رواية عذراء على ابواب الجحيم
الفصل الثالث عشر والرابع عشر
بقلم سندريلا انوش
نيروز بهدوء:انا مش خدامة اهلك انا.
فقدت ساره اعصابها بعد تلك الجمله فقالت:انت ازاي يا جربوعه انت تتكلمي معايا انا كدا.
نيروز:ايوا مين انت يعني؟
ساره بتعالي:انا ساره الجويلي بنت اكبر رجل أعمال في مصر.
نيروز بسخريه وهي تتخطاها:بنت اكبر رجل أعمال في مصر..ماذا بعد؟؟
ثم ذهبت الي غرفة زين وتركتها تغلي..
ساره بحقد:قسما بالله مانت قاعده فيها يا جربوعه انت..انا معرفش مراد وافق بيمي ازاي تكوني مرضعه للزفت اللي هو جابه دا.
دلفت نيروز وهي تبتسم بمكر قائله:انا هوريكي يا سحليه انت..ياللي شبه العروسه الباربي.
في مكان آخر..
نزلت مي من عمارتها فوجدته مثل كل يوم ينتظرها بسيارته..
تأفأفت بضجر واسرعت في خطاها..فنادى عليها..
يوسف:ميي..مييي استني.
مي في نفسها:الله ينعلك ياخي مش بتزهق.
ثم وقفت واستدارت اليه قائله:ياانعمم.
يوسف:مش هتحني بقي دوختيني سنه وراكي.
مي:ولسا لسنين قدام كمان..انا خسرت صحبة عمري بسببكممم.
يوسف:مش ذنبي صدقيني دا مراد جوزها اللي عمل كدا.
مي بصراخ:وليييي يعمل كدا لي يخليني اتصل بيها واجرحها بالشكل دا لي.
يوسف:عشان نيروز كانت هتهرب بسببك لما شجعتيها علي الهروب.
مي بصدمه:هه.
يوسف:ايوا يا مي مراد كان عارف انك بتشجعيها انها تهرب ولما كانت هتهرب رجعت تاني..مراد كان سكران بس بيبقي فاكر كل حاجه.
انزلت رأسها في خذي للاسفل فقال:ارجوكي يا مي اديني فرصه واحده بس..انا بحبك وعاوزك في الحلال مش اكتر.
نظرت مي إليه في خجل وقالت:هتخليني اشوف نيروز!
يوسف بتفكير:موعدكيش بس اكيد هتيجي فرحنا.
نظرت مي الي ساعتها فصرخت في وجهه:احييييه اتاخرت علي الكليه خربيتتتككككك.
ثم ركضت فقال بصوت عالي:الله يجنك طب موضوعنا يا بتتت.
مي وهي تركب سيارة اجره وبصوت عالي:كلم بابا يا مجنون.
ثم ركبتها وانطلقت تاركه ذلك الولهان في حب الله يسرح بخياله..
يوسف:بكرا اكتبك علي اسمي يا ميمو.
ثم ركب سيارته وانطلق الي شركة المصري..
في المساء في غرفة مراد وساره..
كانت ترتدي سارة قميص نوم يكشف اكثر من يستر لونه اسود يصل الي اول فخذيها ومراد جالس علي الاريكه بتابع اعماله من اللاب توب..
سارة بدلع انوثي:مراد.
مراد:اممم.
سارة:انا مش عاوزه البنت الجديده دي.
رفع رأسه عن الشاشه وخلع نضارته قائلاً:قصدك علي مين؟
نهضت سارة من الفراش واتخذت فخذيه مقعداً لها وهي تلعب في خصلات شعره..
ساره:البنت البيئه اللي بترضع زين.
مراد:مالها بردو؟؟
ساره:قلة ادبها عليا ولسانها طويل.
ابتسم مراد بسخريه في داخله وقال لنفسه:كنت حاسس.
ساره:مراد انت معايا يا حبيبي.
مراد:امممم.
ساره بتوجس:هتمشيها؟؟!
مراد:لا.
ساره:نعم!
مراد:مش هتمشي دي الوحيده اللي زين قبل يرضع منها.
سارة:يعني اي هتفضل ترازي فيا كتير يعني؟؟
مراد:تجنبيها وخلاص.
سارة:اتجنبها ازاي يعني دي في وشي ليل نهار.
مراد:ساارة البنت مش بتخرج من اوضة زين بلاش كدب بقي ثم ازاح يديها عن شعره ونهض..
فنهضت خلفه واحضتنته قائله:خلاص متزعلش يا روحي.
مراد:...
ساره بصوت منخفض:مراد.
مراد بضيق:خير؟
انزلت يدها عنه ووقفت امامه..راي مراد في عيناها الرغب في التقرب منه..بدء في تقبيل شفتيها بهدوء..فتعلقت به بقوه فحملها وسار بها الي الفراش..
في تلك اللحظه كانت نيروز تسير في الممر بعد ان نام زين فمرت بجوار غرفة مراد وساره وسمعت اخر شيء كانت تود سماعه..
سارة:بحبك اوي يامراد بحببك.
شعرت نيروز بان هناك شيء ثقيل علي صدرها يصعب عليها التنفس..هناك قوة جذب قويه بينها وبين الأرض..
وضعيت يدها علي قلبها بألم وقالت:يارب تولعوا انتم الاتنين.
ثم نزلت درجتين وقالت:لالا بعد الشر عليه انشالله هي تولع بجاز ميعرفوش يطفوها البعيده.
ثم سمعت صوت رجل اخرى يتحدث في الهاتف فصعدت مجددا واتبعت الصوت حتي وصلت الي غرفه في نهاية الممر..
فزعت عندما سمعت صوت يقول:انت مين؟؟
نظرت نيروز الي المتحدث وجدته رجل احتل الشيب راسه وعيونه خضراء فقالت نيروز لنفسها:هو لون العين دا مفيش غيره هنا ولا اي؟؟!
وكان يجلس علي كرسي بعجل..
نيروز:اناااا..انا.
توفيق:انت نيروز صح؟
نيروز بتوتر:ااه انا..هو حضرتك تعرفني؟
توفيق:طبعا انت الداده بتاعت زين الجديده.
ابتلعت تلك الغصه وقالت:اه انا..احم انا اسفه ماكنش قصدي اتجسس علي حضرتك.
توفيق:لا لا عادي اصلا محدش بيجيلي كتير ولا اكني كبير العيله..حتي ابني في نفس البيت ومقاطعني.
نيروز:ابنك الدوك؟!
توفيق:اي دوك دي؟؟
نيروز:اختصار دكتور يعني.
توفيق:انتم عليكم مصطلحات.
ابتسمت نيروز فقال هو:انا توفيق المصري جد زين وابو الدكتور مراد..بس هو حاليا ماسك شركة المصري بسبب ظروفي الصحيه اللي انت شيفاها دي.
نيروز:الف سلامه علي حضرتك.
توفيق:الله يسلمك يابنتي..زين عامل اي؟
نيروز:عسول اوي بسم الله ماشاء الله.
توفيق بتوجس:امممم هو متأخذنيش يا بنتي بس هو ممكن سؤال.
نيروز:اتفضل حضرتك.
توفيق:الاول اقعدي علي السرير هنا.
جلست نيروز علي حافه الفراش فقال توفيق:انا اعرف ان الست لازم تكون ولادة عشان ترضع صح.
احمر وجه نيروز فاكمل قائلا:انت بقي ازاي بترضعي وانت شكلك صغير كدا؟!..ام الولد دا؟؟
تذكرت نيروز تحذير مراد لها في الصباح قبل صعودها الي زين..
**فلاش يااك**
دخل مراد إليها دون ان يطرق الباب فوجدتها تحاول دهن ذلك المرهم المسكن التي جلبته الداده سعاد إليه قبل دقائق..
نيروز بفزع:جرا اي يا حيوان انت خضتني.
دخل مراد ووقف امامها واخذ المرهم منها وبدء في دهنه علي جرحها وهو يقول بتحذير:لو طلعتي فوق وبالصدفه شوفتي راجل علي كرسي بعجل وسألك انت مين؟! تقوليله انك الداده بتاعت زين.
ثم اكمل قائلاً:طبعا هيقولك ازاي بترضعي زين وبحكم انه دكتور نسا وتوليد زي هيقولك لازم تكون ولاده عشان الهرمون المسؤل عن انتاج اللين في الثدي بيتفرز او ما الست تولد وغيره..فاهمه.
نيروز بتهكم:والله انا متعلمه وواخده ثانويه عامه مش بصمجيه انا.
ضغط مراد علي جرحها فتألمت وقال:فاهمه!
نيروز بتألم:فاااهمه.
مراد:هتقولي الآتي..انك كنتي متجوزه وجوزك طلقك علشان بنتك ماتت..ونزلتي تشتغلي عشان تصرفي علي نفسك.
نيروز:بس انا مش لابسه اسود عشان اثبت الكلام دا.
مراد:مش هيهتم اصلا..هتقولي ان بنتك جاتلها حمى وماتت وجوزك طلقك فاهمههه.
نيروز:فاهمه فاهمه.
**بااك**
اخبرت نيروز ما قاله مراد لها بالحرف الواحد..فقال توفيق:البقاء لله..اهو ربنا عوضك بغيره.
نيروز:مش زي الضنى يا توفيق باشا.
توفيق:طبعا..بس تعويض عن شعور الامومه شويه.
نيروز:شويه اه.
توفيق:اومال مين ام الولد دا.
نيروز:هو حضرتك شاكك فيه لي؟؟
توفيق:اصل الولد دا لسا مولد مكملش يومين او تلاته..قال انه جابه من ملجئ كان لسا الطفل دا واصلهم.
نيروز:له نصيب يعيش هنا.
توفيق:فعلا..معلش يا بنتي فتحت تحقيق معاكي عالفاضي يارب ماتكوني زهقتي مني.
نيروز:لا طبعا..انا اللي هسييب حضرتك ترتاح عشان شكلك تعبان.
توفيق:لا عادي والله لو عاوزه نلعب شطرنج اقعدي نلعب للفجر.
ابتسمت نيروز قائله:لالا لازم ترتاح عن اذنك.
توفيق:اذنك معاكي.
خرجت نيروز ونزلت الي الاسفل فتقابلت مع الداده سعاد..
الداده:كنتي فين يا بنتي كنت عاوزه اتعشى وياكي.
نيروز:معلش يا داده والله كنت عند توفيق باشا.
ارتبكت سعاد قليلا وقالت:كنتي بتعملي اي هناك.
نيروز وهي تأكل قطعه من الخيار:ابدا جدو دا قالي تعالي اقعدي ورغي معايا..تصدقي دا قاله ان زين ابن ملجئ وهو اللي جابه!
الداده:هه اه اه عارفه..بصي نصيحه مني متحتكيش يالراجل دا.
نيروز:لي بس..دا كيوت خالص غير ابنه نهائي نفسي اشوف الراجل بتاع جمله ذاك الشبل من ذلك الاسد عشان اخنقه بايدي.
الداده:نيروز انت متعرفيش حاجه..دا شيطان..مراد جنبه صفر علي الشمال.
الفصل الرابع عشر
نظرت نيروز الي الداده ثم قالت:هحاول محتكش بيه كتير.
قالت الداده وهي تذهب الي غرفتها:حاولي يابنتي افضلك.
في الصباح..
خرجت نيروز من غرفتها وصعدت الي غرفة زين كالعاده ليتصنم جسدها مكانه عندما لم تجده في فراشه..
ركضت كالمجنونه تبحث عنه في الداخل ولكن لم يكن له اثر..
خرجت من الغرفه فتنهدت براحه عندما وجدت مراد يسير به في الممر وذهابا وايابا..فتقدمت نحوه مسرعه..
نيروز:هاته أكله.
نظر مراد اليها ثم اعطها زين فاتجهت به الي غرفته واغلقت الباب..
زفرت نيروز بحنق قائله:اهدي يا نيروز اهدي دا ابوه.
ثم جلست علي المقعد وبدءت في ارضاعه..نام زين..ولكنها تذكرت ان مراد يضع كاميرا في الغرفه وربما يراها الآن..
بحثت بعيناها عن الكاميرا فوجدتها مقابله لها في سقف الغرفه..
نظرت اليها ثم اخرجت لسانها ثم قامت بحركات مضحكه ولكنها تستفز مراد وقالت:انت خنزير براس بني آدم اساسا معرفش ابني دا طلع شبهك ازاي.
صمت قليلاً وقالت:انتم عيله غريبه..ولا امو شعر اصفر دي..ثم قلدت ساره قائله:بحبك يا نينينننييي بحبك اووي..جاتك نيله انت وهي في ساعه واحده.
ثم نظرت اليها مجددا وقالت:انت عارف لو سامعني هيكون يومي اسود انا عارفه بس طزز فيك عادي.
نظرت الي الكاميرا فتحركت للاسفل والي الاعلي..
شهقت نيروز ووضعت طفلها في فراشه لتهرب من الغرفه..كادت تفتح الباب ولكنها وجدت الباب يفتح بالفعل ويدخل ذلك الثور الهائج..
تراجعت نيروز للخلف قائله:اقسم بالله شوف اقسم بالله كدا انا لو اعرف انها بتوصل الصوت كنت شتمت الحربايه امو شعو اصفر بس.
مراد وهو يتقدم نحوها ويجز علي اسنانه:بقي انا جاتي نيله تاخدني.
نيروز:لا طبعا مقصدش مافي ستين داهيه انت وهي.
ثم وضعت يدها علي فمها بفزع واصطدم ظهرها بالحائط وحاصرها هو بين يديه..
مراد بمكر:اممممم وسمعتي اي تاني.
نيروز:سمعت الرعد في ودنك..اي دا انت بتبصلي كدا لي؟؟
كان مراد ينظر الي جسدها بطريقه اخجلتها فضربته في صدره..
نظر في عيناها وقال بخبث:تحبي تعرفي كانت بتقول كدا لي؟
نيروز وهي تبعد عيناها عنه:لا مش عاوزه وابعد كدا الاه انت بتلزق فيا كدا لييي.
اقترب مراد من اذنيها وقال بهمس:تؤتؤ لازم اقول..ثم ارداف ببعض الكلمات الجريئه والوقحه في اذنها فتلون صدغيها بالاحمر..ثم ابتعد عنها واكمل..
مراد:وكنت بعمل كدا كمان..وهجم علي عنقها بقبلات قويه..
فزعت نيروز من هجومه المفاجئ وحاولت الصراخ ولكنه كمم فمها بيده..
ابتعد مراد عنها بعد ان طبع بعض العلامات علي عنقها فجلست نيروز علي الارض في مكانها وهي تبكي..
مراد وهو يغادر الغرفه:انا عارف مدي كرهك اني المسك واصل لفين..ودا مجرد عقاب بسيط علي لسانك الطويل يا نيروز.
ثم ترك الغرفه..فصرخت نيروز وضربت الارض بكتلة يديها بقوة حتي نزفت..استيقظ زين يبكي علي صوتها العالي فنهض إليه وهي تمسح دموعها..
نيروز وهي تحمله:انت الوحيد اللي مصبرني علي كل اللي انا فيه دا.
ثم صمت قليلاً وقالت بتنهيد حاره:وحبي ليه مديني امل انه يتغير..ولو تغير بسيط..معرفش جايبه الامل دا منين بس كل ما ابص في عينيه بحس ان في حاجه جواه شايلها مش عاوزه يقولها..بس انا هعرفها قريب.
خرجت نيروز بعد ان نام زين واثناء سيرها في الممر اوقفتها ساره...
نيروز بضجر:خير ياااا..
ساره:اسمي ساره هانم.
نيروز وهي تتخطاها:هااي سااره..باااي ساره.
ثم تجاهلتها ولكن اوقفها توفيق باشا..
توفيق:نيرووز تعالي عاوزك.
نيروز:حاضر جايه.
ثم استدارت الي ساره واخرجت لسانها وذهبت اليه وهي تقفز مثل الاطفال حتي وصلت الي غرفته..
نيروز بمرح:سلاموووعليكووو.
ضحك توفيق قائلاً:وعليكوا السلااام.
نيروز:هاا سمعتك بتناديني سمعتي صوتي ازاي؟!
توفيق:اقولك سر.
نيروز وهي تقترب من وجهه:اي انت اللي قتلت موفاسا ولا اي؟؟
قهقه توفيق بقوه مما جعل ساره تغلي فور سامعها صوت ضحكه القوي...
توفيق وهو يلتقط انفاسه بصعوبه:مضحكتش من زمان بالشكل دا.
نيروز وهي تقف بتفاخر:ولسا ولسا لما نتصاحب اكتر..بس قولي عاوزني لي.
توفيق:لو مفيهاش رزاله مني عاوزك تساعديني انزل للجنينه تحت انا زهقت من الاربع حيطان دوول.
نيروز:عيوني بس هتنزل من السلم ازاي؟؟
توفيق:انا بقدر اقف بس مش كتير..ممكن لو عملت علاج طبيعي هبقي كويس.
نيروز:واي المانع!
توفيق:مراد ابن رافض دا.
نيروز:في ابن يعمل كدا في ابوه.
توفيق بحزن:دي حكايه قديمه يا نيروز.
نيروز:طيب طيب خلاص بلاش الحزن دا يلا اساعدك.
تحركت بكرسيه حتي وصلوا عند اعلي السلم ثم وقف توفيق وقدماه ترتجفان واستندى علي نيروز حتي هبط للاسفل..
ثم صعدت نيروز وانزل الكرسي المتحرك فجلس عليه وتحركوا الي الحديقه الخلفيه للفيلا..
بمجرد خروجهم إليها شعرت نيروز براحه من تلك الالوان المبهره..
نيروز:بسم الله ما شاء الله.
توفيق:بقالي سنين في اوضتي محدش راضي ينزلني منها.
نظرت نيروز إليه بتوجس وقالت:اي دا لي؟؟
توفيق بحنق:مراد رافض ان حد يخرجني منها واي حد يساعدني.
نيروز بضيق:هو مفكر نفسه مين دا..دانت ابوه مستكبر عليك حتي الخروج من اوضتك.
توفيق:انا السبب في اللي هو فيه دا.
جلست نيروز علي مقعد الطاوله المستديره وامامها توفيق..
نيروز:ازاي؟؟
تنهد توفيق قائلاً:مالوش لازمه نفتح فالماضي هو مش هيتغير نهائي..تعبت منه حاولت كتير اكفر عن ذنبي دا.
زفرت بضيق قائله:بس بردو مش كدا يعني.
توفيق:سبيه بكرا يعرف الحقيقه بس لما يعرفها مش هيسامحني بردو بالعكس ممكن يكرهني اكتر من الاول.
نيروز:توفيق باشا متقولش كدا..مهما حصل انت هتفضل ابوه وهو ابنك.
لوى توفيق فمه قائلاً:اه اب عاق لابنه.
نيروز:ابنك دا غريب ربنا يهديه ثم قالت في سرها:او يولع فيه ايهما اقرب.
توفيق:سيبك مني بقي..احكيلي عندك كام سنه ولا في كليه اي.
تنهدت نيروز قائله:انا عندي 19سنه..كنت المفروض ادخل كلية علوم بس محصلش نصيب لما اتجوزت بدري..اتجوز واحد عرفي قبل السن القانون جبت منه بنت وكنت بدرس في ثانوي..بنتي ماتت بحمي وبعدها بشهر جوزي مات في حادثه.
تنهد توفيق قائلاً:لا إله إلا الله.
تنهدت نيروز:ربنا عاوزلي الاحسن اكيد..بس ممكن سؤال.
توفيق:قولي يا بنتي.
نيروز بتوجس:هو حضرتك عملت مصيبه للدرجة دي يعني!
توفيق:عملت مصيبه لو صلحتها هتتحول كارثه يا نيروز..هبقي طلعت من حفره نزلت في بير.
نيروز:طب هو كان عامل ازاي لما كان صغير يعني كان زي الاطفال كدا؟؟ بيلعب بيتعامل عادي مع غيره.
توفيق بترقب:انت مهتمه تعرفي اوي كدا لي؟؟
نيروز بتوتر حاولت اخفاءه:ل..لا عادي اصله بيعاملني وحش يعني..من غير سبب حتي انا معرفهوش شخصياً او حصل ما بينا اي موقف يخليه يعاملني زي الشحاتين كدا...وبعدين يعني استغربت حتي مع ابوه كدا..يبقي في حاجه اكيد..يعني مقصدش ادخل في شؤون عائليه.
ابتسم توفيق قائلاً:فاهم يا بنتي..مراد ماكنش كدا..كان طفل مرح مبتسم ديما الفيلا دي كانت بتتهز من صوت ضحكته بس ال..مالك يا نيروز!!
كانت نيروز تضع يدها اسفل بطنها مكان جرحها فهو لم يلتئم بعد..
نيروز بتألم:لالا بطني وجعاني جامد هقوم اخدلها برشامه وجايه.
توفيق:خير انشالله..ادخولي من الباب التالت بلاش دا دلوقت هتلاقي الخدم بينضفوا في الوقت دا والارض فيها مايه.
نيروز:فين دا.
أشار توفيق الي احد الاتجاهات فأماءت برأسها ثم اتجهت الي وجهتها..
اثناء سيرها الي ذلك الباب لمحت من بعيد حمام السباحه..
فاتجهت إليه..لتعقد حاجبيها بأستنكار..
نيروز باستنكار:حمام سباحي بلا مايه..وبعدين اي اللي مكسره بالشكل دا معقول معاهم الفلوس دي كلها ومش معاهم يصلحوا حتي البسييين!!