف ليه ده كله يعني هو انتي اذيتي البيه في ايه
داليدا.بقي بذمتك ده منظر واحده تأذي يرضيك كده انت لو في فرح هتكمله لاخره ولا لا
عوض.طبعا لاخره
داليدا.اهو مسعود ده خطفني من نص الفرح وفرح مين اخواتي كمان وأنا هضطر إنهم يعيدوا الفرح تاني علشان ما بحبش حاجه تفوتني
عوض.لا ما يصحش بردوا المفروض كان خطفك في اخر الفرح
داليدا.قول بقي اديك لا تعرفني اهو وحكمت معايا تقولش قتلاه قتيل
عوض.ما تخافيش يا بنتي مش عارف البلد دي مابقاش فيها أمان ليه أنا هقوم اجيب اشرب علشان عطشت واجبلك معايا
داليد.مريسي بجد اخيرا صعبت عليك
في الصباح
جاسر.نفسي اللى اتفاقنا عليه تنسي حرف منه انتي سامعه
زهره.سامعه
جلال.اجي معاك يا ولدي
جاسر.لا يا بوي هروح لحالى واعاود ما تخافش
وصلوا الكافيه
اختفي جاسر عن الأنظار وكان كل انظاره مع حازم وزهره من بعيد
حازم.خير عايزه ايه مش خلصنا كل حاجه
زهره.لا ما خلصناش عايزه بقيت حقي وكمان عايزه اسافر أبدا حياتي من جديد
حازم.طب وجاسر مش حب عمرك
زهره.شئ ما يخصكش وكمان أنا عايزه أهرب قبل ما يشكوا فيا
حازم بضيق.ماشي هشوف واكلمك ومش كل شويه تتطلببني ممكن تكوني متراقبه
زهره.ما تخافش أنا كنت مركزه في الطريق وأنا ماشيه
حازم.ماشي سلام وهبقي اكلمك
زهره.عملت ايه فيها
حازم.وانت مالك ثم تركها وذهب
استغل جاسر ذلك وامر رجاله بوضع جهاز Gps في سيارته لتتبعه
زهره.عملت اللى عليا اهو ايه تاني مطلوب مني
جاسر.عمرو خد ارميها في الدوار وعينك ما تروحش عنها
ثم انطلق خلف حازم
مسعود.ما تمضي بقي يا بت خلصينا أنا تعبت
داليدا.اقتلني قبل ما تفكر في ده ومش همضي بردوا لا هبصم علش أنا أميه
مسعود جذبها من شعرها.بت انتي أنا صابر عليكي بقالى كتير انطقي بقي
داليدا بصراخ.سيبني بقي الحقوني يا ناس أي حد يلحقني
الاقها مسعود على الأرض حتي انجرحت من رأسها
داليدا.اه والله لقوملك بص بقي أنا مش خايفه منك ثم اقتربت منه وأخرجت السلاح بحركه سريعه
مسعود.داليدا السلاح يطول نزليه
داليدا.لا لازم اعرفك اصلك يا عمي عمي ايه يا مسعود أنا هقتلك و اخد حق اهلى ولا ماكنتش تعرف إنك السبب في قتلهم
مسعود بصدمه.انتي بتقولى ايه وعرفتي منين
داليدا ببكاء.سمعتك وانت بتتكلم مع ابنك وكنت بتتباهي اوي كأنه مش أخوك وكنت نفسك اموت معاهم بس ربنا كان عايزني أعيش علشان انت ما ترتاحش أبدا
مسعود.داليدا أنا عارف إني غلطان بس بس هتسامحيني صح أنا عمك بردوا ومش عايز أي حاجه منك
وفي حركه تمويه اقترب رجل منها واخذ المسدي
داليدا.اه
مسعود.بقي عايزه تقتليني يا بنت ال...أنا غلطان إني ما اقتلتكيش معاهم عالطول ثم اخذ يضرب فيها بكل قوه
حازم.بابا بتعمل ايه هتموت في ايدك
مسعود.لازم اقتلها عارفه كل حاجه عني ثم سمعوا اطلاق نار بالخارج
حازم. ايه في ايه بره اطلعوا شوفوا بسرعه
دخل جاسر المكان مع رجاله والشرطة
جاسر.دوروا فى كل مكان بسرعه
حتي انصدم من منظر حبيبته أمامه والدماء تسيل منها
مسعود.ابعد لأقتلها هخلص عليها وعليك
جاسر بغضب.هندمك على كل حاجه عملتها ثم اطلق الرصاص على قدمه
واخذت الشرطه القبض عليهم
جاسر.داليدا انتي كويسه داليدا اتكلمي علشان خاطري
داليدا.جاسر كنت متأكده إنك هتيجي وما صدقتش حد
كنت خايفه اموت قبل ما شوفك
جاسر.انتي هتبقي كويسه وماحدش هيقدر يكلمك ويلا نرجع بيتنا علشان نمليه بالفرحه تاني
داليدا.جاسر أنا بحبك اوي وعمري ما اتخلى عنك
جاسر.وانا يا قلب جاسر