CMP: AIE: رواية غرام الاكابر الجزء الثانى2الفصل الثاني والعشرون22بقلم منال عباس
أخر الاخبار

رواية غرام الاكابر الجزء الثانى2الفصل الثاني والعشرون22بقلم منال عباس

رواية غرام الاكابر الجزء الثانى

 الفصل الثاني والعشرون22

بقلم منال عباس


قصت هنا كل ما حدث من احمد وطلبه الزواج منها 
رامز : المهم انتى حاسه بايه ناحيته ..




هنا : الحقيقه انا مرتاحه ليه هو طيب ومالوش علاقات وفى حاله ..دا غير طنط حسناء ست طيبه اوووى ...
دخلت هند الكافيه لتناول قهوة ..لتغيير مودها
وما أن جلست حتى




 سمعت صوت رامز 
التفتت تجاه مصدر الصوت ..فوجدت رامز يمسك بيد هنا ..
أمسك رامز يد هنا وقال
رامز : من لمعه عينيكى دى وانتى بتتكلمى عنه يبقي لازم الايد دى تلبس دبلته ..اوعى تضيعى من ايديكى يا هنا 




واحد بيحبك ..الراجل لو حب بيكون مخلص فى حبه ...وهو دا اللى هيقدر يسعدك 




نظرت هند نظرة مطوله على ذلك الذى يمسك بيد هنا وقلبها يتقطع ..فهى تسمع صوته ولكن تفاصيل الحديث لم تسمعها ..
هند فى نفسها :هو دا الحب والاخلاص اللى بتتكلم عنه يا رامز ..يا الف خسارة فكرتك اتغيرت ...
الحمد لله ..انى بعدت عنك ...وقامت كى تغادر 
لتجد من يمسك بيدها ..
حسام : آنسه هند انا مش مصدق عنيا ...ايه الصدفه الجميله دى 
جذبت يدها بعيده عنه ..
هند بصوت عالى : ايه يا استاذ دا ازاى تمسك ايدى 
سمع رامز صوتها ..انتفض فى مكانه ..وقام بسرعه باتجاهها..
حسام : هى دكتورة رغد ما اتكلمتش معاكى عنى ؟
رامز : هند فى حاجه ومن الشخص دا 
حسام : اظن دى حاجه خاصه بينى وبين أستاذة هند بتتدخل ليه ...
هند : مفيش حاجه خاصه بينى وبينك ..انا معرفش انت مين اصلا ..وبالنسبه ليك يا استاذ رامز ..اظن مفيش داعى من تدخلك ..روح كمل حكاياتك...ونظرت باتجاه هنا ..ولكنها لم تجدها فقد غادرت هنا ..بسرعه كى لا تتأخر ...
شعر رامز بغيرة هند ...
رامز : مفيش حكايات يا هند تعالى افهمك 
هند : مش عايزة افهم حاجه والمكان اهو مش قاعده فيه ..وامسكت حقيبتها كى تغادر 
حسام بتسرع أمسك بيدها 
حسام : انا كلمت غرام انى عايز اطلب ايدك ..وفرصه انك هنا يا هند وانا بقولك انا معجب بيكى وعايز ارتبط بيكى ..
رامز : انت اتجننت بتطلب ايد خطيبتى وانا واقف وقام بلكمه لكمه قويه ..
بكت هند وخرجت تجرى من الكافيه ..
جرى ورائها رامز وامسك يدها 
رامز : ليه بتعملى فيا كدا يا هند ..كفايه عذاب بعدك ...معقول ممكن تتخطبي للبنى آدم دا 
هند : وانت مالك وقبل ما تحاسبنى روح حاسب نفسك ...
رامز : بالنسبه ل هنا دى مجرد صديقه وكانت بتاخد رأيي ..اعترضت حديثه هند 
هند : بس كفايه كدب انا شوفتك بعنيه وانت ماسك أيدها ...
رامز : افهمى بقي ..انا ما حبيتش حد فى حياتى زى ما حبيتك ....وهنا خلاص هتتجوز احمد وكانت بتاخد رأيي ..وبلاش سوء الظن ..
نظرت له هند بدموع وجريت من أمامه ولكنها لم ترى السيارة الاتيه فى اتجاهها  لتصتدم بالسيارة
رامز بخوف وصراخ  : هند 
تقع هند فى الحال والدماء تسيل من فمها ...
يجرى عليها رامز وببكاء شديد يحملها ويجرى بها على سيارته للذهاب إلى المستشفى..
وصل إلى مستشفى غرام ..
حمل رامز هند وهو يصرخ دكتور بسرعه 
اخذتها منه الممرضات على الترولى وادخلوها حجرة العمليات..
اتصل رامز على غرام وهو منهار ...
غرام : ايه دا اول مرة رامز يكلمنى 
عاصم : ردى عليه وافتحى الاسبيكر 
ردت غرام 
غرام : الو 
رامز ببكاء وانهيار الحقينى يا غرام 
هند خبطتها عربيه 
غرام : هند !! ازاى وانتم فين 
رامز : احنا فى المستشفى اللى بتشتغلى فيها ..ارجوكى يا غرام تعالى بسرعه ..
غرام : خلاص انا جايه حالا ..





عاصم : أهدى يا غرام ويلا انا جاى معاكى 
استقلوا سيارة عاصم وذهبوا إلى المستشفى...
وجدت غرام رامز يجلس بالأرض وهو منهار .....
عاصم : قوم يا رامز 
وامسك بيده ..ليقوم من الأرض 
رامز : انا خايف عليها يا عاصم ....
استغرب عاصم رامز لأول مرة يراه يبكى فى حياته على أحد ....
عاصم : أهدى أن شاء الله تكون كويسه ..
خرجت إحدى الممرضات ..
الممرضه : عايزين كيس دم حالا الحاله فقدت دم كتير ...
غرام : فصيله دمها ايه ؟؟
الممرضه : فصيله دمها O 
رد رامز انا فصيله دمى O
وذهب للتبرع لها .....
بعد مرور أكثر من ساعتين 
غرام : خير يا دكتور الحاله ايه 
الطبيب : الحقيقه هى نزفت كتير ....ادعوا ليها ..
احنا وقفنا النزيف ..بس المريضه دخلت فى غيبوبه ...
غرام : تمام يا دكتور ممكن ادخل لها 
الطبيب : انتى عارفه أنه ممنوع يا دكتورة غرام ....
غرام : اطمن انا هعقم نفسي ودقيقه واحده وهخرج
الطبيب : تمام وتركها وغادر 
رامز : غرام هند هتعيش ؟؟؟
غرام : أن شاء الله ..ادعى ليها ...
ارتدت غرام ملابس معقمه ودخلت ل هند 
غرام : حبيبتى يا هند ..بالرغم من فارق السن بينا ..بس ديما كنتى اقرب حد ليا .... تركتها وخرجت 
عاصم : ايه الاخبار 
غرام : هى فى غيبوبه ..ربنا يشفيها 
رامز : يعنى هتفوق امتى 
غرام : دى حاجه محدش يقدر يحددها ..كلنا ندعى ليها ...
عاصم : يلا يا رامز وجودك هنا مش هيغير حاجه ..
رامز : ازاى امشي واسيبها ..اتفضلوا انتم ..أما هحجز حجرة علشان لو فاقت اكون قريب منها 
غرام : سيبه يا عاصم ..على راحته واحنا من الصبح هنكون معاه...
أخذ عاصم غرام وغادرا ..
غرام : لازم اعرف عمى حسن ..زمانه قلقان عليها ..
عاصم : الافضل نروح ليه ونعرفه وقاد سيارته إلى منزل حسن ..




طرق عاصم الباب 
حسن بقلق على هند فتح بسرعه 
وجدهم عاصم وغرام 
حسن : اتفضلوا يا ولاد
دخلوا وجلسوا ..وكان يبدو القلق الشديد عليه 
عاصم : اونكل حسن ..آسف أنى هبلغك أن هند عملت حادثه ..
حسن بفزع : هند ...حادثه ..هى فين وعامله ايه ...
غرام : أهدى يا عمى هى دلوقتى فى العنايه المركزة وممنوع الزيارة ..أن شاء الله الصبح اخليك تشوفها ..
حسن : وانا هنتظر للصبح ...انا لازم اروح ليها حالا 
عاصم : وجودك هناك مش هيغير حاجه...يلا تعالى معانا ومن الصبح بدرى ...هنروح ليها ..
غرام : أيوة يا عمى ..وان شاء الله هند هتكون بخير 
كان حسن فى حاله صدمه مما حدث ..ذهب معهم دون أى كلمه ...

عند رغد 
اقترب الوقت من النوم 
نورين : تصبح على خير يا مامى 
رغد لا انتظروا عايزة اتكلم معاكم شويه 
نورين : طبعا يا مامى 
نورى : ممكن نأجل الكلام للصبح 
رغد : لا حابه اتكلم معاكم ممكن 
نورى : تمام اتفضلى 
اخذت رغد بناتها إلى حجرتها ..وتركت يوسف يشاهد التلفاز ..
رغد : من زمان ما قعدناش مع بعض ....مش احنا اصحاب 
نورى بقلق : هو فى حاجه حصلت..
رغد : لا يا حبيبتي مفيش حاجه .بس كنت عايزة احكى ليكم حاجه ....
عارفين ايه الفرق بين الخاتم الاكسسوار والخاتم الماس..
نورين : الاول رخيص والتانى غالى 
رغد وايه كمان 
نورى : الاول اى حد يقدر يشتريه ..والتانى مش اى حد بيشتريه ..




رغد : عليكم نور ..واكملت 
فعلا الخاتم الاكسسوار ..سهل اى حد يشتريه ...واى بنت ممكن تلبسه ..ولو ضاع ما بتزعلش عليه لانها ممكن تجيب غيره .لكن الخاتم الماس ..علشان غالى وثمين ..مش اى حد يقدر يشتريه ...
وكمان لو قدر حد يشتريه ..وضاع منه ليحزن عليه وصعب يعوضه علشان غالى ..وأوقات كتير ما بيعرفش يشترى غيره ..
خلاصه كلامى ..ان البنت بالنسبه للولد زى الخاتم دا ...ممكن تخلى نفسها رخيصه بتصرفاتها...وبالتالى 
وقت ما يزهق منها ..لأنها رخيصه يعرف يبدلها بغيرها ..وفى بنت بتعمل لنفسها كرامه وبتخلى نفسها عزيزة وغاليه ..ومش اى حد يقدر يقرب منها ..غير اللى يستاهلها ..ولأنها غاليه ..مش بيغيرها وديما بيخاف عليها انها تضيع منه لأنها غاليه ...
ودلوقتي انتم كبرتم ..وبايديكم ..تقدروا تحددوا نفسكم ..انتم اى نوع من النوعين دوول ..
نورى : شكرا يا مامى ...وشعرت بالحرج من نفسها وتصرفها ...
نورين : قصه جميله ومعبرة ...
رغد : دلوقت تقدروا تركوا تناموا ..تصبحوا على خير..
قبلتها الفتيات وذهبوا للنوم 
رغد : ربنا يهديكم يا بناتى ...

عند هنا 



هنا تصبحوا على خير 
احمد : وانتى من اهل الخير ..وانا من الصبح هرجع شقتى .علشان تكونى على راحتك يا هنا ..وتاخدى قرارك فى 



موضوعنا بدون اى ضغط ..
هنا بابتسامه : بس انا موافقه ..



احمد : ربنا يخليك ليا ..انا شاء الله هعمل المستحيل علشان اسعدك ...

حان وقت النوم على أبطالنا 
فمنهم من يتألم على عزيز له ..ومنهم من يعيد حساباته فى تصرفاته .


.ومنهم السعيد لارتباطه بمن يحب ....
ليأتى الصباح على أبطالنا 
ليستيقظ عاصم على اتصال مصطفى 

مصطفى : عاصم العربيه اللى خبطت هند تبقي

تعليقات



حجم الخط
+
16
-
تباعد السطور
+
2
-