رواية حياة قلبي سواقة التاكسي
الفصل الثامن عشر18
بقلم يارا عبد السلام
في المساء..
في بيت رنا..
رنا كانت بتتكلم مع ياسمين في التليفون بتحكيلها اللي حصل
ياسمين:يبنتى انتى بتهزري محنا بقينا بليل اهو ومجاش متخافيش
رنا:لا دا كان بيتكلم بثقه
_طيب انتى اي رايك في الموضوع
_احم موضوع اي يا ياسمين مرفوض طبعا
_يشيخه على ياسو برضو اقطع دراعى لو ما كان الواد دخل قلبك وعشش فيه كمان علشان كدا بتفكري فيه وفي كلامه
_لا طبعا انتى بتهزري طيب لو هوا كان كلامة صح كان جه زي ما قال لكن هوا مجاش يبقى هوا مش قد كلامه وكان عاوز يتسلى شويه
مامت رنا دخلت
_رنا يبنتى قومي البسي حاجه حلوه كدا علشان في ناس قاعده مع ابوكي برا وبعدين وطت صوتها شكلهم جايين يطلبوا ايدك وكمان شكلهم اكابر كدا يارب يجعله من نصيبك
رنا بصدمه:ناس مين يا ماما انتى بتقولى اي
وبعدين كلمت ياسمين:الحقيني يا ياسمين دا شكله مكنش بيهزر
_ازاي يعني هوا جه
_اممممم جه اعمل اي دلوقتي
ياسمين زغرطت:لولولولولوى طبعا هتوافقي مفيش كلام الواد زي القمر وشاريكي وكمان طلع بيتكلم جد مش بيلعب بيكي
_طيب اعمل اي دلوقتي
_تقومى تلبسي كدا وتخرجي تشوفي في اي
_حاضر هخلص واكلمك
قامت لبست دريس وعليه خمار وخرجت
والدها:تعالى يا رنا اقعدي جنبي
دي رنا بنتي
حازم:تشرفنا
رنا في سرها:منك لله يا بعيد انا كنت بحسبك بتهزر طلعت بتتكلم جد هوا انا مالى خايفه وقلبي بيدق كدا ربنا يستر
الاب:حازم بيه جاى يطلب ايدك يا رنا واللى عرفته انو اخو جوز افنان
رنا:احم اه يا بابا كان موجود في كتب كتاب ياسمين
حازم:احم يا عمى انا حبيت انى ادخل البيت من بابه لأنى مش بحب اللف والدوران وكمان احترام انسه رنا وادبها طبعا وسيرتها الطيبه هى اللي خلتنى اخد الخطوه دي من غير تفكير وطبعا هبقى ممنون جدا لو انسه رنا وافقت
الاب:انا طبعا مش هلاقى احسن منك لبنتى وقبل كل حاجه القرار قرارها
حازم:انا طبعا مديها الحريه الكافيه تفكر وانا هستنى الرد في اقرب وقت أن شاء الله وهكون مبسوط جدا لو وافقت طبعا
الاب:أن شاء الله يبنى وانا اقدر اقولك من نظرتى لبنتى انها موافقه مبدايا
كانت رنا قاعده باصه في الأرض ومبتسمه والتوتر كان سيد الموقف
حازم:اتمنى أن هى توافق دا شئ هيسعدني ويفرحنى جدا
عن اذنكوا يلا يا عدى
رنا رفعت راسها وبصت عليه وهوا ماشي واتنفست باريحيه
الاب:ها اي رايك الولد شكله محترم وشاريكي
_اللي تشوفه يا بابا
_اعتبر أن دي موافقه
_يوووه متكسفنيش بقى وقامت ودخلت جوا
وهي بتضحك بسعاده من كلامه عليها واعجبت بطريقته بتعبيره عن اللي جواه وأنه متكسفش أنه يقول إنه عاوزها قدام ابوها فرحت جدا وراحت تكلم ياسمين تحكيلها اللي حصل...
قدام بيتهم كان حازم وعدي واقفين
عدي:انت طلعت مش سهل يلا
حازم:عيب عليك يابا
تفتكر متوافق
_افتكر اكيد لأن كان باين عليها مبسوطه وكمان معجبه بيك تسألني انا
_اكيد طبعا الخبره
_خلاص بقى توبنا الي الله ودلوقتي بحب اجمل بنت على وجه الارض من يوم ما شوفتها وانا سبت كل البنات وهى بس اللي احتلت قلبي
_تفتكر أن ريان كمان اتغير
عدي:انا متاكد ان ريان اتغير لأن افنان علمته الادب ولحد دلوقتي معذباه وعذبته اكتر ببعدها عنه
حازم:بس متنكرش أن ريان كان قاسي عليها اووي
_ايوا للاسف ودا اللى مصعب الطريق قدامه دلوقتي
_استنى بس عليا وانا اللي هرجعهم لبعض
_مش انت اللي هترجعهم ياسين اللي هيرجعهم وهوا اللي هيربطهم ببعض
_ازاي يعني
_هتشوف بعدين المهم انا هطلع ادي الشنطه دي لياسمين ونازل
_ماشي هستناك
عدي طلع وكانت ياسمين قاعده بتكلم رنا اللى كانت بتحكيلها كل حاجه
الجرس رن وقامت تشوف مين
ونسيت هى لابسه اي كانت لابسه بيجامه برموده وبنص كم
فتحت الباب
كان عدى واقف وتنح مكانه لما شافها فضل سرحان فيها وفي جمالها وشعرها اللي فرداه ورا ضهرها وملامحها وكل تفاصيلها
_عدي؟
عدي فاق وبعدين اتعصب وحس بالغيره بمجرد تفكيره أن حد غيره كان يكون في الموقف دا او لو كان حازم طلع معاه وشافها بالمنظر دا
عدي بعصبية:انتى ازاي بتفتحي الباب بالمنظر دا
ياسمين بصت على نفسها وبصدمه بصتله
_انا انا انا اسفه والله كنت بكلم رنا ومحدتش بالي
_مخدتيش بالك قدري مكناش كاتبين الكتاب أو لو كان معايا حازم أو اي حد غيري كان في الموقف دا هتعملى اي كنتي هتقولى اسفه ومخدتيش بالك
_انا اسفه يا عدي والله مخدتش بالي
عدي اتنهد تنهيده حاره وبصلها :متتكررش تاني يا ياسمين
_حاضر
ومد ايده وادالها الشنطه اللي في ايده
_خدي
_اي دا
_هتفتحيها وتشوفيها يلا انا همشي واتمنى المواقف دا ميتكررش تاني
_حاضر يا حبيبي
_قولتي اي
_قولت حاضر
عدي:اللي بعدها
ياسمين بكسوف:يا حبيبي
عدي :يارب خليني ماسك نفسي علشان بعد كدا مش هعمل حساب لحد
انا ماشي علشان مندمش بعدين
ومشي وسابها وهى فضلت تضحك عليه:مجنون
افنان:انتى واقفه عالباب بتكلمى نفسك وبعدين اي اللي موقفك كدا
_انا انا اصل عدى كان هنا وجايبلي حاجه
_وتقابليه بالمنظر دا
_احم اصل مخدتش بالي
_لا بعد كدا يا حبيبتي تاخدي بالك يلا ادخلى اوضتك ..
ودخلت هى كمان وهى على وشها ابتسامه فرحة أن اختها حبت وعايشه اجمل قصه حب مع الشخص اللي بتحبه..
في صباح يوم جديد
افنان نزلت علشان كانت عوزا تشتري عربيه تاكس جديده تشتغل عليها من الفلوس اللي خدتها من ريان
مهما حست ومهما حصلها هتفضل متمسكه بشغلها وحياتها الاساسيه وكمان هي اتعودت على الشغل وان يتقالها يا اسطى .
راحت المكان اللي بيبيع العربيات وعجبتها عربيه وسالت عليها
_١٥٠ الف يا فندم
_احم دي غاليه اووووي طيب انتو مش بتقسطوا
_للاسف يا فندم
_طيب..
وراحت اكتر من مكان وملقتش السعر المناسب وبعدين قررت انها تروح ..
قعدت على الرصيف شويه ترتاح ..
*يارب الفرج من عندك يارب..
سمعت صوت زي صوت خناقه
كان راجل عجوز وقدامه راجل تلاتيني
_يبنى سيبنى امشي بقى
_لا انت راجل حرامي ومش هتمشي من هنا الا لما تديني فلوسي
_يبنتي مانت ادتني ميه وانا اديتك الباقي
_لا انا مديك ميتين جنيه انت راجل نصاب وانا هخدك على القسم دلوقتي
افنان سمعت الخناقه وقامت
_انت ازاي تزعق لراجل قد والدك بالطريقه دي يا حيوان انت
_وانتى مالك انتى هوا من بقيت عيلتك امشي من هنا يا ماما علشان مزعلكيش على نفسك
افنان بعصبية:تزعل مين يا حيوان انت وقربت منه وادته بالقلم
الراجل بعصبية :يا بنت ال
ولسه هيضربها
كانت في حيطه سد بينهم
افنان بصدمه:...