رواية احببت مجنونةالجزء الثاني2
الفصل السابع عشر17
بقلم نجمه براقه
في شركة ياسين
صبا بتدخل الشركه وفي طريقها لمكتبها تصتدم ب انور اللي بيوقف قصادها بتعند و يبصلها من تحت لفوق باستهزاء
صبا بارتباك _ وسع من فضلك خليني اعدي
انور بحده _ مش هتعدي
صبا بخوف _ ليه
انور _ هتروحي شغل برا
صبا _ فين ده
انور _ هتروحي تسلمي شغل
صبا _ بس استاذ رياض مقاليش ارواح مكان
انور _ انا اللي بقول دلوقتي، اتفضلي خدي ده الشغل اللي هتسلميه و ادي العنوان، ربع ساعه وتكوني هناك انتي فاهمه
صبا بخوف _ حاضر ، بتاخد منه طرد والعنوان وتمشي
انور لنفسه_ معلش بقا الاستاذ رياض مش هيكون هناك عشان يلحقك المره دي
بيت سليم
جني بتكون قاعده في البيت وبتجهز فطور لنفسها وبعدين
تسمع صوت رساله ف بتفتحها
ياسين _ وحشتيني
جني بإبتسامة _ نعم ياسمك ايه انت خدت عليه اوي
ياسين _ اجر'مت لما قولتلك وحشتيني يعني
جني _ لا بس مفيش
مناسبه ولا علاقتنا تسمح
ياسين _ مش محتاج مناسبه عشان اقولك وحشتيني وعلاقتنا ان شاءلله ان شاءلله قريب هتسمح
جني _ يارب ربع ثقتك في نفسك
ياسين _ حبيني وانتي هتلاقيها
جني بإبتسامة _ انت غريب علي فكره وحاجه من الاتنين لاما مجنون لاما في دماغك حآجه
ياسين _ في دماغي انتي وبس
جني _ ماشي ياسيدي شكرا اتفضل بقا عاوزه اخلص اللي بعملو
ياسين _ بتعملي ايه
جني _ بجهز فطار
ياسين _ بتجهزي بنفسك معقول
جني _صغيره انا يعني ولا ايه
ياسين _ ايوه فين مامتك
جني بتنهيده _ الله يرحمها
ياسين _ انا اسف
جني _ مفيش اسف بس اشمعنا دي اللي مقلولكش عليها
ياسين _ مقلوش للأسف، انا اسف لو فكرتك
جني _ لا عادى انا اصلا مش فاكراها اصلها ماتت انا وصغيره اوي
ياسين _ امال مين كان بيرعاكي
جني _ بابا و يوسف اخويا، اكتر اتنين بيحبوني
ياسين _ حقهم في حد ميحبش بنت قمر زيك
جني _ انت مجامل لدرجة النفاق ع فكره.
ياسين _ ههههه انا مش عارف ليه انتي مش مصدقاني اثبتلك ازاي طيب
جني بإبتسامة_ امممم استني افكرلك في حآجه تعملها
ياسين_ ماشي انا مستعد اعمل اي حآجه تطلبيها
جني _ تجبلي بيتزا ومن مطعم انا هقولك عليه
ياسين _ بيتزاا؟ بتحبيها اوي لدرجة دي
جني _ اووي
ياسين _ اوك تمام
جني _ بس انت تروح بنفسك متبعتش حد ولا تطلب ديلفيري
ياسين لنفسه _ استر لتكون عملالي فخ
جني _ ايييه رجعت في كلامك ولا ايه
ياسين _ لا جاهز لاي حآجه قولي فين العنوان
جني _ هبعتهولك اهو..
ياسين _ تمام ماشي هجيبو واكلمك
جني _ تمام باي
جني_ اول اختبار نشوف هتنجح ولا لا
بسرعه بتغير هدومها وتخرج
في بيت هشام
ملك _ مالك يا رودينا
رودينا _ مفيش يا ماما انا تمام
ملك _ لا ازاي انتي مش علي طبيعتك
رودينا بتنهيده _ مفيش حآجه مهمه
ملك_ اخلصي اتكلمي ف ايه
رودينا _ في مشكله مع واحده صحبتي شغلاني شويه
ملك _ مالها صحبتك دي
رودينا _ اطرت تخد''ع حد وهي خايفه من اللي ممكن يحصل
ملك _ اطرت ازاي يعني هي دي فيها اطرار، لا ياحبيبتي هي اللي مش كويسه
رودينا _ ايوه ماهي لسه في البدايه مخدعتهوش اوي يعني
ملك _ دا اللي هو ازاي بقا، طالما داخله ونيتها خداع تبقا مش كويسه
رودينا بشرود _ عندك حق، طيب تفتكري ممكن تعمل ايه
ملك _ ترجع طبعا علشان كل ما بتكمل كل ما بيبقا حلها اصعب
رودينا لنفسها _ صح يا ماما، بس انا بجد مجبره اعمل كده عشان جودي وفي نفس الوقت انا زعلانه من نفسي وخصوصا انه بدأ يعاملني كويس
ملك _ هوووي انتي يابت روحتي فين مش سامعه تليفونك
رودينا _ هه اه حاضر، بتمسك التلفون وتفتحه تلاقي رسالة من يوسف
يوسف _ صباح الخير يا انسه رودينا ولا اقولك رودي
رودينا _ دي دي مياده، استاذنك اشوفها مالها
ملك بشك_ طيب روحي وسلميلي عليها
رودينا _ حاضر
بتدخل اوضتها وترد عليه
رودينا _ صباح النور .. قول اي حآجه وخلاص
يوسف _ مالك كده شكلك مش مظبط
رودينا _ مفيش حآجه ليه بتقول كده
يوسف _ مش عوايدك تتكلمي بهدوء ف قلقت
رودينا _ ههههه انا كويسه وانت
يوسف _ تمام، كنت قاعد بقراء ف جيتي علي بالي قولت ابعتلها القصه تقراها
رودينا _ قصة ايه
يوسف _ قصه عجبتني وقولت مفيش غير رودينا هي اللي ممكن تنقاشني فيها طالما بتحب القراءه
رودينا _ تمام ابعت
يوسف _ استني انا هبعتهالك وانتي ثبتيها عندك واقريها عشان تقوليلي رايك... تمام وصلتك
رودينا باندهاش _ اه وصلت، عجبتك القصة دي بجد؟
يوسف _ اوي حسيتها ولمست احساسي كمان
رودينا _ جميله فعلا انا كمان بحبها وقريتها قبل كده كذا مره
يوسف _ هااايل كده ممكن نتناقش دلوقتي،
رودينا _ تمام يلا ايه اللي لفت انتباهك ليها
يوسف _ لفت انتباهي ان البطل كان بيحب واحده من زمان وكان شايفها كل حياته لغيت ما قابل واحده تانيه ومن هنا بدات مشاعره واحسيسه تتلخبط
رودينا _ بصراحه مش عارفه احلل لكن انا كمان عجبتني اوي حتت اللخبطه في المشاعر، خد وقت كبير مقدرش يحدد احساسه تجاه البنت دي
يوسف _ حقيقي، انا مقتنع جداً بالقصه وان الحب الحقيقي ممكن يجي فجاه من غير اي ترتيب زي ما حصل معاه كده
رودينا بشرود_ هو ده ممكن يحصل في الحقيقة تفتكر
يوسف _ اكيد قلوبنا ليست لنا فهي تنبض لمن تشاء
رودينا بإبتسامة _ كده انا هاقول لجودي تحرص منك طالما مقتنع بالقصه اوي كده
يوسف _ جودي ههههه تصدقي اني نسيت اكلمها ونسيت اعرف اخبارها حتى
رودينا _ نسيت؟! اللي بيحب حد مش بينسا يسأل عليه
يوسف _ مش عارف بس بجد نسيتها خالص راحت من بالي وبمجرد ما خلصت القصه قراءة كلمتك علي طول، اصلي كنت بقراها وعلى بالي اني اناقشك فيها
رودينا بارتباك _ اه حلوه فعلاً ، متشكره انك شاركتني فيها
يوسف _ العفو انا اللي بشكرك علشان لقيت حد ليه نفس اهتماماتي كنت خلاص قربت افقد الامل
رودينا لنفسها _ ايوووه مكنتش اعرف ان هوايتي هتساعدني في المهمه دي، بس والله شكله ما يستاهل انتي ندله يابت
يوسف _ روحتي فين
رودينا _ معاك اهو
يوسف _ دايما يارب
رودينا بارتباك _ شكراً ... اسيبك دلوقتي ماما بتنده
يوسف _ طيب بس ممكن متكونش اخر مره نتكلم
رودينا بتوتر_ ا ان شاءلله، مع السلامه
يوسف _ ههههه خالت عليها شكلي كده مش محتاج وقت كبير عشان اوصل للي انا عاوزه
في المستشفي
هشام _ طمنا يا دكتور هو عامل ايه دلوقتي
الدكتور_ لسه الوضع زي ماهو، بس متقلقوش الحاله مستقره وان شاءلله هيقوم بسلامه، ادعولو
هشام_ متشكر يا دكتور
مراد بخنقه_ وبعدين معقول كل ده لسه مفقش انا هروح اصحيه
هشام_ استنا عندك الدكتور قال 48 ساعة لسه شويه متقلقش ان شاءلله هيكون كويس
مي بدموع _ انا خايفه عليه اوي، انا هدخلو
ياسمين_ اهدي ياحبيبتي مينفعش تدخلي الدكتور منعنا من الدخول
مي _ دقيقه ومش هتاخر بس ونبي اشوفه مره واحده
هشام _ استني بس لما الدكتور يرجع
مي تسند على الحيطه وتبكي
مراد يبصلها وهو صعبان عليه دموعها وبكاها وفي نفس الوقت مش قادر ينسا اللي عملته، لكن بيتناسا اي حآجه وياخدها في حضنه
مي ببكاء _ مش لما الاقيه يضيع مني تاني والله كده حرام
مراد بدموع_ انا السبب بس والله ما كنت اعرف انه هو بابا
مي _ لا مش انت، انا اللي عملت كل ده كان لازم اقولك كل حآجه من زمان
مراد _ بعدين نتكلم في الموضوع ده المهم نطمن عليه الاول
وبيسيبها ويروح عنده
هشام_ مراد ارجع كده غلط. لكن مش بيديلو اي اهتمام وبيروح يقعد جمبه ويبصله بتأمل
مراد_ ايه يا أستاذ مصطفى هتفضل نايم كده كتير، ولا انت زعلان منى وبتعاقبني، مش من حقك تزعل انا اللي زعلان منك اوي كمان، بس لو قومت دلوقتي انا ممكن اسامحك ... بدموع وترجي.. الله يخليك قوم عشان خاطري نفسي اتكلم معاك شويه تعبت اعيش من غير اب... درش قوم بقاا
بيجي هشام ومي وجودي وياسمين
هشام_ مراد كده غلط انت كده بتأذيه
مراد بدموع_ اتأخر اوي مش كفايه نوم ويقوم يكلمنا
مي ببكاء_ حبيبي هيقوم وهيكون كويس
مراد بانفعال يقرب منه ويمسك ايده_ لا كفاية كده قوم ياعم هتقعد نايم لامتي
هشام يشده لبعيد _ انت بتعمل ايه كفايه بقا
مراد بخنقه_ سيبني بس انا هصحيه يقعد معايا شويه وبعدين ينام تاني مينفعش يغيب كل ده ولما يرجع ينام كده ياعمي
هشام_ مراااد كفاية كده، هو هيفوق بس بشكل ده انت هتمو'ته
الدكتور بيجي _ انتو ايه دخلكم هنا، اتفضلو بره بسرعه
مراد بانفعال_ لا لازم تخليه يصحا امال انت دكتور ازاي، وسع كده، قوم يا مصطفى، طيب يابابا اي اسم بس قوم
الدكتور_ طلعوه برا بسرعه،
هشام يشده لبرا
مراد بانفعال_ سيبني دا دكتور فا'شل مبيعرفش يعمل حآجه
جودي تبص عليه وتبكي
هشام يحضنه بشده _ هيكون كويس اهدا وادعيلو
مراد ببكاء_ لو حصله حآجه انا مش هقدر اعيش يا عمي،
هشام _ اوعدك انه هيكون كويس، هو مر باصعب من كده وقدر يعديه ابوك قوي ميتخفش عليه
مراد _ يارب يارب
في مكان اخر،
داخل عماره في مكان بعيد بتوصل صبا وتبص للمكان بخوف
صبا_ اي المكان ده مفيش ناس ساكنه هنا ولا ايه.. استر يارب، بتستجمع قواها وتطلع للعنوان اللي مكتوب، واول ما بتوصل بترن الجرس لكن مفيش حد بيرد، بعدين تزق الباب ف تلاقيه مفتوح
صبا_ لو سمحتو في حد هنا الووو... مبتلقيش رد ف بتدخل بخطوات بطيئة وهي خايفه، وفجاه الباب بيتقفل عليها، تبص بسرعه نحيت الباب ف تلاقي انور واقف قدام الباب ومسنود عليه
انور _ اتأخرتي اوي
صبا بخوف _ انت قفلت الباب ليه، وليه خلتني اجي طالما انت جاي
انور يقرب منها ويشيل الجاكت والقميص ويرميهم _ معقول لسه مفهمتيش جبتك هنا ليه
صبا بخوف شديد تتراجع للخلف _ ارجوك سيبني امشي
انور يمشي وراها بهدوء_ وانا جايبك عشان تمشي بردو، انتي هتنوريني هنا شهر شهرين سنه اكتر، لغيت ما يجيلي مزاجي واسيبك وهو اتسلا شويه انتي اكيد متعرفيش اني عازب وانتي فاهمه الباقي بقا
صبا بصر'اخ _ الحقووووني، لو قربتلي هلم عليك الناس
انور يمسكها من ايدها ويشدها ليه ويحاويطها بأيده من خصرها_ معقول مفكيش عقل اوي كده مشفتيش المنطقه عامله ازاي يعني لو صوتي لسنه الجايه محدش هيلحقك
صبا ببكاء تحاول تبعده عنها _ الله يخليك سيبني وانا مش هرجع الشركه تاني والله
انور _ وبنسبه للقلم اللي ادتهوني، انتي مفكرتيش قبل ما تضر'بيني انا ممكن اعمل فيكي ايه، ويمسك طرحتها عشان يشيلها وفجاه بيغمي عليها بين ايديه
انور _ هممم ابتدينا شغل البنات، متعمليش نفسك ميته عشان مش هسيبك حتي لو جس'ه هامده.. اخلصي، لكن هي مبتردش
انور يخبط على و'شها عشان تفوق لكن مفيش استجابه _ دي اغمي عليها بجد، طالما انتى مش قد العب معايا لعبتي ليه من الاول اهممم يلا دلوقتي تفوق... بيشيلها ويدخلها جوه الاوضه وينومها علي السرير ويربط ايدها في السرير بكلبش .... خليكي كده لغيت ما اخلص منك القلم اللي ادتهوني دا انا هوريكي المر الو'ان
بيرجع لصاله عشان يلبس هدومه ويمشي وفجاه التليفون بيرن
انور _ الصغنن بيتصل ليه دلوقتي
مريم اخته الصغيره _ عشان افكرك بسكتش الرسم اللي قولتلك عليه انت بتنسا كتير
انور _ يا سلام بس كده تلات اربع اسكتشات يكونو عندك النهارده
مريم _ ومتنساش الالوان ههههه
انور _ ماشي يا استغلاليه، بتعملي ايه دلوقتي
مريم _ قاعده قدام التلفزيون
انور _ و فاطمه راحت فين
مريم _ مشيت
انور بانفعال _ مشيت يعني ايه وانتي قاعده لوحدك علي كده الست دي لازم تمشي
مريم _ اهدي شويه الست ابنها سخن وراحت تكشفلو وبعدين انا خلاص كبرت بقا عندي 16 سنه يعني اعرف اخد بالي من نفسي
انور _ متهزريييش انتي مينفعش تقعدي لوحدك افرضي النوبه جاتلك انتي و لوحدك
مريم ببكاء _ بطل تفكرني كل شويه اني عيانه انا خلاص خفيت
انور _ انا اسف بس انا بقلق عليكي
مريم _ متقلقش هي زمانها جايه بس بطل تقولي النوبه النوبه،
خلاص انا باخد حقنة الانسولين بانتظام ومحافظه علي اكلي كمان
انور بتنهيده _ حبيبتي انتي زي الفل بس انا بردو بقلق عليكي
مريم _ طيب ما تيجي انت
انور _ ماشي اجيلك جهزي الشطرنج عشان اهزمك دورين
مريم _ ههههه مش هتقدر
انور _ جهزي انتي بس وهنشوف
مريم _ ماشي يلا متتأخرش
انور _ماشي ياحبيبتي سلام
انور _ ماشي يافاطمه اما وريتك قولتلك مليون مره متسبهاش لوحدها لو تعبت مين ممكن يلحقها دلوقتي
صبا بتفوق وتستنجد بحد يلحقها
انور _ اهلا انتي فوقتي، بيروح عندها
صبا تبصله بخوف وجسمها كله بيترعش وببكاء _ انت عاوز مني ايه وربطني كده ليه الله يخليك سيبني امشي
انور ببرود يقرب منها ويميل عليها _ مينفعششش خلاص انتي هتقعدي هنا لغيت ما تن'تحري او تطلبي مني اقت'لك
صبا ببكاء _ خلاص انا مستعده اعتذرلك قدام الكل بس سيبني ونبي الله يخليك اهلي لو مرجعتش هيخربو الدنيا
انور ببرود _ خليهم كده كده مش هتشوفيهم تاني، فرفشي كده علشان نفسي ادلع تعرفي تدلعيني، شيلي الغطا ده مداري جمالك
صبا تلملم نفسها بخوف _ الله يخليك بلاش انا معملتلكش حآجه ولو علي القلم انت ممكن تدهوني وتسيبني امشي
انور _ مشش هيو'جعك الوجع اللي انا عاوزه انتي لازم تتكسر'ي وتكر'هي حياتك وعلى العموم مش هكسفك، وبكل قوته بيضر'بها بالقلم
صبا يغمي عليها مره تانيه من شدة الضر'به
انور يرفع وشها ليه ويلاقي د'م نازل من بوقها _ شديد القلم ده انت جايبها تر'بيها ولا تمو'تها، بيمسك منديل ويمسحلها الد'م
انور _ كده كويس، هروح وراجعلك كمان شويه يكون فوقتي عشان نكمل اللي بدأناه
في مكان عشوائي مليء باطفال الشوارع والايتام
ياسين يدخل الشارع بعربيته ويبص علي الاطفال اللي ملين المنطقه وشكلهم تعبانين ومش نضاف وفيهم اللي
ماشي بلبس مقطع
ياسين لنفسه _ معقول في كده، فين اهلهم دول
البائع _ اتفضل يا فندي تعاله اشتري مننا الاكل هنا هيعجبك
ياسين بعدم راحه _ ، انت اللي بتبيع بيتزا
البائع _ ايوه يافندي عندنا كل انواع البيتزا
ياسين _ طيب عاوز تلاته، فراخ ولحمه وجمبري
البائع _ عنيا حاضر، بعد دقيقة بيجبهملو وفي ثانيه بيلاقي كل الاطفال جايين ويبصو علي الأكل بشهيه ومنهم اللي يبتلع لعابه من شدة الجوع
ياسين _ فين اهالي العيال دي
البائع_ هما لو ليهم اهل كانو هيقعدو في الشارع كده
ياسين_ يعني كل دول ايتام
البائع_ في منهم يتيم ومنهم اللي اهلهم جعانين ف بيوزعوهم
دقيقة همشيهم عشان ميزعجوش حضرتك، امشي ياض انت وهو لا اضر'بك
ياسين_ لا لا سيبهم، هاتلي عشره تاني ولا اقولك هات كل اللي عندك وانا هحاسب
البائع_ والله انت رحيم وربنا هيرحمك ربنا يكتر من امثالك،
ياسين _ انت ياحبيبي اسمك ايه
الطفل اسمي ياسين
ياسين بفرحه_ وانا كمان اسمي ياسين بصره وبيضر'ب ايده في ايد الولد،
ياسين_ ايوه تعالو عمو جابلكم بيتزا، تعالو تعالو، وبيوزع عليهم البيتزا
ويحاسب ويمشي
الاطفال كلهم _ مع السلامه عمي بتاع البيتزا
ياسين بضحكه _
مع السلامه وبيركب العربيه عشان يمشي بس بيلاقي جني واقفه قدام العربيه
ياسين ينزل و باستغراب_
جيتي هنا ازاي
جني_ مكنش ينفع مجيش كان لازم اعرف هتعمل ايه في الاختبار الاول
ياسين_ بتهزري يعني دا كان اختبار
جني بإبتسامة_ ايوه
بس نجحت فيه الف مبروك
ياسين _ ههههه طلعتي مش سهله، اتفضلي البيتزا اهي
جني_ طيب خلينا ناكول مع بعض استني انا هجبلك حته عشان
انت ممكن تاكولها كلها
ياسين بإبتسامة_ مش عاوز بالهنا انتي
جني _ خسااااره كنت عاوزاك تاكول بس يلا مش مهم
ياسين_ ههههه بالهنا.. انتي تعرفي منين المكان ده
جني_ ليه صحبتي
ساكنه قريب من هنا ف لما باجي بشوف المنظر ده
ياسين _ وانتي جيباني هنا علشان تشوفيني هعمل ايه؟!
جني_ ههههه فهمت اهو
ياسين _ اوكي اوكي انا جاهز لاي اختبار طالما ممكن تقبليني اذا نجحت
جني_ دا اول اختبار الجاي اصعب ههههه
ياسين_ مفيش حآجه صعبه عليه قولي بس وميهمكش ***