رواية حنين الاحبه
الفصل الاول1
بقلم رحمه ايمن
هندسه: يا احمد استني الشنط طيب!
احمد: والله يا هندسه رجلي بتتحرك لوحدها، البسها انت بقي
هندسه: يبني استحاله تيجي، احمد عدا 5 سنين! انت مجنون!
"استدار احمد بخفه وهو يتحرك"
احمد: هتيجي! وعدتني، انا واثق انها هتيجي!
.................
"انه اليوم الثاني لي؟ كم يوم اخر اتحمل، هل الان اصبحه 5 عقود ويومين، هل نسيت، هل ستأتي كما وعدت، لاء اعلم غير اني اشتقت لك، لكن تذكر، لن ابكي عند روئيك، امم ربما أنهار وقتها ليس الا... الــــطاووس🖤"
قفلت التلفون وانا باخد قهوتي من الكرسي التاني من العربيه، فلمح طيفه، فقلبي يتخض!
اكيد بحلم!
اكيد مش هو!
خرجت بسرعه وانا في قمه زهولي، لقيته بيدور بعنيه، عينيه الي عمري ما قدرت اميز بيها حد غيره، يمكن بسبب لونها! او يمكن بسبب جملهم.
ولقتني بعمل احلي "بسسس"
ولقيت احلي نظره بتبصلي
فالوقت اتبنج، وحركتي اتبنجت، وكأن كل حاجه وقفت ومفيش غيره قدامي، قلبي ده الي بيدق ول الحر"ب العالميه التالته هتقوم.
احمد بخضه : رحم.. ه مش كده؟
رحمه: لاء وبتسال!
احمد: ههههه بجد!
"يخرج هندسه" محمود" وهو يحمل الحقائب "
هندسه: يبني استحاله تلقيها انت.... رحمه!
رحمه ببتسامه: هندسه صح! هه ازيك
هندسه: انتي بتهزري!
يمكن الوقت يقف عند لقطه معينه في حياتنا ، ويمكن تتعاد بينا الزكريات، لكن زكرياتك كلها في البوم، البوم فتحه هيكلفنا سنين وصفح كتير
اممم يمكن البدايه كانت مع واحد في 4 كليه طب.
وواحده في 2 كليه ترجمه.
قبل 5 سنوات...
ايه: يا حووووم! يسطى قوم ورانا شغل كتير
رحمه بديق: بت اقفلي الستاره دي، منمتش وربنا
ايه: ايوا مهو من الهبل الي احنا فيه
قهوه ورويات، رويات وقهوه اما تعمينا، ويا ريتك فلحه في ارتباط ول نيله وجيبه لنفسك جفاف عاطفي وخلاص جتك خيبه
رحمه: بت قولي الحقيقه، اكلت عشاكي ها، اكلته وانا نايمه عشان كميه العسل الاسو"د الي طالع من بقك عصبح دي، اصطبحي بدل ما زعلك
ايه: طيب اخلصي يا ست رحمه يلا، اخلصي
--------------
ايه: يلا بسرعه مستنياكي
رحمه: اي قله الزوق دي يا مرا! ، يعني منزلني من بيتنا وكمان انا الي هروح اشتري اكل من الكافتيريا، ده جزاتي اني قمت يعني
ايه بخبث : لو روحت انا مش هجبلك كريب
رحمه: احم عايزه كام سندوتش يا حبيبه قلبي؟
نزلت ومن تسرعي اخدت الروايه الي كنت بقرائها في ايدي، فطبعا شتمت ايه كالعاده يعني وانا هاين عليا اديها بالبو"كس في وشها السمج ده ، لكن نضحي بقي، في كريب يبقي انضحي
امم وانا هدخل في زحمه دي ازاي ان شاء الله
هو يوم باين من اوله .
رحمه بإحراج: لو سمحت عديني كده، اووه اسفه جدا، ممكن ثانيه، دقيقه واحده
اووف الحمد لله لقيت مكان
الناس كانت بتتحرك كتير وانا بحاول اثبت واقف مكاني
لكن قُرب حد مني م"تني رعب، مين ده!
"تقوم بالاستداره بتوتر واضطراب "
رحمه: لو سمحت ممكن تبعد شويه كده
احمد بتركيز في عينيها : المكان زحمه مش عارف اتحرك
رحمه بتوتر: طيب لو سمحت ممكن تعديني خلاص مش عايزه حاجه
احمد بتنحي قليلا : اتفضلي يا....
رحمه: شكرا جدا
جريت وانا مش مستوعبه، اي الي حصل جوه ده
مين الشخص الي قدر يبصلي بجرأه كده ويوترني بشكل ده!
اووف قلبي اقف منك لله!
قصي: يلا يا احمد جبنا الاكل من الفتحه التانيه اسهل، تعالي يلا
احمد:....
قصي: مالك يا عم مدروخ لي، انجز
احمد: جي يا ثقيل، يلا من هنا
"يبحث عنها بعينيه فلا يجدها فيياس ويذهب خلفه"
ايه: اي يا زفته، ده كلو تاخير، فين السندوتشات
رحمه: سندوتشات مين؟
ايه: عبدين، عرفهم
رحمه: ها ها هموت من خفه الدم
ايه: فين الاكل يا بت اخلصي
رحمه: معرفتش اجيب حاجه واطلعي بقي بالعربيه وانتي ساكته متنرفزنيش
ايه: انا اساسا مكنش لازم اعتمد عليكي اتزفتي يلا اقعدي
مر اليوم، لكن قلبي مش عارف يمر معاه، كانه وقف من ساعتها.
wait wait
هو انا اتهبلت!
عادي واحد كان في الكافتيريا بيشتري اكل "تضرب بيدها علي وجهها" رحمه فوقي! فوقي ها، وراكي روايات ومذاكره قد راسك محتاجين يخلصه، ابوس ايدك.
قصي: اي يا عم الحبيب، قاعد كده مش علي بعضك من الصبح
احمد: قصي هي الكافتيريا دي بضم كام كليه هنا
قصي: الرئسيه قصدك
احمد: هو في غيرها
قصي: في كافتيريا لكل كليه، انت مش في الدنيا ول اي
احمد: طيب في مكتبه هنا؟ بتبيع رويات؟
قصي: اه، انت مش عارف انه في مكتبه في الجامعه!
اومال بقالك اربع سنين بتعمل اي هنا
واه صح انت بتسال لي؟
احمد: هو انا مقلتلكش، مش انا هبقي مثقف واروح المكتبه دي كل يوم اه والله، هبهرك! هخليك تتخض كده
حتي شوف الشغف وحب الاستطلاع سيطر عليا وهروح دلوقتي، تحب اجبلك كتاب معايا ول حاجه
قصي:؟؟!
احمد: قول متتكسفش ونبي لتقول؟
-----------
ايه بنعاس: هنروح امتتتتي؟
رحمه: ونبي الحته دي الحته دي!
ايه: طيب متقعدي مع الحتت بتاعتك دي وتخليني اروح اتخمد وخدي العربيه اهي ومع نفسك
رحمه: عايزه تسبيني الوحدي وتمشي، عايزه تغدري بيا، اكمني مليش ول حبيب ول قريب ول غريب، اكمني...
ايه! ايه متهزرش الدنيا ليل! بت
ايه: see you baby and good luck
رحمه: ايه اصبري متهزريش!
مشيت بجد، هو الصفحه دي، الصفحه دي وبس هتكون جت 8 وامشي بقي، حلو 8 حلو .
وكعادتي طبعا، نسيت نفسي والكون الفسيح وقعدت 3 ساعات برصتهم، الله! الله عليا
رحمه بخضه: يانهااار ابيييض! الساعه 10 يلهووي ايه هتعملني بوفتيك! لاز...
رفعت عيني شوفته قدامي، معقول بتخيل، انا هبله وبتخيل عادي.
لاء اكيد بتخيل، رحمه انتي اقوي من المخد"رات في اي انشفي كده
اي ده جي عليا، ده جي عليا فعلا!
"برتباك "
احمد: احم ممكن اعرف اسمك اي
رحمه: افندم؟