رواية عشق احفاد الراوي
بقلم سلمي حجازي
التاسع عشر والعشرون
في صباح يوم جديد
استيقظ مالك مبكرا و نظر حوله فوجد شرفه الغرفه منفتحه و رحيم يقف بداخلها فذهب اليه ببطئ شديد حتى لا يراه فوجده يشب لاعلى حتى يستطيع رؤيه غرفه الفتايات
مالك / انت بتعمل اي يااض
رحيم / هاااا يخر*بيتك اسكت صوتك عالي
مالك / عليا النعمه لأف*ضحك بتعمل اي ؟
رحيم بتوتر / ما .. م ..مبعملش ي عم كنت بشم شويه هوا
مالك / شويه هواا ااه .. لا اسمع بق يرو*ح امك انت لو مجبتش من الاخر هاخد حركتك دى ع محمل تاني وانا الشيطان بيلعب ف دماغي واللي جوه دول مراتي تبقي منهم يعني ممكن تكون خ....
رحيم / اييييي يعمممم انت اتج*ننت مستحيل ... انا بس ... كنت ... كنت عاوز اشوفها
مالك بخبث / تشوف مين
رحيم / اا ... ف .. فريده
مالك / هه طب منا عارف انت مفكر يعني اني مش عارف وفكرتك بتعا*كس وكده ده انا لو شكيت لثانيه امو*تك فيها يرحيم انا بس كنت عاوزك تجيب من الاخر
رحيم / يا عم ده انت غتت
مالك / حبيبي عارف .... طب ما تقولها يخويا
رحيم / لا .. اقولها اي ... لا اصلا مش بحبها .... ولا بحبها ؟
مالك / اسألك مشاعرك يعني ولا احسلك ولا اعمل اي
رحيم / مش بقولك غ*تت
مالك / والله انت اللي عبي*ط
رحيم / بس انا شكلى بحبها .... بصراحه مش عارف
فريده / بس انا عارفه
انصدما رحيم ومالك عند سماعهم لصوت فريده الذي صدر من خلفهم فألتفوا الي مصدر الصوت فوجدوا فريده تقف ف الشرفه
رحيم بتوتر / اا ... انا ... انتي
مالك / انتي هنا من امتي
فريده / لسه خارجه سمعت صوت دندنه كده قولت اما اخرج اشوف في اي
رحيم / انتي قولتي انك عارفه ... عارفه اي
فريده / مال وشك مخطو*ف كده انا بس خرجت ع الكلمه دي ف قولت اغلس عليكوا .... انتو بتقولوا كلام سر ولا اي
مالك / يا شيخه لا سر ولا حاجه ده بس رحيم عاوز يقولك
رحيم / هاااااا بسسس اسكتت
مالك / مش ساكت
فريده / هو في اي
رحيم / مافيش حاجه ي انسه فريده احنا اسفين لحضرتك ع الازعاج عن اذنك
اخذ رحيم يد مالك ثم دخل الي الغرفه مره اخري
فريده / انسه ... و حضرتك !!! سبحاانه
عادت فريده الي الغرفه مره اخرى وبدأت فى استيقاظ الفتايات
فريده / اصحووووو عندنااااا فرررححح لولولولولولولوي
رنا بنعاس/ يبنتي بقا حرام عليكي سيبيني انام
فريده /من عينيا
احضرت فريده السماعات وبدأ تشغل بعض الاغاني المهرجانيه ثم رقصت عليها
ورد / ايوا بقاااا ي فرافيرووو لولولولولوي
كارمن / لالا يجماعه انا مبقدرش امسك نفسي رقصوني معاكوا
ف غرفه رحيم
حمزه / يووووه اي الوشش ده انا عااوز اناام مين اللي مشغل الاغاني دي
رحيم / الصوت جاي من اوضه البنات
حمزه / رنا متعملش كده اصلا ده مش زوقها ف الاغاني
مالك / و ورد هاديه وملهاش ف الدوشه دي
نظرا مالك وحمزه الي رحيم بخبث
رحيم / ااا ... مش هي .. لا ... انا اصلا مالي بيها انتو بتبصولي لي
حمزه / لا بجد مش هعرف انام ف الدوشه دي انا هكلم رنا تفصل البتاع ده
مالك / قال يعني انت مسيطر اوي وهتسمع كلامك
حمزه / حبيبي انا بقول الكلمه مبتنيهاش اصلا دي بتترعب مني
رحيم / بجد يعني انت مسيطر وكده
حمزه / اه طبعا يابني
مالك / طب يلا ورينا
فى غرفه ورد
رنا / بسسس افصلوا الوش ده حمزه بيتصل
فريده / مش فاصلين حاجه يسكر عندك البلكونه اهى اخرجي كلميه براحتك ... يلا هزيي ي كووكوو
خرجت رنا الي الشرفه وقامت بالرد ع اتصال حمزه
رنا / الو ي حمبوزو
حمزه / قلب حمبوزو من جوه ممكن يروحي تقفلي الصوت عشان مش عارف انام خالث لو مش عاوزه تطفيه خلاص يروحي مش مهم
رنا / هطفهولك يحمبوزو من عينيا
حمز / الله قولي حمبوزو كده تاني
رنا / حمبوزو
حمزه / الله عسل عسل
ضحك مالك ورحيم بشده ع طريقه حمزه مع رنا
مالك بضحك / لا مسيطرر اوي يحيلتهاا
رحيم بضحك / حمبوزو
حمزه / لا ع فكره دي بتخاف مني جامد
مالك / لا ماهو باين اهو حتى بالاماره الاغاني طفت
حمزه / البنات عاوزين يفرحوا اي ميفرحوش يعني ولا اي
رحيم / لا طبعا يفرحوا ازاي
ف غرفه ورد
رنا / لو سمحت ي فريده اطفي الاغاني دي
فريده / لي بقا ان شاء الله
رنا / كتكوتي عاوز ينام
فريده / كتكوت مين لامؤاخذه
رنا / حمبوزو
فريده / بس ي ماما اتكلي ع الله انتي وكيس البوزو بتاعك ده
رنا / فريييدههه مسمحلكييش تقولي ع حمبوزو كده
ورد بضحك/ بصراحه يرنا الاسم فصيل اوي ده حتى الراجل بدقن وطول بعرض تقوليله ف الاخر حمبوزو
كارمن بضحك/ همو*وت بجد والله مش قادره
رنا / والله انتو كلكوا غلسين اوي
بعد مرور بعض الوقت اجتمع الجميع ف الاسفل ع طاوله الطعام لتناول وجبه الافطار فى جو لا يخلو من المرح
سناء / بنات انا كلمتلكم مصممه ازياء هتيجي النهارده ومعاها شغلها وتختاروا الفساتين اللي تعجبكم
تسنيم / ايوا وكمان بتعمل فساتين زفاف تحفه وردتي تختار احلى واغلي فستان
ورد / تسلميلي ي ماما ربنا يخليكي ليا
حمزه / طب وانت يحاج مكلمتلناش مصمم لي عشان نلبس بدل كده شياكه ف الفرح
رحيم / اكيد كلملنا يابني
الراوي / انتو اللي زيكوا يروح بجلاليب قال مصمم قال
منير / والله يبابا عندك حق
مالك / لا ده انا العريس متهزروش
ضحكت الفتايات بشده
فريده بضحك / والله يعمو عندك حق ويسلام بقا لو كانوا جلاليب بيضا لحد الركبه كده اوعاا
الراوي / والله يبنتي فكره حلوه هشوف الموضوع ده
حمزه / طب والله عيب لما هم يلبسوا فساتين واحنا جلاليب
رنا / متخافش ي حمبوزو هجيب جلابيه زيك مش هسيبك ابدا
حمزه / اصيله ي قلب حمبوزو
كارمن / انا بطني بتقلب من مح*نكوا ده والله
ورد / وحياتك ي كارمن كلنا مش انتي لوحدك
رنا / خلوا اللي يغير مننا يجي ويعمل زينا
حمزه / اديها واحده غيري مني و ولعي
قضوا جميعا وقت لا يخلو من الضحك والمرح ولكن ملك استأذن منهم جميعا واخذ ورد وذهب للخارج بعدما تحدث مع والده و جده
ورد / انت واخدني ورايح ع فين
مالك / هتعرفي بس لما نوصل
ورد / قلبي مش مطمن
مالك / عيب تقولي كده وانتي معايا انا عمري ما اضرك ده انتي اغلى من حياتي ي ورد والله
اخذ مالك يدها ثم قبلها برقه
ورد / بحبك
مالك / وانا كمان يوردتي
بعد قليل وصل مالك الي منزل احمد والد ورد ثم توقف بالسياره امام المنزل
ورد / مالك انت جيبتني هنا لي
مالك / ورد اسمعيني .... عمى اتغير بجد واشتغل وبطل شرب وانا اتأكدت من ده بنفسي وجالي اكتر من مره عشان يصالحك ويكلمك بس انا موافقتش غير لما اتأكد انه فعلا اتغير عشان تبقي مطمنه ... مش محتاجه اقولك انه بيحبك لانه طبيعي بيحبك ده ابوكى يعني اكتر واحد بيحبك ف الدنيا دي وبيخاف عليكي ... بعدي طبعا ... ف انا عاوزك تثقي فيا المره دي ومتخافيش من اي حاجه طول ما انا معاكي
ورد بدموع / انا نفسي والله اكلمه من زمان بس خايفه منه وكمان مش قادره انسي اللي حصل
مالك / اللي حصل خير ولولا اللي حصل مكناش انا وانتي بقينا مع بعض ولا اي
ورد / صح
مالك / طب يلا بينا
ورد / ماشي
صعد مالك ومعه ورد الي منزل احمد ثم دق مالك ع الباب اكثر من مره حتى فتح له احمد
احمد / ميين ... وررددد بنتيي وحشتييني اويي
ضمها احمد اليه وهو يفتقدها بشده وكأن روحه عادت اليه مره اخرى
ورد بدموع / بابا وحشتني اووي
احمد / وانتي كمان يحبيبتي
مالك / طب كفايه بق عشان جسمي بيقشعر من المناظر دي ... يلا ي عمي تعالي معانا عشان تجهيزات فرحنا ان شاء الله كمان يومين
احمد بفرح/ بجد الف مبروك يحبايبي ربنا يتمملكم ع خير
مالك / الله يبارك ف حضرتك ي عمي يلا عشان هتقضي اليومين دول معانا ف البيت كلما متجمعين
احمد / ايوا بس الشغل
مالك / انا كلمت صاحب الشركه واخدت منه اجازه
احمد / الله يكرمك يابني ويباركلك مش عارف من غيرك كنت هعمل اي
مالك / متقولش كده ي عمى انا معملتش حاجه
ورد / طب انا هدخل انا احضر الشنطه ارتاح انت ي بابا
احمد / تسلميلي ي بنتي
بعد قليل قامت ورد بتجهيز حقيبه والدها ثم ذهبوا جميعا الي منزل الراوي
بعد قليل وصلوا الي المنزل ورحب به الجميع وقام بالتعرف عليهم جميعا
جاءت مصممه الاذياء ومعها صور لجميع الفساتين الجديده والمختلفه ثم قامت الفتايات بأختيار اكثر من فستان ليقارنوا بينهم
رنا / حمبوزو اي رأيك ف الفستان ده
حمزه / حلو اوي يروحي انتي اصلا بتحلي اي حاجه
رنا / بجد طب واللون حلو
حمزه / ايوا وبصي ده كمان حلو اوي
بدأ حمزه بأختيار بعض الفساتين مع رنا ويتناقشوا بحب شديد وسعاده ايضا
كانت فريده تختار من بين الفساتين فوجدت رحيم يجلس بجانبها ويحدثها
رحيم / احم ... ما توريني كده اختار معاكي ده لو مش هيضايقك يعني
فريده / لا انا اصلا اخترت خلاص
رحيم / طب ممكن توريهولي
فريده / اهو ده
رحيم بعصبيه / نعاااااامممم
فريده / اي ف اي
رحيم / انتييي هتلبسسيي الفستان دهه
فريده / ايوا
رحيم / ده قميص نووم
فريده / احترم نفسك
رحيم / احترمي انتي نفسك ده مخبي اي ده ان شاء الله ده كل ده .... ده ... ده كل حاجه هتبان انتي عبيطه لا مستحييل
فريده / وانتت ماالك اصلاا البس اي ولا ملبسش اي
رحيم / لااا بقولك ايي ده فرح اخويا ولازم الكل يبقي لابس محترم اااه
فريده / طب ايي رأيك بقا انا مش هلبس غير ده
رحيم / طب ابقي البسيه كده وانا اوريكي
فريده / هاااا انت بتقولي انا كده
رحيم / اه وده اخر كلام عندي اقسم بالله ما اخليكي تحضري الفرح يا فستان محترم ي اما منتش رايحه
فريده / انتت مااالك انتت
رحيم / هو كده خلص الكلام
رحل رحيم وتركها و الد*ماء تغلي بداخلها
كان مالك يجلس مع ورد لأختيار فستان الزفاف
ورد / الله بس ي مالك الفستان ده
مالك / جميل اوي ... بس انا عاجبني واحد تاني اكتر
ورد / فين
مالك / ده
ورد / ايوا بس ده فستان محجبات
مالك / هتبقي جميله اوي ف الحجاب ي وردتي
ورد / انا نفسي اوي بس مش عارفه اخد الخطوه
مالك /بصي دول احلى اتنين واحد لو هتلبسي حجاب و واحد من غير هسيبك انتي واختيارك واي قرار هتاخديه انا معاكي فيه اهم حاجه تكوني مبسوطه
ابتسمت له ورد بحب ثم تركها مالك ورحل
عشق احفاد الراوي العشرون
بعد مرور يومان ( يوم حفل الزفاف)
كانت الفتايات تجتمع في غرفه ورد ومعهم صاحبه مستحضرات التجميل وبعض المساعدين لكي يقوموا بتجهيز الفتايات للحفل
فريده / لولولولولولولوي الليه ليله هنا وسرور وكوبايات وصواني بتدور
كانت ورد تجلس ويظهر عليها علامات التوتر
فريده / مالك ي بت ضار*به بوز كده لي ده النهارده فرحك
ورد بتوتر / لا .. لالا .. لا انا مش هتجوز لا
رنا / ورد فوقي اصلا انتي متجوزه كدا كدا احنا بس بنراضي ضميركوا بالفرح ده مش اكتر
ورد / ايوا صح ... بس انا كنت عامله حسابي اني هطلق اي اللي دخلني ف الحوارات دي
كارمن / اوف ... هو حد يطول يتجوز يبنتي وبعدين اي دماغ العيال الاندر ايدج دي خليكي ناضجه شويه ناقص تقوللنا ههر*ب
ورد / تصدقي كنت لسه هقولكم كده
فريده / ثانيه بس اندر ايدج اي ي كارمن فوقي انتي منهم
كارمن / لااااا انا كمان شهر وهتم ال 19 سنه خلاص
رنا / برضو لسه ثغننه خالث
كارمن / اسكتي انتي
رنا / استني يمااا .... يعني اي اسكتي انتي
كارمن بضحك / عرفتي بقا مين فينا اللي اندر ايدج يتافهه
رنا / يبنتي خفه الدم دي ملهاش دعوه بالتفاهه
ورد / يجدعان احنا ف اي ولا ف اي بقولكوا مش عاوزه اتجوز اتصرفوا
انهت ورد حديثها ثم وجدت صوت طرقات يصدر خلف الباب
فريده / مييييين
مالك / انا ... فين ورد عاوز اشوفها
ورد بفرحه / مالك حبيبي انا جيالك اهو
مسكتها فريده من ثيابها قبل ان ترحل
فريده / استني هنا يعسل رايحه فين؟
ورد / هشوف مالك وحشني اوي
فريده / نعم يماا
كارمن / انتي مش كنتى عاوزه تهر*بي من شويه
ورد / ايوا صح ... طب هشوفه بس وبعدين اهرب
رنا / بت انتي عبي*طه
فريده / امشي ي مالك ابقي شوف مراتك ف الفرح
مالك / لي مش دلوقتي
فريده / كده عشان هي لسه مجهزتش فلما تجهز ابقي شوفها وانبهر ف الفيرست لوك
كارمن / اه ي مالك وياريت لو حبه دموع كده عشان انزلها ع الفيس واعلي الريتش شويه
كان الشباب يجتمعوا خلف باب الغرفه ويتحدثون
حمزه / طيب رنا مش عروسه اكيد ينفع اشوفها عادي ف وسعوا كده بقا ... يا رنااا
رنا / نعم ي حمبوزو
حمزه / اخرجي ي كتكوته عاوزك
رنا / مش هينفع يحمبوزو والله كان نفسي
حمزه / لي بس احنا مالنا بالكلام ده هم عرسان اكن احنا لسه
رنا / لا منا نفسي مفتوحه للفيرست لوك ف هنعملوا احنا كمان
حمزه / فيرست لوك اي ي يحبيبتي هما هيحطولك سحنه غير سحنتك ماهو انتي زي ما انتي
رنا بغضب / هااا اخص عليك ي حمزه مش المفروض كل مره تشوفني فيها بالنسبالك اول مره ولا اي
حمزه / مش هينفع والله ي حبيبتي انا اول مره شوفتك فيها مكنتش طايقك اصلا
كان الجميع يضحك بشده ع طريقتهم ف الحديث
رنا / بقا كده ي حمزه طب متكلمنيش تاني
حمزه / بهزر معاكي ي كتكوتي ده انا كل مره بشوفك بحبك تاني من الاول
رحيم / طب وسع كده ي عم امير عيد ... وانتي يست ليلي ناديلي صاحبتك من عندك
فريده بابتسامه / خير انشالله
رحيم / احم ... كنت بس عاوزك ف كلمتين
فريده / لا
رحيم / احنا مالنا احنا لا مرتبطين ولا مخطوبين ولا هنتجوز
فريده / استعبط بقا
رحيم / اييه ؟!
فريده / مافيش بس انا مبتكشفش ع رجاله وبالذات لو رجاله حلوه
رحيم بابتسامه / طب ما الحلو للحلو ي حلو
ضحكت الفتايات بشده ثم صفقوا وقامت كارمن بالتصفير
فريده / احم .. بسس اسكتوا ... لو تكرمت يا استاذ رحيم تسكت خالص عشان انا والمصحف بضعف .... وبعدين اصلا انا مش بكلمك ويلا بقا اتكل ع الله عشان اكمل لبس
رحيم / طب ما اجى اساعد
فريده بهمس الفتايات / هااا احييييه ده طلع باد بوي اوي واو
ضحكت الفتايات بشده عند تفوه فريده بتلك الجمله
اكملت فريده حديثها وهي تتصنع الجديه
فريده / لو سمحت احترم نفسك شويه اي ده مينفعش كده
كارمن / يلا ي شباب اتكلوا ع الله بلا قله ادب اي ده عيب كده
مالك / يعني مافيش فايده
ورد / هخلص بسرعه يا ملوكي وهناديلك
مالك / ماشي يا وردتي
كانت الفتايات تكمل تجهيزها حتى جاء اتصال لرنا ع هاتفها فأجابت عليه
رنا / الو مين معايا
منال / ايوا ي رنا ي حبيبتي انتي فين
رنا بفرحه / ماما ... انتي ف مصر بتكلميني من رقم مصري بجد مش مصدقه
منال / ايوا ي حبيبتي انا وباباكي حبينا نعملهالك مفاجأه ولسه نازلين من الطياره حالا انتي فين
رنا / انا عند ورد عشان فرحها النهارده ... هبعتلك العنوان ف مسدج
منال / ماشي ي حبيبتي اهو حظنا نحضر الفرح معاكم وكمان نتعرف ع حمزه واهله
رنا بساعده / ماشي ي ماما انا هكلم حمزه وهعرفه كمان
منال / تمام يروحي يلا باي
رنا / باي باي ..... هييييييههه ماما وبابا نزلوا مصرر وجايين ع هناا
فريده / لولولولولوي
كارمن / ده اي اليوم القمر ده يولاد
ورد / مش فرحي لازم يبقي حلو ع الكل
شردت فريده وظهر ع وجهها علامات الحيره
رنا / اي مالك ي فريده سرحتي ف اي
فريده / مش عارفه البس اني فستان
رنا / ما تلبسي الفستان اللي اختارتيه اي خايفه منه ولا هتخليه يمشي كلمته عليكي
ورد / بس ي سوسه
رنا / لا بجد هو ماله اصلا وبعدين مافيش حاجه بينهم كدا كدا
ورد / بصوا احنا كده كده كلنا عارفين انهم بيحبوا بعض من الاخر
رنا / ماشي بس مقالهاش حاجه
كارمن / بسسس .... بصي ي فريده انتي معاكي الفستانين واحد هيزعله و واحد هيفرحه احنا مش هنقولك تلبسي اي احنا هنسيبك انتي تشوفي غلاوته عندك يا تزعليه ي تفرحيه وبس كده انتهي الكلام
ورد / عاش ي بت ي كارمن انتي كده جيبتي الناهيه
رنا / بس برضو ي بت ي فريده البسي ال ...
ورد / رناااااا
رنا / انا بس بقول رأي
ورد / لا متقوليش
ف غرفه الشباب
كان رحيم يتحرك ف الغرفه ذهابا و ايابا وكانه يفكر في شئ
مالك / يابني اتهد بقا روشتني
رحيم / ماهي لو لبست الفستان العريا*ن اللي اختارته ده انا ممكن ار*تكب جنا*يه
حمزه / استهدي بالله كده حوار الفستان ده جه بفايده اصلا
رحيم / ازاي يذكى
حمزه / يعني لو لبسته يبقي هي مبتحبكش ومش عاملالك حساب ي معلم ولو ملبستهوش ولبست واحد تاني يبقي هي كده عملت حساب ليك وبتحبك
مالك / ايوا صح
رحيم / ايوا برضو ماهي لو لبسته انا مش هعديها ماهو مش بمزاجها
مالك / هي بلط*جه يابني
رحيم / ايوا هو كده
حمزه / صحيح اهل رنا جم من السفر النهارده وجايين ع هنا
مالك / طب فرصه حلوه يحضروا الفرح وكمان نتعرف عليهم
حمزه / ايوا وهاخطبها رسمي بقا
رحيم / مش قبلي طبعا يحبيبي
حمزه / عاوز اي يعني ... انا مالي ومالكوا انتو الاتنين اصلا بتستعبطوا
رحيم / لا ماهو شغل الاستعباط ده هينتهي النهارده باذن الله
وصل اهل رنا الي المنزل وقامت العيله باستقبالهم حيث اخبرهم حمزه بخبر وصولهم الي مصر قبل وصولهم للمنزل
الراوي / اهلا اهلا وسهلا شرفتونا ونورتونا
مجدي / منور بأهله طبعا ... انا مجدي والد رنا
الراوي / اتشرفت بمعرفتك ي استاذ مجدي انا ابقي جد حمزه
منير / وانا ابقي والده منير
مجدي / اتشرفت بمعرفتكم والله
بدأ الجميع بالترحيب وايضا النساء قاموا بالترحيب بمنال
منال / اومال فين رنا والبنات
تسنيم / فوق بيجهزوا
سناء / تعالوا نطلع نشوفهم بقالهم كتير بيجهزوا
تسنيم / يلا وحتي الاستاذه منال تسلم ع بنتها اكيد وحشتها
منال / قوليلي منال من غير استاذه انا ارتحتلكم بجد كأنكم اخواتي
تسنيم / يحبيبتي احنا اكتر والله
صعدت النساء لأعلى وبدأوا ف الزغاريد حيث رحبت الفتايات بمنال وكان الجميع مستعد لحفله الزفاف
قامت تسنيم بالاتصال ع مالك لكي تخبره بأن الفتايات انهوا تجهيزهم وان يأتوا الي الغرفه لكي يأخذوهم
بعد قليل وجدوا صوت طرقات يصدر من باب الغرفه فعلموا انه مالك واخواته
فتحت تسنيم باب الغرفه وهي تزغرد حيث كانت ورد تعطي لمالك ظهرها حتى لا يراها وحين وصل اليها قامت بالنظر اليه وحين رأها وجدها ترتدي فستان زفاف للمحجبات فى غايه الجمال والرقه والذي زاده جمالا الحجاب التى ارتدته عليه فضمها مالك اليه بشده والسعاده تظهر ع ملامحه وعيناه يلمعان بشده حيث انه يشعر بأمتلاك العالم بأكمله وهو يضمها اليه وكانت ورد ايضا في غايه السعاده فهى كانت مطمئنه بين احضانه وتحول التوتر لديها الى الامان الشديد
كان الجميع فى غايه السعاده وهم يروا السعاده ع وجوهم
مالك / زيدتي الحجاب جمالا يا وردتي
ورد بخجل / بجد شكله حلو عليا
مالك /انتي بتحلي اي حاجه اصلا والله
ورد / بحبك
مالك / وانا كمان
كان رحيم خائفا بشده قبل ان يري فريده خائفا ان يجدها ترتدي تلك الفستان اللعين وخائفا اكثر من رد فعله تجاهها ولكن فرح بشده واطمأن حين وجدها ترتدي فستان من اللون الاحمر ذات اكمام طويله ويصل الي ركبتيها ويتسع من الاسفل وكانت تجمع شعرها بطريقه مرتبه وجميله وتضع القليل من مستحضرات التجميل فكانت حقا جميله للغايه
ابتسم رحيم حين رأها ترتدي تلك الفستان فهو محتشم كثيرا بالنسبه للفستان الذى كانت تريد ارتدائه
رحيم / شكلك زي القمر
فريده بخجل / شكرا ... ع فكره انا لبست الفستان بس ...
رحيم / ششش متتكلميش يفريده لو سمحت هتبوظي الدنيا بلسانك سيبيني زي ما انا فاهم كده
فريده / تقصد اي يعني
رحيم / مقصدش يستي والله بس اللي هتقوليه مش هيليق ع القمر اللي واقف قدامي ده ف اسكتي احسن
فريده / عندك حق فعلا ... يعني عجبك الفستان ؟ باخد رأيك عادي ع فكره مش عشان حاجه
رحيم بابتسامه / انا لو عبرتلك عن رأي للفستان بجد هتتصدمي والكل هيتصدم هنا ف بلاش احسن خليني محترم
فريده / ع فكره انا كمان باد جيرل بس عيب كده برضو
ضحك رحيم بشده عليها
كان حمزه يقف مع رنا يتغزل فيها كالعاده وهي ترتدي فستان صك ذات اللون الازرق وتترك لشعرها العناء وتضع لمسات من مستحضرات التجميل التى زادتها جمالا فوق جمالها
ذهب الجميع الي قاعه الزفاف بعد ان سلمت ورد ع الجميع وع احمد والدها ايضا الذى قام بالبكاء حين رأها بالفستان الابيض والحجاب حيث ضمها اليه بشده وبادلته ورد ايضا
بدأ حفل الزفاف وكان الجميع في غايه السعاده والفرحه وفي منتصف الحفل ذهب حمزه ومعه رنا الي والدها و والدتها وتحدث معهم بخصوص خطوبته لرنا عن قريب فوافقوا اهلها لانهم يعرفونه من حديث رنا عليه عبر الهاتف حيث كانت رنا ف غايه السعاده والفرح وحمزه ايضا
كان رحيم قد مل من صوت الموسيقى العالي فذهب للخارج الي الهواء الطلق فوجد فريده تقف ايضا فى الخارج
رحيم / واقفه هنا لوحدك لي
فريده / مافيش بس زهقت من صوت الاغاني واصلا جو الافراح ده ماليش فيه
رحيم / وانا كمان ... ما تيجي نسيب كل ده ونمشي
فريده / بس انا وانتي ..
رحيم / لا انا مش بغني انا بتكلم جد
فريده / اي ده هنروح فين
رحيم / هنسافر بدل فرحنا
فريده بصدمه / فرحنا !!!
رحيم / ايوا طالما انا وانتي مش بنحب جو الفرح وكده ف يلا نكتب كتابنا ونسافر شهر ... شهرين .... تلاته.... ع حسب
فريده / امممم اشطا
رحيم بضحك / بالسهوله دي
فريده / منا عارفه انك هتموت عليا هنستعبط بقا
رحيم / ده ع اساس انك مش معبراني مثلا
فريده / باين اوي عليا مش كده
رحيم بضحك / من اول والله
فريده / يلا مش مهم كده كده عامله حسابي اني هتجوزك من اول ما شوفتك
رحيم / و وقعتيني فعلا ... فريده وانتي فعلا فريده
فريده / طب بحبك بقا
ضحك رحيم بشده على طريقتها ثم قام بضمها اليه وهو في غايه السعاده
اخبر رحيم الجميع بأنه سيتزوج فريده ويسافران للخارج بدل من الزفاف فوافق الجميع ع فكرتهم وقاموا بتهنئتهم
كانت كارمن تقف بمفردها فوجدت رجل صدم بها و كب عليها كوب العصير
كارمن / هااااا انت متخلففف
محمد / انا اسف والله مقصدش
كارمن / لييه اعميي ده اي القر*ف ده
محمد / ما خلاص قولتلك مقصدش اي قله الذوق دي
كارمن / انا برضو اللي قليله الذوق يا متخ*لف
محمد / الزمي حدودك معايا مش ع اخر الزمن عيله زيك تكلمني كده
كارمن بعصبيه / اناااا مشش عيييله انا عندي ١٩ سنه
محمد / برضوو عييله
كارمن / مست*فززز وكمان بوظتلي للفستاان منك لله وسع كده عن وشي
محمد / ميين البت ديي
مالك / انت عملتلها اي ياض
محمد / اي يعريسنا مين البت اللي شايفه نفسها دي
مالك / البت دي تبقي اختي ي حضره الظابط
محمد / احم ... انا اسف والله بس اول مره اعرف انك عندك خوات بنات ... انا وقعت عليا العصير بالغلط والله وهي قعدت تهزق فيا مع اني اعتذرتلها
مالك بضحك / تستاهل .... يعم ولا يهمك حصل خير
محمد / الف مبروك يصاحبي
مالك / الله يبارك فيك يحبيبي عقبالك
محمد / ياااا رب
بعد مرور ٢٥ عام
ورد / الو ي مالك انت فين اتاخرت كده لي
مالك / الطريق واقف هو يوم باين اصلا من اوله
ورد / ما خلاص بقا ي مالك الله روق كده
مالك / انتي عارفه اني مش موافق اصلا ع الجوازه دي
ورد / انت خليتها جوازه ده لسه الولد جاي يتقدم
مالك / ماهي بنتك يهانم مسكالي فيه بايدها وسنانها وقال اي بتحبه حب اي وكلام فاضي اي المفعوصه دي
ورد / جرا اي ي مالك هي البنت صغيره ده حور عندها ٢٢سنه ما شاء الله عروسه ولا انت بقا غيران عليها ومش عاوز تجوزها
مالك / ماهو مش انا اربي و واحد يجي ياخدها ع الجاهز برضو
ورد / طب ما انت خدتني من بابا اشمعنا بقا
مالك / مكنتش اعرف ان الموضوع صعب كده
ورد / ولا صعب ولا حاجه بكره كمان زياد يتجوز واحده بنت حلال وياخدها من اهلها دي سنه الحياه يحبيبي احنا خلاص عيشنا سننا ندي للولاد فرصه بقا يعيشوا سنهم هم كمان عاوزه افرح بيهم قبل ما ...
مالك / بعد الشر عنك ي وردتي ربنا يديمك ليا العمر كله اوعي تقولي كده تاني
ورد / يااه ي مالك ... بقعد اقول لنفسي لو مكنتش روحت الخطوبه بتاعت صاحبتي كان اي اللي هيحصل
مالك / كنت هشوفك برضو بس بطريقه تانيه لان احنا مكتوبين لبعض انا لو كنت لفيت العالم كله مكنتش ابدا هحب واحده قدك
ورد بابتسامه / حبيبي يا .... يالهوووي الاكللل ع النااار اقفلللل ي مااالك هووو دهه وقتته الااكل اتحرقق منككك لله
مالك / يا شيييخه يا ريتني ما روحتت الخطووبه اقفلييي
حور / ماما ماما ... شكلي حلو ؟
ورد / زي القمر يحبيبتي ... هو فين زياد اخوكي
حور / لسه مجاش من بره
ورد / انتي قولتيلي الواد ده اسمه اي ؟
حور / اسمه يوسف يا ماما والله قولتلك كذا مره
ورد / بنسي ي بنتي ... هو جاي بقا هو واهله
حور / لا جاي لوحده الاول وبعد كده هيجيب اهله معاه
ورد / طيب كده احسن برضو ... قولتيلي هو قد اي
حور / اكبر مني بسنتين من دور زياد اخويا
ورد / مش عارفه قلبي مش مطمن
حور / يووه هو كلكوا قلبكوا مش مطمن اي ده
ورد / خلاص متتقمصيش كده اللي فيه الخير يقدمه ربنا ... اهو ابوكي واخوكي جم
زياد / انا الجوازه دي مش موافق عليها من اولها كده
حور / انت مالك انت اصلا
زياد / هو اي اللي انت مالك
مالك / فيي ايي هتتخا*نقوا قدامي ولا اي الولد زمانه ع وصول خلاص هنقابله واللي فيه الخير يقدمه ربنا مافيش كلام ف الموضوع ده تاني لحد ما اقابله ونشوف
زياد / بس يا بابا
مالك / مبسش طالما اختك عاوزاه انا واثق ف اختيارها
حور /ربنا يخليك ليا يا احلى بابا
مالك / ويخليكي ليا يا حبيبتي
كانت ورد تتحدث ف الهاتف وبعد قليل انتهت من المكالمه
مالك / مين
ورد / دي كارمن كانت بتكلمني عشان عازمينا كلنا الاسبوع الجاي
مالك / ايوا ما محمد كلمني وانا ف الشركه وقالي انا ورحيم وحمزه
ورد / اما نشوف بس موضوع حور ده الاول ... اهو جه
وصل يوسف الي المنزل وقام مالك و ورد باستقباله
مالك / اهلا وسهلا يابني
يوسف / اهلا بحضرتك ي عمي
ورد / نورت البيت ي يوسف
يوسف / منور بحضرتكم ي طنط
مالك / عرفنا بنفسك بقا ي يوسف علشان احنا منعرفش حاجه عنك غير اسمك
يوسف / انا اسمي يوسف اكرم دياب
ورد بصدمه / اييييييه ؟