رواية حنين الاحبه
الفصل العاشر10
بقلم رحمه ايمن
طالت نظرتنا وزهولنا من التغير الكبير الي حصلنا، وزكريات الي تعادت، فبعدها فوقت علي صوت هندسه وهو بقول.....
هندسه: احم احم، اي يا شباب مش هنمشي نقعد في اي مكان ول اي
احمد: لاء اكيد هنمشي، اتفضلي يا رحمه
رحمه: كلك زوق شكرا.
قفلت العربيه بالمفتاح بص علي ايدي وضحك فبصتله وضحكت انا كمان، واتمني هندسه يمشي، اه والله عشان كده كتير الحقيقه.
احمد: كان في كافيه هنا جنب المطار؟
رحمه: يااه انت لسه فاكر، ده تعمل بداله خمس وظايف تانيه، صباح الفل يا مصر
احمد: انا علي كده فايتني كتير بقي
رحمه: انا هخدكوا علي كافيه جامد تعالوا ورايه.
اخدتهم علي فرع جديد من الكافيه الي كان جنب المطار، فيكو تقولوا اني كنت بروح الكافيه ده كل يوم بعد ما مشي ولاني زبونه عنده جامد ومتعود عليا وعلي زيارتي للمحل، قلي انه هيفتح في مكان جديد وبعتلي العنوان ومن يومها وانا فيه.
جايز كنت بتخيله قدامي كل يوم وانا بشرب قهوه زي المجنونه.
فبتسمت وقلت بعدها، هو من يوم ما حبيتك وانا اتجننت اصلا.
احمد: ده جميل برضه، راقي اوي ودور تاني وازاز ونظام، رواق.
رحمه:.....
احمد: بتبصيلي كده لي
رحمه: احم لاء مفيش حاجه، اومال هندسه فين
كان ورانا تقريبا؟
احمد بغمزه: فيكي تقولي وزعته ههه.
ينهار ابيض، لسه غمزته حلوه وبتثبتني! لاء انا بحلم صح.
انت قدامي بجد، انت حقيقي وبتكلمني!.
احمد: تعرفي اني مش مصدق نفسي، انك قدامي، اني شايفك
هو انتي قدامي بجد، انتي حقيقيه وبتكلميني!.
وقتها ضحكت، علي صيغه كلام الي متغيرش حرف فيها
وعلي نفس الخضه واللهفه والشغف والاحساس الي في عيونا. عادي احضنك طيب اتاكد؟.
بعدها قاعدنا، حل الصمت وتوتر، كنت منزله عيني وبفرك في ايدي من الكسوف، رغم اني بقالي اربع سنين عكس الشخصيه دي تماما
لكن معاك بتتغير كل المشاعر وبتتوقف كل طرق التفكير
والقي احلي صوت بطلع منه وبفك جو التوتر الغريب الي بينا ده.
احمد: زي ما انتي متغيرتيش، لكن محلوه، جريئه وجسمك زاد شويه وده مخليكي احلي واحلي، استيل لبسك اتغير
وبقينا انضج كتير عن زمان كمان، تخيلتك كتير بتكبري قدامي بس مكنتش اعرف انك هتكبري بالجمال ده وانا بعيد.
كان بكلم وانا بحمر، يقول كلمه ويجود وانا احمر واصيح.
يبني هحضنك وربنا، تعبتني.
ولاني بطبعي مبعرفش ارد علي الكلام الحلو ودبشايه.
رديت وقولت بمحاوله تفكيك الجو.
رحمه: وبنسبه لطول، مطلوتش شويه بالله، اجبر بخاطري طيب.
احمد بضحك: لاء والله لسه قوزعه، سوري.
رحمه: ههه وانت
احمد: ؟
رحمه: زي ما انت متغيرتش، فيك تقول اعرضيت شويه وعملت سكس باكس ها
احمد: هههه اه كنت بروح الجيم كتير
رحمه: امم، عشان البنات وكده، طب تعرف اني احلى منهم
احمد: يا راجل
رحمه: اومال
سكتنا شويه وبعدها ضحكنا في وقت واحد.
يا رب ما يكون حلم، هو مش حلم صح.
احمد: باين كده حققنا الوعد
رحمه: احم "تظهر له يدها"
احم احم الساعه، المفتاح والصباع.
احمد: صباع؟
رحمه: مفيش خاتم تحط فيه لسه يرضيك؟
احمد: ههه لاء ميرضنيش يا قمر والله
رحمه: حيس كده بقي، الحج فاضي في اي وقت في البيت، لو انت عايز تقابله تشرب معاه شاي وتقعد شويه يا مرحب
احمد: بكره لو عايزه، او اقلك دلوقتي، تحبي تقومي دلوقتي؟
بصتله وشربت من القهوه كده ببتسامه وبعدها رن التلفون
وطبعا الصداع حجي.
رحمه: عذرا دقيقه
احمد: براحتك اكيد
رحمه: اي يا ست ايه
ايه: اي يختي، مجاش صح عشان تسمعي كلامي وتتلمي
احمد: ايه من ايام الجامعه! هههه مستحيل انته لسه صحاب!
ويوسف، چو چو كويس؟
ايه بخضه : رحمه مستحيل، لا اصدق ما اري ! ده صوت احمد صح؟
بعدها فتحت المكبر وضحكت وكملت كلام.
رحمه: احمد بعينه، ههه واسمها لا اصدق ما اسمع يا طرشه
ايه: بت سبيني في صدمتي دلوقتي، احمد الي معاكي فعلا
رحمه: خد كلمها
احمد: اهلا يا ايه ازيك
ايه: ده هو فعلا! ليك وحشه والله، عماله اقلها هيرجع واوعي تجوزي، وتجيب عرسان واقلها يا بنتي ميصحش احمد مستنيكي متعمليش كده وهي تقولي ابدا هجيب عرسان، وديما في بالي والله ديما
رحمه: دقيقه كده يا احمد معلش
قفلت المكبر وشتمتها بامها قدامه عادي ، م هو احنا هنستهبل ول اي
رحمه: انا عملت كده برضه يا كدابه! يا بينوكيو، اصبري يا ايه اما ارجع وربيكي اصبري
ايه: عيب عليكي تغدري بيا، مش انا قلتلك كده يا بنتي، سمحني يا رب.
رحمه: اقفلي يا حيوانه، بكره اجيلك ونرغي واشتمك علي رواق
سلام.
ايه: اشطا هستناكي، تعرفي اني مصدومه وفرحانه في نفس الوقت بجد، الحمد لله انه ربنا جبر بخاطرك وعلي تواصل ها
ابقي كلميني.
رحمه: اشطا تمام، باي.
قفلت معاها وانا قلقانه انه يكون فهمني غلط دلوقتي، منك لله يا ايه، فحاولت اصلح الموقف طبعا وانا بقول بتردد
رحمه: طبعا انت مش مصدق حاجه من الي قلتها صح، انا...
احمد: متبرريش حاجه، حوم انا عايزك تعرفي اني احمد
الي فاهمك وفاهم ايه وفاكر كل ايامنا، وترتاحي وانتي بتكلميني
دن؟
رحمه: بس كتير أتغير صدقني
احمد: حتي حبك ليا؟
اسكت شويه بعد الكلمه دي، وبعدها رديت بتوتر وخوف من ردت فعل مش متوقعها بالمره، لكن لو هتنمي بدايه كلام فمش هتكون احلي من الصراحه.
رحمه: فيك تقول حصلي عمليه انطفاء
احمد: مفهمتش؟
رحمه: يعني لسه بحبك اه لكن عمرو ما يكون نفس الحب القديم
مش قصدي اني بكرهك بس... اوف هو...
احمد: رحمه
رحمه:....
احمد: عارف كل ده من غير ما تقولي، ٥ سنين مش سهله.
وبوعدك اني ارجع نفس المكانه في قلبك تاني ويمكن زياده شويه كمان تعرفي لي
رحمه: ؟
احمد: عشان قاعد علي قلبك ومش همشي، مش همشي سمعه.
جت لي مكلمه فستأذن مني ورد وحقيقي كلمتين رشقه في قلبي مطلعوش، انت مش هترجع مكانتك ول حاجه، انت خلاص خدتها يمان، هو في حد قمر كده بجد، لاء والله ما في.
احمد: تحبي نغير المكان لانه هندسه واقف تحت في الفندق والفلوس في شنطتي في العربيه وهيقتلني.
رحمه: ههه انا كمان لازم اتحرك عشان اشوف صقر ليموتني انا كمان، يلا بينا
احمد: صقر؟
رحمه: هقلك عليه بعدين
احمد: امم، هنشوف
" في الخارج امام السيارات "
رحمه: ط.. طيب انا همشي بقي
احمد: هنتقابل تاني امتي؟
رحمه: في بيت العيله ان شاء الله، سلام يا قمر
احمد: ههه ماشي يا قمر.
مشيت للعربيه وفتحتها ورمشت بنص عين كده عليه، لقيته بلبس النظاره وبيركب هو كمان، يعني حقيقي صح! مبتخيلش، الحمد لله.
لكن بعدها لقيته ورايه، اروح يمين يجي ورايه يمين، اروح شمال يجي ورايه شمال، فوقفت عند البيت وخلعت المفتاح من العربيه وشورت لي يطلع ووقفنا قصاد بعض تاني
لكن بتربيع إيد مني ورفعه حاجب وابتسامه قمر من عيونه الاقمر منه ، حد يشيل الود ده من قدامي.
رحمه: ممكن اعرف ماشي ورايه لي
احمد: اعرف سكنك الي متغيرش الحمد لله، واخد رقمك الجديد الحقيقه
ضحكت وطلعت التلفون وفتحته وبعدها وقفت وبصتله تاني.
رحمه: ما جايز تموت بكره الصبح ومتروحش لاهلي ووقتها....
احمد بالجز علي اسنانه: رحممه
رحمه: 010... ههه
خده وبعدها مشي وقلي سلام كده برخامه مع نص زغره قمر كده
وفي عز سرحاني فيه، تلفوني رن
رحمه: اي يا صقر باشا
صقر: هعملك كرسبي يا رحمه، فينك يا رحمه
رحمه: والله رجعت اخد الاب، انا اسفه طيب، صقوره
صقر: ثانيه ونص القيكي قدامي
رحمه بتريقه : حادر حادر.
في شركه التحرير.
رحمه: صباحو
سندس بهدوء: اهلا يا رحمه
رحمه: اهلا يا جميل.
"يخرج المدير" صقر " من الغرفه عند رؤيتها ويذهب لها ويقف بستداره من ظهره وسند بيده علي مكتبها بخفه ويتحدث بصوت منخفض كالمعتاد.
صقر: صباحو
رحمه: الباشا
صقر: بصيلي كده
رحمه: امم
صقر: ميكب بصيت، سلسله الصقر، ابتسامه حلوه ونظره عين كلها شغف يبقي كنا بنقابل حد وحد مهم اوي كمان
رحمه: صقر ممكن تبطل تفهمني كده بجد؟! والله ما بهزر
صقر: تؤ مقدرش، مين
رحمه: سر هبقي اقلك
صقر: بليل مكانا المعتاد
رحمه: اكيد ياباشا طبعا ، انت تأومر وانا انفذ
صقر: بتاكلي بعقلي حلاوه ها، اتاخري يا رحمه
واعرفي اني كنت هقتلك لكن معديكي بمزاجي ها، عشان مبسوطه انهرده بس
رحمه: حبيب هارتي يستا
صقر: اممم، ربنا يعيني عليك يستا "يصقف بصوت مرتفع" كلو يركز عشان في اصدار كتاب جديد فهمين، عايز تركيز وبس الايام الجيه
واي حد محتاج استفسار عن حاجه انا في المكتب
واحمد وعمر، تعالوا علي المكتب عشان محتاجكو حالا، يلا بتوفيق جميعا.
ده بقي صحبي، اخويا، شخص عزيز عليا جدا، فيكو تقولو ال. best friend بتاعي " هو بدون اي مبالغه عرفني اكتر من اي حد علي الكره الارضيه
من عيني بجبني، من عيني بفضحني، بلقي عنده السوال والجواب وبلقي عنده كل الحنيه والخوف
اه في حد فينا وقع واكيد عرفين انه هو، بس انا فهمته الي فيها وعذرني وقلي انه مستيني مهما حصل.
ده شيئ مديقني بس مقدرش ابعد عنه الصراحه، لانه هو من اغلي الناس علي قلبي وممتنه لي .
هو عيونه سوده كحل، قمحاوي سيكا، عنده دقن خفيقه كل ما اشوفه بقولو يحلقها لانه من غيرها احسن، دمه خفيف وجدا الصراحه، ردوده قويه، منطقيه وعنيفه حبتين
والحمد لله بديني علي دماغي وقليل الادب سيكا معايا لاني بنرفزه وهو نرفوزه اوي الحقيقه.
طويل حوالي 189 سم، يعني باخد تريقه لركب منه
عصبي سيكا وهادي في نفس الوقت، صوته عالي لكن معايا مبيقدرش يعمل كده الصراحه ، مزجنجي جامد، روش، يحب الاغاني والرقص والهبل زي، من عيله كبيره وغنيه وليها وضعها ومركزها بس هو من نوع الي مبتكلمش عنها كتير ومبعترفش بيهم اصلا وعامل كيان خاص بي كده، جايز عشان كده بحترمه وهو قدوتي في الحياه.
رئيس ومدير وكاتب وصاحب مكتبه وقهوجي ، ها اي تاني.
اه والله هو كل ده
رئيس شركه التحرير، مدير سلسله شركات كبيره ليها علاقه بتحرير والقراء والكتابه بس بره مصر ،كاتب دي امم نسبها شويه
، وصاحب مكتبه كبيره هو عملها ومشغل فيها ناس
بكون في الشركه الصبح ويروح المكتبه دي بليل وفاتح فيها كافتيريا صغيره كده لما المكتبه تقفل بندخل بقي انا وهو ونشبرق علي نفسها مشروبات، وقهوجي دي بتاعتي انا
اه انا بخلي يعملي قهوه كل يوم غصب عنه، هاها شريره اوي.
في المكتبه مساءا.
رحمه بضربه بخفه بكتاب علي راسه: مساءو الباشا
صقر: تعرفي انه مفيش حد يقدر يعمل معايا الحركه دي؟
رحمه: غيري طبعا مش كده.
حطيت ايدي علي خدي وانا بقلها وببصله ببرائه فضحك كده ببرود ورد بهدوءه المعتاد.
صقر: نعمل ااي، قدري
رحمه: يبختك علفكره، وقوم عملي قهوه
صقر: انا شايفك بالعافيه اصلا، سبيني في حالي الله يسترك
رحمه: عرفه انك اتفرمت انهرده
صقر: كان لازم اعمل فيها جامد ومدير شركه بقي وكده
ما انا بابي مليونير لي الزل ده
رحمه: عشانك غاوي فرده يبيبي
صقر: انتي صح عشاني متربتش فعلا
رحمه: طيب اعملك انا قهوه بيدي؟
صقر بقلق: لاء لاء مش مرتحلك، انتي سخنه ول حاجه
رحمه: لي ديما فهمني غلط كده، معقول مش واثق فيا
صقر: ول بربع جنيه
رحمه: هو بس نلغي بارت اليوم و...
صقر: هاها، لو بتموتي
رحمه: صقوره باليز
صفر: اترزعي يا بت، هجيب القهوه واجي، قال اعملك قهوه بايدي قال اللهم ما احفظنا.
رحمه: علفكره بعملها حلو، رخم
صقر: هش، داهيه تاخدك يا بعيده.
اليوم التالي.... صباحا.
احمد: صباح الفل
رحمه: صباح النور
احمد: صوتك ده بجد! رقمك! تعرفي انه هندسه منمش بسببي امبارح
رحمه: ههه وانا كمان معرفتش انام وتكلمت مع ايه كتير وحكتلها الي حصل ومستنياك في زياره ليهم
احمد: اكيد، چو وحشني اصلا
text message
صقر: حوم عدي عليا علي المكتبه ضروري اوعي تنسي
صباحو يستا.
تقرئها رحمه اثناء المكالمه وتكمل الحديث
رحمه: احم احمد لازم اعدي علي صقر في المكتبه، انهرده الجمعه ولازم يبدأ في فرزها وتصححها ليا، غير اني عايزه اعرفه عليك، تيجي معايا
احمد: ماشي تمام، هخرج دلوقتي واجيلك
رحمه: مستنياك، عبال ما البس.
~~~~~~~~
في السياره.
احمد: قاعده وره برضه
رحمه: مش انت الي اصريت توصلني البس بقي، وانت عارف ده من زمان فسكت.
احمد: ماشي يا ست رحمه، اما نشوف اخرتها، مشغوله باي علي الاب
رحمه: بجمع الورق عشان الكتا... احم شغل، حاجات في الشغل
احمد: اه صقر ده مديرك يعني
رحمه: اه
احمد: تمام نكلمه ونقولو ياخد باله منك بقي زي بنته وبتاع
رحمه: بنته هههههه موتني
احمد: بتضحكي علي اي
رحمه: لما تروح هتعرف.
في المكتبه.
رحمه: صقوره
صقر: اي يا ست حوم ده كلو تاخير
رحمه: اسفه يستا والله، انزل من علي السلم الخشب ده، عايزه اوريك حد مهم
صقر بنزول علي السلم بيده وتحدث: كنت بمسحهم من العفار ونقيت ليكي تشكيله جديده تحفه وع.....
رحمه: صقر ده...
صقر: احمد اكيد "يمد يده له" انا محمد المالكي، تشرفت بيك
احمد: ثانيه واحده! محمد ازاي يعني وهي بتقلك صقر "بعصبيه ونظر لها" وانتي بتكلمي معاه كده ازاي هو قريبك؟
صقر: لاء بين عليك قفوش ومتعرفش انها صحبتي المفضله ول اي
احمد: صحبتك؟!
رحمه: اهدو يا جماعه في اي؟