رواية ما بين الالف والكاف
الفصل السابع
بقلم سمر احمد
_معتز :-صاحبة الصورة دى كانت حبيبتى
_ياسو :-نعم حبيبتك ازاى ؟؟
_معتز :-دى كانت حبيبتى ملاك وفعلا هي كانت ملاك ماتت من اربع سنين و كانت زميلتى ف الكلية واول ماشوفتها حبيتها وعشقتها وفي الاخر ابتدت تبعد عنى
وبتعاملنى معاملة قذرة وانقلبت عليا فجأة وقتها كنت طايش ومجنون ومستحملتش انها تبعد عنى وهي برضو
فضلت تكرهنى فيهاا فانا رحت قولت للشباب انى مرتبط بيها وانها مش محترمة وانا اللى سبتها عشان انتقم منها..
_ياسو :- يعنى تشوه سمعتها انت يامعتز انت ؟؟؟
_معتز :-اه فكرة أنها كانت تبعد عنى كانت مستحيلة وفي يوم لقيت صحبتها بتقولى عايزة تقابلنى عشان تقولى حاجة مهمة وسر ملاك خفياه عنى واتقابلت
انا وصحبتها وقبل ماصحبتها تتكلم جت ملاك وزعقت في صحبتها وقالتها انتى بتخونينى انتى جاية خلاص تقوليله انى حبيت وهتجوز غيره وفرحنا اتحدد وقريب كمان وصحبتها جت تتكلم سكتتها بس لاسف مفهمتش ده كله وقالتلى مستحيل أنها تتجوز واحد زيي واستحملت كل كلامى وكل حاجة ومتكلمتش كرهتها اكتر وحقدت عليها اكتر وبقيت اوزع صورها عشان محدش يتجوزها وفرحها يبوظ بعدها لقيتها مش بتاجى الكلية فرحت وقولت خلاص مش هتاجى بعد اللى انا عملته فيها ومكسوفة وكدا بعدها بكام يوم لقيت الكلية كلها بتتكلم عن خبر موت وحدة صحبتنا واصحابى كانوا عارفين ومش راضيين يقولو لى كانو خايفين عليا فكنا في وسط المحاضرة والدكتورة
وقف وقال عايزكم تدعوا وتتترحموا على زميلتكم وجه قال اسمها ووقتها مش هي بس اللى ماتت انا كمان موت معاها ومش ده اللى معذبنى لاء اللى معذبنى من وقتها أنها ماتت بالكانسر ،وانها أما عرفت انها عندها كانسر وف أيامها الأخيرة كانت بتكرهنى فيها عشان متعلقش بيها واقدر اكمل بعد ماهي تموت ولقيت صحبتها جيبالى رسايل منها والخاتم اللى انتى شيفاه ده وكانت بتقولى ف الرسايل أنها عمرها ماحبت غيرى وانها
طالبة منى انى اسامحها وانى لازم احب واعيش حياتى واتجوز وان الحياه مش بتقف على حد وفي آخر الرسالة بحبك
_ياسو بعياط :-ليه بامعتز لييييه تعمل كدا ليبيه ؟؟؟
_معتز :-كنت لازم اصلح اللى انا عملته بدأت اخلى الكل يمسح صورها وكذلك كل الحاجات دى بس برضو مقدرتش اقول انى انا اللى كنت بوزع الصور وقولت كان فيه حد هو اللى عمل كدا ودى كانت من الأسباب اللى فرقت بينا و خلتنى كرهتها وكل اللى
همنى وقتها انى ارجع سمعتها وفعلا رجعتها ،واما شوفت دينا ولقيتها فيه شبه كبير من ملاك عقلى كان لسة متوقف عند ملاك وقربت من دينا وكلمتها وكان بيتهألى أن دى ملاك ولازم اعوضها عن اللى فات عشان كدا مكنتش برضى ازعلها
_ياسو :-يعنى انت مبتحبش دينا ومتعلق بيها عشان شبه ملاك ؟؟
_معتز :-اه يا ياسمين ولحد دلوقتى ضميرى بيأنبنى
_ياسو خدت معتز في حضنها وقالتله:-كلنا بنغلط حتى هي غلطت كانت لازم تقولك اى نعم عملت كدا عشان بتحبك بس لازم كانت تقولك وخلاص ياحبيبى دا ماضى وعدى وهي مسمحاك وانت مسامحها عيش حياتك
عشان هي تكون مرتاحة وغلط برضو انك لمجرد شبه علقت نفسك للمرة التانية وعلقت دينا هي كمان معاك ووهمتها بحبك وقطعت اللحظة دى رنة تلفون معتز
_معتز :-الو
_دينا :-الو ياحبيبى انا عايزة اشوفك
_معتز :-حاضر انا جاى
_معتز :- انا خارج ياياسو ومش هتاخر عليكى
_ياسو :- تمام
اول ماوصل معتز عند دينا وكان باين عليه الزعل..
_دينا :-مالك ياحبيبى
_معتز :-مخنوق ومضايق شويه
جت دينا تحضنه ..
_معتز :-لا يادينا انا خلاص اتعودت على حضن ياسو
_دينا :-انت واعى يامعتز انا دودو حبيبتك
_معتز :-اه واعى وعارف
_دينا :-حيث كدا انا ماشية
_معتز :-استنى يادينا
_دينا :-خلى حبيبة القلب التانية تنفعك
رجع معتز البيت وهو مقهور وحكى لياسو ع اللى حصل وقالها انا لازم اتجوز دينا بسرعة عشان استريح وياسو كانت مضايقة بس مش عايزة تحمل عليه وقررت هي
كمان تحفظ كرامتها وتبعد عنه فمن جنب دينا بعدت عنه وياسو بقت تتعامل معاه ببرود وشويه شويه حس معتز أنها بدأت تكره ...
_معتز :-ياسو انتى مالك بداتى تتجنبينى ليه ؟!
_ياسو :-مفيش بس بفضليك الجو وبعدين هانت اهو كلها تمن شهور ونخلص بقا وتتجوز دينا ودخلت اوضتها وفضلت تعيط رنت عليها آن
_آن :- مالك بتعيطى ليه
وعشان آن هي وياسو مفيش سر بينم وأنهم واحد حكلتها على كل حاجة
_ياسو :-انا بكره بكره انا عايزة أطلق
_آن :-لاء انتى مش بتكرهيه انتى بتحبيه عارفة يعنى ايه بتحبيه
_ياسو :-لا مش بحبه
_آن :-بتحبيه ولازم تدافعى عن حبك ومتسيبهوش لوحدة زى دينا
_ياسو :-يعنى ايه ؟!
_آن :-اتمايصى وادلعى يختى وكلى بعقله حلاوة طالما بيضعف في ثانية منك
_ياسو :-وتفتكرى كدا
_آن :-اسمعى كلامى
_ياسو :-تمام يلا سلام
غسلت ياسو وشها ولبست فستان قصير جدا وضيق وغيرت تسريحة شعرها وطلعت في الصالة وكأنها بتتفرج
على التلفزيون ولا كأنها شايفة معتز ومعتز بيتفرج عليها ولبسها اغراه وقرب منها
_معتز :-الجميل بيفكر في ايه
_ياسو :-في حياته بعد الطلاق
_معتز :-طلاق ايه بس بس تعالى اقولك عندى ليكى خبر بس الاول تيجى معايا
_ياسو وهى بتحرك شعرها بدلع :-اجى فين
_معتز :-اوديكى ف عالم تانى
_ياسو :-ايه الخبر ده بقا الاول مش هاجى معاك الا لما تقول
_معتز :-انا مش عايز أننا نطلق ونكمل مع بعض انا بدأت اتعلق بيكى ومبقتش قادر اكمل يومى من غيرك
_ياسو :-ودينا ؟!
_معتز :- انا هسمع كلامك ودى حياة وحدة ولازم نعيشها انا عارف انى ظلمتها بس اعمل ايه انا مكنتش بحبها ولا هحبها وانا كنت بعمل كدا عشان زى ماقولتلك بسبب الشبه بينها وبين ملاك كان بيتهالى انى بعوض ملاك ،بس انتى عرفتى ترجعينى تانى وتغيرينى ياسو !!!
_ياسو :-نعم
_معتز :-انا بحبك وعلى فكرة انا اتصلت بدينا امبارح وقولتها بهدوء أن كل شئ قسمة ونصيب وربنا هيرزقها باللى احسن منى وقلتلها على حوار ملاك
_ياسو :-وانا كمان بحبك ومش عيزاك تبعد عنى
_معتز :-ولا عمره هيحصل
وهنا رنت دينا على معتز ....
_ياسو :-مين ده
_معتز :-دى دينا ورد عليها
_دينا :-معتز الحقنى لازم تيجى دلوقتى ف الكافية انا في مصيبة وقفلت السكة
_ياسو :- وهي عايزة ايه
_معتز :-بتقولى فيه مصيبة ولازم امشيلها دلوقتى
_ياسو :-متمشيش انا خايفة
_معتز :- متخافيش ياحبيبتى
ركب معتز عربيته ومش لدينا اول ما وصل لقى دينا...............