CMP: AIE: رواية حياة قلبي سواقة التاكسي الفصل التاسع عشر19بقلم يارا عبد السلام
أخر الاخبار

رواية حياة قلبي سواقة التاكسي الفصل التاسع عشر19بقلم يارا عبد السلام


رواية حياة قلبي سواقة التاكسي 
الفصل التاسع عشر19
بقلم يارا عبد السلام


الراجل بعصبية :يا بنت ال 
ولسه هيضربها 
كانت في حيطه سد بينهم 
افنان بصدمه:ريان!
ريان بعصبية:يلا اضربها علشان ادفنك مكانك ومخليش كلب يعرفلك طريق جره 
الراجل:انا انا مليش دعوة هى اللى اتدخلت ومفكره نفسها شبح وبتمد أيدها 




   ريان:مرات ريان الشافعي مبتغلطش واكيد انت قليت ادبك معاها علشان كدا هى مدت أيدها عليك ولو انا كنت موجود من الاول مكنتش هخليك واقف على رجلك لحد اللحظه دي يلا غور من هنا والا هتخذ قرار تاني مش هيعجبك 
الراجل خاف وجري من قدام ريان خوفا من أنه ينفذ تهديده
السواق:شكرا جدا يا بنتى انا مش عارف اقولك اي قليل لما يكون في بنت بشجاعتك وقوتك دي 
وبص لريان :انا يحسدك انك معاك زوجه زي دي قليل اللي يتصرف زيها كدا ويحط نفسه في الموقف دا 
افنان:انت في سن والدي وانا عمري ما اسمح لحد أنه يمد ايده على ابويا حتى لو هدفع التمن عمري وبعد كدا ابقى شغل العداد لأن الناس بقاش ليها امان وانت شايف البنى ادم دا كان عاوز يعمل معاك اي 
_ماشي يبنتى شكرا مره تانيه 
شكرا يا بيه 
ريان:العفو 
ومشي وسابهم

افنان بعصبية:انت اي اللي جابك هنا انت بتراقبني يعني 
ريان:تقدري تقولى باخد بالي من مراتى 
افنان:انا مش مراتك ولا مرات حد جوازنا دا باطل انا بقولك اهو



ريان:سواء باطل أو لا انتى كدا كدا بتاعتى ومكتوبه على اسمي وخدى وقتك زي مانتى عوزا بس في الاخر هتكوني بتاعتى وليا برضو وبمزاجك مش غصب عنك 
يلا علشان اوصلك
_لا شكرا مش عوزا حد يوصلني انا هروح لوحدى
ريان بعصبية:هتيجي معايا ولا استعمل طريقتي وهتكون قاسيه عليكي اووي يا افنان وانا واثق انك مش هتستحمليها وانا مش عاوز ازعلك لانى مش عاوز اخسرك 
افنان حست أن قلبها هيخرج من مكانه ومشيت من غير كلام ناحية العربيه بتاعته حست قد اي هى ضعيفه قدامه وقد اي هى بتخاف منه ومن عصبيته مع ذالك عمرها ما خافت من حد ولا اي راجل بس دا مش اي راجل دا ريان الشافعى زي ما بيقول ....






ريان تتنهد وركب جنبها ومشي 
كانو طول الطريق ساكتين والصمت هوا سيد الموقف هيقولو اي وقلوبهم هى اللي بتقول كل حاجه كل واحد منهم جواه خوف من بعد التاني لكن مع ذالك كل واحد فيهم بيكابر مش عاوز يعترف أن نبضات قلبه كلها حب للطرف التاني ممكن يكونوا مستغربين لكن للاسف دي الحقيقه اللي هم الاتنين بيحاولوا يتجاهلوها

ريان:احم انتى اتكلمتى مع ياسين
افنان فاقت من شرودها وبصتله:ايوا اتكلمت معاه مش عارفه ازاي الصراحه انت تجيب ولد لطيف وجميل زي ياسين بجد اي حد نفسه يكون عنده ولد زيه وانت ازاي كنت بعيد عنه وراميه ولا سائل فيه للدرجادي مفيش جواك رحمه حتى لو مكنتش بتحب أمه هوا ابنك وواجب عليك انك ترعاه وتاخد بالك منه 
ريان اتعصب:انتى متعرفيش حاجه 
افنان:اعرف اي ما كل حاجه واضحه زي الشمس انت رميت ابنك واتربى بعيد عنك ومع ذالك الولد لسه بيحبك انت اي نوع من الأبهات انت قولى 
_افنان متحكميش عليا





 من غير متعرفي الحكايه كلها انتى متعرفيش الا الجزء السطحى اللي كل الناس عارفاه لكن تعرفي اللي جوايا واللى حاسس بيه اظن انك محاولتيش تحسي بيا ولا خلقتى ليا مبررات انتى هاجمتيني زي ما اي حد بيعمل فرقتي انتى اي عن الناس ولا حاجه كلكوا مش بيهمكوا الا المظاهر وبس ...

وصل بالعربيه في مكان هادى ووقف..
_انت وقفتنا هنا لى
_انتى مش هتمشي من هنا الا لما تعرفي كل حاجه لانى مش مستحمل انك تشكى فيا ولا في كلامى ولا مشاعري وبص في عنيها صدقيني انتى الوحيده اللي فارقه معايا في الدنيا دي ..
افنان بعدت نظرها عنه واتنهدت وشاورتله
_اتفضل احكى..

ريان بص قدامه وبدأ يحكى اللي حصل من ست سنين
_كنت شغال في شركة العيله بعد ما اتخرجت من الكليه وكنت عايش ومبسوط وبحب كنت بحب بنت معايا في الكليه بس للاسف أهلى منعونى اتجوزها لأنها كانت من طبقة أقل مننا ازاي ريان ابن الحسب والنسب يتجوز بنت من طبقة متوسطه مش مهم السعاده ومش مهم الحب المهم العيله ونفوذها واسمها قررت انى ابعد اتجوزها انا لوحدي بس للاسف اهلها موافقوش لان ابويا هددهم وبعدها خدوا كل حاجه وسافروا وبعدين مجاليش اخبار غير أنها اتجوزت وعاشت حياتها خلاص ...
هم استغلوا النقطه دي مكنش ليا غير عدي صديق الطفوله واقرب 




حد ليا وكان عارف بكل اللي بمر بيه واكتر واحد حاسس بيا وبوجعى بعدها كنت عاوز أصفى



 الاسهم بتاعتي واعمل شركه لوحدي وافقوا وادوني فلوس وبدأت شركه صغيره وخسرت من اول صفقه وبعدها ابويا جه وقالي انى



 فاشل ومش هعرف اعمل اي حاجه لوحدي وانى عملت غلط كبير لما سبت شركة العيله واستقليت بذاتى
وبعدين من ضغطهم عليا رجعت وصفيت الشركه وبدأت اشتغل معاهم 



تاني وفضلوا يضغطوا عليا انى اتجوز بنت عمى انا وقتها مكنش في دماغى حاجه كدا كدا مفيش


 امل البنت اللي بحبها اتجوزت والشركه اللي عملتها خسرت مفيش حاجه اقول لا علشانها
اتجوزتها  ومكنش في من ناحيتي حاجه غير احترام وبس  وبعدها


 بكذا شهر عرفت انها حامل بس كان في مشاكل كتير على الحمل وكانت هتسقط اكتر من مره 


وبعدها اكتشفنا أن عندها القلب وهى كانت مخبيه علشان الحمل يكمل منكرش انها كانت طيبه وجميله وكمان


 بتحبني لكن انا مكنتش بحس بحاجه غير احترام وواجباتي كزوج وبس وبعدها خلفت ياسين وماتت وكانت مبتسمه كأنها أدت رسالتها اللي



 اتجوزتني علشانها بعدها انا تعبت وكلهم لاموني انا انى السبب في موتها مع انى مكنتش اعرف حاجه عاقبوني أنهم خدوا ابنى مني واكتشفت



 بعدها أنهم اللي خسرولى الشركه علشان ارجع واقبل بشروطهم مقدرتش اقعد في البيت تاني

 سبت البيت والشركه وبدأت لوحدي وطلعت السلم سلمه سلمه لحد ما دلوقتي بعد خمس سنين بقيت


 ريان الشافعي صاحب اكبر شركة استثمار في مصر والشرق الأوسط انا مسبتش ابنى انا كنت ضعيف وقتها هم كانو اقويا دلوقتي انا




 القوى وخدت ابنى منهم ومحدش هيقدر ياخدوا مني تاني ودلوقتي مش ناقصني حاجه غير



 وجودك في حياتى بس وجودك هوا اللي هيكملني..



افنان بصتله بدموع :معقول انت مريت بكل دا واستحملت كل دا




ريان:دا جزء مختصر من القصه متعرفيش انا مريت بايه طول



 السنين دي حب حياتى ضاع مره علشان كدا م هقدر

 اضيعك من ايدي علشان انا بحبك 
افنان بصت في عنيه وحست قد اي هوا صادق:وانا كمان بحبك

تعليقات



حجم الخط
+
16
-
تباعد السطور
+
2
-