رواية غرام الاسد كامله جميع الفصول بقلم شروق محمد

رواية عدت لانتقم 

الفصل الرابع4الاخير 

بقلم يارا عبد السلام

_حمزه في اي

_طارق

_ماله

_انتحر

_اي؟

ازاي الكلام دا انت بتقول اي...

بصلي بسخريه:اي مش فرحانه مش كدا خدتى حقك مش كدا كسرتيه وكسرتي أبوه وعيلته كلها مش كدا انتقمتي انتى مفكره أن كدا ابوكى فرحان بيكى لا بالعكس يا ملك انتى خسرتي وكتير اووي ...

ملك بدموع:أنا مكنتش متخيله أنها هتوصل لكدا

_لا انتى كنتي متوقعه اي حاجه واللي عملتيه في طارق اي حد مكانه

 كان انتحر من زمان هوا فضل صابر لحد ما طاقته نفذت...خلتيه يثق فيكي ثقه عمياء يا ملك وكنتي غداره غداره اووي 

يلا يلا روحى للعمده يلا روحى اشمتى فيه روحى قوليله انك كنتي السبب في كل دا روحي يلا ..

حسام :للاسف يا ملك أنا مكنتش متخيل أن انتقامك هيوصل لكدا

ملك بعصبيه:خلاص خلاص بقيت أنا اللى وحشه دلوقتي بقيت أنا الشريره مش انتو الاتنين كنتوا اكتر اتنين بتشجعوني على الانتقام ..

بصت لامها:مش انتى اللي كنتي بتقوليلي لازم تاخدي حق ابوكي اي الي حصل دلوقتي غيرتي رايك ...

كلهم سكتوا وبصوا في الأرض لأنهم فعلا كانوا بيشجعوها وجايين دلوقتي يلوموها!

دخلت لبست ونزلت علشان تسافر الصعيد تحضر جنازة طارق وتقابل العمده وتواجهه بالحقيقه لازم تواجهه لازم تعرفه انها بنت الراجل اللي كان السبب في موته لازم...

خرجت برا البيت وكان وراها حمزه وحسام بيحاولوا يمنعوها..

حمزه:انتى هتعملى اي بالظبط انتى عوزا اي مننا

ملك بعصبيه:ملكش دعوه مش انت قررت تسيبني سيبني وانا بقى هعمل اللي في دماغى

حمزه:لو مشيتي يا ملك انسي انك كنتي تعرفيني ...

ملك سابته ومشيت مهتمتش لكلامه هى بدأت رحله ولازم تنهيها حتى لو هتخسر حياتها هم السبب في كل اللي حصل دا وجايين يلوموها على اللي بتعمله!

كان العمده قاعد بين رجالته حاسس بالقهره والكسره السبب ورا موت ابنه انتشر في البلد والناس كلها بقت تبصله بسخريه وتقلل منه بسبب الظلم اللي بيظلمه ليهم وتظاهره بالحق وهوا ظالم وتظاهره أنه بيعدل وهوا ميعرفش اي حاجه عن العدل كان دائما مخوفهم ومفيش في قلبه رحمه..

اول مره يحس بالانكسار برغم قوته وجبروته ...

_البقاء لله يا حج..

كانت ملك واقفه وبتتظاهر بالحزن

قربت منه بثبات وقربت من ودنه وهمست

_دلوقتي أنا خدت حق ابويا اللي كنت السبب في قتله بدم بارد جيت وخدت حقى وحق عيلتى اشرب يا عمده..

_على فكره انا السبب في كل اللي حصل لابنك..

العمده يصلها بصدمه:اانتى مين وابوكى مين أنا مش فاهم حاجه

_فاكر عمران الفلاح البسيط اللي كان كل همه أنه يأكل عيش من أرضه علشان يعلم عياله وانت مسيبتهوش في حاله وكنت بتأذيه علشان رفض يسيبلك الأرض وجبتله الحسره لما بورت أرضه وكسرته قدام الناس ومات بسببك وبسبب جشعك

_اانتى بنته

وقفت بثبات:ايوا بنته وجيت اقولك أن حق ابويا رجع وارتاح وانا قلبي صفى وارتاح مع انى مكنتش عوزا انتقم في طارق بس ملقتش الا هوا نقطه ضعفك ..

البقاء لله يا يا عمده...

سابته ومشيت وهي حاسه بانتصار برغم حزنها على طارق .

دموعها نزلت قلبها بيوجعها ظلمت كتير اووي ظلمت حمزه وظلمت طارق لكن نار الانتقام عامتها...

بعد مرور أسبوع ..

كانت عايشه جسد بلا روح كان الارهاق وعدم النوم باين على ملامحها كانت تعبانه اووي ...

حسام:هتفضلي قاعده كتير كدا 

_حسام تعالى

_على فكره حمزه خطوبته النهارده على بنت خالته

_الف مبروك فرحتله جدا من قلبي

_للدرجادي بقاش عندك قلب

_حسام أنا كنت بحب طارق..

_اي بتقولى اي

_للاسف دا اللي اكتشفته أنا قلبي واجعني اووي عليه برغم واحشته بس حبيته..

بدأت تعيط ودموعها نازله...هوا طلقنى علشان مكنش عاوزني افضل معاه وهوا بالضعف دا ..

كان بيحبني لكن أنا مكنش عندي قلب يا حسام مكنش عندي قلب..

حسام قرب منها وخدها في حضنه:أهدى يا حبيبته وادعى أن ربنا يسامحنا كلنا ويسامحك

_انا عوزاك متوعلش منى في يوم من الايام عوزاك تعرف حمزه أنه كان اعز صديق عندي وانى كنت بحبه واعتذرله بالنيابه عنى..

_انتى وطارق عمركوا ما كنتوا هتنفعوا لبعض علشان انتوا الاتنين وحشين واللي كان بينكوا عمره ما يكون حب انتى فضحتيه وهوا فضحك...

_فعلا عندك حق بس برضو عمري ما انفع لحمزه لانه هيفضل طول عمره خايف منى لو جاله برد هيخاف أن أنا السبب أنا ولا انفع طارق ولا حمزه ولا انفع حد اصلا..

أنا وحشه....

للاسف كلامها صح الغدر والانتقام بيعملوا من الشخص بنى ادم تاني وبيغيروه مبيبقاش شايف قدامه الا شبح الانتقام بس ...

كانت واقفه قدام البحر بتاخد نفسها مع كل شهيق وزفير بتحس بألم في حسدها كله رعشه بتجيلها من الوقت للتاني تعبت من أنها تعيش خلاص كفايه كدا هى عاشت على أمل واحد والامل اتحقق مش عوزا حاجه تانيه من الدنيا...

قربت من البحر ونزلت وسابت نفسها للموج...

انهت حياتها...بايديها يأست من أنها تعيش على أمل كداب واللي جواها اتربي عالحقد صعب تتغير الكل سابها اخوها وحمزه وامها كل اللي كان بيشجعها سابها تايهه..

*عادت لتنتقم لكن كلفها هذا الانتقام حياتها وما بداخلها*

هنا.في كرنفال الروايات  ستجد. كل. ما هوا جديد. حصري ورومانسى. وشيق. فقط ابحث من جوجل باسم الروايه علي مدوانةكرنفال الروايات وايضاء  اشتركو على

 قناتنا        علي التليجرام من هنا

ليصلك اشعار بكل ما هوه جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹

                    تمت

                     

لقراة باقي الفصول اضغط هنا

تعديل المقال